1 PETRUS PEU INTAT HABA
PEU INTAT HABA
Surat Petrus Nyang Phon nyoe teutuju keu ureuëng-ureuëng Kristen nyang na bansaboh blaih utara Asia Ubit. Awaknyan teuhôi “umat piléhan Allah”. Tujuan nyang paleng peunteng lam surat nyoe na kheueh keu teupeukong iman bandum nyang baca nyang teungoh keunong seksa ngon iénanya sabab awaknyan meuiman ubak Almaseh. Petrus geupeuingat bak ureuëng nyang baca surat geuhnyan soai Haba Gét keuhai Isa Almaseh nyang ka jeuet keujaminan harapan awaknyan. Sabab, Isa Almaseh ka meuninggai donya, udeb lom teuma dan geumeujanji teuma teuka lom. Ngon dasai nyan awaknyan rela dan beu-ek jiteun deurita, sira jisadar bahwa deurita nyang keunong ateueh awaknyan na kheueh sibagoe teu-ujoe peu kheueh awaknyan biet-biet meuiman ubak Almaseh. Dan meunan cit awaknyan harôh yakén bahwa awaknyan teuma geubalaih lé Tuhan bak watée Isa Almaseh geutreun lom teuma.
Disampéng teupeukong iman bubena nyang baca surat geuh nyan nyang teungoh lam keususahan nyan, Petrus pih geulakée mangat awaknyan udeb sibagoe murit-murit Almaseh.
Asoe jih
Haba phon 1:1-2
Naseuhat mangat beuteuingat bahwa Allah geupeu seulamat manusia 1:3-12
Naseuhat mangat udeb khusos keu Po teu Allah 1:13–2:10
Keuwajéban ureuëng Kristen lam watée jiteurimong deurita 2:11–4:19
Beumiyueb até dan peulayanan ureuëng Kristen 5:1-11
Peunutôb 5:12-14
Currently Selected:
1 PETRUS PEU INTAT HABA: LAIACE
Highlight
Copy
Compare
Share
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.