2 Sámìɔ̀ 16
16
Dèɓé wãã̀ Zíbà
1Lɛ̀ Dèɓé yà zie tɔ̃̀ ɓɛ tuo ɓlɵ́téé káɛ, wãã̀ Mɛ̀fíbósɛ̀a yiɛmɛ̀ Zíbà wóo kóye sòfã̀ã pèètɛ wóo tàkũɛ ká, é ɓɵ̀pǝ̀nù kǝ̀ wo tààɛ̀ tɔɔ blɛɛ̀kpo kǝ̃̀ǝ̃ pèètɛ, gréè kpɛ́á bè kǝ̃̀ǝ̃ do, ɓɵ̀ xlɥ̀ɓɛ sàà bè kǝ̃̀ǝ̃ do, wãã̀ wã́ìn wɥkwiɓɔ̀ɔ paɥ̀ do. 2Lɛ̀kɔ̀ɔɛ Kíŋ Dèɓé yà pɵ Zíbà lǝ̀, “Mǝ̀kǝ̀ ɥ́ nu pǝnù nɛ̀ káɛ?”
Zíbà yà pɵ, “Sòfã̀ã ɓɛ a nù wo ká ɥ píékeemɛ̀nù lɛ̀ wã̀ã̀ tá, blɛɛ̀ wãã̀ xlɥ́ɓɛnù ɓɛɛ a nùa ɓa krúánù wã̀ã̀ ɓɵ̀, wã́ìn ɓɛ dèe kǝ mɛ̀nù wo fã̀ã yà nyiɛ yɛ̀igɥ́ɛ wã̀ã̀ mɥ.”
3Lɛ̀kɔ̀ɔɛ Kíŋ Dèɓé yà pɵ, “Ч dɛn Sɔ́ɔ̀a naá Mɛ̀fíbósɛ̀ é mǝ́ɛ?”
Zíbà yà pɵ kíŋ lǝ̀, “Lɛ̀gà, è tò Zɛ̀rúsálɛ̀n pɵɵ, ɓií yà pɵ̀, ‘Gbɛ̃́ã̀ɛ̃̀ Ézrɛ̀ píékeemɛ̀nù wò lò n dǝ vàa kíŋsɛ̀ nu n lǝ̀.’ ”
4Lɛ̀kɔ̀ɔɛ kíŋ yà pɵ Zíbà lǝ̀, “Lɛ̀gà, pǝ sáálɵ wó kǝ̀ Mɛ̀fíbósɛ̀a pǝnù káɛ wà tó ɓa pǝnù ká.”
É Zíbà yà pɵ, “Ƃa yuɔkǝmɛ̀ mɥ̀ n ká. Gó n wɔ̃̀yí è kã́ ɥ lǝ̀ kplàɓo, n dɛn ma kíŋ.”
Dèɓé wãã̀ Símíyà
5Lɛ̀ Kíŋ Dèɓé è nu Bàhúrìn pɵɵɛ̀, gɔ̃ɔ̃̀ é kǝ̀ Sɔ́ɔ̀ kpɔ̀grú do ká wô tɔ́lɛ̀ Símíyàɛ̀, è kǝ̀ Gírà gbɵ ká. Lɛ̀ é kǝ̀ nulɛ̀àɛ̀ kǝ è láŋá kpɔ́là Dèɓé ká. 6É Kíŋ Dèɓé wãã̀ yaa yuɔkǝmɛ̀nù zùò gùǝ̀ ká, kɵ́dèe kɛ̃̀ɛ̃̀ àɓà mɛnù sáálɵɛ wãã̀ krúázǝ̀ wò kǝ̀ à píé à krɛ̀ɛ̀ wãã̀ à kɔàgɥ́ɛ ká. 7Símíyà è láŋá kpɔ̀a wòa nɛ̀ɛ̀, “Ƃò gó zɵ, ɓò gó zɵ, fɛírò gɔ̃̀ɔ̃̀ fɛ́ìfɛ̀ì ɥ́ nɛ̀! 8Ч Sɔ́ɔ̀a kíŋsɛ̀ kũ̀ ɥ́ yààlà, lɛ̀ é pɵ́ɛ Yàwɛ yà ɥ kɔ̀ɔ̀ nu Sɔ́ɔ̀ píékeemɛ̀nù fɛí ɥ́ wròɛ̀ mɔ́ɔ̀wɔ̃̀ɓà, é Yàwɛ yà kíŋsɛ̀ ɓɛ dɔ ɥ gbɵ Ásálɔ̀n kwɛɛ. Lɛ̀gàɓǝ, ɓa gɥ́sìèle yà nu ɥ dè tuo, ɓií fɛíròmɛ̀ mɥ̀ ɥ ká.”
9Lɛ̀kɔ̀ɔɛ Ábísàì Zɛ̀rúà gbɵ yà pɵ Kíŋ Dèɓé lǝ̀, “Mǝ̀kǝ̀ gbɛ̃ gɵ̀ɵ̀ wɛ́á nɛ̀ é láŋá kpɔ́là ma kíŋ, ɥ ká nɛ̀? Gó á ló má â gɔ̀ sɥ́àlàɛ̀.”
10Kǝǝ Kíŋ Dèɓé yà pɵ̀, “Kaa mǝ̀wɔ̃̀ mɥ̀ì, Zɛ̀rúà gbɵnù ká nɛ̀? É kɛ̃̀ɛ̃̀ Yàwɛà pɵ̀àlǝ̀ è láŋá kpɔ́ n káɛ dɵ̂ mɔ̀à nyàà pɵ, ‘Mǝ̀kǝ̀ ê kɔ̀ɔ̀ɛ?’ ” 11Lɛ̀kɔ̀ɔɛ Dèɓé yà pɵ Ábísàì wãã̀ àɓà yuɔkǝmɛ̀nù lǝ̀, “Lɛ̀ n dè n gbɵ lɵ̂ mɛ̀ɛlà nyɛ̀ɛ̀ n zǝɛ, kǝ Bɛ́nzémɛ̀mi nɛ̀à! Kà gó à zɥ̀ è láŋá kpɔ́, ɓií Yàwɛ ê pɵ yà kɔɔ́. 12Yigbúkáɛ Yàwɛ è lò lɛ̀gà ma króɓole là nyɛ̀ɛ̀ n kɔ̀ɔ̀ nu lúà ká láŋá é kpɔ́là n ká gbɛ̃́ã̀ nɛ̀ pĩgɥ́.” 13Lɵɛ Dèɓé wãã̀ yaa gɔ̃ɔ̃̀nù wò lò wo líe zɛ̃ãpíé, kǝ Símíyà è bɔà tɔ̃̀ gúà yaà tòa wo píé, yaà láŋá kpɔ̀, ê zùò gùǝ̀ ká, yaà muù pɛ̃̀ àɓà. 14Lɛ̀ kíŋ wãã̀ yaa mɛnù sáálɵ wó kǝ̀ à píéɛ wò wò lɛ̀ wó loàɛ̀ ɓàɛ̀ kǝ wà kǝ tǝ́ǝ́tǝ̀ wo gɥ́ yà ga dèèdè. Lɛ̀ ɓɛ wóo fùà à ɓà.
Ásálɔ̀n wãã̀ yaa mɛnù wò Zɛ̀rúsálɛ̀n
15À yi ɓɛ káɛ Ásálɔ̀n wãã̀ Ézrɛ̀mɛ̀ wó kǝ̀à píéɛ wò nù Zɛ̀rúsálɛ̀n, é Àhítófǝ̀ è kǝ̀ wo píé. 16Lɛ̀ é Dèɓé ɓá Ákèmi Húsàì è nu Ásálɔ̀n píéɛ, Húsàì yà pɵ Ásálɔ̀n lǝ̀, “Kíŋ ɓò grɔ̀ɔ̀! Kíŋ ɓò grɔ̀ɔ̀!”
17Lɛ̀kɔ̀ɔɛ Ásálɔ̀n yà pɵ Húsàì lǝ̀, “Zɛ̃ã ɥ̂ ká wɔ̃́dèzǝ̀ ɥ ɓá lǝ̀ɛ̀ é nɛ̀à? Mǝ̀kǝ̀ kãã̀ ɥ ɓá kaá lóe?”
18Lɛ̀kɔ̀ɔɛ Húsàì yà pɵ Ásálɔ̀n lǝ̀, “Kpɛ́íi, ɓií mɛ é Yàwɛ, ĩ́ĩ́ mɛnù wó nɛ̀, wãã̀ Ézrɛ̀mɛ̀ sáálɵɛ wàà sɥ́ɛ á lo kǝ à ɓà mɛá ĩ́ĩ́ ye á lo to à píé. 19Dɵ dè á lo to à píée? Ƃi Dèɓé gbɵ mɥ̀, kǝ ã́ã̀ yuɔkǝ ɥ lǝ̀ nɛ̀zɛ̃ã â kǝ̀a ɥ dǝ lǝ̀ɛ̀ lɵ́.”
20Lɛ̀kɔ̀ɔɛ Ásálɔ̀n yà pɵ Àhítófǝ̀ lǝ̀, “Ƃò ɥ ɓà zrɔ̀à zɔ̃̀ wɔ̃́ nɛ̀ gɥ́, mǝ̀ kwá loà kǝɛ̀?”
21Àhítófǝ̀ yà pɵ Ásálɔ̀n lǝ̀, “Ƃò ló kãã̀ ɥ dǝa mɛsǝ̀nù é wo to kɔ́píé ɓɛ kaa sɛ̀ɛ è kǝ do. Yàkɔɔ́ɛ Ézrɛ̀mɛ̀ sáálɵɛ wò lòà ma nɛ̀ɛ̀ ɓá ɥ dè kǝ ya ɥ dǝ lǝ̀, kǝ wo fã̀ã nyɛ̀ɛ̀ mǝ́ wo gɥ́ nyɛ̀ɛ̀ kǝ gbéè.” 22Lɵɛ wò sɔkɔ́ dɔ̀ kɔ́ là nan, é Ásálɔ̀n wãã̀ à dǝa mɛsǝ̀nù ɓɛ waa sɛ̀ɛ è kǝ̀ do Ézrɛ̀mɛ̀ sáálɵɛ pɛá.
23À yi ɓɛ káɛ zrɔ̀à é Àhítófǝ̀ yà zɔ̃̀ɛ̃̀ è kǝ̀ nɛ̀ɛ̀ mɛ éye gɔ̀dã Aaɓi-líwò pɵmɛ̀ káɛ lɵ́. Zɛ̃ã nɛ̀ é Àhítófǝ̀a zrɔ̀à è kǝ̀a kpã̀ã̀zǝ̀ teelɵ Dèɓé wãã̀ Ásálɔ̀n wo lǝ̀.
