Wɛ́ɖɛ́ 23

Bounɓoɔ̀ mɔ̀ ḿ dyí-gmɔ̀-nyɔ̀

Dèɓéɛ̀ wɛ́ɖɛ́

1Bounɓoɔ̀ mɔ̀ ḿ dyí-gmɔ̀-nyɔ̀ kà ɓáɖáá-dyí-gmɔ̀-nyɔ̀ gmɔ̀à ɓáɖáá dyíɛ.

Ɔ jèɛɛ, ḿ se ɖɛ ɖò kpéɖéɛ mu.

2Ɔ kpa ḿ, ɓɛ́ ḿ ké dyi pɛ̃́ ɖé pìǐ ɓɛ̀ɖɛ̀ɛ̀-ɓɛ̀ɖɛ̀ɛ̀ gbǎ ɓěɔ̀ mú.

Ɔ kpa ḿ ɓó zii-nì pɛ̀ɛ̀ ɓěɔ̀ gbìǐ.

3Ɔ po ní zùùɔ̀ kpéí ɖe.

Ɔ kpàìn ḿ ɖé hwìè sɛ́ɖɛ́ìn dyíɛɛ xwíníín, ɓó ɔ nyɛ́nɛ́ɔ̀ jè.

4Kɛbì ḿ mɛ nà ɖé gĩɔ tíe-kpòɛ̀ bɔɔ̀ múɛɛ,

ḿ se fã̀à ɖò peɖeɛ́ mu,

sepóɛɖé Bounɓo, m̀ nì ɓó ḿ gbo.

Nì ɓáɖáá-dyí-gmɔ̀ìn-ɓà-cùɔ̀ kè nì kùì-kpàɔ̀, wa mɔ̀ ḿ dyí-gmɔ̀ìn-ɖɛ̀.

5M̀ naɓaà téɓèɖè ɖò ɓó ḿ bìì,

ɓó ní mú-nyɛ́-nyɔ̀ ɓěɔ̀ dyéɖé waí.

M̀ kpɔ̃ ní jè dyi dyììn ɖé ḿ cáná nɔ̀mɔ̀ nyɔ́ún dúún-po-po mú.

M̀ dyíìn ní kópòɔ̀,#23:5 Ɔ jǔ ké Éézùɖùɛ̀-nyɔ̀ ɓěɔ̀ dyi ɖéè dyé ní, wa dyíìn ɖéèɔ̀ mú-náìn-kòpòɔ̀ wã́ìn mú, ké wa nyíɛ ɔ. Ɖɛ nìà kɛ mɔ̀ kpéín-dyé-dyé ké wa tɛ̀mɛ̀ìn ɖéèɔ̀ dyí. ké ɔ zĩ̀ìn dyi.

6Jǎà jɛ́ɛ́, nì kpeɖeɛ̀-dyíin-nɔ̀mɔ̀-nɔ̀mɔ̀ɔ̀ kè nì ɖɛ̀ɓɛ̀ǐn-ɖɛ̀ɓɛ̀ǐn se-sèìn-naín-kɔ̃̀ɔ̀ mu ɓó ḿ gbo nììn ɖé ní fɛ̀ɛ̀-wè séín mú.

Ké ní mu ɖé nì gbǒɔ̀ mú cĩ́ìn kánáá pū.

Currently Selected:

Wɛ́ɖɛ́ 23: ƁB02

Highlight

Copy