1 RAJA-RAJA PEU INTAT HABA
PEU INTAT HABA
Kitab 1 Raja-raja nyoe na kheueh sibagoe sinambat atawa lanjutan nibak Kitab Samuel keuhai seujarah peumeurintahan raja-raja Israel. Seujarah nyang teutuléh di dalam Kitab nyoe jeuet teubagi lam lhée boh bagi: (1) Wafeuet jih Raja Nabi Daud dan teu angkat Nabi Sulaiman jeuet keu raja ateueh nanggroe Israel dan nanggroe Yehuda keu keugeunantoe Nabi Daud. (2) Peumeurintah Nabi Sulaiman dan hase useuha nibak peumeurintah geuh nyan, khusos jih bak geupeuget Baét Tuhan di Yerusalem. (3) Bansa Israel teubagi dua keurajeuen jeuet keu keurajeuen utara dan keurajeuen seulatan, dan seujarah raja-raja nyang mat peurintah ateueh bandua boh keurajeuen nyan sampoe ubak siteungoh abad keu sikureueng sigohlom thon tarech Masehi.
Didalam bandua kitab Raja-raja, tieb-tieb raja teunilai nibak dasai keuseutiaan raja nyan ubak Tuhan; dan meuhase bansa nyan na kheueh akibat nibak seutia nyan. Seubalek jih, teuseumah beurala dan hana geutem taát akibat jih na kheueh beuncana. Meudasai nibak peuneulitian nyan kheueh raja-raja nibak keurajeuen disiblaih si utara sabe hán hase, seudangkan raja Yehuda na nyang hana meuhase dan na cit nyang meuhase.
Nyang peunteung didalam 1 Raja-raja na kheueh nabi-nabi Tuhan. Awaknyan na kheueh tukang peugah haba Tuhan nyang lumpah beurani-beurani. Awaknyan geupeuingat raja dan bansa Israel mangat bék jiseumah ubak beurala dan hana jipeubeuáh ngon jipeuhina peue nyang ka geupeurintah lé Po teu Allah. Nyang paleng ukeue na kheueh Elia, dan kisah keuhai meuheuntam gobnyan deungon teungku-teungku imeum Baal (Pasai l8).
Asoe jih
Akhé peumeurintah Nabi Daud 1:1–2:12
Nabi Sulaiman jeuet keuraja 2:13-46
Peumeurintahan Nabi Sulaiman 3:1–11:43
a. Thon-thon awaiphon 3:1–4:34
b. Teupeuget Baét Tuhan 5:1–8:66
c. Thon-thon keuneulheuh 9:1–11:43
Keurajeuen nyang teubagi 12:1–22:53
a. Sukée-sukée diutara jibeurontak 12:1–14:20
b. Raja-raja Yehuda dan Israel 14:21–16:34
c. Nabi Elia 17:1–19:21
d. Ahab, raja Israel 20:1–22:40
e. Yosafat raja Yehuda dan Ahazia raja Israel 22:41-53
Currently Selected:
1 RAJA-RAJA PEU INTAT HABA: LAIACE
Highlight
Copy
Compare
Share
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.