Wóɖómà 8
8
Fɛ̀ɛ̀ ɓɛ́ à ɓéɖé ɖé Zùùɔ̀ múɛ
1Ɔ jèɛɛ, nyɔ ɓě ɓɛ́ wa kè Kɛ́ɖɛ́ì Jízɛ̀ mɔ̀à nyɔ dyúáɖò kɛɛ, zaa-dúún-wáɖá-wáɖá ɖò se wa bìì nì ɖe fɔɔ. 2Sepóɛɖé ɖé Kɛ́ɖɛ́ì Jízɛ̀ múɛɛ, Zùùɔ̀ gma ɓɛ́ ɔ tòà fɛ̀ɛ̀ kɛɛ ɖǎ m̀ nàmàǔn kè mɛ́-mɛ́ɛ̀ gma xwaún buɛ̀. 3Nyɔǔn-dyùɛ̀ mɔ́ɔ́-ɖɛ̀ nyuɛ ké gmaɔ̀ hwɛ̀ kpéí. Gèɖèpɔ́ɔ̀ nyu ɖɛ gmaɔ̀ se nyuɛ ɓɛ́ìn nyɛ. Ɔ tò ma ɔ Dyú-gààɔ̀, ké ɔ Dyú-gààɔ̀ nììn kpóɖó-dyùàɔ̀ kè nyɔǔn-dyù nyuà nàmàǔn wɛ̃ɛ kpóɖó-dyùàɔ̀ hwɔìn ma ní. Ɔ tò ma ɔ, ɓɛ́ ɔ ké ma nàmàǔn jè mɛ́. Ké ɔ nyuɛ ké zaa wáɖá nàmàǔn ɓɛ́ ɔ nìà nyɔǔn-dyùɛ̀ mɔ́ɔ́-ɖɛ̀ múɛɛ dúún. 4Ɔ nyu ma ɖɛa, ɓɛ́ ɖɛ gmaɔ̀ mɔ́ɛɛ ké mú dyí ɖé à mɔ̀à nyɔ ɓě ɓɛ́ à mìɔùn nììn mɔ́ɔ́-ɖɛ̀ seà à wuɖuí kɔ̃̀, ké Zùùɔ̀ kɔ̃̀à à wuɖuíɛɛ mú. 5Sepóɛɖé nyɔ ɓě ɓɛ́ wa nyuà wa mìɔùn nììn mɔ́ɔ́-ɖɛ̀ teeɛɛ, ɖɛ waà mɔ́ɔ́-ɖɛ̀ mɔ́ɛɛ kɔ̃̀ waà fɔ̀nɔ̀-hwòɖǒɔ̀ wuɖuí, kɛɛ nyɔ ɓě ɓɛ́ wa nyuà Zùùɔ̀ mɔ́ɔ́-ɖɛ̀ teeɛɛ, ɖɛ Zùùɔ̀ mɔ́ɛɛ kɔ̃̀ waà fɔ̀nɔ̀-hwòɖǒɔ̀ wuɖuí. 6Ɔ jǔ ké nyɔǔn-dyùɛ̀ mɔ́ɔ́-ɖɛ̀ dyi nì fɔ̀nɔ̀-hwòɖǒɔ̀ wuɖuí kɔ̃̀ ní, nìí, ɔ dyà mɛ́-mɛ́. Kɛɛ ɔ jǔ ké ɖɛ Zùùɔ̀ mɔ́ɛɛ dyi nì fɔ̀nɔ̀-hwòɖǒɔ̀ wuɖuí kɔ̃̀ ní, nìí, ɔ dyà fɛ̀ɛ̀ kè gìɖìǐ. 7Sepóɛɖé fɔ̀nɔ̀-hwòɖǒ ɓɛ́ nyɔǔn-dyùɛ̀ mɔ́ɔ́-ɖɛ̀ kɔ̃̀à wuɖuíɛɛ, ɔ vɔ̃ Gèɖèpɔ́ɔ̀ gbo. Ɔ se Gèɖèpɔ́ɔ̀ gmaɔ̀ dyi kpɔ̃. Ɔ seɛ dyi kpɔ̃ɔ ɓɛ́ìn fɔɔ. 8Ké nyɔ ɓě ɓɛ́ wa mìɔùn nììn mɔ́ɔ́-ɖɛ̀ kɔ̃̀à wuɖuíɛɛ, wa se Gèɖèpɔ́ɔ̀ hwòɖǒ dyi dèɛ̀ ɓɛ́ìn.
9Gèɖèpɔ́ɔ̀ Zùùɔ̀ dyi ɓě mú cĩ́ jɛ́ɛ́ cáín, nìí, ɓě mìɔùn nììn mɔ́ɔ́-ɖɛ̀ se ɓě wuɖuí kɔ̃̀ ɖe. Zùùɔ̀ kɔ̃̀ǎ ɓě wuɖuí. Nyɔ mɔ̀ nyɔ se Kɛ́ɖɛ́ì Zùùɔ̀ ɓéɖéìn nyɛɛ, ɔ se Kɛ́ɖɛ́ì nììn nyɔ. 10Kɛɛ ɔ jǔ ké Kɛ́ɖɛ́ì dyi ɖé ɓě mú nìǐn, ɓěɛ̀ kpóɖó-dyùàɔ̀ ɖǎ ma mɛ́ dyɛ ɓó nàmàǔn jè, kɛɛ ɓěɛ̀ zùùɔ̀ nì cĩ́ɛń, sepóɛɖé ɓě ɖǎ dyí sɛ́ɖɛ́ìn ɓó Gèɖèpɔ́ɔ̀ gbo. 11Nyɔ mɔ̀ nyɔ ɓɛ́ ɔ zàà Jízɛ̀ gĩɔ kɛɛ, ɔ Zùùɔ̀ dyi ɖé ɓě mú cĩ́ín, nìí, nyɔ mɔ̀ nyɔ ɓɛ́ ɔ zàà Kɛ́ɖɛ́ì Jízɛ̀ gĩɔ kɛɛ, ɔ mu ɓěɛ̀ kpóɖó-dyùà ɓɛ́ ɔ muà mɛ́ìn nyɛɛ fɛ̀ɛ̀ nyíìn ɖekè dyììn ɖé ɔ Zùù ɓɛ́ ɔ cĩ́à ɖé ɓě múɛɛ mú.
12Ɔ jèɛɛ, ní ɖíí ɓě, kpa ɖò nì à mú, kɛɛ ɔ se ɖɛ ɓɛ́ à ké cĩ́ kà à mìɔùn nììn mɔ́ɔ́-ɖɛ̀ mɔ́ ɓɛ́ à ké cĩ́ɛ nyu kɛ. 13Sepóɛɖé ɓě dyi ɓě mìɔùn nììn mɔ́ɔ́-ɖɛ̀ nyu tee ní, nìí, ɓě ɓéɖé ɓě ké mɛ́, kɛɛ ɔ jǔ ké ɓě dyi kpóɖó-dyùàɔ̀ nììn nyuu-ɖɛ̀ ɓěɔ̀ jè dyi zĩ̀ìn ɖé Zùùɔ̀ múín, nìí, ɓě mu cĩ́ìn. 14Sepóɛɖé nyɔ séín ɓě ɓɛ́ Gèɖèpɔ́ɔ̀ Zùùɔ̀ nàìn nyɛɛ, wa mɔ̀ Gèɖèpɔ́ɔ̀ dyú ɓě. 15Zùù ɓɛ́ ɓě ɓéɖéà kɛɛ, ɔ se gǐì jǔ-jǔɛ̀ zùù, ɓɛ́ ɔ kéɛ nyu ɓɛ́ ɓě ké fã̀à-peɖe-peɖe mú cĩ́. Kɛɛ ɓě ɓéɖé Zùù ɓɛ́ ɔ nyuà ɓěà Gèɖèpɔ́ɔ̀ dyú múɛ. Ɔ jǔ ké à dyi níiń, “Ḿ Ɓǎ” ní, 16nìí, Zùùɔ̀ mɔ̀ nyɔ kè à nììn zùùɔ̀ poàìn dyí, ké ɔ nyuà zàse kà ɓɛ́ à mɔ̀ Gèɖèpɔ́ɔ̀ dyú ɓě kɛ̀. 17À dyi ɔ dyú ɓě jǔǐn, nìí, à mɔ̀ nyɔ mu à Ɓǎà dyi-dè-ɖɛ̀ ɓěɔ̀ dyí ɖúùn ɖekè. À mɔ̀ nyɔ mu Gèɖèpɔ́ɔ̀ dyi-dè-ɖɛ̀ ɓěɔ̀ dyí ɖúùn, ké à kè Kɛ́ɖɛ́ì mu wa dyí ɖúùn, ɔ jǔ ké à kè Kɛ́ɖɛ́ì dyi gǎ dyé, ɓɛ́ à kèɔ̀ kè ké dĩ́ín-dĩ̀ìnɔ̀ ɓéɖéín.
Dĩ́ín-dĩ̀ìn nì ɖé dyúa kɛ
18Ḿ poɛ̀n hwìɖǐi kà ɓɛ́ à se gǎ ɓě ɓɛ́ à dyé ɓó tiɛ̀ǐn nyɛ kè dĩ́ín-dĩ̀ìn ɓɛ́ Gèɖèpɔ́ɔ̀ mu à dyí tɛ̀mɛ̀ìn ké ɔ mu à nyíìn nyɛɛ dyí poɛ̀n ɓɛ́ìn fɔɔ cá. 19Sepóɛɖé ɓóɖó ɓɛ́ Gèɖèpɔ́ɔ̀ mɛà kɛɛ nyu cɛ-cɛ, ké ɔ gmɔ̀ Gèɖèpɔ́ɔ̀ dyú ɓěɔ̀ xwáɖáún wóɖó jè hwìǐ, 20sepóɛɖé ɓóɖó-kpàà ní hwɔ ɔ ɖɛ ɓěɔ̀ nɔ̀mɔ̀ dyíin. Gèɖèpɔ́ɔ̀ nyuɛ ma naà. Ɔ se ma ɓóɖó-kpàà mìɔùn nììn mɔ́ɔ́-ɖɛ̀. Gèɖèpɔ́ɔ̀ nyuɛ ma ké ɖɛa kɔ̃̀ ma ɓóɖó-kpàà wuɖuí, kɛɛ ɓóɖó-kpàà ɓéɖé ma hwòɖǒ-kɔ̃-dè-ɖɛ̀ ɖò ke. 21Ɔ mɔ̀, ɓóɖó-kpà ɓɛ́ Gèɖèpɔ́ɔ̀ mɛà kɛɛ, ɔ mìɔùn mu póùn ɖé zɔ̃̌-zɔ̃̌ ɓɛ́ ɔ kɔ̃̀à ɔ wuɖuíɛɛ xwaún. Ké ɔ mu buɛ̀-buɛ̀ kè dĩ́ín-dĩ̀ìn ɓɛ́ Gèɖèpɔ́ɔ̀ dyú ɓěɔ̀ kɔ̃̀à kɛɛ ɖò ɓéɖéìn. 22À dyuòɛ̀ kà ɓóɖó-kpà gàná ɓɛ́ Gèɖèpɔ́ɔ̀ mɛ ma kà kɛɛ dà séín nì kpòɛ̌n kà màa ɓɛ́ ɔ nì poo-gbò ɖeín nyɛɛ kpòà kɛ. Ɔ ɖúó ɖɛa nyuɛń dyíɛɛ, ɔ ti nìà kà keɛ̀. 23Kɛɛ ɔ se ɓóɖó-kpàà ɖòùn. À mìɔùn ɓéɖé Zùùɔ̀, ké ɔ mɔ̀ ɖɛ ɓě ɓɛ́ à mu ɓéɖéìn ɖé dyúa kɛɛ kĩ́ín-kĩ́ínɔ̀. Ɖɛa mɔ̀ jǎà, kɛɛ à nì hwòɖǒǔn kpòɛ̌n, sepóɛɖé à nì fòɛ̌n ɓɛ́ Gèɖèpɔ́ɔ̀ ké à ɔ dyú mú nyu. Ɔ xwíníín mɔ̀, ɓɛ́ ɔ ké à kpóɖó-dyùà ɓěɔ̀ gbǎà. 24Ti ɓɛ́ à pó ma kɛɛ, à ɓéɖé ma hwòɖǒ-kɔ̃-dè-ɖɛ̀ nìà kɛ ní. Nyɔ ní dè hwòɖǒ-kɔ̃-dè-ɖɛ̀ ɓɛ́ nyɔ ɖǎ ɓéɖéɛɛ dyé jè hwòɖǒ kɔ̃ ɖe. Sepóɛɖé nyɛ́ mɔ̀ nyɔ ɖǎ ɖɛ ɔ ɖǎ ɓéɖé nɔ̀ɔ̀ kɛɛ dyé jè hwòɖǒ kɔ̃ dè ɖòɛ́? 25Kɛɛ ɔ jǔ ké à dyi ɖɛ ɓɛ́ à séè dyé keɛɛ hwòɖǒ kɔ̃ dèǐn, nìí, à ku hwòɖǒ, ké à fòèɛ̀n pū.
26Kà dyúáɖòɔ̀ kǎà Zùùɔ̀ kpá à gbo ɖé à kpéí-hwɛ̀-hwɛ̀ɔ̀ mú. Sepóɛɖé à se Gèɖèpɔ́ɔ̀ ɓaà dyuò cá kà à ɓéɖé ɓɛ́ à ké ɔ ɓaà nyu nɔ̀mɔ̀ dyíin nyɛ. Zùùɔ̀ mìɔùn mɔ̀ à bìì wùɖù-nyɔ̀. Ɔ ní wùɖù cá, kɛɛ ɔ kpò ɖé à hwòɖǒ-dyùàɔ̀ mú, ɖé Gèɖèpɔ́ɔ̀ gbo ɓó à bìì. 27Ké Gèɖèpɔ́ɔ̀ mɔ̀ nyɔ gmɔìn kà nyɔǔn-dyùɛ̀ hwòɖǒ-dyùàɔ̀ múin nyɛɛ, ɔ dyuò ɖɛ Zùùɔ̀ poìn kà hwìɖǐiɛɛ dyí, sepóɛɖé Zùùɔ̀ wùɖù Gèɖèpɔ́ɔ̀ gbo ɓó ɔ nyɔ ɓěɔ̀ bìì kà ɓɛ́ Gèɖèpɔ́ɔ̀ mɔ́ɔ kɛ.
28À dyuòɛ̀ kà Gèɖèpɔ́ɔ̀ nì kũ̀à nyuɛń ɓó ɔ nyɔ ɓěɔ̀ nɔ̀mɔ̀ dyíin dyé jè ɖé ɖɛ séín múɛ. Ɔ nìɛ̀ nyuɛń ɓó nyɔ ɓě ɓɛ́ wa ɖɛ̀ɓɛ̀ ɔ mú, ké ɔ ɖǎà wa ɖá kà ɔ nyuà gbɔ poɛ kɛɛ bìì. 29Sepóɛɖé nyɔ ɓě ɓɛ́ Gèɖèpɔ́ɔ̀ dyuò ma kà dyí kĩ́ín nyɛɛ, ɔ gã zɔ̃̌ɔ̀ wa, ɓɛ́ wa ké gbo zĩàìn, ɓɛ́ wa kè ɔ Dyú-gààɔ̀ ké hwɔìn. Ɔ nyuɛ ma náa, ɓɛ́ ɔ Dyú-gààɔ̀ ké ɖíí ɓáún-ɓáún ɓéɖé, ɓɛ́ ɔ ké waà nyɔ vɛ̀nɛ̀ jǔ. 30Ké ɔ ɖá nyɔ ɓě ɓɛ́ ɔ gã zɔ̃̌ɔ̀ kà kɛɛ ɖekè. Ké ɔ sɛ́ɖɛ́ìn nyɔ ɓě ɓɛ́ ɔ ɖá ma kà kɛɛ dyí, ké ɔ nyí ma ɔ dĩ́ín-dĩ̀ìnɔ̀ nyɔ ɓě ɓɛ́ ɔ sɛ́ɖɛ́ìn ma kà dyíɛ.
Gèɖèpɔ́ɔ̀ ɖɛ̀ɓɛ̀ǐn-ɖɛ̀ɓɛ̀ǐn nì Kɛ́ɖɛ́ì Jízɛ̀ múɛ
31Ké xwɛ̌ à mɛ ɖá ɓó ɖɛa jèɛ́? Gèɖèpɔ́ɔ̀ dyi à wáká kɔ̃ nìǐn, nìí, nyɛ́ ɓɛ́ìn à gbo vɔ̃ɔ ɖeɛ́? 32Gèɖèpɔ́ɔ̀ se ma ɔ mìɔùn nììn Dyúɔ̀ wìǐn dyé, kɛɛ ɔ zà ma ɔ xwáɖáún, ɓɛ́ ɔ ké ma à bìì gǎ dyé. Nyɔ mɔ̀ nyɔ ɓɛ́ ɔ nyí ma kà ɔ à kɛɛ, ɔ se à ɖɛ séín nyíɛ ɓɛ́ìn kà nyɔ ɓɔ́ìn kà nyɔ ɖɛ xwai kɛɛ̀? 33Nyɛ́ mu nyɔ ɓě ɓɛ́ Gèɖèpɔ́ɔ̀ gãà kɛɛ ɖɛ ɖò nyu jè kpɔ̃ùn wɛ̃́? Gèɖèpɔ́ɔ̀ mɔ̀ nyɔ sɛ́ɖɛ́ìn nyɔǔn dyí. 34Nyɛ́ mu wa zaa kpɔ̃̀ìn nyɛ́? Kɛ́ɖɛ́ì mɔ̀ nyɔ mɛ́ ma. Ɔ seɛ ɖòùn, kɛɛ ɔ mɔ̀ nyɔ ɓɛ́ Gèɖèpɔ́ɔ̀ zà ma gĩɔ kɛ, ké ɔ nì Gèɖèpɔ́ɔ̀ ɖiaún, ké ɔ nì à bìì Gèɖèpɔ́ɔ̀ ɓaàǔn. 35Ɖɛ́ mu à Kɛ́ɖɛ́ì nììn ɖɛ̀ɓɛ̀ǐn-ɖɛ̀ɓɛ̀ǐnɔ̀ gbo zàùn wɛ̃́? Gǎ-dyé-dyé kè ti kàmàǔn-kàmàǔn ɓɛ́ìn nyuɛɛ̀? Ɔ jǔ ké nyɔǔn dyi à gǎ dyéìn, mɔɔ ké mɔ́ dyi à nyu, mɔɔ ké à se mú-po-ɖɔ̀ ɖò ɓéɖéín, nìí, ɔ mu ná kpáùne? Gana-ɖɛ̀ dyi à gbo kpá, mɔɔ ké wa dyi à gàsíà gbo vɔ̃̀ìn ní, nìí, ɔ ɓɛ́ìn náa nyuɛɛ̀? 36Ɖɛ Gèɖèpɔ́ɔ̀-cèè-ɖɛ̀ɔ̀ cɛ̃ɛ kɛ̀. Ɔ ɖá,
“Ɓó nì ɓiè jèɛɛ, wa ɖáɓá à kánáá pū.
À hwɔìn ɓáɖáá ɓě ɓɛ́ wa ɖǎ wáká po, ɓɛ́ wa ké ɖáɓá kɛ.”
37Kɛɛ wɛ̃́ɛ́ kɛɛ, à mɔ̀ nyɔ zi toɔ̀ ɖuɛń ɖé ɖɛ séín ɓě nìà kɛ mú dyììn ɖé nyɔ mɔ̀ nyɔ ɓɛ́ ɔ ɖɛ̀ɓɛ̀ ma kà à múɛɛ mú. 38Sepóɛɖé ḿ dyuòɛ̀ dyí jɛ́ɛ́ kà ɖɛ ɖò se à Gèɖèpɔ́ɔ̀ ɖɛ̀ɓɛ̀ǐn-ɖɛ̀ɓɛ̀ǐn nìà ɖé Kɛ́ɖɛ́ì Jízɛ̀ mɔ̀à à Bounɓoɔ̀ kɛ múɛɛ gbo zàà ɓɛ́ìn gàná cáa. Gĩɔ kè fɛ̀ɛ̀ kè ínjà ɓěɔ̀ kè nyɔ-wuɖuí-kɔ̃̀-nyɔ̀ ɓě kè ɖɛ ɓě nì kàǔn kè ɖɛ ɓě ké dyiɛ kè kpé ɓě 39kè ɖɛ nì ɖé dyiíɛ ɔ kè ɖɛ nì ɖé hwuɖuɛ, hwɛ̀ ḿ po níiń, ɖɛ séín ɓě ɖǎ ma mɛɛ ɖò, wa se à Gèɖèpɔ́ɔ̀ ɖɛ̀ɓɛ̀ǐn-ɖɛ̀ɓɛ̀ǐn ɓɛ́ ɔ nìà ɖé Kɛ́ɖɛ́ì Jízɛ̀ múɛɛ gbo zàà ɓɛ́ìn.
Currently Selected:
Wóɖómà 8: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Wóɖómà 8
8
Fɛ̀ɛ̀ ɓɛ́ à ɓéɖé ɖé Zùùɔ̀ múɛ
1Ɔ jèɛɛ, nyɔ ɓě ɓɛ́ wa kè Kɛ́ɖɛ́ì Jízɛ̀ mɔ̀à nyɔ dyúáɖò kɛɛ, zaa-dúún-wáɖá-wáɖá ɖò se wa bìì nì ɖe fɔɔ. 2Sepóɛɖé ɖé Kɛ́ɖɛ́ì Jízɛ̀ múɛɛ, Zùùɔ̀ gma ɓɛ́ ɔ tòà fɛ̀ɛ̀ kɛɛ ɖǎ m̀ nàmàǔn kè mɛ́-mɛ́ɛ̀ gma xwaún buɛ̀. 3Nyɔǔn-dyùɛ̀ mɔ́ɔ́-ɖɛ̀ nyuɛ ké gmaɔ̀ hwɛ̀ kpéí. Gèɖèpɔ́ɔ̀ nyu ɖɛ gmaɔ̀ se nyuɛ ɓɛ́ìn nyɛ. Ɔ tò ma ɔ Dyú-gààɔ̀, ké ɔ Dyú-gààɔ̀ nììn kpóɖó-dyùàɔ̀ kè nyɔǔn-dyù nyuà nàmàǔn wɛ̃ɛ kpóɖó-dyùàɔ̀ hwɔìn ma ní. Ɔ tò ma ɔ, ɓɛ́ ɔ ké ma nàmàǔn jè mɛ́. Ké ɔ nyuɛ ké zaa wáɖá nàmàǔn ɓɛ́ ɔ nìà nyɔǔn-dyùɛ̀ mɔ́ɔ́-ɖɛ̀ múɛɛ dúún. 4Ɔ nyu ma ɖɛa, ɓɛ́ ɖɛ gmaɔ̀ mɔ́ɛɛ ké mú dyí ɖé à mɔ̀à nyɔ ɓě ɓɛ́ à mìɔùn nììn mɔ́ɔ́-ɖɛ̀ seà à wuɖuí kɔ̃̀, ké Zùùɔ̀ kɔ̃̀à à wuɖuíɛɛ mú. 5Sepóɛɖé nyɔ ɓě ɓɛ́ wa nyuà wa mìɔùn nììn mɔ́ɔ́-ɖɛ̀ teeɛɛ, ɖɛ waà mɔ́ɔ́-ɖɛ̀ mɔ́ɛɛ kɔ̃̀ waà fɔ̀nɔ̀-hwòɖǒɔ̀ wuɖuí, kɛɛ nyɔ ɓě ɓɛ́ wa nyuà Zùùɔ̀ mɔ́ɔ́-ɖɛ̀ teeɛɛ, ɖɛ Zùùɔ̀ mɔ́ɛɛ kɔ̃̀ waà fɔ̀nɔ̀-hwòɖǒɔ̀ wuɖuí. 6Ɔ jǔ ké nyɔǔn-dyùɛ̀ mɔ́ɔ́-ɖɛ̀ dyi nì fɔ̀nɔ̀-hwòɖǒɔ̀ wuɖuí kɔ̃̀ ní, nìí, ɔ dyà mɛ́-mɛ́. Kɛɛ ɔ jǔ ké ɖɛ Zùùɔ̀ mɔ́ɛɛ dyi nì fɔ̀nɔ̀-hwòɖǒɔ̀ wuɖuí kɔ̃̀ ní, nìí, ɔ dyà fɛ̀ɛ̀ kè gìɖìǐ. 7Sepóɛɖé fɔ̀nɔ̀-hwòɖǒ ɓɛ́ nyɔǔn-dyùɛ̀ mɔ́ɔ́-ɖɛ̀ kɔ̃̀à wuɖuíɛɛ, ɔ vɔ̃ Gèɖèpɔ́ɔ̀ gbo. Ɔ se Gèɖèpɔ́ɔ̀ gmaɔ̀ dyi kpɔ̃. Ɔ seɛ dyi kpɔ̃ɔ ɓɛ́ìn fɔɔ. 8Ké nyɔ ɓě ɓɛ́ wa mìɔùn nììn mɔ́ɔ́-ɖɛ̀ kɔ̃̀à wuɖuíɛɛ, wa se Gèɖèpɔ́ɔ̀ hwòɖǒ dyi dèɛ̀ ɓɛ́ìn.
9Gèɖèpɔ́ɔ̀ Zùùɔ̀ dyi ɓě mú cĩ́ jɛ́ɛ́ cáín, nìí, ɓě mìɔùn nììn mɔ́ɔ́-ɖɛ̀ se ɓě wuɖuí kɔ̃̀ ɖe. Zùùɔ̀ kɔ̃̀ǎ ɓě wuɖuí. Nyɔ mɔ̀ nyɔ se Kɛ́ɖɛ́ì Zùùɔ̀ ɓéɖéìn nyɛɛ, ɔ se Kɛ́ɖɛ́ì nììn nyɔ. 10Kɛɛ ɔ jǔ ké Kɛ́ɖɛ́ì dyi ɖé ɓě mú nìǐn, ɓěɛ̀ kpóɖó-dyùàɔ̀ ɖǎ ma mɛ́ dyɛ ɓó nàmàǔn jè, kɛɛ ɓěɛ̀ zùùɔ̀ nì cĩ́ɛń, sepóɛɖé ɓě ɖǎ dyí sɛ́ɖɛ́ìn ɓó Gèɖèpɔ́ɔ̀ gbo. 11Nyɔ mɔ̀ nyɔ ɓɛ́ ɔ zàà Jízɛ̀ gĩɔ kɛɛ, ɔ Zùùɔ̀ dyi ɖé ɓě mú cĩ́ín, nìí, nyɔ mɔ̀ nyɔ ɓɛ́ ɔ zàà Kɛ́ɖɛ́ì Jízɛ̀ gĩɔ kɛɛ, ɔ mu ɓěɛ̀ kpóɖó-dyùà ɓɛ́ ɔ muà mɛ́ìn nyɛɛ fɛ̀ɛ̀ nyíìn ɖekè dyììn ɖé ɔ Zùù ɓɛ́ ɔ cĩ́à ɖé ɓě múɛɛ mú.
12Ɔ jèɛɛ, ní ɖíí ɓě, kpa ɖò nì à mú, kɛɛ ɔ se ɖɛ ɓɛ́ à ké cĩ́ kà à mìɔùn nììn mɔ́ɔ́-ɖɛ̀ mɔ́ ɓɛ́ à ké cĩ́ɛ nyu kɛ. 13Sepóɛɖé ɓě dyi ɓě mìɔùn nììn mɔ́ɔ́-ɖɛ̀ nyu tee ní, nìí, ɓě ɓéɖé ɓě ké mɛ́, kɛɛ ɔ jǔ ké ɓě dyi kpóɖó-dyùàɔ̀ nììn nyuu-ɖɛ̀ ɓěɔ̀ jè dyi zĩ̀ìn ɖé Zùùɔ̀ múín, nìí, ɓě mu cĩ́ìn. 14Sepóɛɖé nyɔ séín ɓě ɓɛ́ Gèɖèpɔ́ɔ̀ Zùùɔ̀ nàìn nyɛɛ, wa mɔ̀ Gèɖèpɔ́ɔ̀ dyú ɓě. 15Zùù ɓɛ́ ɓě ɓéɖéà kɛɛ, ɔ se gǐì jǔ-jǔɛ̀ zùù, ɓɛ́ ɔ kéɛ nyu ɓɛ́ ɓě ké fã̀à-peɖe-peɖe mú cĩ́. Kɛɛ ɓě ɓéɖé Zùù ɓɛ́ ɔ nyuà ɓěà Gèɖèpɔ́ɔ̀ dyú múɛ. Ɔ jǔ ké à dyi níiń, “Ḿ Ɓǎ” ní, 16nìí, Zùùɔ̀ mɔ̀ nyɔ kè à nììn zùùɔ̀ poàìn dyí, ké ɔ nyuà zàse kà ɓɛ́ à mɔ̀ Gèɖèpɔ́ɔ̀ dyú ɓě kɛ̀. 17À dyi ɔ dyú ɓě jǔǐn, nìí, à mɔ̀ nyɔ mu à Ɓǎà dyi-dè-ɖɛ̀ ɓěɔ̀ dyí ɖúùn ɖekè. À mɔ̀ nyɔ mu Gèɖèpɔ́ɔ̀ dyi-dè-ɖɛ̀ ɓěɔ̀ dyí ɖúùn, ké à kè Kɛ́ɖɛ́ì mu wa dyí ɖúùn, ɔ jǔ ké à kè Kɛ́ɖɛ́ì dyi gǎ dyé, ɓɛ́ à kèɔ̀ kè ké dĩ́ín-dĩ̀ìnɔ̀ ɓéɖéín.
Dĩ́ín-dĩ̀ìn nì ɖé dyúa kɛ
18Ḿ poɛ̀n hwìɖǐi kà ɓɛ́ à se gǎ ɓě ɓɛ́ à dyé ɓó tiɛ̀ǐn nyɛ kè dĩ́ín-dĩ̀ìn ɓɛ́ Gèɖèpɔ́ɔ̀ mu à dyí tɛ̀mɛ̀ìn ké ɔ mu à nyíìn nyɛɛ dyí poɛ̀n ɓɛ́ìn fɔɔ cá. 19Sepóɛɖé ɓóɖó ɓɛ́ Gèɖèpɔ́ɔ̀ mɛà kɛɛ nyu cɛ-cɛ, ké ɔ gmɔ̀ Gèɖèpɔ́ɔ̀ dyú ɓěɔ̀ xwáɖáún wóɖó jè hwìǐ, 20sepóɛɖé ɓóɖó-kpàà ní hwɔ ɔ ɖɛ ɓěɔ̀ nɔ̀mɔ̀ dyíin. Gèɖèpɔ́ɔ̀ nyuɛ ma naà. Ɔ se ma ɓóɖó-kpàà mìɔùn nììn mɔ́ɔ́-ɖɛ̀. Gèɖèpɔ́ɔ̀ nyuɛ ma ké ɖɛa kɔ̃̀ ma ɓóɖó-kpàà wuɖuí, kɛɛ ɓóɖó-kpàà ɓéɖé ma hwòɖǒ-kɔ̃-dè-ɖɛ̀ ɖò ke. 21Ɔ mɔ̀, ɓóɖó-kpà ɓɛ́ Gèɖèpɔ́ɔ̀ mɛà kɛɛ, ɔ mìɔùn mu póùn ɖé zɔ̃̌-zɔ̃̌ ɓɛ́ ɔ kɔ̃̀à ɔ wuɖuíɛɛ xwaún. Ké ɔ mu buɛ̀-buɛ̀ kè dĩ́ín-dĩ̀ìn ɓɛ́ Gèɖèpɔ́ɔ̀ dyú ɓěɔ̀ kɔ̃̀à kɛɛ ɖò ɓéɖéìn. 22À dyuòɛ̀ kà ɓóɖó-kpà gàná ɓɛ́ Gèɖèpɔ́ɔ̀ mɛ ma kà kɛɛ dà séín nì kpòɛ̌n kà màa ɓɛ́ ɔ nì poo-gbò ɖeín nyɛɛ kpòà kɛ. Ɔ ɖúó ɖɛa nyuɛń dyíɛɛ, ɔ ti nìà kà keɛ̀. 23Kɛɛ ɔ se ɓóɖó-kpàà ɖòùn. À mìɔùn ɓéɖé Zùùɔ̀, ké ɔ mɔ̀ ɖɛ ɓě ɓɛ́ à mu ɓéɖéìn ɖé dyúa kɛɛ kĩ́ín-kĩ́ínɔ̀. Ɖɛa mɔ̀ jǎà, kɛɛ à nì hwòɖǒǔn kpòɛ̌n, sepóɛɖé à nì fòɛ̌n ɓɛ́ Gèɖèpɔ́ɔ̀ ké à ɔ dyú mú nyu. Ɔ xwíníín mɔ̀, ɓɛ́ ɔ ké à kpóɖó-dyùà ɓěɔ̀ gbǎà. 24Ti ɓɛ́ à pó ma kɛɛ, à ɓéɖé ma hwòɖǒ-kɔ̃-dè-ɖɛ̀ nìà kɛ ní. Nyɔ ní dè hwòɖǒ-kɔ̃-dè-ɖɛ̀ ɓɛ́ nyɔ ɖǎ ɓéɖéɛɛ dyé jè hwòɖǒ kɔ̃ ɖe. Sepóɛɖé nyɛ́ mɔ̀ nyɔ ɖǎ ɖɛ ɔ ɖǎ ɓéɖé nɔ̀ɔ̀ kɛɛ dyé jè hwòɖǒ kɔ̃ dè ɖòɛ́? 25Kɛɛ ɔ jǔ ké à dyi ɖɛ ɓɛ́ à séè dyé keɛɛ hwòɖǒ kɔ̃ dèǐn, nìí, à ku hwòɖǒ, ké à fòèɛ̀n pū.
26Kà dyúáɖòɔ̀ kǎà Zùùɔ̀ kpá à gbo ɖé à kpéí-hwɛ̀-hwɛ̀ɔ̀ mú. Sepóɛɖé à se Gèɖèpɔ́ɔ̀ ɓaà dyuò cá kà à ɓéɖé ɓɛ́ à ké ɔ ɓaà nyu nɔ̀mɔ̀ dyíin nyɛ. Zùùɔ̀ mìɔùn mɔ̀ à bìì wùɖù-nyɔ̀. Ɔ ní wùɖù cá, kɛɛ ɔ kpò ɖé à hwòɖǒ-dyùàɔ̀ mú, ɖé Gèɖèpɔ́ɔ̀ gbo ɓó à bìì. 27Ké Gèɖèpɔ́ɔ̀ mɔ̀ nyɔ gmɔìn kà nyɔǔn-dyùɛ̀ hwòɖǒ-dyùàɔ̀ múin nyɛɛ, ɔ dyuò ɖɛ Zùùɔ̀ poìn kà hwìɖǐiɛɛ dyí, sepóɛɖé Zùùɔ̀ wùɖù Gèɖèpɔ́ɔ̀ gbo ɓó ɔ nyɔ ɓěɔ̀ bìì kà ɓɛ́ Gèɖèpɔ́ɔ̀ mɔ́ɔ kɛ.
28À dyuòɛ̀ kà Gèɖèpɔ́ɔ̀ nì kũ̀à nyuɛń ɓó ɔ nyɔ ɓěɔ̀ nɔ̀mɔ̀ dyíin dyé jè ɖé ɖɛ séín múɛ. Ɔ nìɛ̀ nyuɛń ɓó nyɔ ɓě ɓɛ́ wa ɖɛ̀ɓɛ̀ ɔ mú, ké ɔ ɖǎà wa ɖá kà ɔ nyuà gbɔ poɛ kɛɛ bìì. 29Sepóɛɖé nyɔ ɓě ɓɛ́ Gèɖèpɔ́ɔ̀ dyuò ma kà dyí kĩ́ín nyɛɛ, ɔ gã zɔ̃̌ɔ̀ wa, ɓɛ́ wa ké gbo zĩàìn, ɓɛ́ wa kè ɔ Dyú-gààɔ̀ ké hwɔìn. Ɔ nyuɛ ma náa, ɓɛ́ ɔ Dyú-gààɔ̀ ké ɖíí ɓáún-ɓáún ɓéɖé, ɓɛ́ ɔ ké waà nyɔ vɛ̀nɛ̀ jǔ. 30Ké ɔ ɖá nyɔ ɓě ɓɛ́ ɔ gã zɔ̃̌ɔ̀ kà kɛɛ ɖekè. Ké ɔ sɛ́ɖɛ́ìn nyɔ ɓě ɓɛ́ ɔ ɖá ma kà kɛɛ dyí, ké ɔ nyí ma ɔ dĩ́ín-dĩ̀ìnɔ̀ nyɔ ɓě ɓɛ́ ɔ sɛ́ɖɛ́ìn ma kà dyíɛ.
Gèɖèpɔ́ɔ̀ ɖɛ̀ɓɛ̀ǐn-ɖɛ̀ɓɛ̀ǐn nì Kɛ́ɖɛ́ì Jízɛ̀ múɛ
31Ké xwɛ̌ à mɛ ɖá ɓó ɖɛa jèɛ́? Gèɖèpɔ́ɔ̀ dyi à wáká kɔ̃ nìǐn, nìí, nyɛ́ ɓɛ́ìn à gbo vɔ̃ɔ ɖeɛ́? 32Gèɖèpɔ́ɔ̀ se ma ɔ mìɔùn nììn Dyúɔ̀ wìǐn dyé, kɛɛ ɔ zà ma ɔ xwáɖáún, ɓɛ́ ɔ ké ma à bìì gǎ dyé. Nyɔ mɔ̀ nyɔ ɓɛ́ ɔ nyí ma kà ɔ à kɛɛ, ɔ se à ɖɛ séín nyíɛ ɓɛ́ìn kà nyɔ ɓɔ́ìn kà nyɔ ɖɛ xwai kɛɛ̀? 33Nyɛ́ mu nyɔ ɓě ɓɛ́ Gèɖèpɔ́ɔ̀ gãà kɛɛ ɖɛ ɖò nyu jè kpɔ̃ùn wɛ̃́? Gèɖèpɔ́ɔ̀ mɔ̀ nyɔ sɛ́ɖɛ́ìn nyɔǔn dyí. 34Nyɛ́ mu wa zaa kpɔ̃̀ìn nyɛ́? Kɛ́ɖɛ́ì mɔ̀ nyɔ mɛ́ ma. Ɔ seɛ ɖòùn, kɛɛ ɔ mɔ̀ nyɔ ɓɛ́ Gèɖèpɔ́ɔ̀ zà ma gĩɔ kɛ, ké ɔ nì Gèɖèpɔ́ɔ̀ ɖiaún, ké ɔ nì à bìì Gèɖèpɔ́ɔ̀ ɓaàǔn. 35Ɖɛ́ mu à Kɛ́ɖɛ́ì nììn ɖɛ̀ɓɛ̀ǐn-ɖɛ̀ɓɛ̀ǐnɔ̀ gbo zàùn wɛ̃́? Gǎ-dyé-dyé kè ti kàmàǔn-kàmàǔn ɓɛ́ìn nyuɛɛ̀? Ɔ jǔ ké nyɔǔn dyi à gǎ dyéìn, mɔɔ ké mɔ́ dyi à nyu, mɔɔ ké à se mú-po-ɖɔ̀ ɖò ɓéɖéín, nìí, ɔ mu ná kpáùne? Gana-ɖɛ̀ dyi à gbo kpá, mɔɔ ké wa dyi à gàsíà gbo vɔ̃̀ìn ní, nìí, ɔ ɓɛ́ìn náa nyuɛɛ̀? 36Ɖɛ Gèɖèpɔ́ɔ̀-cèè-ɖɛ̀ɔ̀ cɛ̃ɛ kɛ̀. Ɔ ɖá,
“Ɓó nì ɓiè jèɛɛ, wa ɖáɓá à kánáá pū.
À hwɔìn ɓáɖáá ɓě ɓɛ́ wa ɖǎ wáká po, ɓɛ́ wa ké ɖáɓá kɛ.”
37Kɛɛ wɛ̃́ɛ́ kɛɛ, à mɔ̀ nyɔ zi toɔ̀ ɖuɛń ɖé ɖɛ séín ɓě nìà kɛ mú dyììn ɖé nyɔ mɔ̀ nyɔ ɓɛ́ ɔ ɖɛ̀ɓɛ̀ ma kà à múɛɛ mú. 38Sepóɛɖé ḿ dyuòɛ̀ dyí jɛ́ɛ́ kà ɖɛ ɖò se à Gèɖèpɔ́ɔ̀ ɖɛ̀ɓɛ̀ǐn-ɖɛ̀ɓɛ̀ǐn nìà ɖé Kɛ́ɖɛ́ì Jízɛ̀ mɔ̀à à Bounɓoɔ̀ kɛ múɛɛ gbo zàà ɓɛ́ìn gàná cáa. Gĩɔ kè fɛ̀ɛ̀ kè ínjà ɓěɔ̀ kè nyɔ-wuɖuí-kɔ̃̀-nyɔ̀ ɓě kè ɖɛ ɓě nì kàǔn kè ɖɛ ɓě ké dyiɛ kè kpé ɓě 39kè ɖɛ nì ɖé dyiíɛ ɔ kè ɖɛ nì ɖé hwuɖuɛ, hwɛ̀ ḿ po níiń, ɖɛ séín ɓě ɖǎ ma mɛɛ ɖò, wa se à Gèɖèpɔ́ɔ̀ ɖɛ̀ɓɛ̀ǐn-ɖɛ̀ɓɛ̀ǐn ɓɛ́ ɔ nìà ɖé Kɛ́ɖɛ́ì Jízɛ̀ múɛɛ gbo zàà ɓɛ́ìn.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.