Wɛ́ɖɛ́ 24
24
Gèɖèpɔ́ɔ̀ mɔ̀ kã́á vɛ̀nɛ̀ɔ̀
Dèɓéɛ̀ wɛ́ɖɛ́
1Ɓóɖó-kpà gànáɔ̀ kè ɖɛ séín nìɛ̀ kɔ̃ɛɛ mɔ̀ Bounɓoɔ̀ kɔ̃̀ɔ̀-ɖɛ̀.
Ké nyɔ séín cĩ́ ɓóɖó-kpàɔ̀ kɔ̃ɛɛ mɔ̀ Bounɓoɔ̀ kɔ̃̀ɔ̀-ɖɛ̀ ɖekè.
2Ɔ dè ɓóɖó-kpàà dyi ɓó ní tɔ̀mɔ̀ǔn-tɔ̀mɔ̀ǔn ɓěɔ̀ kɔ̃.
Ɔ dèɛ̀ ma hìɖì-kpà ɓěɔ̀ ɖé dyóóɔ̀ hwuɖu.
3Nyɛ́ mɔ̀ nyɔ ɓɛ́ìn ɖé Bounɓoɔ̀ toɖoɔ̀ dya muɛ kɛ́?
Nyɛ́ mɔ̀ nyɔ ɓɛ́ìn ɖé ɔ pá hwɛ̀ǐn-hwɛ̀ǐnɔ̀ mú dyi nyànàà kɛ́?
4Ɔ mɔ̀ nyɔ kɔ̃̀ xwai-nyu-ɖɛ̀ kè hwìɖǐi-poìn-ɖɛ̀ ɓě sɛ́ɖɛ́ìn dyíɛ.
Ɔ mɔ̀ nyɔ ɓɛ́ ɔ ní ɓiè kũùn-kpòɛ,
mɔɔ ɓɛ́ ɔ ní nyu wuɖu-ɖi-ɖi ɓɛ́ ɔ se jǎà kɛ.
5Bounɓoɔ̀ mu nyɔ nì náa mana kɔ̃ poùn.
Gèɖèpɔ́ɔ̀ mɔ̀à nyɔ nì náa póìn-nyɔ̀ kɛɛ mu ɔ kɔ̃ gmɔ̀ùn pū kà nyɔ séèɔ̌ kà ɖɛ gbà ɖò nyu ɖòɛ.
6Nyɔ nì náa mɔ̀ nyɔ ɓɛ́ìn ɓó Gèɖèpɔ́ɔ̀ mɔ̀à Jékɔ̀ɛ̀ Gèɖèpɔ́ɔ̀ kɛɛ dyúa dyiɛ.
7Ɓě kaà gmɔ-wɔ̃̀ ɓěɔ̀ hwàá.
Ɓě kaà hwèɖèìn-hwèɖèìn gbǒ-wɔ̃̀ ɓěɔ̀,
ɓɛ́ dĩ́ín-dĩ̀ìnɛ̀ kã́áɔ̀ ké ɖé dyá.
8Nyɛ́ mɔ̀à dĩ́ín-dĩ̀ìnɛ̀ kã́áɔ̀ kɛ́?
Ɔ mɔ̀ Bounɓo mɔ̀ nyɔ ɓéɖéà kpé kè gana kɛ.
Ɔ mɔ̀ Bounɓo mɔ̀à to-ɖu-nyɔ̀ɔ̀ kɛ.
9Ɓě kaà gmɔ-wɔ̃̀ ɓěɔ̀ hwàá.
Ɓě kaà hwèɖèìn-hwèɖèìn gbǒ-wɔ̃̀ ɓěɔ̀,
ɓɛ́ dĩ́ín-dĩ̀ìnɛ̀ kã́áɔ̀ ké ɖé dyá.
10Nyɛ́ mɔ̀à dĩ́ín-dĩ̀ìnɛ̀ kã́áɔ̀ kɛ́?
Ɔ mɔ̀ Bounɓo mɔ̀ nyɔ nìà ɖɛ séín kɔ̃in nyɛ.
Ɔ mɔ̀ nyɔ mɔ̀à dĩ́ín-dĩ̀ìnɛ̀ kã́áɔ̀ kɛ̀.
Currently Selected:
Wɛ́ɖɛ́ 24: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Wɛ́ɖɛ́ 24
24
Gèɖèpɔ́ɔ̀ mɔ̀ kã́á vɛ̀nɛ̀ɔ̀
Dèɓéɛ̀ wɛ́ɖɛ́
1Ɓóɖó-kpà gànáɔ̀ kè ɖɛ séín nìɛ̀ kɔ̃ɛɛ mɔ̀ Bounɓoɔ̀ kɔ̃̀ɔ̀-ɖɛ̀.
Ké nyɔ séín cĩ́ ɓóɖó-kpàɔ̀ kɔ̃ɛɛ mɔ̀ Bounɓoɔ̀ kɔ̃̀ɔ̀-ɖɛ̀ ɖekè.
2Ɔ dè ɓóɖó-kpàà dyi ɓó ní tɔ̀mɔ̀ǔn-tɔ̀mɔ̀ǔn ɓěɔ̀ kɔ̃.
Ɔ dèɛ̀ ma hìɖì-kpà ɓěɔ̀ ɖé dyóóɔ̀ hwuɖu.
3Nyɛ́ mɔ̀ nyɔ ɓɛ́ìn ɖé Bounɓoɔ̀ toɖoɔ̀ dya muɛ kɛ́?
Nyɛ́ mɔ̀ nyɔ ɓɛ́ìn ɖé ɔ pá hwɛ̀ǐn-hwɛ̀ǐnɔ̀ mú dyi nyànàà kɛ́?
4Ɔ mɔ̀ nyɔ kɔ̃̀ xwai-nyu-ɖɛ̀ kè hwìɖǐi-poìn-ɖɛ̀ ɓě sɛ́ɖɛ́ìn dyíɛ.
Ɔ mɔ̀ nyɔ ɓɛ́ ɔ ní ɓiè kũùn-kpòɛ,
mɔɔ ɓɛ́ ɔ ní nyu wuɖu-ɖi-ɖi ɓɛ́ ɔ se jǎà kɛ.
5Bounɓoɔ̀ mu nyɔ nì náa mana kɔ̃ poùn.
Gèɖèpɔ́ɔ̀ mɔ̀à nyɔ nì náa póìn-nyɔ̀ kɛɛ mu ɔ kɔ̃ gmɔ̀ùn pū kà nyɔ séèɔ̌ kà ɖɛ gbà ɖò nyu ɖòɛ.
6Nyɔ nì náa mɔ̀ nyɔ ɓɛ́ìn ɓó Gèɖèpɔ́ɔ̀ mɔ̀à Jékɔ̀ɛ̀ Gèɖèpɔ́ɔ̀ kɛɛ dyúa dyiɛ.
7Ɓě kaà gmɔ-wɔ̃̀ ɓěɔ̀ hwàá.
Ɓě kaà hwèɖèìn-hwèɖèìn gbǒ-wɔ̃̀ ɓěɔ̀,
ɓɛ́ dĩ́ín-dĩ̀ìnɛ̀ kã́áɔ̀ ké ɖé dyá.
8Nyɛ́ mɔ̀à dĩ́ín-dĩ̀ìnɛ̀ kã́áɔ̀ kɛ́?
Ɔ mɔ̀ Bounɓo mɔ̀ nyɔ ɓéɖéà kpé kè gana kɛ.
Ɔ mɔ̀ Bounɓo mɔ̀à to-ɖu-nyɔ̀ɔ̀ kɛ.
9Ɓě kaà gmɔ-wɔ̃̀ ɓěɔ̀ hwàá.
Ɓě kaà hwèɖèìn-hwèɖèìn gbǒ-wɔ̃̀ ɓěɔ̀,
ɓɛ́ dĩ́ín-dĩ̀ìnɛ̀ kã́áɔ̀ ké ɖé dyá.
10Nyɛ́ mɔ̀à dĩ́ín-dĩ̀ìnɛ̀ kã́áɔ̀ kɛ́?
Ɔ mɔ̀ Bounɓo mɔ̀ nyɔ nìà ɖɛ séín kɔ̃in nyɛ.
Ɔ mɔ̀ nyɔ mɔ̀à dĩ́ín-dĩ̀ìnɛ̀ kã́áɔ̀ kɛ̀.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.