Wóɖómà 9
9
Gèɖèpɔ́ɔ̀ kè ɔ nyɔ ɓěɔ̀
1Ḿ nì jǎà cɛ̃iń ɖé Kɛ́ɖɛ́ì mú. Ḿ se se tɔ́mɔ́uń nì, ké ní hwòɖǒ-xwíníín-hwòɖò-dyùàɔ̀ nyuɛ zàse dyììn ɖé Zùù Hwɛ̀ǐn-hwɛ̀ǐnɔ̀ mú. 2Ḿ kpá wìǐn mìɔ, ké wìì nyu ní hwòɖǒ-dyùàɔ̀ tee. 3Sepóɛɖé ḿ mìɔùn ɓɛ́ìnɔ̌ wɔ̃́ɔ ɓɛ́ Gèɖèpɔ́ɔ̀ gboò-wùɖù kéɔ́ ḿ kɔ̃ nì, ɓɛ́ ḿ kéɔ́ Kɛ́ɖɛ́ì gbo sɔ̀ ɓó ní ɖíí ɓě mɔ̀à ní nyɔ ɓě ɖé nyɔǔn-dyù-wàkáɔ̀ kɔ̃ɛɛ bìì. 4Wa mɔ̀ Éézùɖùɛ̀-nyɔ̀ ɓěɔ̀. Wa mɔ̀ nyɔ ɓéɖé kpé, ɓɛ́ wa ké Gèɖèpɔ́ɔ̀ dyú ɓě jǔ. Gèɖèpɔ́ɔ̀ dĩ́ín-dĩ̀ìnɔ̀ nì ma ɓó wa gbo. Ɔ kè wa dè ma wuɖu, ké ɔ nyí ma wa ɔ gmaɔ̀. Wa ɓiè Gèɖèpɔ́ɔ̀ ɖé ɔ gbǒɔ̀ mú, ké wa ɓéɖé ɔ nyɛ́nɛ́ín-ɖáìn-ɖɛ̀ ɓěɔ̀. 5À ɓǎ nììn ɓǎ ɓěɔ̀ mɔ̀ ma wa ɖò. Ké Kɛ́ɖɛ́ì ɖé nyɔǔn-dyùɛ̀ wákáɔ̀ kɔ̃ɛɛ sɔ̀ìn ma ɖé wa mú. Ɓàìn-ɓàìn mɛ nì Gèɖèpɔ́ɔ̀ mɔ̀ nyɔ ɓɛ́ ɔ nìà ɖɛ séín kɔ̃in nyɛɛ kɔ̃ ɓó sè-ná-sèɛ̀ tiín. Kǎà ɔ mɛ nì.
6Ɔ se ɖɛ ɓɛ́ ɖɛ Gèɖèpɔ́ɔ̀ cɛ̃ ma kà kɛɛ ké se ma ná kpáa. Sepóɛɖé ɔ se ɖɛ ɓɛ́ nyɔǔn séín ɓě mɔ̀à Éézùɖùɛ̀ɛ̀ nyúà-dyú ɓěɛɛ ké Éézùɖùɛ̀-nyɔ̀ jǔ jǎà kɛ. 7Ké nyɔ séín ɓě mɔ̀à Ééɓòɖòhɛ̃́ɛ̀ nyúà-dyú ɓěɛɛ, wa se ɔ dyú jǎà cá. Kɛɛ kà Gèɖèpɔ́ɔ̀-cèè-ɖɛ̀ɔ̀ nyuà cɛ̃ɛ kɛɛ, ɔ kɛ̀. Ɔ ɖá, “Dyììn ɖé Áázè múɛɛ, ɖéɛ̀ nì nyɛ́nɛ́ɔ̀ mu dyúa muùn kánáá pū.” 8Ɔ xwíníín mɔ̀, ɔ se ɖɛ ɓɛ́ nyɔ séín ɓě wóɖóà ɖé wa ɖe kè wa ɓǎ xwíníín nyɛɛ ké Gèɖèpɔ́ɔ̀ dyú jǔɛ. Kɛɛ ɔ mɔ̀ nyɔ ɓě ɓɛ́ Gèɖèpɔ́ɔ̀ nyɛ́nɛ́ín-ɖáìn-ɖɛ̀ɔ̀ nyu ké wa wóɖóà kɛɛ, wa mɔ̀ nyɔ ɖé wa ɖáìn Ééɓòɖòhɛ̃́ɛ̀ nyúà-dyú ɓě kɛ̀. 9Sepóɛɖé ɖɛ nyɛ́nɛ́ín-ɖáìn-ɖɛ̀ɔ̀ cɛ̃à kɛɛ kɛà kɛ̀. Ɔ ɖá, “Ní mu ɓě gbo dyi téìn ɖe ɓó zɔ̃ muà dyiìn nyɛɛ, ti dyúáɖòɛ̀ xwíníín, ké Seɖɔ́ mu gàa-dyù ɖò ɓéɖéìn.”
10Ɔ se ná nì ɖòùn. Wìɖìbɛ́kɔ̀ɛ̀ dyú ɓěɔ̀ ɓéɖé ma ɓǎ dyúáɖò. Ɔ mɔ̀ Áázè, ké ɔ mɔ̀à à ɓǎ nììn ɓǎ kɛ. 11-12Hwɛ̀ ɓɛ́ dyú ɓěɔ̀ ké zɔ̃̌ɔ̀ wóɖó, ɓɛ́ wa ké ma ɖɛ nɔ̀mɔ̀ dyíin kè ɖɛ gbà nyuɛɛ, Gèɖèpɔ́ɔ̀ cɛ̃ɛ ma Wìɖìbɛ́kɔ̀ gbo, ké ɔ ɖá, “Nyɔ vɛ̀nɛ̀ɔ̀ mu nyɔ dyùwèɔ̀ gbo nììn.” Gèɖèpɔ́ɔ̀ nyuɛ náa, ɓɛ́ ɔ ɖɛ-dyí-sɔ́-sɔ́ mɔ̀à ɔ nyɔ-gã-gãa ké ma dyúa mu. Ɖɛ kɔ̃̀ jè Gèɖèpɔ́ɔ̀ gã nyɔ kɛɛ mɔ̀ ɔ ɖá wa jè, kɛɛ ɔ se ɖɛ ɓě ɓɛ́ wa nyuɛɛ jè. 13Kà ɓɛ́ ɔ nyuà céèɛ̀ ɖé Gèɖèpɔ́ɔ̀-cèè-ɖɛ̀ɔ̀ múɛɛ, ɔ kɛ̀. Ɔ ɖá, “Ḿ ɖɛ̀ɓɛ̀ Jékɔ̀ mú, ké ḿ nyɛ́ Íìsɔ́ɔ̀ mú.”
14Nìí, ɓěà mɛ ɖá Gèɖèpɔ́ɔ̀ se dyí-sɛ́ɖɛ́ìn-nyɔ̀e? Hée, ɔ se ná nì. 15Sepóɛɖé ɔ cɛ̃ɛ Mózè gbo, ké ɔ ɖá, “Ḿ dyé nyɔ ní hwòɖǒ mɔ́ wìǐn dyéɛ dyiɛɛ wìǐn, ké nyɔ ní hwòɖǒ mɔ́ jĩ́á-jè dyí nyuɛ dyiɛɛ, ḿ nyu ɔ jĩ́á-jè dyí.” 16Ɔ jèɛɛ, ɖɛ kpa ɖɛ cáa, ɔ se nyɔǔn mɔ́ɔ́-ɖɛ̀, ké ɔ se waà ɖɛ-kpéí-po-po, kɛɛ ɔ mɔ̀ Gèɖèpɔ́ɔ̀ nyɔ-wìǐn-dyé-dyé. 17Sepóɛɖé Gèɖèpɔ́ɔ̀-cèè-ɖɛ̀ɔ̀ cɛ̃ɛ Féwòɖò gbo, ké ɔ ɖá, “Ɖɛ kɔ̃̀ jè ḿ sɔ̀ìn kà m̀ dyíɛɛ mɔ̀, kà ní mu m̀ kpɔ̃ɔ nyuùn wɛ̃ɛ, ɔ ké ní kpéɔ̀ nyɔǔn dyí tɛ̀mɛ̀ìn, ɓɛ́ ní nyɛ́nɛ́ɔ̀ ké mu ɖé ɓóɖó-kpàà dà séín.” 18Ɔ jèɛɛ, ɔ dyé nyɔǔn séín ɔ mɔ́ wìǐn dyéɛ dyiɛɛ wìǐn, ké ɔ kùmùìn nyɔǔn ɓě kɔ̃̀ hwòɖǒ-dyùà ɔ mɔ́ kùmùɛ̀n dyiɛ.
Gèɖèpɔ́ɔ̀ dyoɖo kè ɔ wìì
19Nìí, nì muɛ ḿ gbo cɛ̃ìn, ɓɛ́ m̀ ké níiń, “Ɖɛ́ kɔ̃̀ jè ɔ kàìn nyɔǔn keɛ́? Sepóɛɖé nyɛ́ ɓɛ́ìn Gèɖèpɔ́ɔ̀ mɔ́ɔ́-ɖɛ̀ gbo vɔ̃ɔ kɛ́?” 20Kɛɛ gàa wè, m̀ mɔ̀ nyɛ́ ɓɛ́ m̀ ké wuɖu ɖé zà ɖe ɖé Gèɖèpɔ́ɔ̀ gboɛ́? Ɖɛ wa mɛ kɛɛ ɓɛ́ìn nyɔ mɛà kɛɛ dyi dièɛ̀, ɓɛ́ ɔ ké níiń, “Ɖɛ́ kɔ̃̀ jè m̀ nyuà kà ḿ wɛ̃́ɛ̀?” 21Mɛ-dyàà-mɛ-nyɔ̀ɔ̀ se kpé ɓéɖé ɓɛ́ ɔ ké ɖɛ ɔ mɔ́ ɔ mɛɔ̀ mú nyùɛ̀n dyiɛɛ mú nyue? Ɔ se mɛ dyúáɖòɔ̀ dyí ɖúɛ ɓɛ́ìn, ɓɛ́ ɔ kéɛ mɛ ɓó ɖɛ kpa ɖɛ ɖò jèè, mɔɔ ɓɛ́ ɔ kéɛ tɔ̀ɔ̀ dyí ɖú, ɓɛ́ ɔ kéɛ mɛ ɓó ɖɛ se ɖɛ kpa ɖò jèè?
22Gèɖèpɔ́ɔ̀ mɔ́ ɓɛ́ ɔ ké ma ɔ dyoɖoɔ̀ nyɔǔn dyí tɛ̀mɛ̀ìn, ɓɛ́ wa ké ɔ kpéɔ̀ dyí dyuò dyɛo, kɛɛ ɔ jǔ ké ɔ dyi ma hwòɖǒ ku, ké ɔ dyi ma nyɔ ɓě ɓɛ́ ɔ kpáìn ma dyoɖoún, ké wa ɖǎ ma ti dyé, ɓɛ́ wa ké ma mú gbɔɔ̀ kɛɛ kpeɖe hwòɖǒ kùɛ̀n mɔ́ín, nìí, ɔ mɔ̀ ɖɛ ɖòò? 23Ɔ nyuɛ ma náa, ɓɛ́ nyɔǔn ké ɔ bã-ɖɛ̀ dĩ́ín-dĩ̀ìn ɓě ɓɛ́ ɔ ɓéɖéà ɓó nyɔǔn ɓě ɓɛ́ ɔ muà wìǐn dyéìn nyɛ bììɛɛ dyí dyuò. Nyɔ ɓě nìà kɛɛ, ɔ ɖǎ ma wa ti dyéìn kĩ́ín, ɓɛ́ wa ké ɔ dĩ́ín-dĩ̀ìnɔ̀ ɓéɖé. 24Ɔ mɔ̀ à mɔ̀ nyɔ ɓě ɓɛ́ ɔ ɖǎà ɖá kɛ. À se Júù-nyɔ̀ ɓěɔ̀ ɖòùn hwìɛ̀ sɔ̀, kɛɛ à ɖíɛ́ ɓě sɔ̀ ɓóɖó-dù kà kò ɖò ɓěɛ̀ nyɔ ɓěɔ̀ hwìɛ̀ ɖekè. 25Ké ɔ cɛ̃ ma ɖɛa ɖé Hòzéà-cèè-ɖɛ̀ɔ̀ mú ɖekè. Ɔ cɛ̃ɛ ma ɖéɛ, ké ɔ ɖá,
“Ní muá nyɔ ɓě ɓɛ́ wa se ma ní nyɔ ɓě kĩ́ín nyɛɛ gbo cɛ̃ìn, ɓɛ́ ḿ ké níiń, ‘Ɓě mɔ̀ǎ ní nyɔ.’
Ní muá nyɔ ɓě ɓɛ́ ḿ se ma mú ɖɛ̀ɓɛ̀ɛ mú ɖɛ̀ɓɛ̀ìn.
26Dɛ̀ ɓɛ́ ḿ cɛ̃ɛ ma kà wa gbo, ɓɛ́ ḿ dyi níiń, ‘Ɓě se ní nyɔ ɓě ɖeoɛɛ,’
ɖé pá dyúáɖòɔ̀ mú, ɖéɛ̀ ní muɛ wa gbo cɛ̃ìn, ɓɛ́ ḿ ké níiń, ‘Ɓě mɔ̀ nì-nì Gèɖèpɔ́ɔ̀ dyú ɓě.’ ”
27Ké Àzédyà po ma zio ɓá Éézùɖùɛ̀-nyɔ̀ ɓěɔ̀ jè dyí, ké ɔ ɖá, “Éézùɖùɛ̀-nyɔ̀ ɓěɔ̀ vò dyí kà pĩ́ɔ nìà dyóóɔ̀ wĩin nyɛɛ vòà dyíɛɛ dyɛo, kɛɛ waà nyɔ xwéɖé wè mɔ̀ nyɔ mu póùn ɖòùn pū. 28Sepóɛɖé ɖɛ ɓɛ́ Bounɓoɔ̀ ɖá ɔ mu ɓóɖó-kpàà bũ̌ nyuùn wɛ̃ɛ, ɔ muɛ nyuùn gàná cá, ké ɔ se ti ɖò zĩ̀ɛ̌n mu.” 29Ké kà Àzédyà cɛ̃ɛ zɔ̃̌ɔ̀ kà ɔ mu ma kpáùn wɛ̃ɛ, ɔ kɛ̀. Ɔ ɖá, “Ɔ jǔ ké Bounɓo mɔ̀ nyɔ nìà ɖɛ séín kɔ̃in nyɛɛ seɔ́ má à nyúà-dyú ɓěɔ̀ ɖò ɓíɖíi sè ní, nìí, à muɔ́ nììn kà Sáɖɔ̀ùn-hwɔ̀ɖɔ̀ɔ̀ nìà kɛ. À muɔ́ nììn kà Gòmɔ́ɖɔ̀-hwɔ̀ɖɔ̀ɔ̀ nìà kɛ.”
Pɔ́ɔ̀ ɓaà Éézùɖùɛ̀-nyɔ̀ ɓěɔ̀ bìì
30Nìí, xwɛ̌ ɓěà mɛ ɖáá? Ɓóɖó-dù kà kò ɖò ɓěɛ̀ nyɔ ɓěɔ̀ se ma dyí sɛ́ɖɛ́ìn jè vɔ̃ɛɛ, wa ɖǎa ɓéɖé. Ɔ mɔ̀ dyí-sɛ́ɖɛ́ìn-sɛ́ɖɛ́ìn dyììn ɖé hwìɖǐǐ-taɓa-taɓa múɛ. 31Kɛɛ Éézùɖùɛ̀-nyɔ̀ ɓě mɔ̀ nyɔ ɓɛ́ wa nì ma kà gma muà dyí-sɛ́ɖɛ́ìn-sɛ́ɖɛ́ìn dyàùn wɛ̃ɛ jè vɔ̃uń wɛ̃ɛ, wa seɛ ma dyé. 32Ɖɛ́ kɔ̃̀ jè ɔ nìà ná kɛ́? Ɔ mɔ̀, sepóɛɖé wa seɛ ma jè vɔ̃ dyììn ɖé hwìɖǐǐ-taɓa-taɓa mú. Kɛɛ wa vɔ̃ ma ɔ jè kà ɓɛ́ nyuu-ɖɛ̀ ɓě ɓɛ́ìnɔ̌ kà nyuɛ ɓɛ́ wa kéɔ́ kà ɔ dyéɛ. Wa ɖǎ sɔ́ɔ́-kpò mɔ̀à nyu-nyɔ̀ ké nyɔǔn gbǒà kɛɛ dyí gbǒ. 33Gèɖèpɔ́ɔ̀-cèè-ɖɛ̀ɔ̀ cɛ̃ ɔ jè, ké ɔ ɖá,
“Gmɔ̀ nɔ̄, ḿ nì sɔ́ɔ́-kpò ɖò dyi dèɛ̌n ɖé Zádyɔún-hwɔ̀ɖɔ̀ɔ̀ mú.
Ɔ mɔ̀ sɔ́ɔ́-kpò mɔ̀ nyɔ muɛ nyuùn ɓɛ́ nyɔǔn ké gbǒɛ.
Ɔ mɔ̀ sɔ́ɔ́-kpò mɔ̀ nyɔ muɛ nyuùn ɓɛ́ wa ké ɓuɖuɛ.
Ké nyɔ mɔ̀ nyɔ mu ɔ hwìɖǐǐ taɓaùn wɛ̃ɛ, dɛ̃ se ɔ nyuɛ́ mu.”
Currently Selected:
Wóɖómà 9: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Wóɖómà 9
9
Gèɖèpɔ́ɔ̀ kè ɔ nyɔ ɓěɔ̀
1Ḿ nì jǎà cɛ̃iń ɖé Kɛ́ɖɛ́ì mú. Ḿ se se tɔ́mɔ́uń nì, ké ní hwòɖǒ-xwíníín-hwòɖò-dyùàɔ̀ nyuɛ zàse dyììn ɖé Zùù Hwɛ̀ǐn-hwɛ̀ǐnɔ̀ mú. 2Ḿ kpá wìǐn mìɔ, ké wìì nyu ní hwòɖǒ-dyùàɔ̀ tee. 3Sepóɛɖé ḿ mìɔùn ɓɛ́ìnɔ̌ wɔ̃́ɔ ɓɛ́ Gèɖèpɔ́ɔ̀ gboò-wùɖù kéɔ́ ḿ kɔ̃ nì, ɓɛ́ ḿ kéɔ́ Kɛ́ɖɛ́ì gbo sɔ̀ ɓó ní ɖíí ɓě mɔ̀à ní nyɔ ɓě ɖé nyɔǔn-dyù-wàkáɔ̀ kɔ̃ɛɛ bìì. 4Wa mɔ̀ Éézùɖùɛ̀-nyɔ̀ ɓěɔ̀. Wa mɔ̀ nyɔ ɓéɖé kpé, ɓɛ́ wa ké Gèɖèpɔ́ɔ̀ dyú ɓě jǔ. Gèɖèpɔ́ɔ̀ dĩ́ín-dĩ̀ìnɔ̀ nì ma ɓó wa gbo. Ɔ kè wa dè ma wuɖu, ké ɔ nyí ma wa ɔ gmaɔ̀. Wa ɓiè Gèɖèpɔ́ɔ̀ ɖé ɔ gbǒɔ̀ mú, ké wa ɓéɖé ɔ nyɛ́nɛ́ín-ɖáìn-ɖɛ̀ ɓěɔ̀. 5À ɓǎ nììn ɓǎ ɓěɔ̀ mɔ̀ ma wa ɖò. Ké Kɛ́ɖɛ́ì ɖé nyɔǔn-dyùɛ̀ wákáɔ̀ kɔ̃ɛɛ sɔ̀ìn ma ɖé wa mú. Ɓàìn-ɓàìn mɛ nì Gèɖèpɔ́ɔ̀ mɔ̀ nyɔ ɓɛ́ ɔ nìà ɖɛ séín kɔ̃in nyɛɛ kɔ̃ ɓó sè-ná-sèɛ̀ tiín. Kǎà ɔ mɛ nì.
6Ɔ se ɖɛ ɓɛ́ ɖɛ Gèɖèpɔ́ɔ̀ cɛ̃ ma kà kɛɛ ké se ma ná kpáa. Sepóɛɖé ɔ se ɖɛ ɓɛ́ nyɔǔn séín ɓě mɔ̀à Éézùɖùɛ̀ɛ̀ nyúà-dyú ɓěɛɛ ké Éézùɖùɛ̀-nyɔ̀ jǔ jǎà kɛ. 7Ké nyɔ séín ɓě mɔ̀à Ééɓòɖòhɛ̃́ɛ̀ nyúà-dyú ɓěɛɛ, wa se ɔ dyú jǎà cá. Kɛɛ kà Gèɖèpɔ́ɔ̀-cèè-ɖɛ̀ɔ̀ nyuà cɛ̃ɛ kɛɛ, ɔ kɛ̀. Ɔ ɖá, “Dyììn ɖé Áázè múɛɛ, ɖéɛ̀ nì nyɛ́nɛ́ɔ̀ mu dyúa muùn kánáá pū.” 8Ɔ xwíníín mɔ̀, ɔ se ɖɛ ɓɛ́ nyɔ séín ɓě wóɖóà ɖé wa ɖe kè wa ɓǎ xwíníín nyɛɛ ké Gèɖèpɔ́ɔ̀ dyú jǔɛ. Kɛɛ ɔ mɔ̀ nyɔ ɓě ɓɛ́ Gèɖèpɔ́ɔ̀ nyɛ́nɛ́ín-ɖáìn-ɖɛ̀ɔ̀ nyu ké wa wóɖóà kɛɛ, wa mɔ̀ nyɔ ɖé wa ɖáìn Ééɓòɖòhɛ̃́ɛ̀ nyúà-dyú ɓě kɛ̀. 9Sepóɛɖé ɖɛ nyɛ́nɛ́ín-ɖáìn-ɖɛ̀ɔ̀ cɛ̃à kɛɛ kɛà kɛ̀. Ɔ ɖá, “Ní mu ɓě gbo dyi téìn ɖe ɓó zɔ̃ muà dyiìn nyɛɛ, ti dyúáɖòɛ̀ xwíníín, ké Seɖɔ́ mu gàa-dyù ɖò ɓéɖéìn.”
10Ɔ se ná nì ɖòùn. Wìɖìbɛ́kɔ̀ɛ̀ dyú ɓěɔ̀ ɓéɖé ma ɓǎ dyúáɖò. Ɔ mɔ̀ Áázè, ké ɔ mɔ̀à à ɓǎ nììn ɓǎ kɛ. 11-12Hwɛ̀ ɓɛ́ dyú ɓěɔ̀ ké zɔ̃̌ɔ̀ wóɖó, ɓɛ́ wa ké ma ɖɛ nɔ̀mɔ̀ dyíin kè ɖɛ gbà nyuɛɛ, Gèɖèpɔ́ɔ̀ cɛ̃ɛ ma Wìɖìbɛ́kɔ̀ gbo, ké ɔ ɖá, “Nyɔ vɛ̀nɛ̀ɔ̀ mu nyɔ dyùwèɔ̀ gbo nììn.” Gèɖèpɔ́ɔ̀ nyuɛ náa, ɓɛ́ ɔ ɖɛ-dyí-sɔ́-sɔ́ mɔ̀à ɔ nyɔ-gã-gãa ké ma dyúa mu. Ɖɛ kɔ̃̀ jè Gèɖèpɔ́ɔ̀ gã nyɔ kɛɛ mɔ̀ ɔ ɖá wa jè, kɛɛ ɔ se ɖɛ ɓě ɓɛ́ wa nyuɛɛ jè. 13Kà ɓɛ́ ɔ nyuà céèɛ̀ ɖé Gèɖèpɔ́ɔ̀-cèè-ɖɛ̀ɔ̀ múɛɛ, ɔ kɛ̀. Ɔ ɖá, “Ḿ ɖɛ̀ɓɛ̀ Jékɔ̀ mú, ké ḿ nyɛ́ Íìsɔ́ɔ̀ mú.”
14Nìí, ɓěà mɛ ɖá Gèɖèpɔ́ɔ̀ se dyí-sɛ́ɖɛ́ìn-nyɔ̀e? Hée, ɔ se ná nì. 15Sepóɛɖé ɔ cɛ̃ɛ Mózè gbo, ké ɔ ɖá, “Ḿ dyé nyɔ ní hwòɖǒ mɔ́ wìǐn dyéɛ dyiɛɛ wìǐn, ké nyɔ ní hwòɖǒ mɔ́ jĩ́á-jè dyí nyuɛ dyiɛɛ, ḿ nyu ɔ jĩ́á-jè dyí.” 16Ɔ jèɛɛ, ɖɛ kpa ɖɛ cáa, ɔ se nyɔǔn mɔ́ɔ́-ɖɛ̀, ké ɔ se waà ɖɛ-kpéí-po-po, kɛɛ ɔ mɔ̀ Gèɖèpɔ́ɔ̀ nyɔ-wìǐn-dyé-dyé. 17Sepóɛɖé Gèɖèpɔ́ɔ̀-cèè-ɖɛ̀ɔ̀ cɛ̃ɛ Féwòɖò gbo, ké ɔ ɖá, “Ɖɛ kɔ̃̀ jè ḿ sɔ̀ìn kà m̀ dyíɛɛ mɔ̀, kà ní mu m̀ kpɔ̃ɔ nyuùn wɛ̃ɛ, ɔ ké ní kpéɔ̀ nyɔǔn dyí tɛ̀mɛ̀ìn, ɓɛ́ ní nyɛ́nɛ́ɔ̀ ké mu ɖé ɓóɖó-kpàà dà séín.” 18Ɔ jèɛɛ, ɔ dyé nyɔǔn séín ɔ mɔ́ wìǐn dyéɛ dyiɛɛ wìǐn, ké ɔ kùmùìn nyɔǔn ɓě kɔ̃̀ hwòɖǒ-dyùà ɔ mɔ́ kùmùɛ̀n dyiɛ.
Gèɖèpɔ́ɔ̀ dyoɖo kè ɔ wìì
19Nìí, nì muɛ ḿ gbo cɛ̃ìn, ɓɛ́ m̀ ké níiń, “Ɖɛ́ kɔ̃̀ jè ɔ kàìn nyɔǔn keɛ́? Sepóɛɖé nyɛ́ ɓɛ́ìn Gèɖèpɔ́ɔ̀ mɔ́ɔ́-ɖɛ̀ gbo vɔ̃ɔ kɛ́?” 20Kɛɛ gàa wè, m̀ mɔ̀ nyɛ́ ɓɛ́ m̀ ké wuɖu ɖé zà ɖe ɖé Gèɖèpɔ́ɔ̀ gboɛ́? Ɖɛ wa mɛ kɛɛ ɓɛ́ìn nyɔ mɛà kɛɛ dyi dièɛ̀, ɓɛ́ ɔ ké níiń, “Ɖɛ́ kɔ̃̀ jè m̀ nyuà kà ḿ wɛ̃́ɛ̀?” 21Mɛ-dyàà-mɛ-nyɔ̀ɔ̀ se kpé ɓéɖé ɓɛ́ ɔ ké ɖɛ ɔ mɔ́ ɔ mɛɔ̀ mú nyùɛ̀n dyiɛɛ mú nyue? Ɔ se mɛ dyúáɖòɔ̀ dyí ɖúɛ ɓɛ́ìn, ɓɛ́ ɔ kéɛ mɛ ɓó ɖɛ kpa ɖɛ ɖò jèè, mɔɔ ɓɛ́ ɔ kéɛ tɔ̀ɔ̀ dyí ɖú, ɓɛ́ ɔ kéɛ mɛ ɓó ɖɛ se ɖɛ kpa ɖò jèè?
22Gèɖèpɔ́ɔ̀ mɔ́ ɓɛ́ ɔ ké ma ɔ dyoɖoɔ̀ nyɔǔn dyí tɛ̀mɛ̀ìn, ɓɛ́ wa ké ɔ kpéɔ̀ dyí dyuò dyɛo, kɛɛ ɔ jǔ ké ɔ dyi ma hwòɖǒ ku, ké ɔ dyi ma nyɔ ɓě ɓɛ́ ɔ kpáìn ma dyoɖoún, ké wa ɖǎ ma ti dyé, ɓɛ́ wa ké ma mú gbɔɔ̀ kɛɛ kpeɖe hwòɖǒ kùɛ̀n mɔ́ín, nìí, ɔ mɔ̀ ɖɛ ɖòò? 23Ɔ nyuɛ ma náa, ɓɛ́ nyɔǔn ké ɔ bã-ɖɛ̀ dĩ́ín-dĩ̀ìn ɓě ɓɛ́ ɔ ɓéɖéà ɓó nyɔǔn ɓě ɓɛ́ ɔ muà wìǐn dyéìn nyɛ bììɛɛ dyí dyuò. Nyɔ ɓě nìà kɛɛ, ɔ ɖǎ ma wa ti dyéìn kĩ́ín, ɓɛ́ wa ké ɔ dĩ́ín-dĩ̀ìnɔ̀ ɓéɖé. 24Ɔ mɔ̀ à mɔ̀ nyɔ ɓě ɓɛ́ ɔ ɖǎà ɖá kɛ. À se Júù-nyɔ̀ ɓěɔ̀ ɖòùn hwìɛ̀ sɔ̀, kɛɛ à ɖíɛ́ ɓě sɔ̀ ɓóɖó-dù kà kò ɖò ɓěɛ̀ nyɔ ɓěɔ̀ hwìɛ̀ ɖekè. 25Ké ɔ cɛ̃ ma ɖɛa ɖé Hòzéà-cèè-ɖɛ̀ɔ̀ mú ɖekè. Ɔ cɛ̃ɛ ma ɖéɛ, ké ɔ ɖá,
“Ní muá nyɔ ɓě ɓɛ́ wa se ma ní nyɔ ɓě kĩ́ín nyɛɛ gbo cɛ̃ìn, ɓɛ́ ḿ ké níiń, ‘Ɓě mɔ̀ǎ ní nyɔ.’
Ní muá nyɔ ɓě ɓɛ́ ḿ se ma mú ɖɛ̀ɓɛ̀ɛ mú ɖɛ̀ɓɛ̀ìn.
26Dɛ̀ ɓɛ́ ḿ cɛ̃ɛ ma kà wa gbo, ɓɛ́ ḿ dyi níiń, ‘Ɓě se ní nyɔ ɓě ɖeoɛɛ,’
ɖé pá dyúáɖòɔ̀ mú, ɖéɛ̀ ní muɛ wa gbo cɛ̃ìn, ɓɛ́ ḿ ké níiń, ‘Ɓě mɔ̀ nì-nì Gèɖèpɔ́ɔ̀ dyú ɓě.’ ”
27Ké Àzédyà po ma zio ɓá Éézùɖùɛ̀-nyɔ̀ ɓěɔ̀ jè dyí, ké ɔ ɖá, “Éézùɖùɛ̀-nyɔ̀ ɓěɔ̀ vò dyí kà pĩ́ɔ nìà dyóóɔ̀ wĩin nyɛɛ vòà dyíɛɛ dyɛo, kɛɛ waà nyɔ xwéɖé wè mɔ̀ nyɔ mu póùn ɖòùn pū. 28Sepóɛɖé ɖɛ ɓɛ́ Bounɓoɔ̀ ɖá ɔ mu ɓóɖó-kpàà bũ̌ nyuùn wɛ̃ɛ, ɔ muɛ nyuùn gàná cá, ké ɔ se ti ɖò zĩ̀ɛ̌n mu.” 29Ké kà Àzédyà cɛ̃ɛ zɔ̃̌ɔ̀ kà ɔ mu ma kpáùn wɛ̃ɛ, ɔ kɛ̀. Ɔ ɖá, “Ɔ jǔ ké Bounɓo mɔ̀ nyɔ nìà ɖɛ séín kɔ̃in nyɛɛ seɔ́ má à nyúà-dyú ɓěɔ̀ ɖò ɓíɖíi sè ní, nìí, à muɔ́ nììn kà Sáɖɔ̀ùn-hwɔ̀ɖɔ̀ɔ̀ nìà kɛ. À muɔ́ nììn kà Gòmɔ́ɖɔ̀-hwɔ̀ɖɔ̀ɔ̀ nìà kɛ.”
Pɔ́ɔ̀ ɓaà Éézùɖùɛ̀-nyɔ̀ ɓěɔ̀ bìì
30Nìí, xwɛ̌ ɓěà mɛ ɖáá? Ɓóɖó-dù kà kò ɖò ɓěɛ̀ nyɔ ɓěɔ̀ se ma dyí sɛ́ɖɛ́ìn jè vɔ̃ɛɛ, wa ɖǎa ɓéɖé. Ɔ mɔ̀ dyí-sɛ́ɖɛ́ìn-sɛ́ɖɛ́ìn dyììn ɖé hwìɖǐǐ-taɓa-taɓa múɛ. 31Kɛɛ Éézùɖùɛ̀-nyɔ̀ ɓě mɔ̀ nyɔ ɓɛ́ wa nì ma kà gma muà dyí-sɛ́ɖɛ́ìn-sɛ́ɖɛ́ìn dyàùn wɛ̃ɛ jè vɔ̃uń wɛ̃ɛ, wa seɛ ma dyé. 32Ɖɛ́ kɔ̃̀ jè ɔ nìà ná kɛ́? Ɔ mɔ̀, sepóɛɖé wa seɛ ma jè vɔ̃ dyììn ɖé hwìɖǐǐ-taɓa-taɓa mú. Kɛɛ wa vɔ̃ ma ɔ jè kà ɓɛ́ nyuu-ɖɛ̀ ɓě ɓɛ́ìnɔ̌ kà nyuɛ ɓɛ́ wa kéɔ́ kà ɔ dyéɛ. Wa ɖǎ sɔ́ɔ́-kpò mɔ̀à nyu-nyɔ̀ ké nyɔǔn gbǒà kɛɛ dyí gbǒ. 33Gèɖèpɔ́ɔ̀-cèè-ɖɛ̀ɔ̀ cɛ̃ ɔ jè, ké ɔ ɖá,
“Gmɔ̀ nɔ̄, ḿ nì sɔ́ɔ́-kpò ɖò dyi dèɛ̌n ɖé Zádyɔún-hwɔ̀ɖɔ̀ɔ̀ mú.
Ɔ mɔ̀ sɔ́ɔ́-kpò mɔ̀ nyɔ muɛ nyuùn ɓɛ́ nyɔǔn ké gbǒɛ.
Ɔ mɔ̀ sɔ́ɔ́-kpò mɔ̀ nyɔ muɛ nyuùn ɓɛ́ wa ké ɓuɖuɛ.
Ké nyɔ mɔ̀ nyɔ mu ɔ hwìɖǐǐ taɓaùn wɛ̃ɛ, dɛ̃ se ɔ nyuɛ́ mu.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.