Wóɖómà 4
4
Ééɓòɖòhɛ̃́ɛ̀ mɔ̀ ɔ dyí-tɛ̀mɛ̀ìn-ɖɛ̀
1Nìí, ɖɛ́ à mɛ cɛ̃ ɓá Ééɓòɖòhɛ̃́ɛ̀ mɔ̀à à ɓǎ nììn ɓǎ ɖé nyɔǔn nììn wáká kɔ̃ɛɛ jè dyíɛ́? 2Ééɓòɖòhɛ̃́ɛ̀ mɔ̀ùn dyi ma dyí-sɛ́ɖɛ́ìn-nyɔ̀ jǔ ɓó ɖɛ ɓě ɓɛ́ ɔ ɖǎ ma nyuɛɛ jèǐn, nìí, ɔ ɓéɖé ɖɛ kɔ̃̀ jè ɔ kéɔ́ ɓɔ́ɖɔ́ɛ. Kɛɛ ɔ seɛ náa Gèɖèpɔ́ɔ̀ dyúa ɓéɖé. 3Kɛɛ xwɛ̌ Gèɖèpɔ́ɔ̀-cèè-ɖɛ̀ɔ̀ ɖáá? Ɔ ɖá, “Ééɓòɖòhɛ̃́ɛ̀ taɓa Gèɖèpɔ́ɔ̀ hwìɖǐǐ, ké Gèɖèpɔ́ɔ̀ ɖáìn ɔ dyí-sɛ́ɖɛ́ìn-nyɔ̀ dyììn ɖé ɔ hwìɖǐǐ-taɓa-taɓaɔ̀ mú.” 4Kɛɛ ɔ jǔ ké nyɔ ɖò dyi kũ̀à ɖò nyuín, nìí, ɔ pɛ́ɛ̀-ɖɛ̀ ɓɛ́ ɔ dyéà kɛɛ, m̀ seɛ jĩ́á-jè-ɖɛ̀ ɖáìn ɓɛ́ìn, sepóɛɖé ɔ ɓéɖé ɓɛ́ ɔ kéɛ dyé jè. 5Kɛɛ nyɔ seà kũ̀à ɖò nyu, ké ɔ taɓaà nyɔ ɓɛ́ ɔ sɛ́ɖɛ́ìn nyɔ ɓě mɔ̀à ɔ ɖɛ-gbà-bũ̌-nyu-nyɔ̀ ɓěɛɛ dyíɛ hwìɖǐǐɛɛ, ɔ ɖáìn ɔ dyí-sɛ́ɖɛ́ìn-nyɔ̀ dyììn ɖé ɔ hwìɖǐǐ-taɓa-taɓaɔ̀ mú. 6Kà dyúáɖòɔ̀ kǎà Dèɓé nyu nyɔ ɓɛ́ Gèɖèpɔ́ɔ̀ ɖáìn dyí-sɛ́ɖɛ́ìn-nyɔ̀ kɛɛ ɔ mana jè cɛ̃ɛ. Ɔ mɔ̀ nyɔ se ɖɛ ɖò nyu ɓó ɔ jèɛ. Dèɓé cɛ̃ɛ ma, ké ɔ ɖá,
7“Nyɔ ɓě ɓɛ́ mana nì kɔ̃ɛɛ mɔ̀ nyɔ ɓě kɔ̃̀ nàmàǔn ɓě ɓɛ́ Gèɖèpɔ́ɔ̀ ɖǎ kɔ̃in zĩ̀ìn,
ké Gèɖèpɔ́ɔ̀ ɖǎ waà ɖɛ gbà ɓěɔ̀ wa bũ̌in wɔɔ̀ kɛ.
8Nyɔ ɓě ɓɛ́ mana nì kɔ̃ɛɛ mɔ̀ nyɔ ɓě ɓɛ́ Bounɓoɔ̀ se zaa kpɔ̃̀ìn ɓó ɖɛ gbà ɖò nyu jèɛ.”
9Mana nìà kɛ nì nyɔ ɓě ɓɛ́ wa ɖǎà sàà mɛ́ɛ ɖòùn bììe? Mɔɔ ɔ nì nyɔ ɓě ɓɛ́ wa seà sàà mɛ́ɛ bìì ɖekèe? À ɖá Gèɖèpɔ́ɔ̀ ɖáìn Ééɓòɖòhɛ̃́ɛ̀ dyí-sɛ́ɖɛ́ìn-nyɔ̀ dyììn ɖé ɔ hwìɖǐǐ-taɓa-taɓaɔ̀ mú. 10Ké nìí, xwɛ̌ ɔ nyuɛ ma ɔ ɖáìn nyɛ́? Ééɓòɖòhɛ̃́ɛ̀ mɛ́ ma sàà hwɛ̀ɛ̀, mɔɔ ɔ séè ma sàà mɛ́ keè? Ɔ séè ma sàà mɛ́ ke. Ɔ kpá ma hwɛ̀ ké ɔ mɛ́ ma sàà. 11Sàà-mɛ́-mɛ́ mɔ̀ ma ɖàɓàìn-ɖɛ̀, ké Gèɖèpɔ́ɔ̀ nyíɛ ma ɔ. Ɔ mɔ̀ ma dyí-sɛ́ɖɛ́ìn-sɛ́ɖɛ́ìn ɓɛ́ ɔ hwìɖǐǐ-taɓa-taɓaɔ̀ nyu ké ɔ ɓéɖé ma ti ɓɛ́ ɔ séè ma sàà mɛ́ keɛɛ dyí-dyuòìn-ɖɛ̀. Ɔ nì ma ná, ɓɛ́ ɔ ké ma nyɔ séín ɓě ɓɛ́ wa ɓéɖé hwìɖǐǐ-taɓa-taɓa, ké wa se sàà mɛ́ kɛɛ ɓǎ jǔ. Wa mɔ̀ nyɔ ɓɛ́ Gèɖèpɔ́ɔ̀ ɖáìn ma dyí-sɛ́ɖɛ́ìn-nyɔ̀ kɛ. 12Ké Ééɓòɖòhɛ̃́ɛ̀ mɔ̀ nyɔ ɓě ɖǎà sàà mɛ́ɛ ɓǎ ɖekè. Ɔ mɔ̀ nyɔ ɓě mɛ́à sàà, ké wa síà hwìɖǐǐ-taɓa-taɓa ɓɛ́ à ɓǎ Ééɓòɖòhɛ̃́ɛ̀ ɓéɖéà ti ɔ séè ma sàà mɛ́ keɛɛ kíɖííɛ.
À dyé Gèɖèpɔ́ɔ̀ nyɛ́nɛ́ín-ɖáìn-ɖɛ̀ɔ̀ dyììn ɖé hwìɖǐǐ-taɓa-taɓa mú
13Nyɛ́nɛ́ín-ɖáìn-ɖɛ̀ ɓɛ́ Gèɖèpɔ́ɔ̀ nyí ma kà Ééɓòɖòhɛ̃́ɛ̀ kè ɔ nyúà-dyú ɓěɔ̀ kɛɛ, ɔ mɔ̀ ɓɛ́ ɓóɖó-kpàà ké waà kɔ̃̀ɔ̀-ɖɛ̀ jǔ. Gmaɔ̀ seɛ ma nyu ɓɛ́ ɔ ké ma nyɛ́nɛ́ín-ɖáìn-ɖɛ̀ɔ̀ dyé. Ééɓòɖòhɛ̃́ɛ̀ hwìɖǐǐ-taɓa-taɓaɔ̀ nyuɛ ké ɔ sɛ́ɖɛ́ìn dyí. Ɔ kɔ̃̀ jè ɔ dyé ma kà nyɛ́nɛ́ín-ɖáìn-ɖɛ̀ɔ̀ kɛ̀. 14Ɔ jǔ ké nyɔ ɓě ɓɛ́ wa mu ɓóɖó-kpàà kɔ̃̀ùn wɛ̃ɛ dyiɔ́ nyɔ ɓě ɓɛ́ wa dèà gmaɔ̀ hwòɖǒ kɔ̃ɛɛ jǔǐn, nìí, hwìɖǐǐ-taɓa-taɓa mɔ̀ɔ̌ ɖɛ fóɖóún, ké nyɛ́nɛ́ín-ɖáìn-ɖɛ̀ɔ̀ se ɖɛ kpa. 15Sepóɛɖé gmaɔ̀ dyà dyoɖo, kɛɛ dɛ̀ ɓɛ́ gma ɖò se nìɛɛ, gma wáɖá-wáɖá ɖò se ɖé nì.
16Nyɛ́nɛ́ín-ɖáìn-ɖɛ̀ɔ̀ dyììn ɖé hwìɖǐǐ-taɓa-taɓa mú, ɓɛ́ ɖɛ séín ké Gèɖèpɔ́ɔ̀ kpeɖe nɔ̀mɔ̀ dyíinɔ̀ mú dyììn, ɓɛ́ Ééɓòɖòhɛ̃́ɛ̀ nyúà-dyú séín ɓěɔ̀ ké nyɛ́nɛ́ín-ɖáìn-ɖɛ̀ɔ̀ ɓéɖé wɛ̃́ɛ́. Ɔ se nyɔ ɓě dèà gmaɔ̀ hwòɖǒ kɔ̃ɛɛ ɖòùn bìì, kɛɛ ɔ mɔ̀ ɓó nyɔ ɓě ɓéɖéà hwìɖǐǐ-taɓa-taɓa ɓɛ́ Ééɓòɖòhɛ̃́ɛ̀ ɓéɖéà kɛɛ bìì ɖekè, sepóɛɖé ɔ mɔ̀ à séín ɓǎ. 17Kà Gèɖèpɔ́ɔ̀-cèè-ɖɛ̀ɔ̀ nyuɛ kà cɛ̃ɛ, ɔ ɖá, “Ní mu m̀ ɓóɖó-dù ɓáún-ɓáún ɓǎ mú nyuùn.” Ééɓòɖòhɛ̃́ɛ̀ mɔ̀ ɓóɖó-dù ɓáún-ɓáún ɓǎ ɖé Gèɖèpɔ́ɔ̀ ɓɛ́ ɔ taɓa ma kà hwìɖǐǐɛɛ dyéɖéín. Gèɖèpɔ́ɔ̀ mɔ̀ nyɔ nyuɛ ké nyɔ ɓě ɖǎà mɛ́ɛ cĩ́à ɖeɛ̀, ké ɔ cɛ̃ ɖɛ ɓě séè nyu keɛɛ jè pū, kà ɔ ɖǎɔ̌ kà wa nyuɛ. 18Ɖɛ kɔ̃̀ jè Ééɓòɖòhɛ̃́ɛ̀ dè ma hwòɖǒ kɔ̃ɛɛ, ɔ seɛ ma xwíníín ɖò ɓéɖé, kɛɛ ɔ taɓa Gèɖèpɔ́ɔ̀ hwìɖǐǐ, ké ɔ dè nyɛ́nɛ́ín-ɖáìn-ɖɛ̀ɔ̀ dyé jè hwòɖǒ kɔ̃. Ɔ taɓa Gèɖèpɔ́ɔ̀ hwìɖǐǐ kà ɔ mu ma ɓóɖó-dù ɓáún-ɓáún ɓǎ jǔùn wɛ̃, kà Gèɖèpɔ́ɔ̀ nyuɛ ma kà ɔ gbo cɛ̃ɛ kɛ. Ɔ ɖá, “Kà dɛ̀nɛ̀ mɛ́nɛ́ɛ́ ɓě jĩ̀à kɛɛ, kǎà nì xwíníín-dyù ɓě mu jĩ̀ìn.” 19Ééɓòɖòhɛ̃́ɛ̀ hwìɖǐǐ-taɓa-taɓaɔ̀ se ma kpéí hwɛ̀ ti ɓɛ́ ɔ poìn ma ɔ mìɔùn nììn kpóɖó-dyùàɔ̀ jè hwìɖǐiɛ. Ɔ nì ma pū kà ɔ ɖǎ ma kà mɛ́ɛ, sepóɛɖé ɔ ɖǎ ma zɔ̃ hɔ̃dɛ̀ɖɛ̀ ɖò nyu. Ɔ dyuòɛ̀ ma kà Seɖɔ́ɛ̀ dyú-wóɖóìn-tì ɖǎ ma ziɛ, kɛɛ ɔ hwìɖǐǐ-taɓa-taɓaɔ̀ se ma kpéí hwɛ̀ fɔɔ. 20Gèɖèpɔ́ɔ̀ nyɛ́nɛ́ín-ɖáìn-ɖɛ̀ɔ̀ jè ɔ se ma hwòɖǒ sɔ̃́ ɓéɖé. Ɔ taɓa ma Gèɖèpɔ́ɔ̀ hwìɖǐǐ. Ké ɔ hwìɖǐǐ-taɓa-taɓaɔ̀ kùìn ma ɔ dyi, ké ɔ ɓàìn ma Gèɖèpɔ́ɔ̀, 21sepóɛɖé ɔ dèɛ̀ ma hwòɖǒ kɔ̃ jɛ́ɛ́ cá kà ɓɛ́ Gèɖèpɔ́ɔ̀ ɓéɖé kpé, ɓɛ́ ɔ ké ɖɛ ɔ ɖáìn ma ɔ nyɛ́nɛ́ín nyɛɛ nyu kɛ. 22Ɖɛa kɔ̃̀ jè Gèɖèpɔ́ɔ̀ ɖáìn ma ɔ dyí-sɛ́ɖɛ́ìn-nyɔ̀ dyììn ɖé ɔ hwìɖǐǐ-taɓa-taɓaɔ̀ mú. 23Kɛɛ wuɖu ɓě nìà kɛ se ma ɔ ɖòùn bìì céè, 24kɛɛ ɔ céè à mɔ̀ùn bìì ɖekè. À mɔ̀ nyɔ ɓě ɓɛ́ à taɓa nyɔ zà ma kà à Bounɓo Jízɛ̀ gĩɔ kɛɛ hwìɖǐǐɛɛ, Gèɖèpɔ́ɔ̀ mu à mɔ̀ùn dyí-sɛ́ɖɛ́ìn-nyɔ̀ ɖáìn ɖekè dyììn ɖé à nììn hwìɖǐǐ-taɓa-taɓaɔ̀ mú. 25À Bounɓo Jízɛ̀ mɔ̀ nyɔ ɓɛ́ wa ɖáɓá ma kà ɓó à ɖɛ gbà ɓě jè kɛ̀, ké ɔ mɔ̀ nyɔ Gèɖèpɔ́ɔ̀ zà ma kà gĩɔ, ɓɛ́ ɔ ké à dyí sɛ́ɖɛ́ìn ɖé Gèɖèpɔ́ɔ̀ dyéɖéín nyɛ̀.
Currently Selected:
Wóɖómà 4: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Wóɖómà 4
4
Ééɓòɖòhɛ̃́ɛ̀ mɔ̀ ɔ dyí-tɛ̀mɛ̀ìn-ɖɛ̀
1Nìí, ɖɛ́ à mɛ cɛ̃ ɓá Ééɓòɖòhɛ̃́ɛ̀ mɔ̀à à ɓǎ nììn ɓǎ ɖé nyɔǔn nììn wáká kɔ̃ɛɛ jè dyíɛ́? 2Ééɓòɖòhɛ̃́ɛ̀ mɔ̀ùn dyi ma dyí-sɛ́ɖɛ́ìn-nyɔ̀ jǔ ɓó ɖɛ ɓě ɓɛ́ ɔ ɖǎ ma nyuɛɛ jèǐn, nìí, ɔ ɓéɖé ɖɛ kɔ̃̀ jè ɔ kéɔ́ ɓɔ́ɖɔ́ɛ. Kɛɛ ɔ seɛ náa Gèɖèpɔ́ɔ̀ dyúa ɓéɖé. 3Kɛɛ xwɛ̌ Gèɖèpɔ́ɔ̀-cèè-ɖɛ̀ɔ̀ ɖáá? Ɔ ɖá, “Ééɓòɖòhɛ̃́ɛ̀ taɓa Gèɖèpɔ́ɔ̀ hwìɖǐǐ, ké Gèɖèpɔ́ɔ̀ ɖáìn ɔ dyí-sɛ́ɖɛ́ìn-nyɔ̀ dyììn ɖé ɔ hwìɖǐǐ-taɓa-taɓaɔ̀ mú.” 4Kɛɛ ɔ jǔ ké nyɔ ɖò dyi kũ̀à ɖò nyuín, nìí, ɔ pɛ́ɛ̀-ɖɛ̀ ɓɛ́ ɔ dyéà kɛɛ, m̀ seɛ jĩ́á-jè-ɖɛ̀ ɖáìn ɓɛ́ìn, sepóɛɖé ɔ ɓéɖé ɓɛ́ ɔ kéɛ dyé jè. 5Kɛɛ nyɔ seà kũ̀à ɖò nyu, ké ɔ taɓaà nyɔ ɓɛ́ ɔ sɛ́ɖɛ́ìn nyɔ ɓě mɔ̀à ɔ ɖɛ-gbà-bũ̌-nyu-nyɔ̀ ɓěɛɛ dyíɛ hwìɖǐǐɛɛ, ɔ ɖáìn ɔ dyí-sɛ́ɖɛ́ìn-nyɔ̀ dyììn ɖé ɔ hwìɖǐǐ-taɓa-taɓaɔ̀ mú. 6Kà dyúáɖòɔ̀ kǎà Dèɓé nyu nyɔ ɓɛ́ Gèɖèpɔ́ɔ̀ ɖáìn dyí-sɛ́ɖɛ́ìn-nyɔ̀ kɛɛ ɔ mana jè cɛ̃ɛ. Ɔ mɔ̀ nyɔ se ɖɛ ɖò nyu ɓó ɔ jèɛ. Dèɓé cɛ̃ɛ ma, ké ɔ ɖá,
7“Nyɔ ɓě ɓɛ́ mana nì kɔ̃ɛɛ mɔ̀ nyɔ ɓě kɔ̃̀ nàmàǔn ɓě ɓɛ́ Gèɖèpɔ́ɔ̀ ɖǎ kɔ̃in zĩ̀ìn,
ké Gèɖèpɔ́ɔ̀ ɖǎ waà ɖɛ gbà ɓěɔ̀ wa bũ̌in wɔɔ̀ kɛ.
8Nyɔ ɓě ɓɛ́ mana nì kɔ̃ɛɛ mɔ̀ nyɔ ɓě ɓɛ́ Bounɓoɔ̀ se zaa kpɔ̃̀ìn ɓó ɖɛ gbà ɖò nyu jèɛ.”
9Mana nìà kɛ nì nyɔ ɓě ɓɛ́ wa ɖǎà sàà mɛ́ɛ ɖòùn bììe? Mɔɔ ɔ nì nyɔ ɓě ɓɛ́ wa seà sàà mɛ́ɛ bìì ɖekèe? À ɖá Gèɖèpɔ́ɔ̀ ɖáìn Ééɓòɖòhɛ̃́ɛ̀ dyí-sɛ́ɖɛ́ìn-nyɔ̀ dyììn ɖé ɔ hwìɖǐǐ-taɓa-taɓaɔ̀ mú. 10Ké nìí, xwɛ̌ ɔ nyuɛ ma ɔ ɖáìn nyɛ́? Ééɓòɖòhɛ̃́ɛ̀ mɛ́ ma sàà hwɛ̀ɛ̀, mɔɔ ɔ séè ma sàà mɛ́ keè? Ɔ séè ma sàà mɛ́ ke. Ɔ kpá ma hwɛ̀ ké ɔ mɛ́ ma sàà. 11Sàà-mɛ́-mɛ́ mɔ̀ ma ɖàɓàìn-ɖɛ̀, ké Gèɖèpɔ́ɔ̀ nyíɛ ma ɔ. Ɔ mɔ̀ ma dyí-sɛ́ɖɛ́ìn-sɛ́ɖɛ́ìn ɓɛ́ ɔ hwìɖǐǐ-taɓa-taɓaɔ̀ nyu ké ɔ ɓéɖé ma ti ɓɛ́ ɔ séè ma sàà mɛ́ keɛɛ dyí-dyuòìn-ɖɛ̀. Ɔ nì ma ná, ɓɛ́ ɔ ké ma nyɔ séín ɓě ɓɛ́ wa ɓéɖé hwìɖǐǐ-taɓa-taɓa, ké wa se sàà mɛ́ kɛɛ ɓǎ jǔ. Wa mɔ̀ nyɔ ɓɛ́ Gèɖèpɔ́ɔ̀ ɖáìn ma dyí-sɛ́ɖɛ́ìn-nyɔ̀ kɛ. 12Ké Ééɓòɖòhɛ̃́ɛ̀ mɔ̀ nyɔ ɓě ɖǎà sàà mɛ́ɛ ɓǎ ɖekè. Ɔ mɔ̀ nyɔ ɓě mɛ́à sàà, ké wa síà hwìɖǐǐ-taɓa-taɓa ɓɛ́ à ɓǎ Ééɓòɖòhɛ̃́ɛ̀ ɓéɖéà ti ɔ séè ma sàà mɛ́ keɛɛ kíɖííɛ.
À dyé Gèɖèpɔ́ɔ̀ nyɛ́nɛ́ín-ɖáìn-ɖɛ̀ɔ̀ dyììn ɖé hwìɖǐǐ-taɓa-taɓa mú
13Nyɛ́nɛ́ín-ɖáìn-ɖɛ̀ ɓɛ́ Gèɖèpɔ́ɔ̀ nyí ma kà Ééɓòɖòhɛ̃́ɛ̀ kè ɔ nyúà-dyú ɓěɔ̀ kɛɛ, ɔ mɔ̀ ɓɛ́ ɓóɖó-kpàà ké waà kɔ̃̀ɔ̀-ɖɛ̀ jǔ. Gmaɔ̀ seɛ ma nyu ɓɛ́ ɔ ké ma nyɛ́nɛ́ín-ɖáìn-ɖɛ̀ɔ̀ dyé. Ééɓòɖòhɛ̃́ɛ̀ hwìɖǐǐ-taɓa-taɓaɔ̀ nyuɛ ké ɔ sɛ́ɖɛ́ìn dyí. Ɔ kɔ̃̀ jè ɔ dyé ma kà nyɛ́nɛ́ín-ɖáìn-ɖɛ̀ɔ̀ kɛ̀. 14Ɔ jǔ ké nyɔ ɓě ɓɛ́ wa mu ɓóɖó-kpàà kɔ̃̀ùn wɛ̃ɛ dyiɔ́ nyɔ ɓě ɓɛ́ wa dèà gmaɔ̀ hwòɖǒ kɔ̃ɛɛ jǔǐn, nìí, hwìɖǐǐ-taɓa-taɓa mɔ̀ɔ̌ ɖɛ fóɖóún, ké nyɛ́nɛ́ín-ɖáìn-ɖɛ̀ɔ̀ se ɖɛ kpa. 15Sepóɛɖé gmaɔ̀ dyà dyoɖo, kɛɛ dɛ̀ ɓɛ́ gma ɖò se nìɛɛ, gma wáɖá-wáɖá ɖò se ɖé nì.
16Nyɛ́nɛ́ín-ɖáìn-ɖɛ̀ɔ̀ dyììn ɖé hwìɖǐǐ-taɓa-taɓa mú, ɓɛ́ ɖɛ séín ké Gèɖèpɔ́ɔ̀ kpeɖe nɔ̀mɔ̀ dyíinɔ̀ mú dyììn, ɓɛ́ Ééɓòɖòhɛ̃́ɛ̀ nyúà-dyú séín ɓěɔ̀ ké nyɛ́nɛ́ín-ɖáìn-ɖɛ̀ɔ̀ ɓéɖé wɛ̃́ɛ́. Ɔ se nyɔ ɓě dèà gmaɔ̀ hwòɖǒ kɔ̃ɛɛ ɖòùn bìì, kɛɛ ɔ mɔ̀ ɓó nyɔ ɓě ɓéɖéà hwìɖǐǐ-taɓa-taɓa ɓɛ́ Ééɓòɖòhɛ̃́ɛ̀ ɓéɖéà kɛɛ bìì ɖekè, sepóɛɖé ɔ mɔ̀ à séín ɓǎ. 17Kà Gèɖèpɔ́ɔ̀-cèè-ɖɛ̀ɔ̀ nyuɛ kà cɛ̃ɛ, ɔ ɖá, “Ní mu m̀ ɓóɖó-dù ɓáún-ɓáún ɓǎ mú nyuùn.” Ééɓòɖòhɛ̃́ɛ̀ mɔ̀ ɓóɖó-dù ɓáún-ɓáún ɓǎ ɖé Gèɖèpɔ́ɔ̀ ɓɛ́ ɔ taɓa ma kà hwìɖǐǐɛɛ dyéɖéín. Gèɖèpɔ́ɔ̀ mɔ̀ nyɔ nyuɛ ké nyɔ ɓě ɖǎà mɛ́ɛ cĩ́à ɖeɛ̀, ké ɔ cɛ̃ ɖɛ ɓě séè nyu keɛɛ jè pū, kà ɔ ɖǎɔ̌ kà wa nyuɛ. 18Ɖɛ kɔ̃̀ jè Ééɓòɖòhɛ̃́ɛ̀ dè ma hwòɖǒ kɔ̃ɛɛ, ɔ seɛ ma xwíníín ɖò ɓéɖé, kɛɛ ɔ taɓa Gèɖèpɔ́ɔ̀ hwìɖǐǐ, ké ɔ dè nyɛ́nɛ́ín-ɖáìn-ɖɛ̀ɔ̀ dyé jè hwòɖǒ kɔ̃. Ɔ taɓa Gèɖèpɔ́ɔ̀ hwìɖǐǐ kà ɔ mu ma ɓóɖó-dù ɓáún-ɓáún ɓǎ jǔùn wɛ̃, kà Gèɖèpɔ́ɔ̀ nyuɛ ma kà ɔ gbo cɛ̃ɛ kɛ. Ɔ ɖá, “Kà dɛ̀nɛ̀ mɛ́nɛ́ɛ́ ɓě jĩ̀à kɛɛ, kǎà nì xwíníín-dyù ɓě mu jĩ̀ìn.” 19Ééɓòɖòhɛ̃́ɛ̀ hwìɖǐǐ-taɓa-taɓaɔ̀ se ma kpéí hwɛ̀ ti ɓɛ́ ɔ poìn ma ɔ mìɔùn nììn kpóɖó-dyùàɔ̀ jè hwìɖǐiɛ. Ɔ nì ma pū kà ɔ ɖǎ ma kà mɛ́ɛ, sepóɛɖé ɔ ɖǎ ma zɔ̃ hɔ̃dɛ̀ɖɛ̀ ɖò nyu. Ɔ dyuòɛ̀ ma kà Seɖɔ́ɛ̀ dyú-wóɖóìn-tì ɖǎ ma ziɛ, kɛɛ ɔ hwìɖǐǐ-taɓa-taɓaɔ̀ se ma kpéí hwɛ̀ fɔɔ. 20Gèɖèpɔ́ɔ̀ nyɛ́nɛ́ín-ɖáìn-ɖɛ̀ɔ̀ jè ɔ se ma hwòɖǒ sɔ̃́ ɓéɖé. Ɔ taɓa ma Gèɖèpɔ́ɔ̀ hwìɖǐǐ. Ké ɔ hwìɖǐǐ-taɓa-taɓaɔ̀ kùìn ma ɔ dyi, ké ɔ ɓàìn ma Gèɖèpɔ́ɔ̀, 21sepóɛɖé ɔ dèɛ̀ ma hwòɖǒ kɔ̃ jɛ́ɛ́ cá kà ɓɛ́ Gèɖèpɔ́ɔ̀ ɓéɖé kpé, ɓɛ́ ɔ ké ɖɛ ɔ ɖáìn ma ɔ nyɛ́nɛ́ín nyɛɛ nyu kɛ. 22Ɖɛa kɔ̃̀ jè Gèɖèpɔ́ɔ̀ ɖáìn ma ɔ dyí-sɛ́ɖɛ́ìn-nyɔ̀ dyììn ɖé ɔ hwìɖǐǐ-taɓa-taɓaɔ̀ mú. 23Kɛɛ wuɖu ɓě nìà kɛ se ma ɔ ɖòùn bìì céè, 24kɛɛ ɔ céè à mɔ̀ùn bìì ɖekè. À mɔ̀ nyɔ ɓě ɓɛ́ à taɓa nyɔ zà ma kà à Bounɓo Jízɛ̀ gĩɔ kɛɛ hwìɖǐǐɛɛ, Gèɖèpɔ́ɔ̀ mu à mɔ̀ùn dyí-sɛ́ɖɛ́ìn-nyɔ̀ ɖáìn ɖekè dyììn ɖé à nììn hwìɖǐǐ-taɓa-taɓaɔ̀ mú. 25À Bounɓo Jízɛ̀ mɔ̀ nyɔ ɓɛ́ wa ɖáɓá ma kà ɓó à ɖɛ gbà ɓě jè kɛ̀, ké ɔ mɔ̀ nyɔ Gèɖèpɔ́ɔ̀ zà ma kà gĩɔ, ɓɛ́ ɔ ké à dyí sɛ́ɖɛ́ìn ɖé Gèɖèpɔ́ɔ̀ dyéɖéín nyɛ̀.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.