1 KORINTUS PEU INTAT HABA
PEU INTAT HABA
Surat Paulus Nyang Phon Keu Jeumaáh di Korintus geutuléh keu teubahas soai-soai nyang jiteuka lam jeumaáh nyang ka geupeudong lé Paulus di banda Korintus nyan. Soai-soai nyan na kheueh keuhai udeb dan keupeucayaan ureuëng Kristen. Bak watée nyan Korintus na kheueh saboh banda Yunani, ma banda propinsi Akhaya nyang jitamong lam wilayah peumeurintahan Roma. Banda nyoe, nyang peunduduek jih meujampu ngon meubagoe sukée bansa; meugah that sabab keumajuan jih lam haimeuniaga, keubudayaan nyang manyang, teuma lom keuadaan susila jih nyang miyueb lom teuma sabab na meubagoe-bagoe agama nyang laén nibak banda nyan.
Nyang phon that jeuet keupikeran Rasui Paulus na kheueh keuhai meucrebre dan keujeuhetan nyang na lam jeumaáh, lom teuma keuhai soai-soai seks dan meukawen, soai até nurani, tatateureutib lam jeumaáh, karonya-karonya Roh Allah, keuhai jibeudôh ureuëng maté. Ngon pandangan nyang lhok, Paulus geupeuleumah pakriban Haba Gét nyang teuka nibak Allah nyan teupeugah keusoai-soai nyan.
Pasai 13 teupeugah ciri-ciri gaséh sayang seujati. Pasainyoe mungken pasai nyang paleng meugah nibak pasai-pasai laén nyang na lam kitab nyoe.
Asoe jih
Haba phon 1:1-9
Hana sapeue kheun lam geureuja 1:10–4:21
Soai seks dan udeb keuluwarga 5:1–7:40
Ureuëng Kristen dan ureuëng nyang hana jiseumah Allah 8:1–11:1
Keuhai udeb jeumaáh dan iébadat 11:2–14:40
Keuhai Almaseh geubeudôh dan ureuëng-ureuëng Kristen nibak maté 15:1-58
Sumbangan keu ureuëng-ureuëng Kristen di Yudea 16:1-4
Hai-hai pribadi dan peunutôb 16:5-24
Currently Selected:
1 KORINTUS PEU INTAT HABA: LAIACE
Highlight
Copy
Compare
Share
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.