2 Sámìɔ̀ 13
13
Ámɔ̀n wãã̀ Támà
1Dèɓé gbɵ Ásálɔ̀n legrú lezǝ̀ sǝ̀ è kǝ̀ lɵ̀ wô tɔ́ lɛ̀ Támà, é Ámɔ̀n Dèɓé gbɵ yà lɔ̀kǝ̀a. 2Lɛ̀ ê lɔ̀kǝ̀a dùòɛ̀ éye dè kǝ̀ yɔ́ámɛ̀ ká, ɓií Támà è kǝ̀ nǝ́le bànà ká, à srǝ́ gbɛ yaá kǝlɵ̀ Ámɔ̀n gɔ̀ nyɛ̀ɛ̀ pǝgbɛ kǝá. 3Kǝǝ Ámɔ̀n ɓá do è kǝ̀ lɵ̀, à tɔ́ tɔɔ Zɔ́nádà. È kǝ̀ Sémìà Dèɓé legrú gbɵ ká. Zɔ́nádà è kǝ̀ mɛ kpláákplà dèèdè ká. 4Ê pɵ Ámɔ̀n lǝ̀, “Óó kíŋ gbɵ, mǝ̀kǝ̀ ɥ́ kǝ̀ kɔ́nkɔ̀n lɛ̀àlíé yì sáálɵɛ ká nɛ̀? Ч ká ló pǝ é kǝ̀ɛ̀ biɛ̀ n lǝ̀à?”
Ámɔ̀n yà pɵà lǝ̀, “N legrú Ásálɔ̀n legrú lezǝ̀ Támà ɓɛ yè n lǝ̀ sǝ̀.”
5Zɔ́nádà yà pɵà lǝ̀, “Ƃò wɔan ɥ wɔ̀lɛ̀ ɓà ɥ́ kǝ nɛ̀ɛ̀ mɛ é yɔ́á lɵ̂ kǝlàɛ̀ lɵ́. Àyé ɥ dǝ yà nu ɥ ɓòyielɛ̀àɛ̀, ɓòà pɵà lǝ̀, ‘N dǝ, wéàɓà kǝ n legrú lezǝ̀ Támà nyɛ̀ɛ̀ nu blɛɛ̀ ká ã́ã̀ ɓɵ̀, nyɛ̀ɛ̀ ɓɵ̀pǝ̀ ɓɛ pǝ̀kǝ n nyálà, â ye â kṹ à kwɛ ã́ã̀ ɓɵ̀.’ ” 6Lɵɛ Ámɔ̀n è wɔ̀sɛa nɛ̀ɛ̀ mɛ é yɔ́á lɵ̂ kǝlàɛ̀ lɵ́.
Lɛ̀ kíŋ yànu à ɓòyielɛ̀àɛ̀, Ámɔ̀n yà pɵà lǝ̀, “A ɓɛ̀à ɥ lǝ̀, gó n legrú lezǝ̀ Támà è nu è ma blɛɛ̀ kpɛ́á kǝ n nyáá, kǝ ã́ã̀ pǝɓɵ̀ à kwɛɛ̀.”
7Lɛ̀kɔ̀ɔɛ Dèɓé è mɛ bɔ Támà píé kíŋ píékee wã̀ã̀ pɵàlǝ̀, “Ƃò ló ɥ legrú Ámɔ̀n píékee ɥ́ ɓɵ̀pǝ̀ kǝ à lǝ̀.” 8Lɵɛ Támà è lo e legrú Ámɔ̀n píé kɔ́làà, lɛ̀ é kǝ̀ wɔùká sɛa àɓàɛ̀ ɓà. É blɛɛ̀ yɵ́ɥ́sɥ̀ sɥ, ê mà, ê zɛ̃̀ã̀, é kǝ̀ blɛɛ̀ kpɛ́á ká à nyáá. 9É blɛɛ̀kǝ̀ɥ pǝ̀ ɓɛ gɥ́ɓo à nyáá, kǝǝ Ámɔ̀n yaá wéà nyɛ̀ɛ̀ pǝɓɵ̀. Ê pɵàlǝ̀, “Ƃò mɛ sáálɵɛ kǝ wò ló.” É wo sáálɵɛ wó lo. 10Lɛ̀kɔ̀ɔɛ Ámɔ̀n yà pɵ Támà lǝ̀, “Nu ɓɵ̀pǝ̀ ɓɛ ká n wɔ̀lɛ̀ ɓà ɥ̂ ló n lie.” É Támà è blɛɛ̀ kpɛ́á ê kǝ̀ ɓɛ sɥ é nuá e legrú Ámɔ̀n wɔ̀lɛ̀ ɓà. 11Kǝǝ lɛ̀ yà blɛɛ̀ sɥ́ nyàà ló à lieɛ, Ámɔ̀n è gblòò é yàà ɓà ê pɵàlǝ̀, “N legrú, ɓò nu wɔ n sɔ́ koo sɛ̀ɛ è kǝ do.”
12Ê zǝnu à lǝ̀ ê pɵ, “Kpɛ́í, n legrú, kɵ́kǝ̀ ɥ́ n kũ gbéèlɛ̀à. Ƃií wɔ̃́ sùu nǝ̀ǝɛ yáá kǝ Ézrɛ̀ sɛ̀ gɥ́. Kɵ́kǝ̀ ɥ́ bɔ̃́ɔ̃̀wɔ̃̀ xlǝzǝ̀ sùu pɵ́ɛ kǝ̀. 13Ƃií yà kǝ pɵ́ɛ a lò n gɔ̀ dɔ ma xlǝ ɓɛ ká mǝ́ɛ? Ƃi dèe ɥ lò kǝ nɛ̀ɛ̀ bɔ̃́ɔ̃̀wɔ̃̀ xlǝzǝ̀ kǝ mɛ̀ wó Ézrɛ̀ sɛ̀ gɥ́ɛ waa mɛ do lɵ́. Lɛ̀ é pɵ́ɛ, a ɓɛ̀à ɥ lǝ̀, ɓò wɔ̃́ biɛ̀ kíŋ lǝ̀, yàkɔɔ́ɛ wɔ̃́dèká, yè lò n nu ɥ lǝ̀.” 14Kǝǝ yaá e tó gbɛ tó à gɔ̀. Lɛ̀ à gɥ́ è kǝ̀ gbéèɛ̀ é gɔ̃̀ɔ̃̀ yà Támà ɓà yé à kɔ̀zìè à gɔ̀.
15Lɛ̀ yà kɔɔ́ɛ Támà lɔ̀ è nyìɛ̀ Ámɔ̀n ɓà gbɔɔ yaaká é zìèa poo lɔ̀kǝ̀a é kǝ̀à gɥ́ líé à bũã̀ɛ̃̀ là. É Ámɔ̀n yà pɵà lǝ̀, “Wruù ɥ́ ye plan.”
16Kǝǝ Támà yà pɵ̀àlǝ̀, “Kpɛ́í, n legrú, ɓií n yè plansɥ̀ é nɛ̀ è ya dèèdè é zìèa àyé ɓâ kǝ n káɛ làluo!”
Kǝǝ Ámɔ̀n yaá e tótó à gɔ̀. 17É nǝ́gɔ̃ɔ̃̀zǝ̀ do é yuɔkǝlà àɓàɛ̀ lɔ̀ɔ̀kǝ̀ ê pɵàlǝ̀, “Ƃò le nɛ̀ ye plan è gó n pɛá, ɥ́ kɔ́lí ɓɛ tã̀ã̀ ye.” 18Lɵɛ àɓà yiɛmɛ̀ è nǝ́ɓɛ yè plan, é kɔ́ ɓɛ tã̀ã̀ ye.
Támà è kǝ̀ gblan gbɛ̃̀ɛ̃̀ kɔ̀ gbɛ̃̀ɛ̃̀zǝ̀ dàlɛ̀à, ɓií zɛ̃ã kíŋ lú nù wó bànà káɛ wó kǝ̀à kǝlɛ̀à à ká kwɛ̀iɛ é ɓǝ. 19Lɛ̀kɔ̀ɔɛ Támà è bɥ̀ɵ̀ wrò e tuo, é yaa gblan é kǝ̀àɓàɛ̀ pɛ̀, éye kɔ̀ pèètɛ dà e tuo yaà gbɵbɔ̀ gbéè ká yaà lòa. 20Lɛ̀ à legrú Ásálɔ̀n yà yeɛ, ê lɛ̀ɛ̀kpɔ́kǝ̀ ê pɵ, “Ámɔ̀n é wɔ̃́yaa kǝ̀ ɥ ká ɓǝà? Ƃa gǝ̃̂sǝ̀, ló ɥ zòɔ lǝ̀ sɛa, ɓií kãã̀ ka dǝ è do, àmɔ́ɔ̀wɔ̃̀gɥ́ɛ kɵ́kǝ̀ ɥ̂ bìɛ̀ mɛgbɛ lǝ̀.” É Támà è yaa kǝ̀àgɥ́sɥ̀ kǝ̀ gbɔ Ásálɔ̀n píékee ye sróóká, yénzǝ̀ ká.
21Lɛ̀ Kíŋ Dèɓé yà wɔ̃́nù nɛ̀ maɛ, wɔ̃̂ nàà zòà dèèdè. 22Kǝǝ Ásálɔ̀n yaá wé Ámɔ̀n píé dɔ́ɔ́ sǝ̀ ĩ́ĩ́ dɔ́ɔ́ yaa dɔsɥ̀ ká gbɔ, ɓií à lɔ̀nyìɛ̀ àɓà wɔ̃́ ê kǝ̀ à legrú Támà káɛ mɔ́ɔ̀wɔ̃̀ã̀.
Ásálɔ̀n a wɔ̃́ gbɔ̀ɓosɥ̀
23Lɛ̀ à kwɛ̀ pèètɛ yà zieɛ Ásálɔ̀n yè kǝ̀ yaa ɓlánù kaɓolɛ̀à lɛ̀ é Béè-házɔ̀ pɵɵɛ̀ ɓà, Ífrɛ̀n pɵ̀ sɔ́, é kíŋ gbɵnù sáálɵɛ lɔ̀ɔ̀kǝ̀ má. 24Nyɛ̀ɛ̀ kɔ̀ kǝ̀pɵ́sɥ̀àɛ̀ Ásálɔ̀n yè nù kíŋ píé ê pɵ, “Lɛ̀gà, ɓa yuɔkǝmɛ̀ é n káɛ a ma ɓlánù kaɓolà woà, ɓa gǝ̃̂sǝ̀ kãã̀ ɥ kɔ̀píémɛ̀ sáálɵɛ kà nu à ŋwáà ɓɛ là.”
25Kǝǝ kíŋ ɓɛ yà pɵ̀ Ásálɔ̀n lǝ̀, “Héyè, n gbɵ, kɵ́kǝ̀ wɔ̃́ è nu kǝ ɥ kɔ̀là gbín.” Yà fũ̀ã̀fṹã́ kǝ̀, kǝǝ à dǝ yaá ló kǝǝ è lúàkpɔ̀ àɓà.
26Lɛ̀kɔ̀ɔɛ Ásálɔ̀n yà pɵ, “É kɛ̃̀ɛ̃̀ ɥ ká lóɛ, ɓɛà â ɓo ɥ lǝ̀, ɓò wéà nyià n legrú Ámɔ̀n nyíì ló.”
Lɛ̀kɔ̀ɔɛ kíŋ ɓɛ ê pɵ, “Mǝ̀kǝ̀ é lo to ɥ píée?” 27Kǝǝ Ásálɔ̀n yà fũ̀ã̀fṹã́ kǝ̀ é dɔgbéè éye wò ɓo Ámɔ̀n wãã̀ à gbɵnù sáálɵɛ là wó lo.
Ásálɔ̀n è ŋwáà é mɔ̀ kíŋ ɓàɛ̀ kpɔ̀. 28Lɛ̀kɔ̀ɔɛ Ásálɔ̀n è yaa yiɛmɛ̀nù pã́ã́ɓo wòa nɛ̀ɛ̀, “Kàa nyákǝ Ámɔ̀n ɓà. Àyé wáìn yà zie à gɥ́ è kpɛ̀kǝlà, é mâ pɵ ka lǝ̀ kàà zǝɛ, kɵ́kǝ̀ ká sùò, kàà zǝ. Ma á ka pã́ã́ɓo. Ka zò è kǝ gbéè, kɵ́kǝ̀ ka zòɔ è to zrɥɵ.” 29Zɛ̃ãɓɛ Ásálɔ̀n a yiɛmɛ̀nù wô kǝ̀a Ámɔ̀n ká nɛ̀zɛ̃ã Ásálɔ̀n yè wo pã́ã́ɓoáɛ lɵ́. Lɛ̀kɔ̀ɔɛ kíŋ gbɵnù sáálɵɛ wó wrùù wó yà waa sòfã̀ãnù tàà wó dùà.
30Lɛ̀ wó kǝ̀ zɛ̃ã là píé waà lò weé kee píéɛ, Dèɓé yà mà nɛ̀ɛ̀, “Ásálɔ̀n yà ɥ gbɵnù sáálɵɛ zǝ, à mɛ do wɛ́ázǝ̀ yaá tó ɓéì.” 31Lɛ̀kɔ̀ɔɛ kíŋ ɓɛ é yaa gbàwíì pɛ̀ éɓà é pɥ̀ɵ̀ sɛa. Àɓà yuɔkǝmɛ̀ sáálɵ wó kǝ̀ dɔàká à sɔ́ɛ wó waa gbàwíìnù pɛ̀. 32Kǝǝ Dèɓé legrú Sémìà gbɵ Zɔ́nádà ya pɵ̀, “N dɛn, kɵ́kǝ̀ é kǝ̀ ɥ zòà nɛ̀ɛ̀ ɓa nǝ́gɔ̃ɔ̃̀nù sáálɵɛ wóo zǝ, kǝǝ Ámɔ̀n dokpã́ã́ é ga, ɓií Ásálɔ̀n é mɛnù pã́ã́ɓo wó wɔ̃́ kǝ̀ ɓǝ. Yàà kɛ̃̀ãkã́ go yi Ámɔ̀n è gɔ̃̀ɔ̃̀ yàa e legrú Támà ɓàɛ̀ ká. 33Àmɔ́ɔ̀wɔ̃̀gɥ́ɛ kɵ́kǝ̀ ɥ́ wònɵ ɓɛ lɛ̀ wɔ̃́dè nɛ̀ɛ̀ ɥ gbɵnù sáálɵɛ wà ga. Ámɔ̀n dokpã́ã́ mɥ̀.”
34Lɛ̀kɔ̀ɔɛ Ásálɔ̀n è dùà. Nǝ́gɔ̃ɔ̃̀zǝ̀ éye nyákǝlàɛ̀ éye wɥǝ sɥlúú é lɛ̀gà kǝ mɛ plǝǝ̀zǝ̀ wò gólà Hòrónìà pɵ̀ zɛ̃̀ã̀ píé tɔ̃̀ gúà waà nù. 35É Zɔ́nádà yà pɵ kíŋ lǝ̀, “Lɛ̀gà, ɥ gbɵnù wà nu nɛ̀zɛ̃ã â bìɛ̀aɛ lɵ́.” 36Lɛ̀ɓlɵ́ é nyiɛ wɔ̃́biɛ̀sɥ̀ ɓà nǝ̀ǝɛ, lɛ̀gà, kǝ kíŋ gbɵnù wò gbɛ̀ì là, é wóo wò sɥlúú gbɵbɔsɥ̀ ká, é wãã̀ Kíŋ Dèɓénù, àɓà yuɔkǝmɛ̀ vàvànù wó gbɵbɔ yénzǝ̀ ká.
37Lɛ̀ Ásálɔ̀n è dùàɛ̀ é lo Àmíhɔ̀ɔ̀ gbɵ Támàì é kǝ̀ kíŋ ká Gɛ́sɔ̀ sɛ̀gɥ́ɛ píé. Yi sáálɵɛ káɛ Dèɓé é kǝ̀ wɛ̀ɛ̀gɥ́ e gbɵ Ámɔ̀n mɔ́ɔ̀wɔ̃̀ɓà. 38Dùà Ásálɔ̀n yà ɓo é lo Gɛ́sɔ̀ɛ̀ è kǝ̀ má kwɛ̀ yààka ɓà. 39Kǝǝ lɛ̀ Dèɓé zòɔ yà ló sɛa Ámɔ̀n gawɔ̃̀ gɥ́ɛ, è yè gbɔɔ e zòtásɥ̀à e gbɵ Ásálɔ̀n mɔ́ɔ̀wɔ̃̀gɥ́.
