1 TAWARIKH 27
27
Peujabat-peujabat tantra dan sipil
1-15Urusan peumeurintah keurajeuen Israel lé ulée-ulée keuluwarga, peumimpén-peumimpén kawöm dan peuwira-peuwira. Tieb-tieb thon treb jih sibuleuen na saboh keulompok nyang meutugaih seucara meugantoe-gantoe dimiyueb pimpénan sidroe ulée. Maséng-maséng keulompok na 24.000 droe ureuëng.
Nyoe kheueh na ulée keulompok nyang meutugaih keu tieb-tieb buleuen:
Buleuen nyang keu phon: Yasobam aneuëk Zabdiel (geuhnyan anggota kawöm Peres sukée Yehuda).
Buleuen keudua: Dodai, keuturonan Ahohi. Miklot na kheueh waki gobnyan.
Buleuen nyang keulhée: Benaya aneuëk Imeum Yoyada; gobnyan jipimpén “Keulompok Tridasawira” (Amizabad aneuëk gobnyan na kheueh waki geuh).
Buleuen nyang keu peuet: Aseal syedara Yoab (geunantoe gobnyan na kheueh Zebaja, aneuëk geuh).
Buleuen nyang keulimong: Samhut, keuturonan Yizrah.
Buleuen nyang keunam: Ira aneuëk Ikes, nibak banda Tekoa.
Buleuen nyang keu tujoh: Heles, keuturonan Efraim nibak banda Peloni.
Buleuen nyang keu lapan: Sibkhai nibak banda Husa (gobnyan anggota kawöm Zerah, sukée Yehuda).
Buleuen nyang keu sikureueng: Abiezer nibak banda Anatot di wilayah sukée Benyamin.
Buleuen nyang keu siploh: Maharai, keuturonan Zerah nibak banda Netofa.
Buleuen nyang keu siblaih: Benaya nibak banda Piraton di wilayah sukée Efraim.
Buleuen nyang keu dua blaih: Heldai keuturonan Otniel nibak banda Netofa.
Ulée-ulée sukée lam bansa Israel
16-22Nyoe kheueh dafeutar nan-nan ulée sukée lam bansa Israel:
| Sukée | Ulée |
| Ruben | Eliezer aneuëk Zikhri |
| Simeon | Sefaca aneuëk Maakha |
| Lewi | Hasabya aneuëk Kemuel |
| Harun | Zadok |
| Yehuda | Elihu, na kheueh salah sidroe syedara Nabi Daud |
| Isakhar | Omri aneuëk Mikhael |
| Zebulon | Yismaya aneuëk Obaja |
| Naftali | Yerimot aneuëk Azriel |
| Efraim | Hosea aneuëk Azazya |
| Manasye nyang siblaih ubarat Krueng Yordan | Yoël aneuëk Pedaya |
| Manasye nyang di siblaih u timu Krueng Yordan | Yido aneuëk Zakharia |
| Benyamin | Yaasiel aneuëk Abner |
| Dan | Azareel aneuëk Yeroham |
23 #
Keuj. 15:5, 22:17, 26:4 Nabi Daud hana geupeukeunong seunsus ateueh ureuëng nyang meu-umu dimiyueb 20 thon, sabab Tuhan ka geumeujanji geukeuneuk peujeuet ureuëng Israel nyang le jih sidub bintang nyang na di langét. 24#2Sam. 24:1-15; 1Taw. 21:1-14 Yoab aneuëk Zeruya ka geupeuphon peuna seunsus, teuma buet geuhnyan hana geupeuseuleusoe, sabab Po teu Allah ka geuhuköm ureuëng Israel, kareuna seunsus nyan. Nyang kheueh sabab jih awaknyan hana teucetet padub jeumeulah jih didalam kitab Raja Daud.
Nyang uroih hareuta atra milék raja
25-31Nyoe kheueh dafeutar nan ureuëng nyang jeuet keupeunguroih hareuta milék raja:
Gudang-gudang nyang na nibak meuligoe dan di Yerusalem: Azmawet aneuëk Adiel
Gudang-gudang nyang na di luwa Yerusalem: Yonatan aneuëk Uzia
Nyang meukeureuja di blang: Ezri aneuëk Kelub
Nyang uroih lampĂ´h-lampĂ´h anggĂ´: Simei nibak banda Rama
Nyang uroih teumpat-teumpat teukeubah anggĂ´: Zabdi nibak banda Syifmi
Bak zaiton dan bak ara (nibak gaki peugunongan di siblaih ubarat): Baal-Hanan nibak banda Gederi
Nyang uroih teumpat teukeubah minyéuk zaiton: Yoas
Nyang uroih beulatang peulara nyang na di Padang Saron: Sitrai nibak banda Saron
Nyang uroih beulatang peulara nyang na di pantôn-pantôn: Safat aneuëk Adlai
Nyang uroih unta: Obil keuturonan Nabi Ismail
Nyang uroih keuleudée: Yehdeya nibak banda Meronot
Nyang uroih bubiri ngon kaméng: Yazis, ureuëng Hagri.
Nyang jeuet keupeunaseuhat pribadi Nabi Daud
32Apha Nabi Daud nyang nan geuh Yonatan, na kheueh sidroe peunaseuhat nyang carông lhom malém. Gobnyan dan Yehiel aneuëk Hakhmoni geubri tugaih tanggong jaweueb ateueh peundidikan aneuëk agam raja. 33Ahitofel na kheueh peunaseuhat raja, dan Husai ureuëng Arki na kheueh nyang bri naseuhat dan rakan krab raja. 34Óh ka lheueh Ahitofel meuninggai donya, gobnyan jigantoe lé Abyatar dan Yoyada aneuëk Benaya. Nyang jeuet keupanglima angkatan prang keurajeuen na kheueh Yoab.
Currently Selected:
1 TAWARIKH 27: LAIACE
Highlight
Share
Compare
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
