1 Sámìɔ̀ 26
26
Dèɓé è Sɔ́ɔ̀ nii là zɥ́
1Lɛ̀kɔ̀ɔɛ Zéfù mɛ̀nù wò nu Sɔ́ɔ̀ píé Gébìɛ̀ pɵɵ, wô, “Dèɓé yaá e bĩ̀, Hàkílà Tɔ̃̀tuo,” Zɛ̀símɔ̀ pɵ̀ gɔ̀ xlãgózɛ̃̀ãã? 2Lɛ̀ wà wɔ̃́ nɛ̀ biɛɛ̀ Sɔ́ɔ̀ è wrùù wãã̀ yaa krúázǝ̀ vù yààka (3,000) ká wó lo goú kǝ wɔ̃̀ɔ̃̀ Dèɓé mɛɛ̀ Zéfù Yɛ̀igɥ́. 3É Sɔ́ɔ̀ wãã̀ yaa krúázǝ̀ wó yà gbáɥ́ Hàkílà Tɔ̃̀tuo zɛ̃ã sɔ́, Zɛ̀símɔ̀ gɔ̀ xlãgózɛ̃̀ã. Kǝǝ Dèɓé è tò yɛ̀igɥ́ má. Lɛ̀ yàà gɥ́dɔ nɛ̀ɛ̀ Sɔ́ɔ̀ yà nu à mɛɛ̀lɛ̀à yɛ̀igɥ́ mɥ́ɛ, 4Dèɓé è yaa nanakǝmɛ̀nù bɔ, wô ye wɔ̃́dèká nɛ̀ɛ̀ Sɔ́ɔ̀ yà nu. 5Lɛ̀kɔ̀ɔɛ Dèɓé è wrùù é nu lɛ̀ Sɔ́ɔ̀ wãã̀ yaa mɛnù wó yààgɔ̀ gbáɥ́ɛ ɓà. É Dèɓé è lɛ̀ Sɔ́ɔ̀ wɔ̀àɛ̀ ye, wãã̀ Ábínǝ̀ Nǝ́ǝ̀ gbɵ, é kǝ̀ waa krúávà káɛ ká. Sɔ́ɔ̀ è kǝ̀ wɔùká yaa krúázǝ̀ zinlɵ, é wó nìɛ̀ à zɥ̀.
6Lɛ̀kɔ̀ɔɛ Dèɓé yà pɵ Hétámi Àhímɛ́lɛ̀, wãã̀ Ábísàì é kǝ̀ Zóà legrú káɛ lǝ̀ (wo le tɔ́ tɔɔ Zɛ̀rúà), “Dɵ é nyià yí lo lo Sɔ́ɔ̀a yàlɛ̀ɓàɛ̀?”
Ábísàì pɵ, “Kɔ̃ɔ̃̀ kó lo lo goú.”
7Lɛ̀ yà kɔɔ́ɛ Dèɓé wãã̀ Ábísàì wò gbɛ̀ì krúázǝ̀ ɓɛɛ là gben. Wó Sɔ́ɔ̀ ye yizǝlɛ̀à wo zinlɵ, kǝ àɓà dɥ́ gbã̀sɥ̀ mɥ̀ sɛ́í, à gɔ̀píé. Ábínǝ̀ wãã̀ krúázǝ̀ sáálɵɛ wó kǝ̀ yizǝlɛ̀à à zɥ̀tópíé. 8Lɛ̀kɔ̀ɔɛ Ábísàì yà pɵ Dèɓé lǝ̀, “Aaɓi yà ɥ dǝgbɵ dɔ ɥ kwɛ gbɛ̃ã̀yì nɛ̀ ká. Lɛ̀ é pɵ́ɛ gó áà wɔ̀ sɛ́là àɓà dɥ́ é nɛ̀ à zùò dokpã́ã́ ká, yaáló kǝ pèètɛ poo.”
9Kǝǝ Dèɓéà pɵ Ábísàì lǝ̀, “Kɵ́kǝ̀ ɥ à zǝ, ɓií dɵ yà e kɔ̀yà Yàwɛa nyɔ́ròàtuomɛ̀ ɓà é za yaá wrò à tuoè?” 10É Dèɓé yà pɵ, “Lɛ̀ Yàwɛ lɵ́ ɓéìɛ̀ ye dè é lo à zɔ̃kɔ̀a, yaâ pɵ́ɛ à ga yì è lò wò. Yaá kǝpɵ́ɛ è lò lo grùpíé é ga má. 11Kɵ́kǝ̀ Yàwɛ è wèà kǝ ã́ã̀ n kɔ̀ yà Yàwɛa nyɔ́ròàtuomɛ̀ ɓà. Kǝǝ àɓà dɥ́ é gbã̀ sɛ́í à gɔ̀píé ɓɛ sɥ́ wãã̀ àɓà yímɥ kpòu ɓɛ ká kó ló.” 12É Dèɓé è dɥ́ wãã̀ yímɥ kpòu ɓɛɛ sɥ Sɔ́ɔ̀ gɔ̀píé é wó waa lóɓo. Pǝ wô kǝ̀ɛ̀ mɛgbɛ kâ ye ĩ́ĩ́ yaâ dɔ, ĩ́ĩ́ waa mɛgbɛ ká bɥ̀ɵ̀ poo. Ƃií Yàwɛ è gò wo zɥ̀ kǝ wɔ̃̀ɔ̃̀ yizǝ zìègɔ̀usɥ̀ ká.
13Lɛ̀kɔ̀ɔɛ Dèɓé è lò tɔ̃̀ ɓɛ à kɔpɛ̃́ã́ do là é dɔ wo ká gbɛ̃̀ɛ̃̀ wo son è dà gbɛ́á ká. 14É Sɔ́ɔ̀a krúánù lɔ̀ɔ̀kǝ̀, é Ábínǝ̀, Nǝ́ǝ̀ gbɵ lɔ̀ɔ̀kǝ̀ ê pɵ, “Ábínǝ̀, ɥ ká ló we n wò ɓàà?”
Ábínǝ̀à pɵ, “Ƃi dɵ ɥ́ kíŋ lɔ̀ɔ̀kǝlà nɛ̀?”
15“Gɔ̃ɔ̃̀ kũ ɥ káa? Kãã̀ dɵ ká mɔ̀ Ézrɛ̀ sɛ̀ gɥ́i? Mǝ̀kǝ̀ ɓaá ɥ zòkǝ ɥ dɛn ɓa kíŋ ɓɛ píée? Ƃií mɛ do è dà ka son krúázǝ̀ yàlɛ̀ ɓà kǝ nyɛ̀ɛ̀ ɥ dɛn zǝ dɔ̀ù wɛ́á. 16Wɔ̃́ ɥ́ kǝ̀ nɛ̀ yaâ sǝ̀. Yàwɛ ɓéì ɓɛ tɔ́gɥ́ɛ, è ɥ màkũ̀ kǝ ɥ́n ga, ɓií ɥ ká ɥ nyákǝ ɥ dɛn é nyɔ́ròàtuomɛ̀ káɛ ɓà. Lɛ̀gà zɵ, lɛ̀ kíŋa dɥ́ wãã̀ àɓà yímɥ kpòu wó kǝ̀ à gɔ̀píéɛ wô ɓàɛ̀ ɓòà ye.”
17Sɔ́ɔ̀ è Dèɓé wò dɔ̀, ê pɵ, “Ƃi ɥ́ wéà nɛ̀à, n gbɵ Dèɓé?”
É Dèɓé yà pɵ, “Ma á wélà ɓǝ, n dɛn, ɥ́ ma kíŋ káɛ.” 18Dèɓé yà pɵ, “Mǝ̀kǝ̀ n dɛn ɥ́ ɓa yuɔkǝmɛ̀ blɥ̀kǝlà nɛ̀? Mǝ̀ má kǝɛ̀? Mǝ̀ à zà wròsɥ̀ lɵ́mɥ̀ n tuoè? 19Lɛ̀ é pɵ́ɛ gó n dɛn ma kíŋ ɓɛɛ ɥ́ɥ tó kǝ n wò ɓà. Yà kǝ Yàwɛ ká nyɛ̀ɛ̀ ɥ zòɔ ŋlà n ɓàɛ̀, gó èye kɔ̀yà ma gbàapǝ̀ gɔ̀. Kǝǝ yà kǝ mɛɓéì wɛ́á káɛ, gó láŋá è kpɔ́ woá Yàwɛ ɓɛɛ pɛá, ɓií wà n ye plan gbɛ̃́ã̀yì nɛ̀ ká kɵ́kǝ̀ n ɓà lo kǝ Yàwɛ píékee wɔ̃̀ gɥ́, kǝ ã́ã̀ ló ã́ã̀ gblɥn aaɓi gbɛnù lǝ̀. 20Lɛ̀ é pɵ́ɛ kɵ́kǝ̀ ɥ́ go n fɛí è wrò sɛ́ gbɛ gɥ́, lɛ̀ é Yàwɛ zòɔ kâɓàɛ̀ ɓà, ɓií mǝ̀kǝ̀ Ézrɛ̀ kíŋ ɓɛɛ yà nu plan yé n nii mɛɛ̀là nɛ̀zɛ̃ã é mɛ lɵ́ tɔ̃̀píé mà kǝlàà ká nyàà zǝɛ lɵ́e?”
21Lɛ̀kɔ̀ɔɛ Sɔ́ɔ̀ yà pɵ, “N gbɵ Dèɓé, má wɔ̃́ yaa kǝ. Ƃò yíɛ́ ɥ zɥ́ ɥ nu. N káló wɔ̃́ yaa gbɛ kǝ ɥ gɔ̀ gbɔɔ, ɓií n nii è kǝ̀ ɥ lǝ̀ kpã̀ã̀zǝ̀ yi é nɛ̀ ká. Lɛ̀gà, má bɔ̃́ɔ̃̀wɔ̃̀ kǝ, ĩ́ĩ́ má zɛ̃ã tó và dèèdè.”
22Lɵɛ Dèɓéà pɵ, “Óó kíŋ, ɓa dɥ́ ɓɛ gà é nɛ̀, ɓò nǝ́gɔ̃ɔ̃̀zǝ̀ do bɔ kǝ nyàà sɥ́. 23Yàkǝɛ Yàwɛ è mɛ do do sáálɵɛ kɔ̀ɔ̀nù à ɓà kǝ̀kpenlɵsɥ̀ wãã̀ à ɓà zòdɔ̀à mɔ́ɔ̀wɔ̃̀ɓà, ɓií Yàwɛ è ɥ dɔ̀ n kwɛɛ gbɛ̃́ã̀, kǝǝ maá n kɔ̀ yà Yàwɛa nyɔ́ròàtuomɛ̀ ɓà. 24Lɛ̀gà, zɛ̃ã ɥ nii è kǝ̀a n lǝ̀ kpã̀ã̀zǝ̀ gbɛ̃́ã̀yì nɛ̀ káɛ, gó n nii è kǝá pɵ́ Yàwɛ ɓɛɛ nyálà, ĩ́ĩ́ gó è n gɔ̀ la wɔ̃́ gbéè sùu sáálɵɛ gɔ̀.”
25Lɛ̀kɔ̀ɔɛ Sɔ́ɔ̀à pɵ Dèɓé lǝ̀, “Lúà è kpɔ́ ɥ ɓà, n gbɵ Dèɓé! Ч lò yeyíà wɔ̃́ sáálɵ ɥ lóà wo kǝɛ gɥ́!”
Lɛ̀ yà kɔɔ́ɛ Dèɓé è yaa lóɓò, é Sɔ́ɔ̀ è sìɛ̀ é lo e píékee.
Currently Selected:
1 Sámìɔ̀ 26: DHB
Highlight
Share
Compare
Copy
Want to have your highlights saved across all your devices? Sign up or sign in
