Wɛ́ɖɛ́ 25
25
Ɓaà-wùɖù ɓá Gèɖèpɔ́ɔ̀ nyɔ nàìn jè kè ɔ nyɔ dyí gmɔ̀ jè dyíɛ
Dèɓéɛ̀ wɛ́ɖɛ́
1Óó Bounɓo, mɔ̀ mɔ̀ nyɔ ḿ nì ɓaàǔn.
2Ní Gèɖèpɔ́ɔ̀, mɔ̀ mɔ̀ nyɔ ḿ taɓa hwìɖǐǐ.
Mɔ̀ǔn wɔ̃́ ké dɛ̃ ní nyu ḿ.
Mɔ̀ǔn wɔ̃́ ké ní mú-nyɛ́-nyɔ̀ ɓěɔ̀ sɔ̃ ní nì ḿ kɔ̃in.
3Nyɔ ɓɛ́ ɔ dè m̀ hwòɖǒ kɔ̃ɛɛ, dɛ̃ se ɔ nyuɛ́ mu sɔ̃̀ɔ̀.
Kɛɛ nyɔ ɓě kɔ̃̀ hwòɖǒ fṹà ɓó m̀ gbo vɔ̃ jèɛɛ, dɛ̃ mu wa nyuùn.
4Bounɓo, tɛ̀mɛ̀ìn ḿ nì kpeɖeɔ̀.
Zàìn ḿ hwìè ɓě ɓɛ́ ḿ ké kpaa da.
5Tɛ̀mɛ̀ìn ḿ nì jǎàɔ̀,
sepóɛɖé mɔ̀ mɔ̀ ní Gèɖèpɔ́ɔ̀ mɔ̀à ní póìn-nyɔ̀ kɛ.
M̀ ɖòùn mɔ̀ nyɔ ḿ dè hwòɖǒ kɔ̃ kánáá pū.
6Bounɓo, kpa nì wìì vɛ̀nɛ̀ kè nì ɖɛ̀ɓɛ̀ǐn-ɖɛ̀ɓɛ̀ǐn se-sèìn-naín-kɔ̃̀ ɓɛ́ m̀ ɖúó à kɔ̃ ɓéɖéɛń dyí sɔ̀ìn ɖé ti sùà múɛɛ dyúa.
7Bounɓo, zĩ̀ìn ní nyɔ gmɔ̀ nàmàǔn ɓěɔ̀ kè ní nyɔ-wuɖuún-jaɖa-jaɖa ɓěɔ̀ kɔ̃in.
Ɓó nì ɖɛ̀ɓɛ̀ǐn-ɖɛ̀ɓɛ̀ǐn se-sèìn-naín-kɔ̃̀ɔ̀ kè nì kpeɖeɛ̀-dyíin-nɔ̀mɔ̀-nɔ̀mɔ̀ɔ̀ jèɛɛ, ní jè mɛ nì m̀ hwìɖǐi.
8Bounɓoɔ̀ mɔ̀ dyí-sɛ́ɖɛ́ìn-nyɔ̀ kè kpeɖeɛ̀-dyíin-nɔ̀mɔ̀-nyɔ̀ jèɛɛ,
ɔ zàìn nàmàǔn-nyɔ̀ ɓě hwìè wa ɓéɖé wa ké kpa kɛɛ da.
9Ɔ zàìn nyɔ ɓě ɓɛ́ wa dyà wa mìɔùn ɓíɖíiɛɛ hwìè sɛ́ɖɛ́ìn dyíɔ̀ da,
ké ɔ tɛ̀mɛ̀ìn wa ɔ gma ɓěɔ̀.
10Nyɔ séín ɓě ɓɛ́ wa kpɔ̃ gma ɓě ɓá dèè-wùɖù nìà ɓó ɔ kè wa pṹa kɛ dyíɛɛ dyi kɛɛ,
ɔ nàìn wa ɖé ɔ ɖɛ̀ɓɛ̀ǐn-ɖɛ̀ɓɛ̀ǐn se-sèìn-naín-kɔ̃̀ɔ̀ kè ɔ jǎàɔ̀ mú.
11Bounɓo, ní nàmàǔn ɓěɔ̀ vò dyí mìɔ dyɛo,
kɛɛ ɓó nì nyɛ́nɛ́ɔ̀ jèɛɛ, m̀ mɛ zĩ̀ìn wa kɔ̃in.
12Nyɔ ɓě ɓɛ́ wa dyé Bounɓoɔ̀ kpéín nyɛɛ,
Bounɓoɔ̀ mu wa hwìè sɛ́ɖɛ́ìn dyí wa ké kpaa da zàìn.
13Bounɓoɔ̀ mu nyɔ nì ná ɓěa mana kɔ̃ poùn kánáá pū.
Ké waà xwíníín-dyù ɓě mu ɓóɖóɛ̀ kɔ̃̀-nyɔ̀ jǔùn.
14Bounɓoɔ̀ mɔ̀ nyɔ ɓě ɓɛ́ wa dyé ɔ kpéín nyɛɛ ɓǎto kánáá pū,
ké ɔ nyuɛ ké dèè-wùɖù nìà ɓó ɔ kè wa pṹa kɛɛ ku dúi.
15Ní dyéɖé nì Bounɓoɔ̀ dya kánáá pū,
sepóɛɖé ɔ ɖòùn mɔ̀ nyɔ ɓɛ́ìn ní ɓoɔ̀ xwáɖáɔ̀ wɔ̃ zàà.
16Bounɓo, gmɔ̀ìn nɔ̄ ḿ gbo, ɓɛ́ m̀ ké ḿ wìǐn dyé,
sepóɛɖé nyɔ ɖò se nì ɓó ḿ bìì, ké wa nì ḿ dyi pĩ́àǔn.
17Fũ̀à-fṹá nìà ní hwòɖǒɔ̀ bũ̌ɛɛ ɖǎ dyí vòɛ̌n zi mìɔ.
Póìn ḿ sɔ̀ìn ɖé ní pòìn-hwìɖǐiɔ̀ mú.
18Dyé ní gǎ-dyé-dyéɔ̀ kè ní fũ̀à-fṹá-ɖɛ̀ɔ̀,
ɓɛ́ m̀ ké ní nàmàǔn séínɔ̀ kɔ̃in zĩ̀ìn.
19Dyé kà ní mú-nyɛ́-nyɔ̀ ɓěɔ̀ nyu dyí vòɛ̀ mìɔ kɛ.
Dyé kà wa nyu ḿ mú nyɛ́ɛ mìɔ kɛ.
20Óó Bounɓo, gmɔ̀ ní fɛ̀ɛ̀ɔ̀ dyí, ɓɛ́ m̀ ké ḿ póìn.
Mɔ̀ǔn wɔ̃́ ké dɛ̃ ní nyu ḿ,
sepóɛɖé mɔ̀ mɔ̀ nyɔ kɔ̃̀ gbo ḿ pèɖèìn.
21Ɓɔ̌ɔ̀, m̀ mɛ nyuɛ ɓɛ́ mú-hwɛ̀-hwɛ̀ kè dyí-sɛ́ɖɛ́ìn-sɛ́ɖɛ́ìn ké ní dyí-gmɔ̀ìn-ɖɛ̀ jǔ,
sepóɛɖé mɔ̀ mɔ̀ nyɔ ḿ dè hwòɖǒ kɔ̃.
22Óó Gèɖèpɔ́ɔ̀, póìn Éézùɖùɛ̀-nyɔ̀ ɓěɔ̀ sɔ̀ìn ɖé waà fũ̀à-fṹá-ɖɛ̀ séín ɓěɔ̀ mú.
Currently Selected:
Wɛ́ɖɛ́ 25: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Wɛ́ɖɛ́ 25
25
Ɓaà-wùɖù ɓá Gèɖèpɔ́ɔ̀ nyɔ nàìn jè kè ɔ nyɔ dyí gmɔ̀ jè dyíɛ
Dèɓéɛ̀ wɛ́ɖɛ́
1Óó Bounɓo, mɔ̀ mɔ̀ nyɔ ḿ nì ɓaàǔn.
2Ní Gèɖèpɔ́ɔ̀, mɔ̀ mɔ̀ nyɔ ḿ taɓa hwìɖǐǐ.
Mɔ̀ǔn wɔ̃́ ké dɛ̃ ní nyu ḿ.
Mɔ̀ǔn wɔ̃́ ké ní mú-nyɛ́-nyɔ̀ ɓěɔ̀ sɔ̃ ní nì ḿ kɔ̃in.
3Nyɔ ɓɛ́ ɔ dè m̀ hwòɖǒ kɔ̃ɛɛ, dɛ̃ se ɔ nyuɛ́ mu sɔ̃̀ɔ̀.
Kɛɛ nyɔ ɓě kɔ̃̀ hwòɖǒ fṹà ɓó m̀ gbo vɔ̃ jèɛɛ, dɛ̃ mu wa nyuùn.
4Bounɓo, tɛ̀mɛ̀ìn ḿ nì kpeɖeɔ̀.
Zàìn ḿ hwìè ɓě ɓɛ́ ḿ ké kpaa da.
5Tɛ̀mɛ̀ìn ḿ nì jǎàɔ̀,
sepóɛɖé mɔ̀ mɔ̀ ní Gèɖèpɔ́ɔ̀ mɔ̀à ní póìn-nyɔ̀ kɛ.
M̀ ɖòùn mɔ̀ nyɔ ḿ dè hwòɖǒ kɔ̃ kánáá pū.
6Bounɓo, kpa nì wìì vɛ̀nɛ̀ kè nì ɖɛ̀ɓɛ̀ǐn-ɖɛ̀ɓɛ̀ǐn se-sèìn-naín-kɔ̃̀ ɓɛ́ m̀ ɖúó à kɔ̃ ɓéɖéɛń dyí sɔ̀ìn ɖé ti sùà múɛɛ dyúa.
7Bounɓo, zĩ̀ìn ní nyɔ gmɔ̀ nàmàǔn ɓěɔ̀ kè ní nyɔ-wuɖuún-jaɖa-jaɖa ɓěɔ̀ kɔ̃in.
Ɓó nì ɖɛ̀ɓɛ̀ǐn-ɖɛ̀ɓɛ̀ǐn se-sèìn-naín-kɔ̃̀ɔ̀ kè nì kpeɖeɛ̀-dyíin-nɔ̀mɔ̀-nɔ̀mɔ̀ɔ̀ jèɛɛ, ní jè mɛ nì m̀ hwìɖǐi.
8Bounɓoɔ̀ mɔ̀ dyí-sɛ́ɖɛ́ìn-nyɔ̀ kè kpeɖeɛ̀-dyíin-nɔ̀mɔ̀-nyɔ̀ jèɛɛ,
ɔ zàìn nàmàǔn-nyɔ̀ ɓě hwìè wa ɓéɖé wa ké kpa kɛɛ da.
9Ɔ zàìn nyɔ ɓě ɓɛ́ wa dyà wa mìɔùn ɓíɖíiɛɛ hwìè sɛ́ɖɛ́ìn dyíɔ̀ da,
ké ɔ tɛ̀mɛ̀ìn wa ɔ gma ɓěɔ̀.
10Nyɔ séín ɓě ɓɛ́ wa kpɔ̃ gma ɓě ɓá dèè-wùɖù nìà ɓó ɔ kè wa pṹa kɛ dyíɛɛ dyi kɛɛ,
ɔ nàìn wa ɖé ɔ ɖɛ̀ɓɛ̀ǐn-ɖɛ̀ɓɛ̀ǐn se-sèìn-naín-kɔ̃̀ɔ̀ kè ɔ jǎàɔ̀ mú.
11Bounɓo, ní nàmàǔn ɓěɔ̀ vò dyí mìɔ dyɛo,
kɛɛ ɓó nì nyɛ́nɛ́ɔ̀ jèɛɛ, m̀ mɛ zĩ̀ìn wa kɔ̃in.
12Nyɔ ɓě ɓɛ́ wa dyé Bounɓoɔ̀ kpéín nyɛɛ,
Bounɓoɔ̀ mu wa hwìè sɛ́ɖɛ́ìn dyí wa ké kpaa da zàìn.
13Bounɓoɔ̀ mu nyɔ nì ná ɓěa mana kɔ̃ poùn kánáá pū.
Ké waà xwíníín-dyù ɓě mu ɓóɖóɛ̀ kɔ̃̀-nyɔ̀ jǔùn.
14Bounɓoɔ̀ mɔ̀ nyɔ ɓě ɓɛ́ wa dyé ɔ kpéín nyɛɛ ɓǎto kánáá pū,
ké ɔ nyuɛ ké dèè-wùɖù nìà ɓó ɔ kè wa pṹa kɛɛ ku dúi.
15Ní dyéɖé nì Bounɓoɔ̀ dya kánáá pū,
sepóɛɖé ɔ ɖòùn mɔ̀ nyɔ ɓɛ́ìn ní ɓoɔ̀ xwáɖáɔ̀ wɔ̃ zàà.
16Bounɓo, gmɔ̀ìn nɔ̄ ḿ gbo, ɓɛ́ m̀ ké ḿ wìǐn dyé,
sepóɛɖé nyɔ ɖò se nì ɓó ḿ bìì, ké wa nì ḿ dyi pĩ́àǔn.
17Fũ̀à-fṹá nìà ní hwòɖǒɔ̀ bũ̌ɛɛ ɖǎ dyí vòɛ̌n zi mìɔ.
Póìn ḿ sɔ̀ìn ɖé ní pòìn-hwìɖǐiɔ̀ mú.
18Dyé ní gǎ-dyé-dyéɔ̀ kè ní fũ̀à-fṹá-ɖɛ̀ɔ̀,
ɓɛ́ m̀ ké ní nàmàǔn séínɔ̀ kɔ̃in zĩ̀ìn.
19Dyé kà ní mú-nyɛ́-nyɔ̀ ɓěɔ̀ nyu dyí vòɛ̀ mìɔ kɛ.
Dyé kà wa nyu ḿ mú nyɛ́ɛ mìɔ kɛ.
20Óó Bounɓo, gmɔ̀ ní fɛ̀ɛ̀ɔ̀ dyí, ɓɛ́ m̀ ké ḿ póìn.
Mɔ̀ǔn wɔ̃́ ké dɛ̃ ní nyu ḿ,
sepóɛɖé mɔ̀ mɔ̀ nyɔ kɔ̃̀ gbo ḿ pèɖèìn.
21Ɓɔ̌ɔ̀, m̀ mɛ nyuɛ ɓɛ́ mú-hwɛ̀-hwɛ̀ kè dyí-sɛ́ɖɛ́ìn-sɛ́ɖɛ́ìn ké ní dyí-gmɔ̀ìn-ɖɛ̀ jǔ,
sepóɛɖé mɔ̀ mɔ̀ nyɔ ḿ dè hwòɖǒ kɔ̃.
22Óó Gèɖèpɔ́ɔ̀, póìn Éézùɖùɛ̀-nyɔ̀ ɓěɔ̀ sɔ̀ìn ɖé waà fũ̀à-fṹá-ɖɛ̀ séín ɓěɔ̀ mú.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.