Zɛ́kɔ̀wáɖádyà 2
2
Dyí-tɛ̀mɛ̀ìn-ɖɛ̀ ɓá ɖɛ-gbo-ɖàɓàìn-ɖùǔ jè dyíɛ
1Sɔ̀ìn ɓóɛ gboɛɛ, ḿ ɖú ma dyéɖé dyií ɖe, ké ḿ dyé ma gàa ɖò ɓɛ́ ɖɛ-gbo-ɖàɓàìn-ɖùǔ ɖò nì xwaún wɛ̃. 2Ké ḿ diè ɔ dyi, ké ḿ ɖá, “Dɛ̌ m̀ nì muɛń nyɛ́?”
Ké ɔ jǔ ma ḿ gɔ̃̌, ké ɔ ɖá, “Ḿ nì muɛń, ɓɛ́ ḿ ké Jùɖúsɛ̀ɖɛ̀ìn-hwɔ̀ɖɔ̀ɔ̀ ɖàɓàìn, ɓɛ́ ḿ ké kà ɔ nyu ɓɛ́ɛ kɛ kè kà ɔ nyu cɛ̃̀ɛ̀ kɛɛ dyé.”
3Púɛɛ, ínjà ɓɛ́ ɔ wùɖù ma kà ḿ gboɛɛ sí ma ɓó ḿ dyúa. Ké ínjà ɖò mɔ̀ùn sí ma ɓó ɖe, ɓɛ́ ɔ kè ɔ ké gmɔ̌ìn. 4Ké ínjà tɔ̀ɔ̀ cɛ̃ɛ ma ínjà ɓɛ́ ɔ wùɖù kà ḿ gboɛɛ gbo, ké ɔ ɖá, “Kpa peɖeɛ, ɓɛ́ m̀ kéɛ gàa-dyù gmɔ̀ ɓéɖéà ɖɛ-gbo-ɖàɓàìn-ɖùǔɔ̀ kɛɛ gbo cɛ̃, ɓɛ́ ḿ ké níiń, ‘Nyɔǔn-dyù mu ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú cĩ́ìn nyɛɛ mu dyí vòɛ̌n ziìn. Nyɔǔn-dyù kè nyúà-ɖɛ̀ mu ɖéɛ mú dyíìn mìɔ jèɛɛ, nyɔ ɖò seɛ gmɔ ɖò ɖei cɛ̃̀ìn ɓɛ́ǐn mu. 5Bounɓoɔ̀ cɛ̃ɛ, ké ɔ ɖá, “Mɔ̄ mɔ̀ nyɔ mu gmɔ ɓɛ́ ɔ mɔ̀ nyɛ-mìɔ̀ saá-saá kɛɛ jǔùn, ɓɛ́ ḿ ké ɓó ɔ ɖei nì. Ní mu dĩ́ín-dĩ̀ìn nì ɖé ɔ múɛɛ jǔùn.” ’ ”
Wa ɖá toɛ̀-kpɔ̃-nyɔ̀ ɓěɔ̀ ɓɛ́ wa ké wa ɓíɖí ɖe dyi
6Ké Bounɓoɔ̀ cɛ̃ɛ ma ɔ nyɔ ɓěɔ̀ gbo, ké ɔ ɖá, “Ɓě gmɔ̀ nɔ̄! Ɓě gmɔ̀ nɔ̄! Ɓě gbǔ, ɓɛ́ ɓě ké ɓóɖó nìà ɖé xwía kɛɛ kɔ̃ sɔ̀, sepóɛɖé ḿ ɖǎ ɓě dyi gbɛ̀ìn ɖé ɓóɖó-gã̀ hĩinyɛɔ̀ gbo. 7Ɓě gmɔ̀ nɔ̄! Ɓě mɔ̀ Zádyɔún-nyɔ̀ ɓě ɓɛ́ ɓě cĩ́à ɖé Báɓèɖɔ́ùn-nyɔ̀ ɓěɔ̀ hwìɛ̀ kɛɛ, ɓě sɔ̀ ɖé!”
8Hwɛ̀ ké dĩ́ín-dĩ̀ìn Gèɖèpɔ́ɔ̀ mɔ̀ nyɔ nìà ɖɛ séín kɔ̃in nyɛɛ ɖoɓo ma ḿ, ɓɛ́ ḿ kéɛ ɓóɖó-dù ɓě ɓɛ́ wa hwuà Zádyɔún-nyɔ̀ ɓěɔ̀ kɛɛ gbo cɛ̃, ɓɛ́ ḿ ké níiń, “Nyɔ mɔ̀ nyɔ ɓɛ́ ɔ tìnììn Bounɓoɔ̀ nyɔ ɓěɔ̀ dyiɛɛ tìnììn ɔ dyéɖé-ɓòɔ̀ dyi. 9Bounɓoɔ̀ mìɔùn mɔ̀ nyɔ mu ɓě mɔ̀ ɓóɖó-dù ɓěɔ̀ gbo vɔ̃ùn, ké nyɔ ɓě ɓɛ́ wa mɔ̀ ma ɓěɛ̀ gbo-nì-nyɔ̀ ɓěɛɛ mu ɓě hwuùn.” Ɔ ɖǎ ná nìǐn, nìí, nyɔ séín muɛ dyuòùn kà Bounɓo mɔ̀ nyɔ nìà ɖɛ séín kɔ̃in nyɛɛ mɔ̀ nyɔ ɖoɓo ḿ wɛ̃.#2:8-9 Vɔ́sì ɓěɛ̀ kpa kòɛ̀ ɖò-ɖò ɖé Báɓò ɖíɛ́ ɓě mú, sepóɛɖé waà Híìbúɖúù-wùɖùɔ̀ kàmà múin wɔ̃́uń jè.
10Ké Bounɓoɔ̀ cɛ̃ɛ ma ɔ nyɔ ɓěɔ̀ gbo ɖe, ké ɔ ɖá, “Zádyɔún-nyɔ̀ ɓě, ɓě kpá múàǔn, ɓɛ́ ɓě ké ɓeɖe, sepóɛɖé ní mu dyiìn, ɓɛ́ ḿ ké ɖé ɓě hwìɛ̀ cĩ́.”
11Ɓó tia ɓaɖaa, ɓóɖó-dù ɓáún-ɓáún mu dyiìn, ɓɛ́ wa ké ɓě hwìɛ̀ kpá, ɓɛ́ wa ké Bounɓoɔ̀ nyɔ ɓě jǔ. Ké Bounɓoɔ̀ mu ɖé ɓě hwìɛ̀ cĩ́ìn. Ɔ ɖǎ ná nìǐn, nìí, ɓě muɛ dyuòùn kà Bounɓo mɔ̀ nyɔ nìà ɖɛ séín kɔ̃in nyɛɛ mɔ̀ nyɔ ɖoɓo ḿ ɓě gboɛ. 12Ké Bounɓoɔ̀ mu Júɖà-ɓòɖòɔ̀ ɔ kɔ̃̀ɔ̀-ɖɛ̀ kpa ɖɛ mú nyuùn ɖé ɓóɖó hwɛ̀ǐn-hwɛ̀ǐnɔ̀ kɔ̃, ké ɔ mu Jùɖúsɛ̀ɖɛ̀ìn-hwɔ̀ɖɔ̀ɔ̀ gãùn ɖe.
13Nyɔ séín mɛ nì gìɖìǐ ɓó Bounɓoɔ̀ dyúa, sepóɛɖé ɔ nì ɖé ɔ cĩ́-naín hwɛ̀ǐn-hwɛ̀ǐnɔ̀ sɔ̀ǔn, ké ɔ nì dyiɛń.
Currently Selected:
Zɛ́kɔ̀wáɖádyà 2: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Zɛ́kɔ̀wáɖádyà 2
2
Dyí-tɛ̀mɛ̀ìn-ɖɛ̀ ɓá ɖɛ-gbo-ɖàɓàìn-ɖùǔ jè dyíɛ
1Sɔ̀ìn ɓóɛ gboɛɛ, ḿ ɖú ma dyéɖé dyií ɖe, ké ḿ dyé ma gàa ɖò ɓɛ́ ɖɛ-gbo-ɖàɓàìn-ɖùǔ ɖò nì xwaún wɛ̃. 2Ké ḿ diè ɔ dyi, ké ḿ ɖá, “Dɛ̌ m̀ nì muɛń nyɛ́?”
Ké ɔ jǔ ma ḿ gɔ̃̌, ké ɔ ɖá, “Ḿ nì muɛń, ɓɛ́ ḿ ké Jùɖúsɛ̀ɖɛ̀ìn-hwɔ̀ɖɔ̀ɔ̀ ɖàɓàìn, ɓɛ́ ḿ ké kà ɔ nyu ɓɛ́ɛ kɛ kè kà ɔ nyu cɛ̃̀ɛ̀ kɛɛ dyé.”
3Púɛɛ, ínjà ɓɛ́ ɔ wùɖù ma kà ḿ gboɛɛ sí ma ɓó ḿ dyúa. Ké ínjà ɖò mɔ̀ùn sí ma ɓó ɖe, ɓɛ́ ɔ kè ɔ ké gmɔ̌ìn. 4Ké ínjà tɔ̀ɔ̀ cɛ̃ɛ ma ínjà ɓɛ́ ɔ wùɖù kà ḿ gboɛɛ gbo, ké ɔ ɖá, “Kpa peɖeɛ, ɓɛ́ m̀ kéɛ gàa-dyù gmɔ̀ ɓéɖéà ɖɛ-gbo-ɖàɓàìn-ɖùǔɔ̀ kɛɛ gbo cɛ̃, ɓɛ́ ḿ ké níiń, ‘Nyɔǔn-dyù mu ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú cĩ́ìn nyɛɛ mu dyí vòɛ̌n ziìn. Nyɔǔn-dyù kè nyúà-ɖɛ̀ mu ɖéɛ mú dyíìn mìɔ jèɛɛ, nyɔ ɖò seɛ gmɔ ɖò ɖei cɛ̃̀ìn ɓɛ́ǐn mu. 5Bounɓoɔ̀ cɛ̃ɛ, ké ɔ ɖá, “Mɔ̄ mɔ̀ nyɔ mu gmɔ ɓɛ́ ɔ mɔ̀ nyɛ-mìɔ̀ saá-saá kɛɛ jǔùn, ɓɛ́ ḿ ké ɓó ɔ ɖei nì. Ní mu dĩ́ín-dĩ̀ìn nì ɖé ɔ múɛɛ jǔùn.” ’ ”
Wa ɖá toɛ̀-kpɔ̃-nyɔ̀ ɓěɔ̀ ɓɛ́ wa ké wa ɓíɖí ɖe dyi
6Ké Bounɓoɔ̀ cɛ̃ɛ ma ɔ nyɔ ɓěɔ̀ gbo, ké ɔ ɖá, “Ɓě gmɔ̀ nɔ̄! Ɓě gmɔ̀ nɔ̄! Ɓě gbǔ, ɓɛ́ ɓě ké ɓóɖó nìà ɖé xwía kɛɛ kɔ̃ sɔ̀, sepóɛɖé ḿ ɖǎ ɓě dyi gbɛ̀ìn ɖé ɓóɖó-gã̀ hĩinyɛɔ̀ gbo. 7Ɓě gmɔ̀ nɔ̄! Ɓě mɔ̀ Zádyɔún-nyɔ̀ ɓě ɓɛ́ ɓě cĩ́à ɖé Báɓèɖɔ́ùn-nyɔ̀ ɓěɔ̀ hwìɛ̀ kɛɛ, ɓě sɔ̀ ɖé!”
8Hwɛ̀ ké dĩ́ín-dĩ̀ìn Gèɖèpɔ́ɔ̀ mɔ̀ nyɔ nìà ɖɛ séín kɔ̃in nyɛɛ ɖoɓo ma ḿ, ɓɛ́ ḿ kéɛ ɓóɖó-dù ɓě ɓɛ́ wa hwuà Zádyɔún-nyɔ̀ ɓěɔ̀ kɛɛ gbo cɛ̃, ɓɛ́ ḿ ké níiń, “Nyɔ mɔ̀ nyɔ ɓɛ́ ɔ tìnììn Bounɓoɔ̀ nyɔ ɓěɔ̀ dyiɛɛ tìnììn ɔ dyéɖé-ɓòɔ̀ dyi. 9Bounɓoɔ̀ mìɔùn mɔ̀ nyɔ mu ɓě mɔ̀ ɓóɖó-dù ɓěɔ̀ gbo vɔ̃ùn, ké nyɔ ɓě ɓɛ́ wa mɔ̀ ma ɓěɛ̀ gbo-nì-nyɔ̀ ɓěɛɛ mu ɓě hwuùn.” Ɔ ɖǎ ná nìǐn, nìí, nyɔ séín muɛ dyuòùn kà Bounɓo mɔ̀ nyɔ nìà ɖɛ séín kɔ̃in nyɛɛ mɔ̀ nyɔ ɖoɓo ḿ wɛ̃.#2:8-9 Vɔ́sì ɓěɛ̀ kpa kòɛ̀ ɖò-ɖò ɖé Báɓò ɖíɛ́ ɓě mú, sepóɛɖé waà Híìbúɖúù-wùɖùɔ̀ kàmà múin wɔ̃́uń jè.
10Ké Bounɓoɔ̀ cɛ̃ɛ ma ɔ nyɔ ɓěɔ̀ gbo ɖe, ké ɔ ɖá, “Zádyɔún-nyɔ̀ ɓě, ɓě kpá múàǔn, ɓɛ́ ɓě ké ɓeɖe, sepóɛɖé ní mu dyiìn, ɓɛ́ ḿ ké ɖé ɓě hwìɛ̀ cĩ́.”
11Ɓó tia ɓaɖaa, ɓóɖó-dù ɓáún-ɓáún mu dyiìn, ɓɛ́ wa ké ɓě hwìɛ̀ kpá, ɓɛ́ wa ké Bounɓoɔ̀ nyɔ ɓě jǔ. Ké Bounɓoɔ̀ mu ɖé ɓě hwìɛ̀ cĩ́ìn. Ɔ ɖǎ ná nìǐn, nìí, ɓě muɛ dyuòùn kà Bounɓo mɔ̀ nyɔ nìà ɖɛ séín kɔ̃in nyɛɛ mɔ̀ nyɔ ɖoɓo ḿ ɓě gboɛ. 12Ké Bounɓoɔ̀ mu Júɖà-ɓòɖòɔ̀ ɔ kɔ̃̀ɔ̀-ɖɛ̀ kpa ɖɛ mú nyuùn ɖé ɓóɖó hwɛ̀ǐn-hwɛ̀ǐnɔ̀ kɔ̃, ké ɔ mu Jùɖúsɛ̀ɖɛ̀ìn-hwɔ̀ɖɔ̀ɔ̀ gãùn ɖe.
13Nyɔ séín mɛ nì gìɖìǐ ɓó Bounɓoɔ̀ dyúa, sepóɛɖé ɔ nì ɖé ɔ cĩ́-naín hwɛ̀ǐn-hwɛ̀ǐnɔ̀ sɔ̀ǔn, ké ɔ nì dyiɛń.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.