Máfíò 21
21
Jízɛ̀ dyá Jùɖúsɛ̀ɖɛ̀ìn-hwɔ̀ɖɔ̀ɔ̀ to-ɖu-kà
(Máà 11:1-11; Ɖúù 19:28-40; Jɔ̃́ɔ́ 12:12-19)
1Ké ti ɓɛ́ Jízɛ̀ kè ɔ ɖeín-nà-nyɔ̀ ɓěɔ̀ ɖǎ ma Jùɖúsɛ̀ɖɛ̀ìn-hwɔ̀ɖɔ̀ɔ̀ bũ̌in xwɛ̃́ìn nyɛɛ, wa nyini ma Bɛ́fèjì-hwɔ̀ɖɔ̀ ɓɛ́ ɔ nì ma ɖé Ɔ́ɖè-tòɖòɔ̀ dya kɛɛ mú. Hwɛ̀ ké Jízɛ̀ ɖoɓo ma ɖeín-nà-nyɔ̀ ɓěɔ̀ sɔ̃́ ɖé dyúa. 2Ɔ cuò ma wa, ké ɔ ɖá, “Ɓě mu ɖé hwɔɖɔ nìà ɖé dyúa kɛɛ mú. Ɓě dyi hwɔɖɔɔ̀ mú nyini nyɛ̀nɛ̀ɛ̀ ní, ɓě mu jǎkasì ɖò ɓɛ́ wa wã̀ìn dyiɛ kè ɔ dyú dyéìn. Ɓě buɛ̀ ɔ, ɓɛ́ ɓě ké wa ḿ gbo dyà. 3Nyɔ ɖò dyi ɓě dyi diè ní, nìí, ɓě mɛ cɛ̃ɛ ɔ gbo, ɓɛ́ ɓě ké níiń, ‘Bounɓoɔ̀#21:3 Dà ɓó ɖòùn, ɓóɛ̀ Jízɛ̀ ɖáìn ɔ mìɔùn Bounɓo nɔ̄ Máfíò-cèè-ɖɛ̀ nìà kɛ mú. mɔ́ wa ní.’ Ké ɔ mu wa dyi táàùn wàɖà.”
4Ɖɛ nìà kɛ kpá ma, ɓɛ́ ɖɛ ɓɛ́ kpáá-ɖɛ̀-cɛ̃-nyɔ̀ ɓěɔ̀ ɖò cɛ̃ zɔ̃̌ɔ̀ kɛɛ ké jǎà kpá. Ɖɛ ɔ cɛ̃ zɔ̃̌ɔ̀ kɛɛ kɛà kɛ̀. Ɔ ɖá,
5“Ɓě cɛ̃ɛ Zádyɔún-hwɔ̀ɖɔ̀ɔ̀ gbo, ɓɛ́ ɓě ké níiń,
‘Ɓě gmɔ̀ ɖéa, kà ɓěɛ̀ kã́áɔ̀ nì ɓě gbo dyiɛń nyɛ.
Ɔ dyà ɔ mìɔùn ɓíɖíi, ké ɔ kò jǎkasì ɖò kɔ̃ún.
Ɔ kò jǎkasì gmɔ̀ ɖò kɔ̃ún.’ ”
6Ké ɖeín-nà-nyɔ̀ ɓěɔ̀ mu, ké wa nyu ma ɖɛ Jízɛ̀ cɛ̃ ma kà wa gboɛ. 7Wa dyà ma jǎkasìɔ̀ kè ɔ dyúɔ̀. Ké wa gba ma waà ɖɔ ɓě jǎkasìɔ̀ kè ɔ dyúɔ̀ kɔ̃ún dyi, ké Jízɛ̀ kò ma ɖɔɔ̀ kɔ̃ dyi. 8Ké nyɔ kúɖúú ɓě soɖo ma waà ɖɔ ɓě hwìèɔ̀ kɔ̃in, ké ɖíɛ́ ɓě cɛ̃ ma cu-ɖɔ́ ɓě, ké wa wáɖá ma wa hwìèɔ̀ kɔ̃in. 9Nyɔ kúɖúú ɓě ɓɛ́ wa nì ma Jízɛ̀ dyúa kè ɔ ɖeín nyɛɛ páná ma mú, ké wa ɖá, “Ɓěà ɓàìn Dèɓéɛ̀ Dyú-gààɔ̀. Mana mɛ nì nyɔ ɓɛ́ ɔ dyi ɖé Bounɓoɔ̀ nyɛ́nɛ́ɔ̀ múɛɛ kɔ̃. Ɓàìn-ɓàìn mɛ nì Gèɖèpɔ́ɔ̀ nìà ɖé dyɔún wɛ̃ɛ kɔ̃.”
10Ti ɓɛ́ Jízɛ̀ dyá ma Jùɖúsɛ̀ɖɛ̀ìn-hwɔ̀ɖɔ̀ɔ̀ kɛɛ, hwɔɖɔ gànáɔ̀ túò ma dyi, ké nyɔ ɓěɔ̀ diè ma ɖɛi, ké wa ɖá, “Nyɛ́ nìà kɛ́?”
11Ké nyɔ kúɖúú ɓěɔ̀ jǔ ma wa gɔ̃̌, ké wa ɖá, “Nyɔ nìà kɛ mɔ̀ kpáá-ɖɛ̀-cɛ̃-nyɔ̀ mɔ̀à Jízɛ̀ sɔ̀à ɖé Názɛ̀ɖɛ̀-hwɔ̀ɖɔ̀ nìà ɖé Gáɖàɖíì-ɓòɖòɔ̀ kɔ̃ɛɛ mú kɛ.”
Jízɛ̀ mu ɖé Gèɖèpɔ́ɔ̀ gbǒɔ̀ mú
(Máà 11:15-19; Ɖúù 19:45-48; Jɔ̃́ɔ́ 2:13-22)
12Ti ɓɛ́ Jízɛ̀ dyá ma Jùɖúsɛ̀ɖɛ̀ìn-hwɔ̀ɖɔ̀ɔ̀ kɛɛ, ɔ mu ma ɖé Gèɖèpɔ́ɔ̀ gbǒɔ̀ mú. Ké ɔ kúmú ma nyɔǔn séín ɓě ɓɛ́ wa nì ma ɖé ɖɛ peɖeɛń nyɛ kè nyɔǔn séín ɓě ɓɛ́ wa nì ma ɖé ɖɛ dɔ̃uń wɛ̃ɛ ɖé dyi. Ké ɔ dè ma nyɔ ɓě ɓɛ́ wa nì ma wíɖí gbo zĩàǐn nyɛɛ téɓèɖè ɓěɔ̀ kíé, ké ɔ dè ma nyɔ ɓě ɓɛ́ wa nì ma gbúɛ́ peɖeɛń nyɛɛ kɔ̃-kò-ɖɛ̀ ɓěɔ̀ kíé ɖekè. 13Ɔ cɛ̃ɛ ma wa gbo, ké ɔ ɖá, “Gèɖèpɔ́ɔ̀-cèè-ɖɛ̀ɔ̀ ɖá, ‘Wa mu ní gbǒɔ̀ ɓaàìn-naín ɖáìn.’ Kɛɛ ɓě nyuɛ ké ɔ mɔ̀ǎ sṹún-gɔ̀-nyɔ̀ ɓěɛ̀ cĩ́-naín gàná cá.”
14Ké nyɔ kpè dyéɖéín dyi ɓě kè kɔ́ɖɔ́-nyɔ̀ ɓě mu ma ɔ gbo ɖé Gèɖèpɔ́ɔ̀ gbǒɔ̀ mú, ké ɔ kánáìn ma wa dyi. 15Kɛɛ ti ɓɛ́ sáa-zà-nyɔ̀ kpa ɖɛ ɓěɔ̀ kè Gèɖèpɔ́ɔ̀-cèè-ɖɛ̀ dyuò-nyɔ̀ ɓěɔ̀ dyé ma ɖɛ kpa ɖɛ ɓě ɓɛ́ Jízɛ̀ nyu ma kà kɛ, ké dyú mɛ́nɛ́ɛ́ ɓěɔ̀ nì ma mú pánáuń ɖé Gèɖèpɔ́ɔ̀ gbǒɔ̀ mú, ɓɛ́ wa dyi níiń, “Ɓěà ɓàìn Dèɓéɛ̀ Dyú-gààɔ̀o” kɛɛ, wa kpá ma dyoɖoún. 16Ké wa cɛ̃ɛ ma Jízɛ̀ gbo, ké wa ɖá, “M̀ wɔ̃́ ɖɛ wa nìà cɛ̃iń nyɛɛ níì?”
Ké Jízɛ̀ ɖá, “Ǹdye, ḿ wɔ̃́ɔ ní. Ɓě séè ɖɛ Gèɖèpɔ́ɔ̀-cèè-ɖɛ̀ɔ̀ cɛ̃à kɛɛ wuɖuún zà ɖòò? Ɔ ɖá, ‘M̀ ɖǎa nyu ké dyú mɛ́nɛ́ɛ́ kè dyú-pɛ̀ɖɛ̀ ɓě nì nì dĩ́ín-dĩ̀ìnɔ̀ jè mú ɓèɖèɛ̌n.’ ” 17Ké Jízɛ̀ sɔ̀ ma ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú, ké ɔ mu ma ɖé Bɛ́fènì-hwɔ̀ɖɔ̀ɔ̀ mú, ké ɔ pɛ̃́ ma ɖé.
Jízɛ̀ gboò féè-cù ɖò
(Máà 11:12-14, 20-24)
18Wéɔ̀ nyɔ kɔ ma ɓó dyíɛɛ gànà-kṹún wɛ̃ɛ, Jízɛ̀ sɔ̀ ma ɖé Bɛ́fènì-hwɔ̀ɖɔ̀ɔ̀ mú, ké ɔ nì ma ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú ɖe kɔ́ǐn. Ɓó tia ɓaɖaa, mɔ́ ɖú ma ɔ nyu kpàǐ. 19Ké ɔ dyé ma féè-cù ɖò ɖé hwìèɔ̀ gaún, ké ɔ mu ma cuɔ̀ zɔ̃̌, kɛɛ ɔ seɛ ma ɓo ɖò dya dyé, ɔ sèìn ma mí saá-saá. Ɔ jèɛɛ, ɔ cɛ̃ɛ ma cu-gɔ̃̀ɔ̀ gbo, ké ɔ ɖá, “M̀ se ɓo ɖò tòɖòɛ̌ mu ɖe sɔ̃̀ùn.” Wàɖà cá kɛɛ, féè-cùɔ̀ mɛ́ ma ní.
20Ti ɓɛ́ ɔ ɖeín-nà-nyɔ̀ ɓěɔ̀ dyéɛ ma kɛɛ, wa giniìn ma dyi mìɔ, ké wa ɖá, “Xwɛ̌ féè-cùɔ̀ nyuà kǎa mɛ́ɛ wàɖà cáá?”
21Ké Jízɛ̀ cɛ̃ɛ ma wa gbo, ké ɔ ɖá, “Ḿ cɛ̃ ɓě jǎà gbo, ɔ jǔ ké ɓě dyi hwìɖǐǐ-taɓa-taɓa ɓéɖé, ké ɓěɛ̀ hwòɖǒ dyi mɛ́ ní, nìí, ɓě mu ɖɛ ḿ nyuà féè-cùɛ̀ bũ̌ɛɛ ɖò nyuɛ ɓɛ́ìn. Ké ɔ seɛ ɖòùn, kɛɛ ɔ jǔ ké ɓě dyiɛ toɖo nìà kɛ gbo cɛ̃, ké ɓě dyi níiń, ‘Sɔ̀ dà dyí, ɓɛ́ m̀ ké ɖé dyóóɔ̀ kɔ̃ kpá’ ní, ɔ mu ná kpáùn. 22Ɓě dyi hwìɖǐǐ-taɓa-taɓa ɓéɖé ní, nìí, ɖɛ kã̀ìn séín ɓě mu Gèɖèpɔ́ɔ̀ zɔ̀ìn nyɛɛ, ɔ muɛ ɓě bìì nyuùn.”
Wa diè ɖɛi ɓá Jízɛ̀ɛ̀ kpéɔ̀ jè dyí
(Máà 11:27-33; Ɖúù 20:1-8)
23Sɔ̀ìn ɓóɛ gboɛɛ, Jízɛ̀ mu ma ɖé Gèɖèpɔ́ɔ̀ gbǒɔ̀ mú ɖe, ké ti ɓɛ́ ɔ nì ma nyɔ ɓěɔ̀ ɖɛ tɛ̀mɛ̀ǐn nyɛɛ, sáa-zà-nyɔ̀ kpa ɖɛ ɓěɔ̀ kè Júù-nyɔ̀ ɓěɔ̀ nyɔ vɛ̀nɛ̀ ɓěɔ̀ mu ma ɔ gbo, ké wa diè ma ɔ dyi, ké wa ɖá, “Kpéɔ̀ nyɛ́ m̀ ɓéɖé, ɓɛ́ m̀ dyià ɖɛ ɓě nìà kɛ nyuɛń nì kɛ́? Ké nyɛ́ nyí m̀ kpéɔ̀ kɛ́?”
24Ké Jízɛ̀ jǔ ma wa gɔ̃̌, ké ɔ ɖá, “Mɔ́ún mu ɓě ɖɛ dyúáɖò dyi dièìn. Ɔ jǔ ké ɓě dyi ḿ gɔ̃̌ jǔ ní, nìí, mɔ́ún mu dɛ̀ ḿ zà kpé ɓɛ́ ḿ dyià ɖɛ ɓěɛ̀ nyuɛɛ ɓě gbo cɛ̃ìn. 25Dɛ̌ Jɔ̃́ɔ́ zà ɔ nyɔ-níɔ-po-kpèɔ̀ kɛ́? Ɔ sɔ̀ìn ɖé Gèɖèpɔ́ɔ̀ gboò, mɔɔ ɔ sɔ̀ìn ɖé nyɔǔn gboò?”
Ké wa cɛ̃ìn cɛ̃̀ìn ma gbo, ké wa ɖá, “À dyiɛ cɛ̃, ké à dyi níiń, ‘Ɔ sɔ̀ìn ɖé Gèɖèpɔ́ɔ̀ gbo’ ní, nìí, ɔ muɛ à gbo cɛ̃ìn, ɓɛ́ ɔ ké níiń, ‘Ɔ dyi ná nìǐn, ɖɛ́ kɔ̃̀ jè ɓě se ma kà ɔ wuɖuɔ̀ jǎà poɛ́?’ 26Mɔɔ à dyiɛ cɛ̃, ké à dyi níiń, ‘Ɔ sɔ̀ìn ɖé nyɔǔn gbo’ ní, nìí, à fɛ̃̀ìn ɖɛ nyɔ kúɖúú ɓěɔ̀ mu à bũ̌ nyuùn wɛ̃, sepóɛɖé wa séín poɛ jǎà kà Jɔ̃́ɔ́ mɔ̀ ma kpáá-ɖɛ̀-cɛ̃-nyɔ̀ kɛ.” 27Ɔ jèɛɛ, wa jǔ ma Jízɛ̀ gɔ̃̌, ké wa ɖá, “À se dyuò.”
Ké Jízɛ̀ mɔ̀ùn cɛ̃ɛ ma wa gbo, ké ɔ ɖá, “Ɔ dyi ná nìǐn, nìí, ḿ se dɛ̀ ḿ zà kpé ɓɛ́ ḿ dyià ɖɛ ɓěɛ̀ nyuɛɛ ɓě gbo cɛ̃ɛ́ mu.”
Nɔ́ɔ́ ɓá gàa-dyù sɔ̃́ jè dyíɛ
28Ké Jízɛ̀ kpa ma wuɖu dyúa ɖe, ké ɔ ɖá, “Ɖɛ́ ɓě poìn hwìɖǐi ɓá nɔ́ɔ́ nìà kɛ jè dyíɛ́? Gàa ɖò nì ma ɓó, ké ɔ ɓéɖé ma dyú-gàà sɔ̃́. Ɔ mu ma ɔ dyú-gàà vɛ̀nɛ̀ɔ̀ gbo, ké ɔ ɖá, ‘Ní dyú, mu ɓɛ́ m̀ ké ɖé ní géɖéè-gbǎɔ̀ mú kũ̀à nyu ɓó zɛ̃̌ɛ̀.’ 29Ké ɔ dyúɔ̀ ɖá, ‘Ḿ se dà ɖò muɛń nì.’ Kɛɛ ɔ nìǒ kpã́ún wɛ̃ɛ, ɔ zĩàìn ma hwòɖǒ gbo, ké ɔ mu ma kũ̀àɔ̀ gbo. 30Hwɛ̀ ké gàaɔ̀ mu ma ɔ dyú-gàà tɔ̀ɔ̀ gbo, ké ɔ cɛ̃ ma ɔ mɔ̀ùn ɖɛ dyúáɖòɔ̀ gbo. Ké ɔ dyúɔ̀ ɖá, ‘Ɓɔ̌ɔ̀, ḿ wɔ̃́ ní.’ Kɛɛ ɔ se ma ɖé kũ̀àɔ̀ gbo dyi sí. 31Dyú sɔ̃́ ɓěɛ̀ nyɛ́ nyu ɖɛ wa ɓǎ mɔ́ ɓɛ́ wa ké ma kà nyuɛ kɛ́?”
Ké sáa-zà-nyɔ̀ kpa ɖɛ ɓěɔ̀ kè Júù-nyɔ̀ vɛ̀nɛ̀ ɓěɔ̀ ɖá, “Ɔ mɔ̀ nyɔ vɛ̀nɛ̀ɔ̀e.”
Ké Jízɛ̀ cɛ̃ɛ ma wa gbo, ké ɔ ɖá, “Ḿ cɛ̃ ɓě jǎà gbo, tácì-kpɔ̃-nyɔ̀ ɓěɔ̀ kè gbàɖàùn-màà ɓěɔ̀ mu ɖé Gèɖèpɔ́ɔ̀ kã́á-ɓòɖòɔ̀ kɔ̃ muùn kĩ́ín, hwɛ̀ ɓɛ́ ɓě ké ɖé mu. 32Sepóɛɖé Jɔ̃́ɔ́ dyi ma ɓě gbo, ké ɔ zàìn ma ɓě hwìè sɛ́ɖɛ́ìn dyíɔ̀ da, kɛɛ ɓě se ma ɔ wuɖuɔ̀ jǎà po. Kɛɛ tácì-kpɔ̃-nyɔ̀ ɓěɔ̀ kè gbàɖàùn-màà ɓěɔ̀ po ma ɔ wuɖuɔ̀ jǎà. Ti ɓɛ́ ɓě dyé ma ɖɛ nìà kɛɛ, ɓě se ma hwìɖǐi poìn ɖe, ɓɛ́ ɓě ké ma ɔ wuɖuɔ̀ jǎà po dyɛ mɔ̀ùn.”
Nɔ́ɔ́ ɓá nyɔ ɓě ɓɛ́ wa sè ma géɖéè-gbǎ ɖò gboɛɛ jè dyíɛ
(Máà 12:1-12; Ɖúù 20:9-19)
33Ké Jízɛ̀ kpa ma wuɖu dyúa ɖe, ké ɔ ɖá, “Ɓě tò nɔ́ɔ́ nyɔ nìà kɛ gbo ɖùǔ ɖe. Ɖɛ-ɓá-nyɔ̀ ɖò nì zɔ̃̌ɔ̀ ɓó, ké ɔ ɓá ma géɖéè, ké ɔ mɔ̀ ma géɖéè-gbǎ. Ké ɔ cɛ̃̀ìn ma gba-gba ɖei, ké ɔ ɓúɖú ma dɛ̀ ɓɛ́ wa ké géɖéèɔ̀ mú píníìn nyɛ, ké ɔ zà ɖé gbàà ɖò. Ké ɔ sè ma geɖeɔ̀ nyɔǔn ɓě gbo, ɓɛ́ wa kéɛ dyí gmɔ̀. Ké ɔ sɔ̀ dyí, ké ɔ mu ma ɓóɖó vɛ̃in ɖò kɔ̃. 34Ti ɓɛ́ géɖéèɔ̀ kpã́-tì nyini ma ɓóɛɛ, ɔ ɖoɓo ma ɔ gbo-nì-nyɔ̀ ɓěɔ̀ ɖé nyɔ ɓě nì ma kà géɖéè-gbǎɔ̀ dyí gmɔ̀ǔn wɛ̃ɛ gbo, ɓɛ́ wa ké ma ɔ nììn géɖéè tò. 35Ké géɖéè-gbǎɔ̀ dyí-gmɔ̀-nyɔ̀ ɓěɔ̀ kpɔ̃ ma ɔ gbo-nì-nyɔ̀ ɓěɔ̀, ké wa ɓaɖa ma dyúáɖò, ké wa ɖáɓá ma dyúáɖò, ké wa taɓaìn ma nyɔ tɔ̀ɔ̀ sɔ́ɔ́-kpò dyi. 36Ké gàaɔ̀ ɖoɓo ma gbo-nì-nyɔ̀ ɖíɛ́ ɓě ɖe. Wa vò ma dyí ké ɔ zi nyɔ ɓě ɓɛ́ ɔ tò ma kà kĩ́ín nyɛɛ dyí. Ké géɖéè-gbǎɔ̀ dyí-gmɔ̀-nyɔ̀ ɓěɔ̀ nyu ma wa mɔ̀ùn ɖɛ dyúáɖòɔ̀ bũ̌ ɖekè. 37Ɖé mánáín nyɛɛ, gàaɔ̀ ɖoɓo ma ɔ mìɔùn nììn dyú-gààɔ̀ ɖé wa gbo. Ɔ ɖá, ‘Ḿ dyuòɛ̀ wa mu ní dyú-gààɔ̀ kpéín dyéìn.’ 38Kɛɛ ti ɓɛ́ géɖéè-gbǎɔ̀ dyí-gmɔ̀-nyɔ̀ ɓěɔ̀ dyé ma gàaɔ̀ dyúɔ̀ kɛɛ, wa cɛ̃ìn cɛ̃̀ìn ma gbo, ké wa ɖá, ‘Nyɔ nìà kɛ mɔ̀ nyɔ mu ɔ ɓǎà kɔ̃̀ɔ̀-ɖɛ̀ ɓěɔ̀ dúí sèìn. Ɓě dyi, ɓɛ́ ɓěà ké ɔ ɖáɓá, nìí, ɓěà mu kɔ̃̀ɔ̀-ɖɛ̀ ɓě ɓɛ́ ɔ kéà dúí sèɛɛ dyí ɖúùn.’ 39Ké wa kpɔ̃ ma ɔ, ké wa zà ma ɔ ɖé géɖéè-gbǎɔ̀ mú, ké wa ɖáɓá ma ɔ.
40“Ɓě poìn hwìɖǐiɛɛ, géɖéè-gbǎɔ̀ kɔ̃̀-nyɔ̀ɔ̀ dyi dyiín, ɖɛ́ ɔ mu géɖéè-gbǎɔ̀ dyí-gmɔ̀-nyɔ̀ ɓěɔ̀ bũ̌ nyuùn wɛ̃́?”
41Ké sáa-zà-nyɔ̀ kpa ɖɛ ɓěɔ̀ kè Júù-nyɔ̀ vɛ̀nɛ̀ ɓěɔ̀ jǔ ma Jízɛ̀ gɔ̃̌, ké wa ɖá, “Ɔ mu gàa nyìnììn kpeɖeín ɓěɔ̀ ɖáɓáùn. Ɔ se wa wìǐn dyéɛ mu. Sɔ̀ìn ɓóɛ gboɛɛ, nìí, ɔ mu géɖéè-gbǎɔ̀ nyɔ kà kò ɖò ɓě ɓɛ́ wa mu ɔ géɖéèɔ̀ ɖò nyíìn ɓó ɔ tòɖò-tìǐn nyɛɛ gbo sèìn.”
42Ké Jízɛ̀ diè ma wa dyi, ké ɔ ɖá, “Ɓě séè ɖɛ Gèɖèpɔ́ɔ̀-cèè-ɖɛ̀ɔ̀ cɛ̃à kɛɛ wuɖuún zà ɖòò? Ɖɛ ɔ cɛ̃ɛ kɛà kɛ̀. Ɔ ɖá,
‘Sɔ́ɔ́-kpò ɓɛ́ poo-ɖɛ̀ po-nyɔ̀ ɓěɔ̀ ɓɔ́ ma kɛɛ ɖǎ gbǒɔ̀ gãún-sɔ̀ɔ̌ mú zɛ̃̀ìn.
Bounɓoɔ̀ mɔ̀ nyɔ ɖǎ ɖɛ nìà kɛ nyu.
Ké ɖɛ ɔ nyuà kɛɛ mɔ̀ ɖɛ dĩ́ín-dĩ̀ìn ɖé à dyéɖéín.’
43“Ɔ jèɛɛ, ḿ cɛ̃ɛ ɓě gbo, Gèɖèpɔ́ɔ̀ mu ɓě ɔ kã́á-ɓòɖòɔ̀ xwa zàùn, ké ɔ muɛ nyɔ ɓě ɓɛ́ wa nyu ɔ wuɖuɛɛ nyíìn. [ 44Nyɔ séín ɓɛ́ wa mu sɔ́ɔ́-kpò nìà kɛ kɔ̃in ɓùɖùìn nyɛɛ, wa mu dyi jɛɖɛìn, kɛɛ ɔ jǔ ké sɔ́ɔ́-kpòɔ̀ dyi nyɔ ɖò kɔ̃ kpáín, nìí, ɔ mu dǔùn.”]
45Ti ɓɛ́ sáa-zà-nyɔ̀ kpa ɖɛ ɓěɔ̀ kè Fáɖòsíì-nyɔ̀ ɓěɔ̀ wɔ̃́ ma nɔ́ɔ́ ɓě ɓɛ́ Jízɛ̀ po ma kà kɛɛ, wa dyuòɛ̀ ma dyí kà ɔ nì ma wa jè cɛ̃iń nyɛ. 46Ɔ jèɛɛ, wa mɔ́ ɓɛ́ wa ké ma ɔ kpɔ̃, kɛɛ wa fɛ̃̀ìn ma nyɔ kúɖúú ɓěɔ̀ dyi, sepóɛɖé wa ɖá Jízɛ̀ mɔ̀ ma kpáá-ɖɛ̀-cɛ̃-nyɔ̀.
Currently Selected:
Máfíò 21: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Máfíò 21
21
Jízɛ̀ dyá Jùɖúsɛ̀ɖɛ̀ìn-hwɔ̀ɖɔ̀ɔ̀ to-ɖu-kà
(Máà 11:1-11; Ɖúù 19:28-40; Jɔ̃́ɔ́ 12:12-19)
1Ké ti ɓɛ́ Jízɛ̀ kè ɔ ɖeín-nà-nyɔ̀ ɓěɔ̀ ɖǎ ma Jùɖúsɛ̀ɖɛ̀ìn-hwɔ̀ɖɔ̀ɔ̀ bũ̌in xwɛ̃́ìn nyɛɛ, wa nyini ma Bɛ́fèjì-hwɔ̀ɖɔ̀ ɓɛ́ ɔ nì ma ɖé Ɔ́ɖè-tòɖòɔ̀ dya kɛɛ mú. Hwɛ̀ ké Jízɛ̀ ɖoɓo ma ɖeín-nà-nyɔ̀ ɓěɔ̀ sɔ̃́ ɖé dyúa. 2Ɔ cuò ma wa, ké ɔ ɖá, “Ɓě mu ɖé hwɔɖɔ nìà ɖé dyúa kɛɛ mú. Ɓě dyi hwɔɖɔɔ̀ mú nyini nyɛ̀nɛ̀ɛ̀ ní, ɓě mu jǎkasì ɖò ɓɛ́ wa wã̀ìn dyiɛ kè ɔ dyú dyéìn. Ɓě buɛ̀ ɔ, ɓɛ́ ɓě ké wa ḿ gbo dyà. 3Nyɔ ɖò dyi ɓě dyi diè ní, nìí, ɓě mɛ cɛ̃ɛ ɔ gbo, ɓɛ́ ɓě ké níiń, ‘Bounɓoɔ̀#21:3 Dà ɓó ɖòùn, ɓóɛ̀ Jízɛ̀ ɖáìn ɔ mìɔùn Bounɓo nɔ̄ Máfíò-cèè-ɖɛ̀ nìà kɛ mú. mɔ́ wa ní.’ Ké ɔ mu wa dyi táàùn wàɖà.”
4Ɖɛ nìà kɛ kpá ma, ɓɛ́ ɖɛ ɓɛ́ kpáá-ɖɛ̀-cɛ̃-nyɔ̀ ɓěɔ̀ ɖò cɛ̃ zɔ̃̌ɔ̀ kɛɛ ké jǎà kpá. Ɖɛ ɔ cɛ̃ zɔ̃̌ɔ̀ kɛɛ kɛà kɛ̀. Ɔ ɖá,
5“Ɓě cɛ̃ɛ Zádyɔún-hwɔ̀ɖɔ̀ɔ̀ gbo, ɓɛ́ ɓě ké níiń,
‘Ɓě gmɔ̀ ɖéa, kà ɓěɛ̀ kã́áɔ̀ nì ɓě gbo dyiɛń nyɛ.
Ɔ dyà ɔ mìɔùn ɓíɖíi, ké ɔ kò jǎkasì ɖò kɔ̃ún.
Ɔ kò jǎkasì gmɔ̀ ɖò kɔ̃ún.’ ”
6Ké ɖeín-nà-nyɔ̀ ɓěɔ̀ mu, ké wa nyu ma ɖɛ Jízɛ̀ cɛ̃ ma kà wa gboɛ. 7Wa dyà ma jǎkasìɔ̀ kè ɔ dyúɔ̀. Ké wa gba ma waà ɖɔ ɓě jǎkasìɔ̀ kè ɔ dyúɔ̀ kɔ̃ún dyi, ké Jízɛ̀ kò ma ɖɔɔ̀ kɔ̃ dyi. 8Ké nyɔ kúɖúú ɓě soɖo ma waà ɖɔ ɓě hwìèɔ̀ kɔ̃in, ké ɖíɛ́ ɓě cɛ̃ ma cu-ɖɔ́ ɓě, ké wa wáɖá ma wa hwìèɔ̀ kɔ̃in. 9Nyɔ kúɖúú ɓě ɓɛ́ wa nì ma Jízɛ̀ dyúa kè ɔ ɖeín nyɛɛ páná ma mú, ké wa ɖá, “Ɓěà ɓàìn Dèɓéɛ̀ Dyú-gààɔ̀. Mana mɛ nì nyɔ ɓɛ́ ɔ dyi ɖé Bounɓoɔ̀ nyɛ́nɛ́ɔ̀ múɛɛ kɔ̃. Ɓàìn-ɓàìn mɛ nì Gèɖèpɔ́ɔ̀ nìà ɖé dyɔún wɛ̃ɛ kɔ̃.”
10Ti ɓɛ́ Jízɛ̀ dyá ma Jùɖúsɛ̀ɖɛ̀ìn-hwɔ̀ɖɔ̀ɔ̀ kɛɛ, hwɔɖɔ gànáɔ̀ túò ma dyi, ké nyɔ ɓěɔ̀ diè ma ɖɛi, ké wa ɖá, “Nyɛ́ nìà kɛ́?”
11Ké nyɔ kúɖúú ɓěɔ̀ jǔ ma wa gɔ̃̌, ké wa ɖá, “Nyɔ nìà kɛ mɔ̀ kpáá-ɖɛ̀-cɛ̃-nyɔ̀ mɔ̀à Jízɛ̀ sɔ̀à ɖé Názɛ̀ɖɛ̀-hwɔ̀ɖɔ̀ nìà ɖé Gáɖàɖíì-ɓòɖòɔ̀ kɔ̃ɛɛ mú kɛ.”
Jízɛ̀ mu ɖé Gèɖèpɔ́ɔ̀ gbǒɔ̀ mú
(Máà 11:15-19; Ɖúù 19:45-48; Jɔ̃́ɔ́ 2:13-22)
12Ti ɓɛ́ Jízɛ̀ dyá ma Jùɖúsɛ̀ɖɛ̀ìn-hwɔ̀ɖɔ̀ɔ̀ kɛɛ, ɔ mu ma ɖé Gèɖèpɔ́ɔ̀ gbǒɔ̀ mú. Ké ɔ kúmú ma nyɔǔn séín ɓě ɓɛ́ wa nì ma ɖé ɖɛ peɖeɛń nyɛ kè nyɔǔn séín ɓě ɓɛ́ wa nì ma ɖé ɖɛ dɔ̃uń wɛ̃ɛ ɖé dyi. Ké ɔ dè ma nyɔ ɓě ɓɛ́ wa nì ma wíɖí gbo zĩàǐn nyɛɛ téɓèɖè ɓěɔ̀ kíé, ké ɔ dè ma nyɔ ɓě ɓɛ́ wa nì ma gbúɛ́ peɖeɛń nyɛɛ kɔ̃-kò-ɖɛ̀ ɓěɔ̀ kíé ɖekè. 13Ɔ cɛ̃ɛ ma wa gbo, ké ɔ ɖá, “Gèɖèpɔ́ɔ̀-cèè-ɖɛ̀ɔ̀ ɖá, ‘Wa mu ní gbǒɔ̀ ɓaàìn-naín ɖáìn.’ Kɛɛ ɓě nyuɛ ké ɔ mɔ̀ǎ sṹún-gɔ̀-nyɔ̀ ɓěɛ̀ cĩ́-naín gàná cá.”
14Ké nyɔ kpè dyéɖéín dyi ɓě kè kɔ́ɖɔ́-nyɔ̀ ɓě mu ma ɔ gbo ɖé Gèɖèpɔ́ɔ̀ gbǒɔ̀ mú, ké ɔ kánáìn ma wa dyi. 15Kɛɛ ti ɓɛ́ sáa-zà-nyɔ̀ kpa ɖɛ ɓěɔ̀ kè Gèɖèpɔ́ɔ̀-cèè-ɖɛ̀ dyuò-nyɔ̀ ɓěɔ̀ dyé ma ɖɛ kpa ɖɛ ɓě ɓɛ́ Jízɛ̀ nyu ma kà kɛ, ké dyú mɛ́nɛ́ɛ́ ɓěɔ̀ nì ma mú pánáuń ɖé Gèɖèpɔ́ɔ̀ gbǒɔ̀ mú, ɓɛ́ wa dyi níiń, “Ɓěà ɓàìn Dèɓéɛ̀ Dyú-gààɔ̀o” kɛɛ, wa kpá ma dyoɖoún. 16Ké wa cɛ̃ɛ ma Jízɛ̀ gbo, ké wa ɖá, “M̀ wɔ̃́ ɖɛ wa nìà cɛ̃iń nyɛɛ níì?”
Ké Jízɛ̀ ɖá, “Ǹdye, ḿ wɔ̃́ɔ ní. Ɓě séè ɖɛ Gèɖèpɔ́ɔ̀-cèè-ɖɛ̀ɔ̀ cɛ̃à kɛɛ wuɖuún zà ɖòò? Ɔ ɖá, ‘M̀ ɖǎa nyu ké dyú mɛ́nɛ́ɛ́ kè dyú-pɛ̀ɖɛ̀ ɓě nì nì dĩ́ín-dĩ̀ìnɔ̀ jè mú ɓèɖèɛ̌n.’ ” 17Ké Jízɛ̀ sɔ̀ ma ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú, ké ɔ mu ma ɖé Bɛ́fènì-hwɔ̀ɖɔ̀ɔ̀ mú, ké ɔ pɛ̃́ ma ɖé.
Jízɛ̀ gboò féè-cù ɖò
(Máà 11:12-14, 20-24)
18Wéɔ̀ nyɔ kɔ ma ɓó dyíɛɛ gànà-kṹún wɛ̃ɛ, Jízɛ̀ sɔ̀ ma ɖé Bɛ́fènì-hwɔ̀ɖɔ̀ɔ̀ mú, ké ɔ nì ma ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú ɖe kɔ́ǐn. Ɓó tia ɓaɖaa, mɔ́ ɖú ma ɔ nyu kpàǐ. 19Ké ɔ dyé ma féè-cù ɖò ɖé hwìèɔ̀ gaún, ké ɔ mu ma cuɔ̀ zɔ̃̌, kɛɛ ɔ seɛ ma ɓo ɖò dya dyé, ɔ sèìn ma mí saá-saá. Ɔ jèɛɛ, ɔ cɛ̃ɛ ma cu-gɔ̃̀ɔ̀ gbo, ké ɔ ɖá, “M̀ se ɓo ɖò tòɖòɛ̌ mu ɖe sɔ̃̀ùn.” Wàɖà cá kɛɛ, féè-cùɔ̀ mɛ́ ma ní.
20Ti ɓɛ́ ɔ ɖeín-nà-nyɔ̀ ɓěɔ̀ dyéɛ ma kɛɛ, wa giniìn ma dyi mìɔ, ké wa ɖá, “Xwɛ̌ féè-cùɔ̀ nyuà kǎa mɛ́ɛ wàɖà cáá?”
21Ké Jízɛ̀ cɛ̃ɛ ma wa gbo, ké ɔ ɖá, “Ḿ cɛ̃ ɓě jǎà gbo, ɔ jǔ ké ɓě dyi hwìɖǐǐ-taɓa-taɓa ɓéɖé, ké ɓěɛ̀ hwòɖǒ dyi mɛ́ ní, nìí, ɓě mu ɖɛ ḿ nyuà féè-cùɛ̀ bũ̌ɛɛ ɖò nyuɛ ɓɛ́ìn. Ké ɔ seɛ ɖòùn, kɛɛ ɔ jǔ ké ɓě dyiɛ toɖo nìà kɛ gbo cɛ̃, ké ɓě dyi níiń, ‘Sɔ̀ dà dyí, ɓɛ́ m̀ ké ɖé dyóóɔ̀ kɔ̃ kpá’ ní, ɔ mu ná kpáùn. 22Ɓě dyi hwìɖǐǐ-taɓa-taɓa ɓéɖé ní, nìí, ɖɛ kã̀ìn séín ɓě mu Gèɖèpɔ́ɔ̀ zɔ̀ìn nyɛɛ, ɔ muɛ ɓě bìì nyuùn.”
Wa diè ɖɛi ɓá Jízɛ̀ɛ̀ kpéɔ̀ jè dyí
(Máà 11:27-33; Ɖúù 20:1-8)
23Sɔ̀ìn ɓóɛ gboɛɛ, Jízɛ̀ mu ma ɖé Gèɖèpɔ́ɔ̀ gbǒɔ̀ mú ɖe, ké ti ɓɛ́ ɔ nì ma nyɔ ɓěɔ̀ ɖɛ tɛ̀mɛ̀ǐn nyɛɛ, sáa-zà-nyɔ̀ kpa ɖɛ ɓěɔ̀ kè Júù-nyɔ̀ ɓěɔ̀ nyɔ vɛ̀nɛ̀ ɓěɔ̀ mu ma ɔ gbo, ké wa diè ma ɔ dyi, ké wa ɖá, “Kpéɔ̀ nyɛ́ m̀ ɓéɖé, ɓɛ́ m̀ dyià ɖɛ ɓě nìà kɛ nyuɛń nì kɛ́? Ké nyɛ́ nyí m̀ kpéɔ̀ kɛ́?”
24Ké Jízɛ̀ jǔ ma wa gɔ̃̌, ké ɔ ɖá, “Mɔ́ún mu ɓě ɖɛ dyúáɖò dyi dièìn. Ɔ jǔ ké ɓě dyi ḿ gɔ̃̌ jǔ ní, nìí, mɔ́ún mu dɛ̀ ḿ zà kpé ɓɛ́ ḿ dyià ɖɛ ɓěɛ̀ nyuɛɛ ɓě gbo cɛ̃ìn. 25Dɛ̌ Jɔ̃́ɔ́ zà ɔ nyɔ-níɔ-po-kpèɔ̀ kɛ́? Ɔ sɔ̀ìn ɖé Gèɖèpɔ́ɔ̀ gboò, mɔɔ ɔ sɔ̀ìn ɖé nyɔǔn gboò?”
Ké wa cɛ̃ìn cɛ̃̀ìn ma gbo, ké wa ɖá, “À dyiɛ cɛ̃, ké à dyi níiń, ‘Ɔ sɔ̀ìn ɖé Gèɖèpɔ́ɔ̀ gbo’ ní, nìí, ɔ muɛ à gbo cɛ̃ìn, ɓɛ́ ɔ ké níiń, ‘Ɔ dyi ná nìǐn, ɖɛ́ kɔ̃̀ jè ɓě se ma kà ɔ wuɖuɔ̀ jǎà poɛ́?’ 26Mɔɔ à dyiɛ cɛ̃, ké à dyi níiń, ‘Ɔ sɔ̀ìn ɖé nyɔǔn gbo’ ní, nìí, à fɛ̃̀ìn ɖɛ nyɔ kúɖúú ɓěɔ̀ mu à bũ̌ nyuùn wɛ̃, sepóɛɖé wa séín poɛ jǎà kà Jɔ̃́ɔ́ mɔ̀ ma kpáá-ɖɛ̀-cɛ̃-nyɔ̀ kɛ.” 27Ɔ jèɛɛ, wa jǔ ma Jízɛ̀ gɔ̃̌, ké wa ɖá, “À se dyuò.”
Ké Jízɛ̀ mɔ̀ùn cɛ̃ɛ ma wa gbo, ké ɔ ɖá, “Ɔ dyi ná nìǐn, nìí, ḿ se dɛ̀ ḿ zà kpé ɓɛ́ ḿ dyià ɖɛ ɓěɛ̀ nyuɛɛ ɓě gbo cɛ̃ɛ́ mu.”
Nɔ́ɔ́ ɓá gàa-dyù sɔ̃́ jè dyíɛ
28Ké Jízɛ̀ kpa ma wuɖu dyúa ɖe, ké ɔ ɖá, “Ɖɛ́ ɓě poìn hwìɖǐi ɓá nɔ́ɔ́ nìà kɛ jè dyíɛ́? Gàa ɖò nì ma ɓó, ké ɔ ɓéɖé ma dyú-gàà sɔ̃́. Ɔ mu ma ɔ dyú-gàà vɛ̀nɛ̀ɔ̀ gbo, ké ɔ ɖá, ‘Ní dyú, mu ɓɛ́ m̀ ké ɖé ní géɖéè-gbǎɔ̀ mú kũ̀à nyu ɓó zɛ̃̌ɛ̀.’ 29Ké ɔ dyúɔ̀ ɖá, ‘Ḿ se dà ɖò muɛń nì.’ Kɛɛ ɔ nìǒ kpã́ún wɛ̃ɛ, ɔ zĩàìn ma hwòɖǒ gbo, ké ɔ mu ma kũ̀àɔ̀ gbo. 30Hwɛ̀ ké gàaɔ̀ mu ma ɔ dyú-gàà tɔ̀ɔ̀ gbo, ké ɔ cɛ̃ ma ɔ mɔ̀ùn ɖɛ dyúáɖòɔ̀ gbo. Ké ɔ dyúɔ̀ ɖá, ‘Ɓɔ̌ɔ̀, ḿ wɔ̃́ ní.’ Kɛɛ ɔ se ma ɖé kũ̀àɔ̀ gbo dyi sí. 31Dyú sɔ̃́ ɓěɛ̀ nyɛ́ nyu ɖɛ wa ɓǎ mɔ́ ɓɛ́ wa ké ma kà nyuɛ kɛ́?”
Ké sáa-zà-nyɔ̀ kpa ɖɛ ɓěɔ̀ kè Júù-nyɔ̀ vɛ̀nɛ̀ ɓěɔ̀ ɖá, “Ɔ mɔ̀ nyɔ vɛ̀nɛ̀ɔ̀e.”
Ké Jízɛ̀ cɛ̃ɛ ma wa gbo, ké ɔ ɖá, “Ḿ cɛ̃ ɓě jǎà gbo, tácì-kpɔ̃-nyɔ̀ ɓěɔ̀ kè gbàɖàùn-màà ɓěɔ̀ mu ɖé Gèɖèpɔ́ɔ̀ kã́á-ɓòɖòɔ̀ kɔ̃ muùn kĩ́ín, hwɛ̀ ɓɛ́ ɓě ké ɖé mu. 32Sepóɛɖé Jɔ̃́ɔ́ dyi ma ɓě gbo, ké ɔ zàìn ma ɓě hwìè sɛ́ɖɛ́ìn dyíɔ̀ da, kɛɛ ɓě se ma ɔ wuɖuɔ̀ jǎà po. Kɛɛ tácì-kpɔ̃-nyɔ̀ ɓěɔ̀ kè gbàɖàùn-màà ɓěɔ̀ po ma ɔ wuɖuɔ̀ jǎà. Ti ɓɛ́ ɓě dyé ma ɖɛ nìà kɛɛ, ɓě se ma hwìɖǐi poìn ɖe, ɓɛ́ ɓě ké ma ɔ wuɖuɔ̀ jǎà po dyɛ mɔ̀ùn.”
Nɔ́ɔ́ ɓá nyɔ ɓě ɓɛ́ wa sè ma géɖéè-gbǎ ɖò gboɛɛ jè dyíɛ
(Máà 12:1-12; Ɖúù 20:9-19)
33Ké Jízɛ̀ kpa ma wuɖu dyúa ɖe, ké ɔ ɖá, “Ɓě tò nɔ́ɔ́ nyɔ nìà kɛ gbo ɖùǔ ɖe. Ɖɛ-ɓá-nyɔ̀ ɖò nì zɔ̃̌ɔ̀ ɓó, ké ɔ ɓá ma géɖéè, ké ɔ mɔ̀ ma géɖéè-gbǎ. Ké ɔ cɛ̃̀ìn ma gba-gba ɖei, ké ɔ ɓúɖú ma dɛ̀ ɓɛ́ wa ké géɖéèɔ̀ mú píníìn nyɛ, ké ɔ zà ɖé gbàà ɖò. Ké ɔ sè ma geɖeɔ̀ nyɔǔn ɓě gbo, ɓɛ́ wa kéɛ dyí gmɔ̀. Ké ɔ sɔ̀ dyí, ké ɔ mu ma ɓóɖó vɛ̃in ɖò kɔ̃. 34Ti ɓɛ́ géɖéèɔ̀ kpã́-tì nyini ma ɓóɛɛ, ɔ ɖoɓo ma ɔ gbo-nì-nyɔ̀ ɓěɔ̀ ɖé nyɔ ɓě nì ma kà géɖéè-gbǎɔ̀ dyí gmɔ̀ǔn wɛ̃ɛ gbo, ɓɛ́ wa ké ma ɔ nììn géɖéè tò. 35Ké géɖéè-gbǎɔ̀ dyí-gmɔ̀-nyɔ̀ ɓěɔ̀ kpɔ̃ ma ɔ gbo-nì-nyɔ̀ ɓěɔ̀, ké wa ɓaɖa ma dyúáɖò, ké wa ɖáɓá ma dyúáɖò, ké wa taɓaìn ma nyɔ tɔ̀ɔ̀ sɔ́ɔ́-kpò dyi. 36Ké gàaɔ̀ ɖoɓo ma gbo-nì-nyɔ̀ ɖíɛ́ ɓě ɖe. Wa vò ma dyí ké ɔ zi nyɔ ɓě ɓɛ́ ɔ tò ma kà kĩ́ín nyɛɛ dyí. Ké géɖéè-gbǎɔ̀ dyí-gmɔ̀-nyɔ̀ ɓěɔ̀ nyu ma wa mɔ̀ùn ɖɛ dyúáɖòɔ̀ bũ̌ ɖekè. 37Ɖé mánáín nyɛɛ, gàaɔ̀ ɖoɓo ma ɔ mìɔùn nììn dyú-gààɔ̀ ɖé wa gbo. Ɔ ɖá, ‘Ḿ dyuòɛ̀ wa mu ní dyú-gààɔ̀ kpéín dyéìn.’ 38Kɛɛ ti ɓɛ́ géɖéè-gbǎɔ̀ dyí-gmɔ̀-nyɔ̀ ɓěɔ̀ dyé ma gàaɔ̀ dyúɔ̀ kɛɛ, wa cɛ̃ìn cɛ̃̀ìn ma gbo, ké wa ɖá, ‘Nyɔ nìà kɛ mɔ̀ nyɔ mu ɔ ɓǎà kɔ̃̀ɔ̀-ɖɛ̀ ɓěɔ̀ dúí sèìn. Ɓě dyi, ɓɛ́ ɓěà ké ɔ ɖáɓá, nìí, ɓěà mu kɔ̃̀ɔ̀-ɖɛ̀ ɓě ɓɛ́ ɔ kéà dúí sèɛɛ dyí ɖúùn.’ 39Ké wa kpɔ̃ ma ɔ, ké wa zà ma ɔ ɖé géɖéè-gbǎɔ̀ mú, ké wa ɖáɓá ma ɔ.
40“Ɓě poìn hwìɖǐiɛɛ, géɖéè-gbǎɔ̀ kɔ̃̀-nyɔ̀ɔ̀ dyi dyiín, ɖɛ́ ɔ mu géɖéè-gbǎɔ̀ dyí-gmɔ̀-nyɔ̀ ɓěɔ̀ bũ̌ nyuùn wɛ̃́?”
41Ké sáa-zà-nyɔ̀ kpa ɖɛ ɓěɔ̀ kè Júù-nyɔ̀ vɛ̀nɛ̀ ɓěɔ̀ jǔ ma Jízɛ̀ gɔ̃̌, ké wa ɖá, “Ɔ mu gàa nyìnììn kpeɖeín ɓěɔ̀ ɖáɓáùn. Ɔ se wa wìǐn dyéɛ mu. Sɔ̀ìn ɓóɛ gboɛɛ, nìí, ɔ mu géɖéè-gbǎɔ̀ nyɔ kà kò ɖò ɓě ɓɛ́ wa mu ɔ géɖéèɔ̀ ɖò nyíìn ɓó ɔ tòɖò-tìǐn nyɛɛ gbo sèìn.”
42Ké Jízɛ̀ diè ma wa dyi, ké ɔ ɖá, “Ɓě séè ɖɛ Gèɖèpɔ́ɔ̀-cèè-ɖɛ̀ɔ̀ cɛ̃à kɛɛ wuɖuún zà ɖòò? Ɖɛ ɔ cɛ̃ɛ kɛà kɛ̀. Ɔ ɖá,
‘Sɔ́ɔ́-kpò ɓɛ́ poo-ɖɛ̀ po-nyɔ̀ ɓěɔ̀ ɓɔ́ ma kɛɛ ɖǎ gbǒɔ̀ gãún-sɔ̀ɔ̌ mú zɛ̃̀ìn.
Bounɓoɔ̀ mɔ̀ nyɔ ɖǎ ɖɛ nìà kɛ nyu.
Ké ɖɛ ɔ nyuà kɛɛ mɔ̀ ɖɛ dĩ́ín-dĩ̀ìn ɖé à dyéɖéín.’
43“Ɔ jèɛɛ, ḿ cɛ̃ɛ ɓě gbo, Gèɖèpɔ́ɔ̀ mu ɓě ɔ kã́á-ɓòɖòɔ̀ xwa zàùn, ké ɔ muɛ nyɔ ɓě ɓɛ́ wa nyu ɔ wuɖuɛɛ nyíìn. [ 44Nyɔ séín ɓɛ́ wa mu sɔ́ɔ́-kpò nìà kɛ kɔ̃in ɓùɖùìn nyɛɛ, wa mu dyi jɛɖɛìn, kɛɛ ɔ jǔ ké sɔ́ɔ́-kpòɔ̀ dyi nyɔ ɖò kɔ̃ kpáín, nìí, ɔ mu dǔùn.”]
45Ti ɓɛ́ sáa-zà-nyɔ̀ kpa ɖɛ ɓěɔ̀ kè Fáɖòsíì-nyɔ̀ ɓěɔ̀ wɔ̃́ ma nɔ́ɔ́ ɓě ɓɛ́ Jízɛ̀ po ma kà kɛɛ, wa dyuòɛ̀ ma dyí kà ɔ nì ma wa jè cɛ̃iń nyɛ. 46Ɔ jèɛɛ, wa mɔ́ ɓɛ́ wa ké ma ɔ kpɔ̃, kɛɛ wa fɛ̃̀ìn ma nyɔ kúɖúú ɓěɔ̀ dyi, sepóɛɖé wa ɖá Jízɛ̀ mɔ̀ ma kpáá-ɖɛ̀-cɛ̃-nyɔ̀.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.