1 TAWARIKH PEU INTAT HABA
PEU INTAT HABA
Kitab 1 dan 2 Tawarikh nyoe na kheueh nyang paleng le asoe jih keuhai keujadian-keujadian nyang ka teutuléh didalam kitab Samuel dan kitab Raja-raja. Teuma didalam kitab Tawarikh keujadian-keujadian nyan teucalitra rot pandangan nyang laén. Seujarah keurajeuen Israel didalam kitab Tawarikh nyoe teutuléh deungon dua boh meukeusut nyang paleng utama.
1. Sibagoe sinunyok bahwa bahpi keurajeuen Israel dan Yehuda sabe jiteuka deungon hai-hai nyang malang, teuma Po teu Allah teutab mantong geumumat ubak janji Gobnyan keu bansa nyan, dan geupeubuet reuncana Gobnyan keu umat Gobnyan rot ureuëng-ureuëng nyang na tinggai di Yehuda. Peunuléh yakén that keuhai nyan sabab gobnyan geuingat keu hai-hai nyang rayeuk nyang geuteumé lé Nabi Daud dan Nabi Sulaiman, meunan cit deungon keuhai-hai nyang barô nyang ka geupeubuet lé Yosafat, Hizkia dan Yosia. Meunan cit sabab mantong na ureuëng-ureuëng nyang mantong teutab jiseumah Po teu Allah.
2. Keuteupeugah asaiphon iébadat di Baét Tuhan di Yerusalem, nyang phon that keuhai susonan jabatan teungku imeum dan ureuëng Lewi nyang meutugaih didalam upacara iébadat nyan. Bahpi Baét Tuhan nyang di Yerusalem geupeudong lé Nabi Sulaiman, teuma lam kitab Tawarikh nyoe Nabi Daud nyang teupeugah sibagoe ureuëng nyang peudong nyang sikeubit jih nibak Baét Tuhan nyan dan upacara-upacara iébadat didalam nyan.
Asoe jih
Silsilah Nan-nan 1:1–9:44
Wafeuet Raja Saul 10:1-14
Peumeurintahan Nabi Daud 11:1–29:30
a. Nyang susah payah nyang geuteurimong dan hai-hai nyang hase geuteumé 11:1–22:1
b. Peusiapan keuteupeudong Baét Tuhan 22:2–29:30
Currently Selected:
1 TAWARIKH PEU INTAT HABA: LAIACE
Highlight
Share
Compare
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.