Zɛ́kɔ̀wáɖádyà 1
1
Bounɓoɔ̀ ɖá ɔ nyɔ ɓěɔ̀ ɓɛ́ wa ké ɔ gbo gmɔ̀ìn ɖe
1Ɖé Dìwáɖádyà ɓɛ́ ɔ mɔ̀ ma Pɔ́sìà-ɓòɖòɔ̀ kã́á kɛɛ nììn ɓóɖó-wuɖuí-kɔ̃̀-zɔ̃̀ɔ̀ sɔ̃́ nììnɔ̀ dɛ̀nɛ̀ mɛ̀nɛ̌ìn-tã nììnɔ̀ xwíníín nyɛɛ, Bounɓoɔ̀ wùɖù ma mɔ̄ Zɛ́kɔ̀wáɖádyà mɔ̀à kpáá-ɖɛ̀-cɛ̃-nyɔ̀ɔ̀ kɛɛ gbo. Ḿ mɔ̀ Íɖòɛ̀ nyúà-dyú, ké ḿ ɓǎà nyɛ́nɛ́ mɔ̀ Bɛ̀wéɖékìà. Bounɓoɔ̀ cɛ̃ɛ ma ḿ gbo, ké ɔ ɖá, 2“Ḿ kpáìn ma ɓě ɓǎ nììn ɓǎ ɓěɔ̀ dyoɖoún. 3Ɔ ná nì jèɛɛ, cɛ̃ɛ ní nyɔ ɓěɔ̀ gbo, ɓɛ́ m̀ ké níiń, ‘Bounɓo mɔ̀ nyɔ nìà ɖɛ séín kɔ̃in nyɛɛ ɖá, “Ɓě mɛ gmɔ̀ìn nɔ̄ ḿ gbo ɖe, nìí, ní mu ɓě mɔ̀ùn gbo gmɔ̀ìn. 4Ɓěǐn ɖá ɓɛ́ ɓě ké nì kà ɓě ɓǎ nììn ɓǎ ɓěɔ̀ nyu zɔ̃̌ɔ̀ kà nìɛ̀ kɛ. Kpáá-ɖɛ̀-cɛ̃-nyɔ̀ ɓěɔ̀ cɛ̃ zɔ̃̌ɔ̀ ní wuɖuɔ̀ wa gbo, ké wa ɖá, ‘Bounɓo mɔ̀ nyɔ nìà ɖɛ séín kɔ̃in nyɛɛ ɖá, “Ɓě mɛ táà ɓěɛ̀ kpeɖe gbà ɓěɔ̀ kè ɓěɛ̀ nyuu-ɖɛ̀ gbà ɓěɔ̀ dyi.” ’ Kɛɛ wa se ma ní wuɖuɔ̀ ɖùǔ gbo tò. 5Má, ɓě ɓǎ nììn ɓǎ ɓěɔ̀ kè kpáá-ɖɛ̀-cɛ̃-nyɔ̀ ɓěɔ̀ se nì ɖee? 6Má, ɖɛ gbà ɓɛ́ ɓě ɓǎ nììn ɓǎ ɓěɔ̀ dyé ma kà dyíɛɛ mɔ̀ sepóɛɖé ḿ dè ma wa gma dyí, ké ḿ po ma wa náún dyììn ɖé ní gbo-nì-nyɔ̀ ɓě mɔ̀à kpáá-ɖɛ̀-cɛ̃-nyɔ̀ ɓěɔ̀ kɛɛ mú, ké wa se ma ní wuɖuɔ̀ dyi kpɔ̃ jèe? Sɔ̀ìn ɓóɛ gboɛɛ, wa kpá ma wìǐn, ké wa cɛ̃ɛ ma, ké wa ɖá, ‘Bounɓo mɔ̀ nyɔ nìà ɖɛ séín kɔ̃in nyɛɛ tò ma à gǎ kɔ̃ ɓó à kpeɖe gbà ɓěɔ̀ kè à nyuu-ɖɛ̀ gbà ɓěɔ̀ jè. Ɔ nyuɛ ma náa kà ɔ hwòɖǒ nyuɛ ma gbɔ poɛ kɛ.’ ” ’ ”
Dyí-tɛ̀mɛ̀ìn-ɖɛ̀ ɓá sǒ ɓě jè dyíɛ
7Ɓó Dìwáɖádyà nììn Pɔ́sìà-ɓòɖòɔ̀ wuɖuí-kɔ̃̀-zɔ̃̀ɔ̀ sɔ̃́ nììnɔ̀ dɛ̀nɛ̀ ɓaɖa-bùè sè ɖò nììn mɔ̀à Sɛ́ɓà-dɛ̀nɛ̀ɔ̀ kɛɛ wé kpáɖá-nyɔ sè hĩinyɛ nììnɔ̀ ɓaɖaa, Bounɓoɔ̀ wùɖù mɔ̄ Zɛ́kɔ̀wáɖádyà mɔ̀à kpáá-ɖɛ̀-cɛ̃-nyɔ̀ɔ̀ kɛɛ gbo ɖe. 8Ḿ dyé ma dyí-tɛ̀mɛ̀ìn-ɖɛ̀ ɖò ɓó máaún. Ḿ dyéɛ, ké gàa ɖò nì ma sǒ zĩ-zã ɖò kɔ̃ún. Ɔ mɔ̀ ma Bounɓoɔ̀ ínjà ɓěɔ̀ ɖò. Ɔ nyànà ma ɖé mátɔ̀-cù-gɔ̃̀ ɓě hwìɛ̀ dyi ɖé bɔɔ-kpà ɖò kɔ̃, ké sǒ zĩ-zã kè sǒ céè-céè ɔ kè sǒ púú ɓě ɓɛ́ ínjà tɔ̀ɔ̀ ɓě kò ma kɔ̃ún wɛ̃ɛ nì ma ɔ ɖeín. 9Ké ḿ diè ma ínjà ɖò nì ɓóɛɛ dyi, ké ḿ ɖá, “Ɓɔ̌ɔ̀, ɖɛ́ mɔ̀ ɖɛ ɓěɛ̀ xwíníín nyɛ́?”
Ké ínjàɔ̀ ɖá, “Ní mu ɖɛ mɔ̀ wa xwíníín nyɛɛ m̀ gbo kɔ̃in zaìn.”
10Púɛɛ, Bounɓoɔ̀ ínjà ɓɛ́ ɔ nyànà ma kà ɓó mátɔ̀-cù-gɔ̃̀ ɓěɔ̀ hwìɛ̀ dyiɛɛ cɛ̃ɛ ḿ gbo, ké ɔ ɖá, “Ínjà ɓěa mɔ̀ nyɔ ɓě ɓɛ́ Bounɓoɔ̀ ɖǎ ɖoɓo, ɓɛ́ wa ké ɓóɖó-kpà gànáà kɔ̃in gmɔìn nyɛ.”
11Sɔ̀ìn ɓóɛ gboɛɛ, ínjà ɓěɔ̀ cɛ̃ɛ ma Bounɓoɔ̀ ínjà ɓɛ́ ɔ nyànà ma kà ɓó mátɔ̀-cù-gɔ̃̀ ɓěɔ̀ hwìɛ̀ dyiɛɛ gbo, ké wa ɖá, “À ɖǎ ɓóɖó-kpà gànáà kɔ̃in gmɔìn, ké à ɖǎa dyé kà ɖɛ séín dè dyi dɔ̃̀ùn-dɔ̃̀ùn nɔ̄ ɓóɖó-kpàà kɔ̃ɛ.”
12Hwɛ̀ ké Bounɓoɔ̀ ínjàɔ̀ ɖá, “Óó Bounɓo, mɔ̀ nyɔ nìà ɖɛ séín kɔ̃in nyɛɛ, ti jĩ̀ xwɛ̌ mu ziìn hwɛ̀ ɓɛ́ m̀ ké Jùɖúsɛ̀ɖɛ̀ìn-hwɔ̀ɖɔ̀ɔ̀ kè hwɔɖɔ tɔ̀ɔ̀ ɓě nì ɖé Júɖà-ɓòɖòɔ̀ kɔ̃ɛɛ wìǐn dyé kɛ́? Dyéɛ, m̀ ɖǎ wa dyoɖo-hwòɖò ku wɔ̃ kɔ̃ ɓéɖéìn ɓó zɔ̃ kpáɖá-nyɔ tã ɓěɛ̀ mú.”
13Ké Bounɓoɔ̀ cɛ̃ ma kpeɖeɛ̀-dyíin-nɔ̀mɔ̀-wùɖù kè nyɔ-hwòɖǒ-dyi-dè-wùɖù ínjà ɓɛ́ ɔ wùɖù ma kà ḿ gboɛɛ gbo. 14Ɔ jèɛɛ, ínjàɔ̀ cɛ̃ɛ ma ḿ gbo, ké ɔ ɖá, “Páná mú, ɓɛ́ m̀ ké níiń, ‘Bounɓo mɔ̀ nyɔ nìà ɖɛ séín kɔ̃in nyɛɛ ɖá, “Jùɖúsɛ̀ɖɛ̀ìn-hwɔ̀ɖɔ̀ mɔ̀à Zádyɔún-hwɔ̀ɖɔ̀ɔ̀ kɛɛ jè kpɔ̃ ḿ hwòɖǒ mìɔ. 15Ké ḿ kpáìn ɓóɖó-dù ɓě ɓɛ́ wa nìà gìɖìǐ kè nɔ̀mɔ̀ dyíin mú cĩ́ɛń nyɛɛ dyoɖoún mìɔ. Sepóɛɖé ti ɓɛ́ ḿ nì ma ní dyoɖo-hwòɖòɔ̀ dyí kpɔ̃uń ɓó ní nyɔ ɓěɔ̀ gboɛɛ, wa nyuɛ ké ní nyɔ ɓěɔ̀ gǎ-dyé-dyéɔ̀ kpá kɔ̃ ɖe mìɔ. 16Ɔ ná nì jèɛɛ, ɖɛ mɔ̄ Bounɓoɔ̀ cɛ̃ɛ kɛà kɛ̀. Ḿ ɖǎ Jùɖúsɛ̀ɖɛ̀ìn-hwɔ̀ɖɔ̀ɔ̀ mú ɖe dyi, ɓɛ́ ḿ kéɛ wìǐn dyé. Wa mu Jùɖúsɛ̀ɖɛ̀ìn-hwɔ̀ɖɔ̀ɔ̀ ɖàɓàìn, ɓɛ́ wa kéɛ po ɖe, ké wa mu ɖé ní gbǒɔ̀ poùn ɖe. Mɔ̄ Bounɓo mɔ̀ nyɔ nìà ɖɛ séín kɔ̃in nyɛɛ mɔ̀ nyɔ cɛ̃à kɛ̀.” ’
17“Zɛ́kɔ̀wáɖádyà, m̀ mɛ páná mú ɖe, ɓɛ́ m̀ ké níiń, ‘Bounɓo mɔ̀ nyɔ nìà ɖɛ séín kɔ̃in nyɛɛ ɖá ɔ hwɔɖɔ ɓěɔ̀ mu dúún zaìn ɖe. Ɔ mu Jùɖúsɛ̀ɖɛ̀ìn-hwɔ̀ɖɔ̀ɔ̀ hwòɖǒ dyi dèìn ɖe, ɓɛ́ ɔ kéɛ ɔ mìɔùn ɓíɖí-hwɔ̀ɖɔ̀ mú nyu.’ ”
Dyí-tɛ̀mɛ̀ìn-ɖɛ̀ ɓá nimii-gmɛ̌ ɓě jè dyíɛ
18Sɔ̀ìn ɓóɛ gboɛɛ, ḿ ɖú ma dyéɖé dyií, ké ḿ dyé ma nimii-gmɛ̌ hĩinyɛ. 19Ké ḿ diè ma ínjà ɓɛ́ ɔ wùɖù ma kà ḿ gboɛɛ dyi, ké ḿ ɖá, “Ɖɛ́ mɔ̀ gmɛ̌ ɓěɔ̀ xwíníín nyɛ́?”
Ké ɔ jǔ ma ḿ gɔ̃̌, ké ɔ ɖá, “Gmɛ̌ ɓěa mɔ̀ ɓóɖó-dù ɓě ɓɛ́ wa gbɛ̀ìn kà Júɖà-nyɔ̀ ɓěɔ̀ kè Éézùɖùɛ̀-nyɔ̀ ɓěɔ̀ ɔ kè Jùɖúsɛ̀ɖɛ̀ìn-nyɔ̀ ɓěɔ̀ dyi kɛ̀.”
20Hwɛ̀ ké Bounɓoɔ̀ zàìn ma ḿ ɓé-pa-nyɔ̀ hĩinyɛ da. 21Ké ḿ diè ɖɛi, ké ḿ ɖá, “Ɖɛ́ ɓé-pa-nyɔ̀ ɓěɛ̀ dyi nyuùn wɛ̃́?”
Ké ínjàɔ̀ jǔ ma ḿ gɔ̃̌, ké ɔ ɖá, “Wa dyi, ɓɛ́ wa ké gmɛ̌ ɓě ɓɛ́ wa gbɛ̀ìn kà Júɖà-ɓòɖòɔ̀ nyɔ ɓěɔ̀ dyi ké nyɔ ɖò seà dú dyií ɖúɛ ɓɛ́ìn ɓó wa dyúa kɛɛ nyɔ-díɖí-tàɓàìn-ɖɛ̀ ɓě bũ̌ nyu, ɓɛ́ wa ké gmɛ̌ ɓěɔ̀ ɓíɖíi dyi po.”
Currently Selected:
Zɛ́kɔ̀wáɖádyà 1: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Zɛ́kɔ̀wáɖádyà 1
1
Bounɓoɔ̀ ɖá ɔ nyɔ ɓěɔ̀ ɓɛ́ wa ké ɔ gbo gmɔ̀ìn ɖe
1Ɖé Dìwáɖádyà ɓɛ́ ɔ mɔ̀ ma Pɔ́sìà-ɓòɖòɔ̀ kã́á kɛɛ nììn ɓóɖó-wuɖuí-kɔ̃̀-zɔ̃̀ɔ̀ sɔ̃́ nììnɔ̀ dɛ̀nɛ̀ mɛ̀nɛ̌ìn-tã nììnɔ̀ xwíníín nyɛɛ, Bounɓoɔ̀ wùɖù ma mɔ̄ Zɛ́kɔ̀wáɖádyà mɔ̀à kpáá-ɖɛ̀-cɛ̃-nyɔ̀ɔ̀ kɛɛ gbo. Ḿ mɔ̀ Íɖòɛ̀ nyúà-dyú, ké ḿ ɓǎà nyɛ́nɛ́ mɔ̀ Bɛ̀wéɖékìà. Bounɓoɔ̀ cɛ̃ɛ ma ḿ gbo, ké ɔ ɖá, 2“Ḿ kpáìn ma ɓě ɓǎ nììn ɓǎ ɓěɔ̀ dyoɖoún. 3Ɔ ná nì jèɛɛ, cɛ̃ɛ ní nyɔ ɓěɔ̀ gbo, ɓɛ́ m̀ ké níiń, ‘Bounɓo mɔ̀ nyɔ nìà ɖɛ séín kɔ̃in nyɛɛ ɖá, “Ɓě mɛ gmɔ̀ìn nɔ̄ ḿ gbo ɖe, nìí, ní mu ɓě mɔ̀ùn gbo gmɔ̀ìn. 4Ɓěǐn ɖá ɓɛ́ ɓě ké nì kà ɓě ɓǎ nììn ɓǎ ɓěɔ̀ nyu zɔ̃̌ɔ̀ kà nìɛ̀ kɛ. Kpáá-ɖɛ̀-cɛ̃-nyɔ̀ ɓěɔ̀ cɛ̃ zɔ̃̌ɔ̀ ní wuɖuɔ̀ wa gbo, ké wa ɖá, ‘Bounɓo mɔ̀ nyɔ nìà ɖɛ séín kɔ̃in nyɛɛ ɖá, “Ɓě mɛ táà ɓěɛ̀ kpeɖe gbà ɓěɔ̀ kè ɓěɛ̀ nyuu-ɖɛ̀ gbà ɓěɔ̀ dyi.” ’ Kɛɛ wa se ma ní wuɖuɔ̀ ɖùǔ gbo tò. 5Má, ɓě ɓǎ nììn ɓǎ ɓěɔ̀ kè kpáá-ɖɛ̀-cɛ̃-nyɔ̀ ɓěɔ̀ se nì ɖee? 6Má, ɖɛ gbà ɓɛ́ ɓě ɓǎ nììn ɓǎ ɓěɔ̀ dyé ma kà dyíɛɛ mɔ̀ sepóɛɖé ḿ dè ma wa gma dyí, ké ḿ po ma wa náún dyììn ɖé ní gbo-nì-nyɔ̀ ɓě mɔ̀à kpáá-ɖɛ̀-cɛ̃-nyɔ̀ ɓěɔ̀ kɛɛ mú, ké wa se ma ní wuɖuɔ̀ dyi kpɔ̃ jèe? Sɔ̀ìn ɓóɛ gboɛɛ, wa kpá ma wìǐn, ké wa cɛ̃ɛ ma, ké wa ɖá, ‘Bounɓo mɔ̀ nyɔ nìà ɖɛ séín kɔ̃in nyɛɛ tò ma à gǎ kɔ̃ ɓó à kpeɖe gbà ɓěɔ̀ kè à nyuu-ɖɛ̀ gbà ɓěɔ̀ jè. Ɔ nyuɛ ma náa kà ɔ hwòɖǒ nyuɛ ma gbɔ poɛ kɛ.’ ” ’ ”
Dyí-tɛ̀mɛ̀ìn-ɖɛ̀ ɓá sǒ ɓě jè dyíɛ
7Ɓó Dìwáɖádyà nììn Pɔ́sìà-ɓòɖòɔ̀ wuɖuí-kɔ̃̀-zɔ̃̀ɔ̀ sɔ̃́ nììnɔ̀ dɛ̀nɛ̀ ɓaɖa-bùè sè ɖò nììn mɔ̀à Sɛ́ɓà-dɛ̀nɛ̀ɔ̀ kɛɛ wé kpáɖá-nyɔ sè hĩinyɛ nììnɔ̀ ɓaɖaa, Bounɓoɔ̀ wùɖù mɔ̄ Zɛ́kɔ̀wáɖádyà mɔ̀à kpáá-ɖɛ̀-cɛ̃-nyɔ̀ɔ̀ kɛɛ gbo ɖe. 8Ḿ dyé ma dyí-tɛ̀mɛ̀ìn-ɖɛ̀ ɖò ɓó máaún. Ḿ dyéɛ, ké gàa ɖò nì ma sǒ zĩ-zã ɖò kɔ̃ún. Ɔ mɔ̀ ma Bounɓoɔ̀ ínjà ɓěɔ̀ ɖò. Ɔ nyànà ma ɖé mátɔ̀-cù-gɔ̃̀ ɓě hwìɛ̀ dyi ɖé bɔɔ-kpà ɖò kɔ̃, ké sǒ zĩ-zã kè sǒ céè-céè ɔ kè sǒ púú ɓě ɓɛ́ ínjà tɔ̀ɔ̀ ɓě kò ma kɔ̃ún wɛ̃ɛ nì ma ɔ ɖeín. 9Ké ḿ diè ma ínjà ɖò nì ɓóɛɛ dyi, ké ḿ ɖá, “Ɓɔ̌ɔ̀, ɖɛ́ mɔ̀ ɖɛ ɓěɛ̀ xwíníín nyɛ́?”
Ké ínjàɔ̀ ɖá, “Ní mu ɖɛ mɔ̀ wa xwíníín nyɛɛ m̀ gbo kɔ̃in zaìn.”
10Púɛɛ, Bounɓoɔ̀ ínjà ɓɛ́ ɔ nyànà ma kà ɓó mátɔ̀-cù-gɔ̃̀ ɓěɔ̀ hwìɛ̀ dyiɛɛ cɛ̃ɛ ḿ gbo, ké ɔ ɖá, “Ínjà ɓěa mɔ̀ nyɔ ɓě ɓɛ́ Bounɓoɔ̀ ɖǎ ɖoɓo, ɓɛ́ wa ké ɓóɖó-kpà gànáà kɔ̃in gmɔìn nyɛ.”
11Sɔ̀ìn ɓóɛ gboɛɛ, ínjà ɓěɔ̀ cɛ̃ɛ ma Bounɓoɔ̀ ínjà ɓɛ́ ɔ nyànà ma kà ɓó mátɔ̀-cù-gɔ̃̀ ɓěɔ̀ hwìɛ̀ dyiɛɛ gbo, ké wa ɖá, “À ɖǎ ɓóɖó-kpà gànáà kɔ̃in gmɔìn, ké à ɖǎa dyé kà ɖɛ séín dè dyi dɔ̃̀ùn-dɔ̃̀ùn nɔ̄ ɓóɖó-kpàà kɔ̃ɛ.”
12Hwɛ̀ ké Bounɓoɔ̀ ínjàɔ̀ ɖá, “Óó Bounɓo, mɔ̀ nyɔ nìà ɖɛ séín kɔ̃in nyɛɛ, ti jĩ̀ xwɛ̌ mu ziìn hwɛ̀ ɓɛ́ m̀ ké Jùɖúsɛ̀ɖɛ̀ìn-hwɔ̀ɖɔ̀ɔ̀ kè hwɔɖɔ tɔ̀ɔ̀ ɓě nì ɖé Júɖà-ɓòɖòɔ̀ kɔ̃ɛɛ wìǐn dyé kɛ́? Dyéɛ, m̀ ɖǎ wa dyoɖo-hwòɖò ku wɔ̃ kɔ̃ ɓéɖéìn ɓó zɔ̃ kpáɖá-nyɔ tã ɓěɛ̀ mú.”
13Ké Bounɓoɔ̀ cɛ̃ ma kpeɖeɛ̀-dyíin-nɔ̀mɔ̀-wùɖù kè nyɔ-hwòɖǒ-dyi-dè-wùɖù ínjà ɓɛ́ ɔ wùɖù ma kà ḿ gboɛɛ gbo. 14Ɔ jèɛɛ, ínjàɔ̀ cɛ̃ɛ ma ḿ gbo, ké ɔ ɖá, “Páná mú, ɓɛ́ m̀ ké níiń, ‘Bounɓo mɔ̀ nyɔ nìà ɖɛ séín kɔ̃in nyɛɛ ɖá, “Jùɖúsɛ̀ɖɛ̀ìn-hwɔ̀ɖɔ̀ mɔ̀à Zádyɔún-hwɔ̀ɖɔ̀ɔ̀ kɛɛ jè kpɔ̃ ḿ hwòɖǒ mìɔ. 15Ké ḿ kpáìn ɓóɖó-dù ɓě ɓɛ́ wa nìà gìɖìǐ kè nɔ̀mɔ̀ dyíin mú cĩ́ɛń nyɛɛ dyoɖoún mìɔ. Sepóɛɖé ti ɓɛ́ ḿ nì ma ní dyoɖo-hwòɖòɔ̀ dyí kpɔ̃uń ɓó ní nyɔ ɓěɔ̀ gboɛɛ, wa nyuɛ ké ní nyɔ ɓěɔ̀ gǎ-dyé-dyéɔ̀ kpá kɔ̃ ɖe mìɔ. 16Ɔ ná nì jèɛɛ, ɖɛ mɔ̄ Bounɓoɔ̀ cɛ̃ɛ kɛà kɛ̀. Ḿ ɖǎ Jùɖúsɛ̀ɖɛ̀ìn-hwɔ̀ɖɔ̀ɔ̀ mú ɖe dyi, ɓɛ́ ḿ kéɛ wìǐn dyé. Wa mu Jùɖúsɛ̀ɖɛ̀ìn-hwɔ̀ɖɔ̀ɔ̀ ɖàɓàìn, ɓɛ́ wa kéɛ po ɖe, ké wa mu ɖé ní gbǒɔ̀ poùn ɖe. Mɔ̄ Bounɓo mɔ̀ nyɔ nìà ɖɛ séín kɔ̃in nyɛɛ mɔ̀ nyɔ cɛ̃à kɛ̀.” ’
17“Zɛ́kɔ̀wáɖádyà, m̀ mɛ páná mú ɖe, ɓɛ́ m̀ ké níiń, ‘Bounɓo mɔ̀ nyɔ nìà ɖɛ séín kɔ̃in nyɛɛ ɖá ɔ hwɔɖɔ ɓěɔ̀ mu dúún zaìn ɖe. Ɔ mu Jùɖúsɛ̀ɖɛ̀ìn-hwɔ̀ɖɔ̀ɔ̀ hwòɖǒ dyi dèìn ɖe, ɓɛ́ ɔ kéɛ ɔ mìɔùn ɓíɖí-hwɔ̀ɖɔ̀ mú nyu.’ ”
Dyí-tɛ̀mɛ̀ìn-ɖɛ̀ ɓá nimii-gmɛ̌ ɓě jè dyíɛ
18Sɔ̀ìn ɓóɛ gboɛɛ, ḿ ɖú ma dyéɖé dyií, ké ḿ dyé ma nimii-gmɛ̌ hĩinyɛ. 19Ké ḿ diè ma ínjà ɓɛ́ ɔ wùɖù ma kà ḿ gboɛɛ dyi, ké ḿ ɖá, “Ɖɛ́ mɔ̀ gmɛ̌ ɓěɔ̀ xwíníín nyɛ́?”
Ké ɔ jǔ ma ḿ gɔ̃̌, ké ɔ ɖá, “Gmɛ̌ ɓěa mɔ̀ ɓóɖó-dù ɓě ɓɛ́ wa gbɛ̀ìn kà Júɖà-nyɔ̀ ɓěɔ̀ kè Éézùɖùɛ̀-nyɔ̀ ɓěɔ̀ ɔ kè Jùɖúsɛ̀ɖɛ̀ìn-nyɔ̀ ɓěɔ̀ dyi kɛ̀.”
20Hwɛ̀ ké Bounɓoɔ̀ zàìn ma ḿ ɓé-pa-nyɔ̀ hĩinyɛ da. 21Ké ḿ diè ɖɛi, ké ḿ ɖá, “Ɖɛ́ ɓé-pa-nyɔ̀ ɓěɛ̀ dyi nyuùn wɛ̃́?”
Ké ínjàɔ̀ jǔ ma ḿ gɔ̃̌, ké ɔ ɖá, “Wa dyi, ɓɛ́ wa ké gmɛ̌ ɓě ɓɛ́ wa gbɛ̀ìn kà Júɖà-ɓòɖòɔ̀ nyɔ ɓěɔ̀ dyi ké nyɔ ɖò seà dú dyií ɖúɛ ɓɛ́ìn ɓó wa dyúa kɛɛ nyɔ-díɖí-tàɓàìn-ɖɛ̀ ɓě bũ̌ nyu, ɓɛ́ wa ké gmɛ̌ ɓěɔ̀ ɓíɖíi dyi po.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.