Wɛ́ɖɛ́ 21
21
Gèɖèpɔ́ɔ̀ ɓàìn-wùɖù ɓá to-ɖu-ɖu jè dyíɛ
Dèɓéɛ̀ wɛ́ɖɛ́ nìà kɛ mu wɛ́ɖɛ́-nàìn-nyɔ̀ɔ̀ gbo.
1Óó Bounɓo, kã́áɔ̀ hwòɖǒ kpá múàǔn mìɔ ɓó gana ɓɛ́ m̀ nyí ɔ kɛɛ jè.
Múà dyíìn ɔ múin ɓó to-ɖu-ɖu ɓɛ́ m̀ nyí ɔ kɛɛ jè.
2M̀ ɖǎ ɔ hwòɖǒɛ̀-mɔ́ɔ́-ɖɛ̀ɔ̀ ɔ nyí.
M̀ se ɖɛ ɔ zɔ̀ìn ma m̀ wɛ̃ɛ ɔ ɓùɖùìn.
3M̀ kpɔ̃ ma ɔ jè dyi dyììn ɖé ɔ mana kúɖúú kɔ̃ púè-púè mú,
ké m̀ dèìn ɔ kã́á-gbàǎ mɔ̀ góò hwɛ̀ zɛ̀nɛ̌ǐn nyɛɛ dú.
4Ɔ zɔ̀ìn ma m̀ fɛ̀ɛ̀, ké m̀ nyíɛ ɔ.
M̀ nyuɛ ké ɔ cĩ́-cĩ́ɔ̀ mu dyúa kánáá pū.
5M̀ ɖǎa nyu ké ɔ dĩ́ín-dĩ̀ìnɔ̀ ɖǎ kpéín ɓúá mìɔ ɓó to-ɖu-ɖu ɓɛ́ m̀ nyíà ɔ kɛɛ jè.
M̀ nyuɛ ké ɔ nyɛ́nɛ́ mu, ké ɔ ɓéɖé dya-dè-dè.
6Ǹdye, nì manaɔ̀ nì ɔ kɔ̃ kánáá pū,
ké nì nyɔ-gbo-nì-nìɔ̀ dyíìn ɔ múà múin.
7Kã́áɔ̀ taɓa Bounɓoɔ̀ hwìɖǐǐ,
ké ɓó Ɖɛɓíɔ́ɔ̀ ɖɛ̀ɓɛ̀ǐn-ɖɛ̀ɓɛ̀ǐn se-sèìn-naín-kɔ̃̀ɔ̀ jèɛɛ, kã́áɔ̀ se daí sɔ̀ǐn mu.
8Kã́áɔ̀ mu ɔ mú-nyɛ́-nyɔ̀ séín ɓěɔ̀ kpɔ̃ùn.
Ɔ ɖiaùn-sɔ̃̀ɔ̀ mu nyɔ séín ɓě ɓɛ́ wa vɔ̃ ɔ gboɛɛ kpɔ̃ɔ hwɔùn nyɛ̀nɛ̀ɛ̀.
9Ti ɓɛ́ kã́áɔ̀ mu xwáɖáún wóɖóùn wɛ̃ɛ,
ɔ mu wa mú gbɔɔ̀ùn dyììn ɖé nyɛ-ɓɔ́ɔ́ mú.
Bounɓoɔ̀ mu wa ɓó dyi sámáùn ɖé ɔ dyoɖoɔ̀ mú.
Nyɛɔ̀ mu wa séín mú gbɔɔ̀ùn nyɛ̀nɛ̀ɛ̀.
10Kã́áɔ̀ mu waà xwíníín-dyù ɓěɔ̀ ɓóɖó-kpàà kɔ̃ dyi sámáùn.
Ɔ muɛ nyuùn ɓɛ́ wa jè ké nyɔǔn hwìɛ̀ dyi hwɛ̀.
11Wa ɓɛ́ìn ɖɛ gbà kúɖúú dyí sɔ́ɔ ɓá kã́áɔ̀ dyí,
kɛɛ wa se ɖɛ ɓěɛ̀ ɖò nyuɛ ɓɛ́ǐn mu.
12Ɔ muɛ nyuùn ɓɛ́ wa ké ɔ dyúa gbǔ,
ti ɔ mu ɔ sɔ̃ɔ̀ pɛ́ɛ̀ìn, ɓɛ́ ɔ kéà ɔ sé-kpììɔ̀ wa pòìn nyɛ.
13Bounɓo, mɔ̀ kɔ̃̀ dya-dè-dèɔ̀ ɓó nì kpéɔ̀ jè.
À mu m̀ gbo ɓèɖèìn, ɓɛ́ à ké m̀ ɓàìn ɓó nì kpéɔ̀ jè.
Currently Selected:
Wɛ́ɖɛ́ 21: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
