Wóɖómà Wóɖómà-cèè-ɖɛ̀ɔ̀ jè kɔ̃in-zaìn-zaìn
Wóɖómà-cèè-ɖɛ̀ɔ̀ jè kɔ̃in-zaìn-zaìn
Nyɔ ɖò se nyɔ mɔ̀ nyɔ ɓɛ́ ɔ cɛ̃ ma bɔ̃̌ nɔ̀mɔ̀ dyíinɔ̀ ɖé Wóɖóùn-ɓòɖòɔ̀ kɔ̃ kĩ́ín nyɛɛ jè dyí dyuò. Pɔ́ɔ̀ ɖǎ ma Kɛ́ɖɛ́ì ɖeín-sí-nyɔ̀ ɓě nì ma ɖéɛɛ jè wɔ̃́, ké ɔ mɔ́ ɓɛ́ ɔ ké ma ɖé wa gbo mu. Ɔ jèɛɛ, ɔ céè ma céè-ɖɛ̀ nìà kɛ, ɓɛ́ wa ké ma ti dyé ɓó ɔ ɖé mu jèɔ̀. Ɖé ɔ céè-ɖɛ̀ɔ̀ múɛɛ, ɔ zaìn ma ɖɛ kpa ɖɛ ɓě ɓɛ́ ɔ tɛ̀mɛ̀ìn ma nyɔǔn wɛ̃ɛ jè kɔ̃in.
Pɔ́ɔ̀ ɓɛ́ìn ma céè-ɖɛ̀ nìà kɛ céèɛ̀ ti ɓɛ́ ɔ nì ma ɖé Kɔ́ɖèìn-hwɔ̀ɖɔ̀ɔ̀ múɛ.
Céè-ɖɛ̀ɔ̀ dà m̀ ɓɛ́ìn ɖɛ kò-kò ɓěɛ̀ dyéɛ kɛɛ kɛà kɛ̀
1. Pɔ́ɔ̀ zàìn ɔ céè-ɖɛ̀ɔ̀ wa da. 1:1-17
2. Ɖɛ kɔ̃̀ jè nyɔǔn ɓéɖé ɓɛ́ wa kéà pó kɛ. 1:18–3:20
3. Kà Gèɖèpɔ́ɔ̀ nyu nyɔǔn póìn nyɛ. 3:21–4:25
4. Kà nyɔ ɓě nì Kɛ́ɖɛ́ì múɛɛ nyu cĩ́ɛ ɖie kɛ. 5:1–8:39
5. Ɖɛ Gèɖèpɔ́ɔ̀ po gbɔ ɓá Éézùɖùɛ̀-nyɔ̀ ɓěɔ̀ jè dyíɛ. 9:1–11:36
6. Kà Kɛ́ɖɛ́ì ɖeín-sí-nyɔ̀ɛ̀ kpeɖe ké nìɛ̀ nyuɛ. 12:1–15:13
7. Cuò-wùɖù. 15:14–16:27
Currently Selected:
Wóɖómà Wóɖómà-cèè-ɖɛ̀ɔ̀ jè kɔ̃in-zaìn-zaìn: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.