Ɖìvéɖékɔ̀ 26
26
Mana ɓě nì ɓó nyɔ ɓě nyu Gèɖèpɔ́ɔ̀ wuɖuɔ̀ kɛɛ bììɛ
(Dìtɔ̀wáɖánámɛ̀ 7:12-24; 28:1-14)
1Hwɛ̀ ké Bounɓoɔ̀ cɛ̃ɛ ma Mózè gbo ɖe, ké ɔ ɖá, “Cɛ̃ɛ Éézùɖùɛ̀-dyù ɓěɔ̀ gbo kà ḿ ɖá ɓěǐn ɖá ɓɛ́ ɓě ké kũùn-kpò ɓě nyu, mɔɔ ké ɓěǐn ɖá ɓɛ́ ɓě ké kũùn-kpò ɖò mɔɔ sɔ́ɔ́-kpò ɖò mɔɔ sɔ́ɔ́-kpò sɛ-sɛ ɖò dyi nyànàìn ɓó ɓě mìɔùn bìì, ɓɛ́ ɓě kéɛ mú-hwɛ̀-ɖɛ̀ ɖáìn. Ɓěǐn ɖá ɓɛ́ ɓě ké ɖɛ ɓěɛ̀ ɖò nyu ɖé ɓěɛ̀ ɓóɖóɔ̀ dà ɖò, ɓɛ́ ɓě kéɛ dyúa dú hwuɖu taɓa, sepóɛɖé mɔ̄ mɔ̀ Bounɓo mɔ̀à ɓěɛ̀ Gèɖèpɔ́ɔ̀ kɛ̀. 2Ɓě mɛ kpɔ̃ ní fɔ̀-wèɔ̀ jè dyi, ké ɓě mɛ dyé ní jàɖàìn-gbò hwɛ̀ǐn-hwɛ̀ǐnɔ̀ kpéín. Ɓě mɛ nyu ɖɛ ɓěɛ̀, sepóɛɖé mɔ̄ mɔ̀ Bounɓoɔ̀.
3“Ɔ jǔ ké ɓě dyi ní gma ɓěɔ̀ dyi kpɔ̃ kóɖó-kóɖó, ké ɓě dyi wa kíɖíí sí ní, 4nìí, ní muɛ nyuùn ɓɛ́ níɔ̀ ké ɖaɓa ɖé ɔ nììn ɖaɓa-tì déínɔ̀ mú, ɓɛ́ ɓěɛ̀ ɓáá-ɖɛ̀ ɓěɔ̀ ké bã ɖé ɓóɖóɔ̀ kɔ̃, ɓɛ́ ɓěɛ̀ cu ɓěɔ̀ ké tòɖò. 5Ɔ ɖǎ ná nìǐn, nìí, ɓě mu mɔɔ́ cɛ̃iń dyi gã̀ùn tee ké ɔ dyɛ̀ìn ɓěɛ̀ géɖéè-gbǎ ɓěɔ̀ kpã́-tì. Ké ɓě mu géɖéè kpã́uń dyi gã̀ùn tee ké ɔ dyɛ̀ìn mɔɔ́-po-tì. Ké ɓě mu ɖii-ɖɛ̀ jĩ̀ kà ɓɛ́ ɓě mɔ́ kɛɛ ɖiìn, ké ɓě mu ɖé ɓěɛ̀ ɓóɖóɔ̀ kɔ̃ cĩ́ìn ɖé gìɖìǐ mú.
6“Ní muɛ nyuùn ɓɛ́ gìɖìǐ ké ɖé ɓěɛ̀ ɓóɖóɔ̀ kɔ̃ nì, ɓɛ́ ɓě dyi mɔ́ín, ɓě ké se fɛ̃̀ìn. Ní mu kpɔ̃ɔ-nìmìì ɓěɔ̀ ɖé ɓóɖóɔ̀ mú dyi zàùn, ké gàsíà ɖò se ɓěɛ̀ ɓóɖóɔ̀ mú zĩ̀ɛ̌n mu. 7Sepóɛɖé ɓě mu ɓěɛ̀ mú-nyɛ́-nyɔ̀ ɓěɔ̀ kíɖíí kpáùn, ké ɓě mu wa toún ɖuùn dyììn ɖé ɓěɛ̀ gàsíà ɓěɔ̀ mú. 8Ɓěɛ̀ nyɔ hm̀m̌ mu waà nyɔ hɔ̃dɛ̀ɖɛ̀ ɖò kíɖíí kpáùn, ké ɓěɛ̀ nyɔ hɔ̃dɛ̀ɖɛ̀ ɖò mu waà nyɔ táázĩ̀ìn ɓaɖa-bùè kíɖíí kpáùn, ké ɓě mu wa toún ɖuùn dyììn ɖé ɓěɛ̀ gàsíà ɓěɔ̀ mú. 9Ní mu ɓěɛ̀ hwòɖǒǔn-hwòɖò ɓéɖéìn, ɓɛ́ ḿ kéɛ nyu ɓɛ́ ɓě ké dúún zaìn, ɓɛ́ ɓě ké dyí vò, ké ní mu dèè-wùɖù ɓɛ́ ɔ nìà ɓó ḿ kè ɓě pṹa kɛɛ kɔ̃in kpɔ̃ùn. 10Ɓěɛ̀ geɖe ɓěɔ̀ mu bãùn mìɔ jèɛɛ, ɓě mu zɔ̃ sùàɔ̀ nììn ɖii-ɖɛ̀ ɓɛ́ ɓě zà ɖé ɓěɛ̀ geɖe ɓěɔ̀ gboɛɛ ɖiɛń dyi gã̀ùn tee ɓɛ́ geɖe ɖìèɔ̀ ké kɔ́. Ké ɓě mu ɖii-ɖɛ̀ sùàɔ̀ wáká poùn, hwɛ̀ ɓɛ́ ɔ ɖieɔ̀ pá ké ɓó nì. 11Ní mu ɖé ɓě hwìɛ̀ cĩ́ìn, ké ní mu ɓě mú ɖɛ̀ɓɛ̀ìn. 12Ní mu ɖé ɓě hwìɛ̀ nììn, ké ní mu ɓěɛ̀ Gèɖèpɔ́ɔ̀ jǔùn, ké ɓě mu ní nyɔ ɓě jǔùn. 13Mɔ̄ mɔ̀à Bounɓo mɔ̀à ɓěɛ̀ Gèɖèpɔ́ɔ̀ kɛɛ mɔ̀ nyɔ zà ma kà ɓě ɖé Íjè-ɓòɖòɔ̀ kɔ̃, ɓɛ́ ɓě ké seà Íjè-nyɔ̀ ɓěɔ̀ gǐì jǔ ɖeɛ̀. Ḿ zà ma waà gɛ̀ɛ̀ɔ̀ ɓě ɖɔ, ké ḿ nyuɛ ké ɓě buɛ̀ ma.
Gǎ ɓě nì ɓó nyɔ ɓě jaɖa Gèɖèpɔ́ɔ̀ wuɖuɔ̀ múɛɛ bììɛ
(Dìtɔ̀wáɖánámɛ̀ 28:15-68)
14“Kɛɛ ɔ jǔ ké ɓě se ní wuɖuɔ̀ ɖùǔ gbo tò, ɓɛ́ ɓě ké ní gma séín ɓěɔ̀ dyi kpɔ̃, 15ké ɓě dyi ní gma-dù kò-kò ɓěɔ̀ ɓɔ́, ké ɓě se dèè-wùɖù nìà ɓó ḿ kè ɓě pṹa kɛɛ kɔ̃in kpɔ̃, ké wa dyi ɓě dyi nyàìn ní, 16nìí, ɖɛ ɓě ɓɛ́ ní mu ɓě bũ̌ nyuùn wɛ̃ɛ, wa kɛà kɛ̀. Ní mu mú-gbɔɔ̀-gbɔɔ̀ vɛ̀nɛ̀ ɖò ɓě kɔ̃ tòùn. Saà-saà-wɛ̀ kè sɔ̃́-nì muɛ nyuùn ɓɛ́ ɓě ké dyéɖéín dyi kpè, ɓɛ́ ɓě ké mɛ́ kéɖé-kéɖé. Ké ɓě mu ɓěɛ̀ ɓáá-ɖɛ̀ ɓěɔ̀ ɓáùn pídyi, sepóɛɖé ɓěɛ̀ mú-nyɛ́-nyɔ̀ ɓěɔ̀ mɔ̀ nyɔ muɛ ɖiìn. 17Ké ní mu ɓě dyoɖoún kpáìn, ɓɛ́ ɓěɛ̀ mú-nyɛ́-nyɔ̀ ɓěɔ̀ ké ɓě wuɖuí kɔ̃̀. Ké fã̀à muɛ nyuùn, ɓɛ́ ɓě ké gbǔ, kɛbì nyɔ ɖò mɛ se ɓě kíɖíí kpáa.
18“Ɔ jǔ ké ɖɛ séín ɓěɛ̀ dyi ɓě gbo kpá, ké sɔ̀ìn ɓóɛ gboɛɛ, ɓě se ḿ ɖùǔ gbo tò ní, nìí, ní muɛ nyuùn, ɓɛ́ ɓěɛ̀ gǎɔ̀ ké wɔ̃ ku ɖe mìɔ ɓó ɓěɛ̀ nàmàǔn ɓěɔ̀ jè, 19ké ní mu ɓěɛ̀ kpé ɓɛ́ ɓě ɓɔ́ɖɔ́àìn dyíɛɛ ɓíɖíi dyàùn. Ní muɛ nyuùn ɓɛ́ ní ɖò ké se ɖaɓa, ɓɛ́ ɓóɖó ɓě muà kɔ̃ cĩ́ìn nyɛɛ ké kùmù kà sɔ́ɔ́ nìà kɛ. 20Ɓě mu ɓěɛ̀ kpé ɓěɔ̀ mú gbɔɔ̀ùn, sepóɛɖé ɓěɛ̀ ɓáá-ɖɛ̀ ɓěɔ̀ ɖò se mú wóɖóɛ mu ɖé ɓěɛ̀ ɓóɖóɔ̀ kɔ̃, ké tòɖòò-cù ɓěɔ̀ ɖò se tòɖòɛ̌ mu.
21“Ɔ jǔ ké ɓě dyi dyúa mu, ké ɓě dyi ḿ kɛ́ɛ́ mú nyu, ké ɓě se ní wuɖuɔ̀ ɖùǔ gbo tò ní, nìí, ní muɛ nyuùn ɓɛ́ ɓěɛ̀ gǎɔ̀ ké wɔ̃ ku ɖe mìɔ dyììn ɖé kà ɓěɛ̀ nàmàǔn ɓěɔ̀ nyu ɓɛ́ɛ kɛɛ mú. 22Ní mu kpɔ̃ɔ-nìmìì ɓěɔ̀ ɓě kɔ̃ tòùn. Ké wa mu ɓěɛ̀ dyú ɓěɔ̀ kpɔ̃ùn, ké wa mu ɓěɛ̀ nyúà-ɖɛ̀ ɓěɔ̀ mú gbɔɔ̀ùn. Ké wa muɛ nyuùn ɓɛ́ ɓě ké kɔ̃ sɔ̀ mìɔ, ɓɛ́ ɓěɛ̀ hwìè ɓěɔ̀ ké fóɖóún kpá.
23“Sɔ̀ìn ɓó ɖɛ séín ɓěɛ̀ gboɛɛ, ɔ jǔ ké ɓě se ní nyɔ-kpeɖe-zà-zàɔ̀ ɖɛ ɖá, ké ɓě dyi dyúa mu, ké ɓě dyi ḿ kɛ́ɛ́ mú nyuɛń nì ke kánáá pū ní, 24nìí, ní mu ɓě mɔ̀ùn kɛ́ɛ́ mú nyuùn ɖekè, ɓɛ́ ḿ kéɛ nyu ɓɛ́ ɓěɛ̀ gǎɔ̀ ké wɔ̃ ku ɖe mìɔ ɓó ɓěɛ̀ nàmàǔn ɓěɔ̀ jè. 25Ní mu ɓě to kɔ̃ tòùn, ɓɛ́ ḿ ké ɓě kpa kɔ̃in zàìn ɓó dèè-wùɖùɔ̀ mú jaɖa jè. Ɔ jǔ ké ɓě dyi ɖé ɓěɛ̀ hwɔɖɔ ɓěɔ̀ mú pèɖèìn ní, nìí, ní mu wɛ́ nyìnììn dyíin ɖò ɖé ɓě hwìɛ̀ tòùn, ɓɛ́ ɓě ké ɓěɛ̀ mú-nyɛ́-nyɔ̀ ɓěɔ̀ xwaún dyi kpá. 26Ti ɓɛ́ ní mu ɓěɛ̀ ɖii-ɖɛ̀ɔ̀ ɓě nyíɛ ɓɔ́ùn wɛ̃ɛ, ɓěɛ̀ ɖii-ɖɛ̀ɔ̀ mu dyí ɓíèìn mìɔ jèɛɛ, ɓěɛ̀ màa ɓaɖa-bùè mu bɛɖɛɛ̀-mú-pĩ̀ìn-gbò dyúáɖò mú bɛɖɛɛ̀ nyùìn. Ké wa mu bɛɖɛɛ̀ɔ̀ kpo mɛ́nɛ́-mɛ́nɛ́ ɓě múin geìn, ké ɓě muɛ ɖiìn, kɛɛ ɓě se ɖoɓoɛ́ mu.
27“Ti ɓɛ́ ḿ ɖǎ ɓě ɖɛ séín ɓěɛ̀ bũ̌ nyuɛɛ, ɔ jǔ ké ɓě se ní wuɖuɔ̀ ɖùǔ gbo tò, ké ɓě dyi dyúa mu, ké ɓě dyi ḿ kɛ́ɛ́ mú nyuɛń nì ke kánáá pū ní, 28nìí, ní mu ɓě mɔ̀ùn kɛ́ɛ́ mú nyuùn dyììn ɖé dyoɖo mú, ɓɛ́ ḿ mìɔùn kéɛ nyu ɓɛ́ ɓěɛ̀ gǎɔ̀ ké wɔ̃ ku ɖe mìɔ ɓó ɓěɛ̀ nàmàǔn ɓěɔ̀ jè. 29Ɓě mu ɓěɛ̀ dyú-gàà kè ɓěɛ̀ dyú-màà ɓěɔ̀ tàùn, sepóɛɖé mɔ́ɔ̀ mu wɔ̃ kuùn mìɔ jè. 30Ké ní mu dɛ̀ ɓě ɓɛ́ ɓě zàìn sáa ɖé toɖo ɓě dya kɛɛ dyíin nyìnììn, ɓɛ́ ḿ ké gbàà ɓě kɔ̃̀ kɔ̃ ɓɛ́ ɓě fɔ̃̀ìn ɓěɛ̀ nyɔ́ún-nɔ̀mɔ̀-ɖɛ̀ ɓěɛɛ wáɖá. Ké ní mu ɓěɛ̀ xwɛ́ ɓěɔ̀ ɓó ɓěɛ̀ kũùn-kpò wɛ̀ìn dyi ɓěɔ̀ kɔ̃ gbǒìn, ké ɓě jè mu ḿ dyi nyàìn. 31Ké ní mu ɓěɛ̀ hwɔɖɔ ɓěɔ̀ wáɖáùn, ɓɛ́ ḿ ké ɓěɛ̀ ɓièìn-naín hwɛ̀ǐn-hwɛ̀ǐn ɓěɔ̀ wáɖá. Ké ní hwòɖǒ se ɓěɛ̀ sáa-zàìn-ɖɛ̀ ɓěɔ̀ múin dèɛ̌n mu, kɛbì wa mɛ nɔ̀mɔ̀ nyɔ́ún wɛ̃. 32Ké ní muɛ nyuùn ɓɛ́ ɓěɛ̀ ɓóɖóɔ̀ ké fóɖóún kpá. Ɔ mu fóɖóún kpáùn mìɔ jèɛɛ, dĩin-dɔ̃ mu ɓěɛ̀ mú-nyɛ́-nyɔ̀ ɓě ɓɛ́ wa cĩ́ ɖéɛɛ kɔ̃ kpɔ̃ùn. 33Ké ní mu ní gàsíàɔ̀ kpaɖaún zàùn, ɓɛ́ ḿ ké ɓě kíɖíí kpá, ɓɛ́ ɓě ké ɓóɖó-dù kà kò ɖò ɓě kɔ̃ dyi ɓeìn. Ɓěɛ̀ hwɔɖɔ ɓěɔ̀ mu wáɖáùn, ké ɓěɛ̀ ɓóɖóɔ̀ mu fóɖóún kpáùn. 34-35Ɔ ɖǎ ná nìǐn, nìí, ɓěɛ̀ ɓóɖóɔ̀ muá fɔ̀-fɔ̀ ɓɛ́ ɓě seɛ ma kà nyí ɓó zɔ̃ mɛ̀nɛ̌ìn-sɔ̃́ nììn ɓěɔ̀ xwíníín nyɛɛ dyéìn. Ti ɓɛ́ ɓě muà ɖé ɓěɛ̀ mú-nyɛ́-nyɔ̀ ɓěɔ̀ ɓíɖí-ɓòɖò ɓěɔ̀ kɔ̃ nììn, ɓɛ́ ɓěɛ̀ ɓóɖóɔ̀ kéà fóɖóún kpá kɛɛ, nìí, ɓóɖóɔ̀ muá fɔ̀ùn. Ti jĩ̀ kà ɓɛ́ ɓóɖóɔ̀ muà fóɖóún kpáùn wɛ̃ɛ, ɔ mu fɔ̀-fɔ̀ ɓɛ́ ɔ se ma ɓéɖé, ti ɓɛ́ ɓě cĩ́ ma kà ɖéɛɛ ɓéɖéìn.
36“Ké ní mu ɓě mɔ̀ nyɔ ɓě nìà ɖé ɓěɛ̀ mú-nyɛ́-nyɔ̀ ɓěɔ̀ ɓíɖí-ɓòɖò ɓěɔ̀ kɔ̃ɛɛ fã̀àǔn poùn mìɔ cá. Fã̀àɔ̀ mu kpé wɔ̃ ɓúáùn mìɔ jèɛɛ, ɓě dyi pìɔ̌ɔ̀ fĩìn-mì ɖò dyi túòɛ̀ dyé nyɛ̀nɛ̀ɛ̀ ní, ɓě mu gbǔùn cá. Ɓě mu gbǔùn pū kà nyɔ gbǔɔ́ má kà to dyúa kɛ, ké ɓě mu ɓuɖuùn, kɛbì nyɔ ɖò mɛ se ɓě kíɖíí kpáa. 37Ɓě mu gbǒùn, ɓɛ́ ɓě ké ɓě mǔè ɖò kɔ̃in ɓùɖùɛ̀n kpa kà nyɔ gbǔɔ́ má kà to dyúa kɛ, kɛbì nyɔ ɖò mɛ se ɓě kíɖíí kpáa. Ké ɓě se ɓěɛ̀ mú-nyɛ́-nyɔ̀ ɓěɔ̀ dyúa dyi nyànàà ɓɛ́ǐn mu. 38Ké ɓě mu mú gbɔɔ̀ùn ɖé ɓěɛ̀ mú-nyɛ́-nyɔ̀ ɓěɔ̀ ɓíɖí-ɓòɖò ɓěɔ̀ kɔ̃. Ɓě mu ɖé mɛ́ìn, ɓɛ́ wa ké ɖé ɓě dyóɖóún zàìn. 39Ké ɓěɛ̀ nyɔ ɓě sè ɓóɛɛ mu mɛ́ìn kéɖé-kéɖé ɖé ɓěɛ̀ mú-nyɛ́-nyɔ̀ ɓěɔ̀ ɓíɖí-ɓòɖò ɓěɔ̀ kɔ̃, ɓó ɓěɛ̀ nàmàǔn ɓěɔ̀ jè ɔ kè ɓó ɓě ɓǎ ɓěɔ̀ nàmàǔn ɓěɔ̀ jè. 40-41Sɔ̀ìn ɓó ti ɓɛ́ ḿ ɖǎ ɓě kɛ́ɛ́ mú nyu, ké ḿ ɖǎ ɓě ɖé ɓěɛ̀ mú-nyɛ́-nyɔ̀ ɓěɔ̀ ɓíɖí-ɓòɖò ɓěɔ̀ kɔ̃ tò ɓó ɓě kè ɓě ɓǎ ɓěɔ̀ nàmàǔn ɓěɔ̀ jèɛɛ ní, ɔ jǔ ké ɓě dyi ɓě kè ɓěɛ̀ ɓǎ ɓěɔ̀ nàmàǔn ɓěɔ̀ mú wɔ̃́ìn, ké ɓěɛ̀ hwòɖǒ-dyùà kùmù-kùmù ɓěɔ̀ dyi dyí ɓɛɖɛɛ̀, ké ɓě dyi ɓěɛ̀ nàmàǔn ɓěɔ̀ jè pɛ́ɛ̀ hwɔ ní, 42nìí, ní mu dèè-wùɖù nì ma kà ɓó ḿ kè ɓě ɓǎ ɓě mɔ̀à Ééɓòɖòhɛ̃́ɛ̀ kè Áázè ɔ kè Jékɔ̀ pṹa kɛɛ jè hwìɖǐi poìn. Ké ní mu ɓěɛ̀ ɓóɖóɔ̀ jè hwìɖǐi poìn. 43Kɛɛ kĩ́ín-kĩ́ín nyɛɛ, ɓě mu ɓóɖóɔ̀ kɔ̃ sɔ̀ùn, ké ti ɓɛ́ ɓóɖóɔ̀ muà fóɖóún kpáùn wɛ̃ɛ, ɔ mu fɔ̀-fɔ̀ ɓɛ́ ɔ se ma kà ɓéɖé ɓó zɔ̃ mɛ̀nɛ̌ìn-sɔ̃́ nììn séín ɓěɔ̀ xwíníín nyɛɛ dyéìn ɓó tia ɓaɖa. Ké ɓě mu ɓěɛ̀ nàmàǔn ɓěɔ̀ jè pɛ́ɛ̀ìn, sepóɛɖé ɓě ɓɔ́ ní gma séín ɓěɔ̀, ké wa nyàìn ɓě dyi jè. 44Kɛɛ wɛ̃́ɛ́ kɛɛ, ti ɓɛ́ ɓě mu ɖé ɓěɛ̀ mú-nyɛ́-nyɔ̀ ɓěɔ̀ ɓíɖí-ɓòɖò ɓěɔ̀ kɔ̃ nììn nyɛɛ, ɓě jè se ḿ dyi nyàǐn mu, ɓɛ́ ḿ ké ɓě ɓɔ́, ɓɛ́ ḿ ké ɓě mú gbɔɔ̀ séín cá. Ḿ se dèè-wùɖù nìà ɓó ḿ kè ɓě pṹa kɛɛ mú jaɖaá mu, sepóɛɖé mɔ̄ mɔ̀ Bounɓo mɔ̀à ɓěɛ̀ Gèɖèpɔ́ɔ̀ kɛ̀. 45Ní mu dèè-wùɖù nì ma kà ɓó ḿ kè ɓěɛ̀ ɓǎ ɓě ɓɛ́ ḿ zà ma kà ɖé Íjè-ɓòɖòɔ̀ kɔ̃, ɓó ɓóɖó-dù tɔ̀ɔ̀ ɓěɔ̀ dyéɖé waí, ɓɛ́ ḿ kéà waà Gèɖèpɔ́ɔ̀ jǔɛɛ pṹa kɛɛ jè hwìɖǐi poìn ɓó ɓě bìì, sepóɛɖé mɔ̄ mɔ̀ Bounɓoɔ̀.”
46Kǎà gma séín ɓě ɓɛ́ Bounɓoɔ̀ nyí ma kà Éézùɖùɛ̀-nyɔ̀ ɓěɔ̀ kɛɛ jè nyu nìɛ̀. Ɔ tòìn ma gma ɓěɛ̀ Mózè mú ɖé Sányà-tòɖòɔ̀ dya.
Currently Selected:
Ɖìvéɖékɔ̀ 26: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Ɖìvéɖékɔ̀ 26
26
Mana ɓě nì ɓó nyɔ ɓě nyu Gèɖèpɔ́ɔ̀ wuɖuɔ̀ kɛɛ bììɛ
(Dìtɔ̀wáɖánámɛ̀ 7:12-24; 28:1-14)
1Hwɛ̀ ké Bounɓoɔ̀ cɛ̃ɛ ma Mózè gbo ɖe, ké ɔ ɖá, “Cɛ̃ɛ Éézùɖùɛ̀-dyù ɓěɔ̀ gbo kà ḿ ɖá ɓěǐn ɖá ɓɛ́ ɓě ké kũùn-kpò ɓě nyu, mɔɔ ké ɓěǐn ɖá ɓɛ́ ɓě ké kũùn-kpò ɖò mɔɔ sɔ́ɔ́-kpò ɖò mɔɔ sɔ́ɔ́-kpò sɛ-sɛ ɖò dyi nyànàìn ɓó ɓě mìɔùn bìì, ɓɛ́ ɓě kéɛ mú-hwɛ̀-ɖɛ̀ ɖáìn. Ɓěǐn ɖá ɓɛ́ ɓě ké ɖɛ ɓěɛ̀ ɖò nyu ɖé ɓěɛ̀ ɓóɖóɔ̀ dà ɖò, ɓɛ́ ɓě kéɛ dyúa dú hwuɖu taɓa, sepóɛɖé mɔ̄ mɔ̀ Bounɓo mɔ̀à ɓěɛ̀ Gèɖèpɔ́ɔ̀ kɛ̀. 2Ɓě mɛ kpɔ̃ ní fɔ̀-wèɔ̀ jè dyi, ké ɓě mɛ dyé ní jàɖàìn-gbò hwɛ̀ǐn-hwɛ̀ǐnɔ̀ kpéín. Ɓě mɛ nyu ɖɛ ɓěɛ̀, sepóɛɖé mɔ̄ mɔ̀ Bounɓoɔ̀.
3“Ɔ jǔ ké ɓě dyi ní gma ɓěɔ̀ dyi kpɔ̃ kóɖó-kóɖó, ké ɓě dyi wa kíɖíí sí ní, 4nìí, ní muɛ nyuùn ɓɛ́ níɔ̀ ké ɖaɓa ɖé ɔ nììn ɖaɓa-tì déínɔ̀ mú, ɓɛ́ ɓěɛ̀ ɓáá-ɖɛ̀ ɓěɔ̀ ké bã ɖé ɓóɖóɔ̀ kɔ̃, ɓɛ́ ɓěɛ̀ cu ɓěɔ̀ ké tòɖò. 5Ɔ ɖǎ ná nìǐn, nìí, ɓě mu mɔɔ́ cɛ̃iń dyi gã̀ùn tee ké ɔ dyɛ̀ìn ɓěɛ̀ géɖéè-gbǎ ɓěɔ̀ kpã́-tì. Ké ɓě mu géɖéè kpã́uń dyi gã̀ùn tee ké ɔ dyɛ̀ìn mɔɔ́-po-tì. Ké ɓě mu ɖii-ɖɛ̀ jĩ̀ kà ɓɛ́ ɓě mɔ́ kɛɛ ɖiìn, ké ɓě mu ɖé ɓěɛ̀ ɓóɖóɔ̀ kɔ̃ cĩ́ìn ɖé gìɖìǐ mú.
6“Ní muɛ nyuùn ɓɛ́ gìɖìǐ ké ɖé ɓěɛ̀ ɓóɖóɔ̀ kɔ̃ nì, ɓɛ́ ɓě dyi mɔ́ín, ɓě ké se fɛ̃̀ìn. Ní mu kpɔ̃ɔ-nìmìì ɓěɔ̀ ɖé ɓóɖóɔ̀ mú dyi zàùn, ké gàsíà ɖò se ɓěɛ̀ ɓóɖóɔ̀ mú zĩ̀ɛ̌n mu. 7Sepóɛɖé ɓě mu ɓěɛ̀ mú-nyɛ́-nyɔ̀ ɓěɔ̀ kíɖíí kpáùn, ké ɓě mu wa toún ɖuùn dyììn ɖé ɓěɛ̀ gàsíà ɓěɔ̀ mú. 8Ɓěɛ̀ nyɔ hm̀m̌ mu waà nyɔ hɔ̃dɛ̀ɖɛ̀ ɖò kíɖíí kpáùn, ké ɓěɛ̀ nyɔ hɔ̃dɛ̀ɖɛ̀ ɖò mu waà nyɔ táázĩ̀ìn ɓaɖa-bùè kíɖíí kpáùn, ké ɓě mu wa toún ɖuùn dyììn ɖé ɓěɛ̀ gàsíà ɓěɔ̀ mú. 9Ní mu ɓěɛ̀ hwòɖǒǔn-hwòɖò ɓéɖéìn, ɓɛ́ ḿ kéɛ nyu ɓɛ́ ɓě ké dúún zaìn, ɓɛ́ ɓě ké dyí vò, ké ní mu dèè-wùɖù ɓɛ́ ɔ nìà ɓó ḿ kè ɓě pṹa kɛɛ kɔ̃in kpɔ̃ùn. 10Ɓěɛ̀ geɖe ɓěɔ̀ mu bãùn mìɔ jèɛɛ, ɓě mu zɔ̃ sùàɔ̀ nììn ɖii-ɖɛ̀ ɓɛ́ ɓě zà ɖé ɓěɛ̀ geɖe ɓěɔ̀ gboɛɛ ɖiɛń dyi gã̀ùn tee ɓɛ́ geɖe ɖìèɔ̀ ké kɔ́. Ké ɓě mu ɖii-ɖɛ̀ sùàɔ̀ wáká poùn, hwɛ̀ ɓɛ́ ɔ ɖieɔ̀ pá ké ɓó nì. 11Ní mu ɖé ɓě hwìɛ̀ cĩ́ìn, ké ní mu ɓě mú ɖɛ̀ɓɛ̀ìn. 12Ní mu ɖé ɓě hwìɛ̀ nììn, ké ní mu ɓěɛ̀ Gèɖèpɔ́ɔ̀ jǔùn, ké ɓě mu ní nyɔ ɓě jǔùn. 13Mɔ̄ mɔ̀à Bounɓo mɔ̀à ɓěɛ̀ Gèɖèpɔ́ɔ̀ kɛɛ mɔ̀ nyɔ zà ma kà ɓě ɖé Íjè-ɓòɖòɔ̀ kɔ̃, ɓɛ́ ɓě ké seà Íjè-nyɔ̀ ɓěɔ̀ gǐì jǔ ɖeɛ̀. Ḿ zà ma waà gɛ̀ɛ̀ɔ̀ ɓě ɖɔ, ké ḿ nyuɛ ké ɓě buɛ̀ ma.
Gǎ ɓě nì ɓó nyɔ ɓě jaɖa Gèɖèpɔ́ɔ̀ wuɖuɔ̀ múɛɛ bììɛ
(Dìtɔ̀wáɖánámɛ̀ 28:15-68)
14“Kɛɛ ɔ jǔ ké ɓě se ní wuɖuɔ̀ ɖùǔ gbo tò, ɓɛ́ ɓě ké ní gma séín ɓěɔ̀ dyi kpɔ̃, 15ké ɓě dyi ní gma-dù kò-kò ɓěɔ̀ ɓɔ́, ké ɓě se dèè-wùɖù nìà ɓó ḿ kè ɓě pṹa kɛɛ kɔ̃in kpɔ̃, ké wa dyi ɓě dyi nyàìn ní, 16nìí, ɖɛ ɓě ɓɛ́ ní mu ɓě bũ̌ nyuùn wɛ̃ɛ, wa kɛà kɛ̀. Ní mu mú-gbɔɔ̀-gbɔɔ̀ vɛ̀nɛ̀ ɖò ɓě kɔ̃ tòùn. Saà-saà-wɛ̀ kè sɔ̃́-nì muɛ nyuùn ɓɛ́ ɓě ké dyéɖéín dyi kpè, ɓɛ́ ɓě ké mɛ́ kéɖé-kéɖé. Ké ɓě mu ɓěɛ̀ ɓáá-ɖɛ̀ ɓěɔ̀ ɓáùn pídyi, sepóɛɖé ɓěɛ̀ mú-nyɛ́-nyɔ̀ ɓěɔ̀ mɔ̀ nyɔ muɛ ɖiìn. 17Ké ní mu ɓě dyoɖoún kpáìn, ɓɛ́ ɓěɛ̀ mú-nyɛ́-nyɔ̀ ɓěɔ̀ ké ɓě wuɖuí kɔ̃̀. Ké fã̀à muɛ nyuùn, ɓɛ́ ɓě ké gbǔ, kɛbì nyɔ ɖò mɛ se ɓě kíɖíí kpáa.
18“Ɔ jǔ ké ɖɛ séín ɓěɛ̀ dyi ɓě gbo kpá, ké sɔ̀ìn ɓóɛ gboɛɛ, ɓě se ḿ ɖùǔ gbo tò ní, nìí, ní muɛ nyuùn, ɓɛ́ ɓěɛ̀ gǎɔ̀ ké wɔ̃ ku ɖe mìɔ ɓó ɓěɛ̀ nàmàǔn ɓěɔ̀ jè, 19ké ní mu ɓěɛ̀ kpé ɓɛ́ ɓě ɓɔ́ɖɔ́àìn dyíɛɛ ɓíɖíi dyàùn. Ní muɛ nyuùn ɓɛ́ ní ɖò ké se ɖaɓa, ɓɛ́ ɓóɖó ɓě muà kɔ̃ cĩ́ìn nyɛɛ ké kùmù kà sɔ́ɔ́ nìà kɛ. 20Ɓě mu ɓěɛ̀ kpé ɓěɔ̀ mú gbɔɔ̀ùn, sepóɛɖé ɓěɛ̀ ɓáá-ɖɛ̀ ɓěɔ̀ ɖò se mú wóɖóɛ mu ɖé ɓěɛ̀ ɓóɖóɔ̀ kɔ̃, ké tòɖòò-cù ɓěɔ̀ ɖò se tòɖòɛ̌ mu.
21“Ɔ jǔ ké ɓě dyi dyúa mu, ké ɓě dyi ḿ kɛ́ɛ́ mú nyu, ké ɓě se ní wuɖuɔ̀ ɖùǔ gbo tò ní, nìí, ní muɛ nyuùn ɓɛ́ ɓěɛ̀ gǎɔ̀ ké wɔ̃ ku ɖe mìɔ dyììn ɖé kà ɓěɛ̀ nàmàǔn ɓěɔ̀ nyu ɓɛ́ɛ kɛɛ mú. 22Ní mu kpɔ̃ɔ-nìmìì ɓěɔ̀ ɓě kɔ̃ tòùn. Ké wa mu ɓěɛ̀ dyú ɓěɔ̀ kpɔ̃ùn, ké wa mu ɓěɛ̀ nyúà-ɖɛ̀ ɓěɔ̀ mú gbɔɔ̀ùn. Ké wa muɛ nyuùn ɓɛ́ ɓě ké kɔ̃ sɔ̀ mìɔ, ɓɛ́ ɓěɛ̀ hwìè ɓěɔ̀ ké fóɖóún kpá.
23“Sɔ̀ìn ɓó ɖɛ séín ɓěɛ̀ gboɛɛ, ɔ jǔ ké ɓě se ní nyɔ-kpeɖe-zà-zàɔ̀ ɖɛ ɖá, ké ɓě dyi dyúa mu, ké ɓě dyi ḿ kɛ́ɛ́ mú nyuɛń nì ke kánáá pū ní, 24nìí, ní mu ɓě mɔ̀ùn kɛ́ɛ́ mú nyuùn ɖekè, ɓɛ́ ḿ kéɛ nyu ɓɛ́ ɓěɛ̀ gǎɔ̀ ké wɔ̃ ku ɖe mìɔ ɓó ɓěɛ̀ nàmàǔn ɓěɔ̀ jè. 25Ní mu ɓě to kɔ̃ tòùn, ɓɛ́ ḿ ké ɓě kpa kɔ̃in zàìn ɓó dèè-wùɖùɔ̀ mú jaɖa jè. Ɔ jǔ ké ɓě dyi ɖé ɓěɛ̀ hwɔɖɔ ɓěɔ̀ mú pèɖèìn ní, nìí, ní mu wɛ́ nyìnììn dyíin ɖò ɖé ɓě hwìɛ̀ tòùn, ɓɛ́ ɓě ké ɓěɛ̀ mú-nyɛ́-nyɔ̀ ɓěɔ̀ xwaún dyi kpá. 26Ti ɓɛ́ ní mu ɓěɛ̀ ɖii-ɖɛ̀ɔ̀ ɓě nyíɛ ɓɔ́ùn wɛ̃ɛ, ɓěɛ̀ ɖii-ɖɛ̀ɔ̀ mu dyí ɓíèìn mìɔ jèɛɛ, ɓěɛ̀ màa ɓaɖa-bùè mu bɛɖɛɛ̀-mú-pĩ̀ìn-gbò dyúáɖò mú bɛɖɛɛ̀ nyùìn. Ké wa mu bɛɖɛɛ̀ɔ̀ kpo mɛ́nɛ́-mɛ́nɛ́ ɓě múin geìn, ké ɓě muɛ ɖiìn, kɛɛ ɓě se ɖoɓoɛ́ mu.
27“Ti ɓɛ́ ḿ ɖǎ ɓě ɖɛ séín ɓěɛ̀ bũ̌ nyuɛɛ, ɔ jǔ ké ɓě se ní wuɖuɔ̀ ɖùǔ gbo tò, ké ɓě dyi dyúa mu, ké ɓě dyi ḿ kɛ́ɛ́ mú nyuɛń nì ke kánáá pū ní, 28nìí, ní mu ɓě mɔ̀ùn kɛ́ɛ́ mú nyuùn dyììn ɖé dyoɖo mú, ɓɛ́ ḿ mìɔùn kéɛ nyu ɓɛ́ ɓěɛ̀ gǎɔ̀ ké wɔ̃ ku ɖe mìɔ ɓó ɓěɛ̀ nàmàǔn ɓěɔ̀ jè. 29Ɓě mu ɓěɛ̀ dyú-gàà kè ɓěɛ̀ dyú-màà ɓěɔ̀ tàùn, sepóɛɖé mɔ́ɔ̀ mu wɔ̃ kuùn mìɔ jè. 30Ké ní mu dɛ̀ ɓě ɓɛ́ ɓě zàìn sáa ɖé toɖo ɓě dya kɛɛ dyíin nyìnììn, ɓɛ́ ḿ ké gbàà ɓě kɔ̃̀ kɔ̃ ɓɛ́ ɓě fɔ̃̀ìn ɓěɛ̀ nyɔ́ún-nɔ̀mɔ̀-ɖɛ̀ ɓěɛɛ wáɖá. Ké ní mu ɓěɛ̀ xwɛ́ ɓěɔ̀ ɓó ɓěɛ̀ kũùn-kpò wɛ̀ìn dyi ɓěɔ̀ kɔ̃ gbǒìn, ké ɓě jè mu ḿ dyi nyàìn. 31Ké ní mu ɓěɛ̀ hwɔɖɔ ɓěɔ̀ wáɖáùn, ɓɛ́ ḿ ké ɓěɛ̀ ɓièìn-naín hwɛ̀ǐn-hwɛ̀ǐn ɓěɔ̀ wáɖá. Ké ní hwòɖǒ se ɓěɛ̀ sáa-zàìn-ɖɛ̀ ɓěɔ̀ múin dèɛ̌n mu, kɛbì wa mɛ nɔ̀mɔ̀ nyɔ́ún wɛ̃. 32Ké ní muɛ nyuùn ɓɛ́ ɓěɛ̀ ɓóɖóɔ̀ ké fóɖóún kpá. Ɔ mu fóɖóún kpáùn mìɔ jèɛɛ, dĩin-dɔ̃ mu ɓěɛ̀ mú-nyɛ́-nyɔ̀ ɓě ɓɛ́ wa cĩ́ ɖéɛɛ kɔ̃ kpɔ̃ùn. 33Ké ní mu ní gàsíàɔ̀ kpaɖaún zàùn, ɓɛ́ ḿ ké ɓě kíɖíí kpá, ɓɛ́ ɓě ké ɓóɖó-dù kà kò ɖò ɓě kɔ̃ dyi ɓeìn. Ɓěɛ̀ hwɔɖɔ ɓěɔ̀ mu wáɖáùn, ké ɓěɛ̀ ɓóɖóɔ̀ mu fóɖóún kpáùn. 34-35Ɔ ɖǎ ná nìǐn, nìí, ɓěɛ̀ ɓóɖóɔ̀ muá fɔ̀-fɔ̀ ɓɛ́ ɓě seɛ ma kà nyí ɓó zɔ̃ mɛ̀nɛ̌ìn-sɔ̃́ nììn ɓěɔ̀ xwíníín nyɛɛ dyéìn. Ti ɓɛ́ ɓě muà ɖé ɓěɛ̀ mú-nyɛ́-nyɔ̀ ɓěɔ̀ ɓíɖí-ɓòɖò ɓěɔ̀ kɔ̃ nììn, ɓɛ́ ɓěɛ̀ ɓóɖóɔ̀ kéà fóɖóún kpá kɛɛ, nìí, ɓóɖóɔ̀ muá fɔ̀ùn. Ti jĩ̀ kà ɓɛ́ ɓóɖóɔ̀ muà fóɖóún kpáùn wɛ̃ɛ, ɔ mu fɔ̀-fɔ̀ ɓɛ́ ɔ se ma ɓéɖé, ti ɓɛ́ ɓě cĩ́ ma kà ɖéɛɛ ɓéɖéìn.
36“Ké ní mu ɓě mɔ̀ nyɔ ɓě nìà ɖé ɓěɛ̀ mú-nyɛ́-nyɔ̀ ɓěɔ̀ ɓíɖí-ɓòɖò ɓěɔ̀ kɔ̃ɛɛ fã̀àǔn poùn mìɔ cá. Fã̀àɔ̀ mu kpé wɔ̃ ɓúáùn mìɔ jèɛɛ, ɓě dyi pìɔ̌ɔ̀ fĩìn-mì ɖò dyi túòɛ̀ dyé nyɛ̀nɛ̀ɛ̀ ní, ɓě mu gbǔùn cá. Ɓě mu gbǔùn pū kà nyɔ gbǔɔ́ má kà to dyúa kɛ, ké ɓě mu ɓuɖuùn, kɛbì nyɔ ɖò mɛ se ɓě kíɖíí kpáa. 37Ɓě mu gbǒùn, ɓɛ́ ɓě ké ɓě mǔè ɖò kɔ̃in ɓùɖùɛ̀n kpa kà nyɔ gbǔɔ́ má kà to dyúa kɛ, kɛbì nyɔ ɖò mɛ se ɓě kíɖíí kpáa. Ké ɓě se ɓěɛ̀ mú-nyɛ́-nyɔ̀ ɓěɔ̀ dyúa dyi nyànàà ɓɛ́ǐn mu. 38Ké ɓě mu mú gbɔɔ̀ùn ɖé ɓěɛ̀ mú-nyɛ́-nyɔ̀ ɓěɔ̀ ɓíɖí-ɓòɖò ɓěɔ̀ kɔ̃. Ɓě mu ɖé mɛ́ìn, ɓɛ́ wa ké ɖé ɓě dyóɖóún zàìn. 39Ké ɓěɛ̀ nyɔ ɓě sè ɓóɛɛ mu mɛ́ìn kéɖé-kéɖé ɖé ɓěɛ̀ mú-nyɛ́-nyɔ̀ ɓěɔ̀ ɓíɖí-ɓòɖò ɓěɔ̀ kɔ̃, ɓó ɓěɛ̀ nàmàǔn ɓěɔ̀ jè ɔ kè ɓó ɓě ɓǎ ɓěɔ̀ nàmàǔn ɓěɔ̀ jè. 40-41Sɔ̀ìn ɓó ti ɓɛ́ ḿ ɖǎ ɓě kɛ́ɛ́ mú nyu, ké ḿ ɖǎ ɓě ɖé ɓěɛ̀ mú-nyɛ́-nyɔ̀ ɓěɔ̀ ɓíɖí-ɓòɖò ɓěɔ̀ kɔ̃ tò ɓó ɓě kè ɓě ɓǎ ɓěɔ̀ nàmàǔn ɓěɔ̀ jèɛɛ ní, ɔ jǔ ké ɓě dyi ɓě kè ɓěɛ̀ ɓǎ ɓěɔ̀ nàmàǔn ɓěɔ̀ mú wɔ̃́ìn, ké ɓěɛ̀ hwòɖǒ-dyùà kùmù-kùmù ɓěɔ̀ dyi dyí ɓɛɖɛɛ̀, ké ɓě dyi ɓěɛ̀ nàmàǔn ɓěɔ̀ jè pɛ́ɛ̀ hwɔ ní, 42nìí, ní mu dèè-wùɖù nì ma kà ɓó ḿ kè ɓě ɓǎ ɓě mɔ̀à Ééɓòɖòhɛ̃́ɛ̀ kè Áázè ɔ kè Jékɔ̀ pṹa kɛɛ jè hwìɖǐi poìn. Ké ní mu ɓěɛ̀ ɓóɖóɔ̀ jè hwìɖǐi poìn. 43Kɛɛ kĩ́ín-kĩ́ín nyɛɛ, ɓě mu ɓóɖóɔ̀ kɔ̃ sɔ̀ùn, ké ti ɓɛ́ ɓóɖóɔ̀ muà fóɖóún kpáùn wɛ̃ɛ, ɔ mu fɔ̀-fɔ̀ ɓɛ́ ɔ se ma kà ɓéɖé ɓó zɔ̃ mɛ̀nɛ̌ìn-sɔ̃́ nììn séín ɓěɔ̀ xwíníín nyɛɛ dyéìn ɓó tia ɓaɖa. Ké ɓě mu ɓěɛ̀ nàmàǔn ɓěɔ̀ jè pɛ́ɛ̀ìn, sepóɛɖé ɓě ɓɔ́ ní gma séín ɓěɔ̀, ké wa nyàìn ɓě dyi jè. 44Kɛɛ wɛ̃́ɛ́ kɛɛ, ti ɓɛ́ ɓě mu ɖé ɓěɛ̀ mú-nyɛ́-nyɔ̀ ɓěɔ̀ ɓíɖí-ɓòɖò ɓěɔ̀ kɔ̃ nììn nyɛɛ, ɓě jè se ḿ dyi nyàǐn mu, ɓɛ́ ḿ ké ɓě ɓɔ́, ɓɛ́ ḿ ké ɓě mú gbɔɔ̀ séín cá. Ḿ se dèè-wùɖù nìà ɓó ḿ kè ɓě pṹa kɛɛ mú jaɖaá mu, sepóɛɖé mɔ̄ mɔ̀ Bounɓo mɔ̀à ɓěɛ̀ Gèɖèpɔ́ɔ̀ kɛ̀. 45Ní mu dèè-wùɖù nì ma kà ɓó ḿ kè ɓěɛ̀ ɓǎ ɓě ɓɛ́ ḿ zà ma kà ɖé Íjè-ɓòɖòɔ̀ kɔ̃, ɓó ɓóɖó-dù tɔ̀ɔ̀ ɓěɔ̀ dyéɖé waí, ɓɛ́ ḿ kéà waà Gèɖèpɔ́ɔ̀ jǔɛɛ pṹa kɛɛ jè hwìɖǐi poìn ɓó ɓě bìì, sepóɛɖé mɔ̄ mɔ̀ Bounɓoɔ̀.”
46Kǎà gma séín ɓě ɓɛ́ Bounɓoɔ̀ nyí ma kà Éézùɖùɛ̀-nyɔ̀ ɓěɔ̀ kɛɛ jè nyu nìɛ̀. Ɔ tòìn ma gma ɓěɛ̀ Mózè mú ɖé Sányà-tòɖòɔ̀ dya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.