Ɖìvéɖékɔ̀ 2
2
Ɖii-ɖɛ̀-sàǎ-zàìn-ɖɛ̀ɔ̀
1“Ɔ jǔ ké nyɔ ɖò dyi sáa-zàìn-ɖɛ̀ ɓɛ́ ɔ mɔ̀ ɖii-ɖɛ̀ kɛɛ ḿ gbo dyàà mɔ́ ní, nìí, ɔ mɛ mɔ̀ fáɖáɓà nìɛ̀-nìɛ̀. Ɔ mɛ púèɛ̀ cáná kɔ̃, ɓɛ́ ɔ kéɛ nyɔ́ún-nɔ̀mɔ̀-ɖɛ̀ kɔ̃ po ɖekè. 2Ké ɔ mɛ dyàà Eɖóúnɛ̀ dyú-gàà ɓě mɔ̀à sáa-zà-nyɔ̀ ɓěɔ̀ kɛɛ gbo, ɓɛ́ sáa-zà-nyɔ̀ ɓěɔ̀ nyɔ nì kũ̀à kɔ̃ún ɓó tia ɓaɖaa ké fáɖáɓà caìn cáná xwa-wè dyúáɖò kè nyɔ́ún-nɔ̀mɔ̀-ɖɛ̀ɔ̀ séín dyí ɖú, ɓɛ́ ɔ kéɛ ɓóɛ sáa-kɔ̃-zàìn-gbààɔ̀ kɔ̃ fɔ̃̀ìn. Ɖɛ nìà kɛ muɛ nyɔǔn dyí tɛ̀mɛ̀ìn kà nyɔɔ̀ ɖǎa séín mɔ̄ mɔ̀à Bounɓoɔ̀ kɛɛ nyíɛ. Ké ɖɛ nìà kɛ mu nyíí-ɖɛ̀ ɓɛ́ ɔ mɔ̀ ɖii-ɖɛ̀ kɔ̃̀ nyɔ́ dè ḿ hwìɖǐiɛɛ jǔùn. 3Ɖii-ɖɛ̀-sàǎ-zàìn-ɖɛ̀ɔ̀ nyɔ sè ɓóɛɛ mɔ̀ Eɖóún kè ɔ dyú-gàà ɓěɔ̀ nììn. Ɔ hwɛ̀ mú mìɔ, sepóɛɖé ɔ mɔ̀ ɖii-ɖɛ̀ ɓɛ́ wa nyí mɔ̄ mɔ̀à Bounɓoɔ̀ kɛɛ ɖò.
4“Ɔ jǔ ké nyɔ ɖò dyi ɖii-ɖɛ̀-sàǎ-zàìn-ɖɛ̀ mɔ̀ bɛɖɛɛ̀-kpò ɓɛ́ ɔ ɖǎ nyɛ-ɓɔ́ɔ́ dyí pĩ̀ìn nyɛɛ ḿ gbo dyàà mɔ́ ní, nìí, ɔ mɛ mɔ̀ bɛɖɛɛ̀ ɓɛ́ ɔ nyùìn fáɖáɓà nìɛ̀-nìɛ̀, ké ɔ se bɛɖɛɛ̀-dyáìn-ɖɛ̀ ɖò gbo nìɛ. Ɔ dyi bɛɖɛɛ̀ ku múɛɛ jǔɛ mu ní, ɔ mɛ caìn fáɖáɓàɔ̀ cáná, ké ɔ dyi bɛɖɛɛ̀-kpò se mú kuɛɛ jǔ ní, ɔ mɛ fièɛ̀ cáná bũ̌in.
5“Ɔ jǔ ké nyɔɔ̀ dyiɛ jìà cɛin mú nyùìn ní, nìí, ɔ mɛ nyùɛ̀n fáɖáɓà nìɛ̀-nìɛ̀, ké ɔ mɛ caìn cáná. Kɛɛ ɔ mɛ ɓɔ́ɔ bɛɖɛɛ̀-dyáìn-ɖɛ̀ ɖò gbo poɛ. 6Ɔ ɖǎa nyuɛ hwɔ ní, nìí, ɔ mɛ wàìn dyi, ɓɛ́ ɔ kéɛ cáná kɔ̃ púè. Kǎà ɔ mɛ nyu ɖii-ɖɛ̀-sàǎ-zàìn-ɖɛ̀ɔ̀ nyuɛ.
7“Ɔ jǔ ké ɔ dyiɛ jìà mú nyùìn ní, nìí, ɔ mɛ nyùɛ̀n fáɖáɓà nìɛ̀-nìɛ̀ caìn cáná. 8Ɔ ɖǎa náa nyuín, ɔ mɛ dyà ɖii-ɖɛ̀-sàǎ-zàìn-ɖɛ̀ ɓěɛ̀ ḿ gbo. Ɔ mɛ tòɛ̀ sáa-zà-nyɔ̀ɔ̀ dyí, hwɛ̀ ɓɛ́ sáa-zà-nyɔ̀ɔ̀ kéɛ ɓóɛ sáa-kɔ̃-zàìn-gbààɔ̀ kɔ̃ kpa. 9Ɔ ɖǎ ná nìǐn, sáa-zà-nyɔ̀ɔ̀ mɛ zà ɓó ɖò, ɓɛ́ ɔ kéɛ ɓóɛ sáa-kɔ̃-zàìn-gbààɔ̀ kɔ̃ fɔ̃̀ìn. Ɖɛ nìà kɛ muɛ nyɔǔn dyí tɛ̀mɛ̀ìn kà nyɔɔ̀ ɖǎa séín mɔ̄ mɔ̀à Bounɓoɔ̀ kɛɛ nyíɛ. Ké ɖɛ nìà kɛ mu nyíí-ɖɛ̀ ɓɛ́ ɔ mɔ̀ ɖii-ɖɛ̀ kɔ̃̀ nyɔ́ dè ḿ hwìɖǐiɛɛ jǔùn. 10Ɖii-ɖɛ̀-sàǎ-zàìn-ɖɛ̀ɔ̀ nyɔ sè ɓóɛɛ mɔ̀ Eɖóún kè ɔ dyú-gàà ɓěɔ̀ nììn. Ɔ hwɛ̀ mú mìɔ, sepóɛɖé ɔ mɔ̀ ɖii-ɖɛ̀ ɓɛ́ wa nyí mɔ̄ mɔ̀à Bounɓoɔ̀ kɛɛ ɖò.
11“Ɓěɛ̀ ɖii-ɖɛ̀-sàǎ-zàìn-ɖɛ̀ ɓě ɓɛ́ ɓě mu ḿ gbo dyàùn wɛ̃ɛ mɛ ɓɔ́ bɛɖɛɛ̀-dyáìn-ɖɛ̀ ɖò gbo nìɛ̀, sepóɛɖé ti ɓě mu ḿ gbo sáa zàùn wɛ̃ɛ, ɓě se ɓéɖé ɓɛ́ ɓě ké bɛɖɛɛ̀ ɓéɖé dyáìn-ɖɛ̀ mɔɔ ɖo-nì ɖò kɛɛ fɔ̃. 12Kɛɛ ɓě mɛ dyà bɛɖɛɛ̀ ɓéɖé dyáìn-ɖɛ̀ mɔɔ ɖo-nì kɛɛ ḿ gbo, ɓɛ́ ɔ ké ɖii-ɖɛ̀ kĩ́ín-kĩ́ín sɔ̀ ɖé ɓěɛ̀ geɖe ɓěɔ̀ gboɛɛ#2:12 Wa nyùìn ma bɛɖɛɛ̀ɔ̀ fáɖáɓà kĩ́ín-kĩ́ín sɔ̀ ɖé wa geɖeɔ̀ gboɛ. jǔ. Ɓě se ɓéɖé ɓɛ́ ɓě kéɛ fɔ̃, ɓɛ́ ɔ ké sáa-zàìn-ɖɛ̀ kɔ̃̀ nyɔ́ dè ḿ hwìɖǐiɛɛ jǔ ɓó sáa-kɔ̃-zàìn-gbààɔ̀ kɔ̃. 13Ké ɓě mɛ po ɓěɛ̀ ɖii-ɖɛ̀-sàǎ-zàìn-ɖɛ̀ séín tɔ̃́ gbo, sepóɛɖé tɔ̃́ɔ̀ mɔ̀ sè-ná-sèɛ̀ dèè-wùɖù nìà ɓó ɓě kè mɔ̄ mɔ̀à ɓěɛ̀ Gèɖèpɔ́ɔ̀ kɛɛ pṹa kɛɛ hwɔìn-ɖɛ̀. Ɔ jèɛɛ, ɓě mɛ po ɓěɛ̀ sáa-zàìn-ɖɛ̀ séín ɓěɔ̀ tɔ̃́ gbo wɛ̃́-wɛ̃́.
14“Ɔ jǔ ké nyɔ ɖò dyi ɔ mɔɔ́ɔ̀ kĩ́ín-kĩ́ínɔ̀ ɖii-ɖɛ̀-sàǎ-zàìn-ɖɛ̀ mú nyu, ɓɛ́ ɔ kéɛ ḿ gbo dyà ní, ɔ mɛ mɔ̀ mɔɔ́ɔ̀ nyɔ ɓɛ́ ɔ ɖǎ dyɛ̀ìn, ké ɔ ɖǎa ɓóɖó nìɛ̀-nìɛ̀ mú ɖuɛ. 15Ké ɔ mɛ púèɛ̀ cáná kɔ̃, ɓɛ́ ɔ kéɛ nyɔ́ún-nɔ̀mɔ̀-ɖɛ̀ kɔ̃ po ɖekè, nìí ɓɛ́ ɔ ké ɖii-ɖɛ̀-sàǎ-zàìn-ɖɛ̀ jǔ. 16Ɔ ɖǎ ná nìǐn, sáa-zà-nyɔ̀ɔ̀ mɛ ɖú fáɖáɓà caìn cánáɔ̀ ɖò kè nyɔ́ún-nɔ̀mɔ̀-ɖɛ̀ɔ̀ dyí, ɓɛ́ ɔ kéɛ fɔ̃, ɓɛ́ ɔ ké ɖii-ɖɛ̀-nyìǐ-ɖɛ̀ jǔ ɓó ḿ bìì. Ɖɛ nìà kɛ muɛ nyɔǔn dyí tɛ̀mɛ̀ìn kà nyɔɔ̀ ɖǎa séín mɔ̄ mɔ̀à Bounɓoɔ̀ kɛɛ nyíɛ.
Currently Selected:
Ɖìvéɖékɔ̀ 2: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Ɖìvéɖékɔ̀ 2
2
Ɖii-ɖɛ̀-sàǎ-zàìn-ɖɛ̀ɔ̀
1“Ɔ jǔ ké nyɔ ɖò dyi sáa-zàìn-ɖɛ̀ ɓɛ́ ɔ mɔ̀ ɖii-ɖɛ̀ kɛɛ ḿ gbo dyàà mɔ́ ní, nìí, ɔ mɛ mɔ̀ fáɖáɓà nìɛ̀-nìɛ̀. Ɔ mɛ púèɛ̀ cáná kɔ̃, ɓɛ́ ɔ kéɛ nyɔ́ún-nɔ̀mɔ̀-ɖɛ̀ kɔ̃ po ɖekè. 2Ké ɔ mɛ dyàà Eɖóúnɛ̀ dyú-gàà ɓě mɔ̀à sáa-zà-nyɔ̀ ɓěɔ̀ kɛɛ gbo, ɓɛ́ sáa-zà-nyɔ̀ ɓěɔ̀ nyɔ nì kũ̀à kɔ̃ún ɓó tia ɓaɖaa ké fáɖáɓà caìn cáná xwa-wè dyúáɖò kè nyɔ́ún-nɔ̀mɔ̀-ɖɛ̀ɔ̀ séín dyí ɖú, ɓɛ́ ɔ kéɛ ɓóɛ sáa-kɔ̃-zàìn-gbààɔ̀ kɔ̃ fɔ̃̀ìn. Ɖɛ nìà kɛ muɛ nyɔǔn dyí tɛ̀mɛ̀ìn kà nyɔɔ̀ ɖǎa séín mɔ̄ mɔ̀à Bounɓoɔ̀ kɛɛ nyíɛ. Ké ɖɛ nìà kɛ mu nyíí-ɖɛ̀ ɓɛ́ ɔ mɔ̀ ɖii-ɖɛ̀ kɔ̃̀ nyɔ́ dè ḿ hwìɖǐiɛɛ jǔùn. 3Ɖii-ɖɛ̀-sàǎ-zàìn-ɖɛ̀ɔ̀ nyɔ sè ɓóɛɛ mɔ̀ Eɖóún kè ɔ dyú-gàà ɓěɔ̀ nììn. Ɔ hwɛ̀ mú mìɔ, sepóɛɖé ɔ mɔ̀ ɖii-ɖɛ̀ ɓɛ́ wa nyí mɔ̄ mɔ̀à Bounɓoɔ̀ kɛɛ ɖò.
4“Ɔ jǔ ké nyɔ ɖò dyi ɖii-ɖɛ̀-sàǎ-zàìn-ɖɛ̀ mɔ̀ bɛɖɛɛ̀-kpò ɓɛ́ ɔ ɖǎ nyɛ-ɓɔ́ɔ́ dyí pĩ̀ìn nyɛɛ ḿ gbo dyàà mɔ́ ní, nìí, ɔ mɛ mɔ̀ bɛɖɛɛ̀ ɓɛ́ ɔ nyùìn fáɖáɓà nìɛ̀-nìɛ̀, ké ɔ se bɛɖɛɛ̀-dyáìn-ɖɛ̀ ɖò gbo nìɛ. Ɔ dyi bɛɖɛɛ̀ ku múɛɛ jǔɛ mu ní, ɔ mɛ caìn fáɖáɓàɔ̀ cáná, ké ɔ dyi bɛɖɛɛ̀-kpò se mú kuɛɛ jǔ ní, ɔ mɛ fièɛ̀ cáná bũ̌in.
5“Ɔ jǔ ké nyɔɔ̀ dyiɛ jìà cɛin mú nyùìn ní, nìí, ɔ mɛ nyùɛ̀n fáɖáɓà nìɛ̀-nìɛ̀, ké ɔ mɛ caìn cáná. Kɛɛ ɔ mɛ ɓɔ́ɔ bɛɖɛɛ̀-dyáìn-ɖɛ̀ ɖò gbo poɛ. 6Ɔ ɖǎa nyuɛ hwɔ ní, nìí, ɔ mɛ wàìn dyi, ɓɛ́ ɔ kéɛ cáná kɔ̃ púè. Kǎà ɔ mɛ nyu ɖii-ɖɛ̀-sàǎ-zàìn-ɖɛ̀ɔ̀ nyuɛ.
7“Ɔ jǔ ké ɔ dyiɛ jìà mú nyùìn ní, nìí, ɔ mɛ nyùɛ̀n fáɖáɓà nìɛ̀-nìɛ̀ caìn cáná. 8Ɔ ɖǎa náa nyuín, ɔ mɛ dyà ɖii-ɖɛ̀-sàǎ-zàìn-ɖɛ̀ ɓěɛ̀ ḿ gbo. Ɔ mɛ tòɛ̀ sáa-zà-nyɔ̀ɔ̀ dyí, hwɛ̀ ɓɛ́ sáa-zà-nyɔ̀ɔ̀ kéɛ ɓóɛ sáa-kɔ̃-zàìn-gbààɔ̀ kɔ̃ kpa. 9Ɔ ɖǎ ná nìǐn, sáa-zà-nyɔ̀ɔ̀ mɛ zà ɓó ɖò, ɓɛ́ ɔ kéɛ ɓóɛ sáa-kɔ̃-zàìn-gbààɔ̀ kɔ̃ fɔ̃̀ìn. Ɖɛ nìà kɛ muɛ nyɔǔn dyí tɛ̀mɛ̀ìn kà nyɔɔ̀ ɖǎa séín mɔ̄ mɔ̀à Bounɓoɔ̀ kɛɛ nyíɛ. Ké ɖɛ nìà kɛ mu nyíí-ɖɛ̀ ɓɛ́ ɔ mɔ̀ ɖii-ɖɛ̀ kɔ̃̀ nyɔ́ dè ḿ hwìɖǐiɛɛ jǔùn. 10Ɖii-ɖɛ̀-sàǎ-zàìn-ɖɛ̀ɔ̀ nyɔ sè ɓóɛɛ mɔ̀ Eɖóún kè ɔ dyú-gàà ɓěɔ̀ nììn. Ɔ hwɛ̀ mú mìɔ, sepóɛɖé ɔ mɔ̀ ɖii-ɖɛ̀ ɓɛ́ wa nyí mɔ̄ mɔ̀à Bounɓoɔ̀ kɛɛ ɖò.
11“Ɓěɛ̀ ɖii-ɖɛ̀-sàǎ-zàìn-ɖɛ̀ ɓě ɓɛ́ ɓě mu ḿ gbo dyàùn wɛ̃ɛ mɛ ɓɔ́ bɛɖɛɛ̀-dyáìn-ɖɛ̀ ɖò gbo nìɛ̀, sepóɛɖé ti ɓě mu ḿ gbo sáa zàùn wɛ̃ɛ, ɓě se ɓéɖé ɓɛ́ ɓě ké bɛɖɛɛ̀ ɓéɖé dyáìn-ɖɛ̀ mɔɔ ɖo-nì ɖò kɛɛ fɔ̃. 12Kɛɛ ɓě mɛ dyà bɛɖɛɛ̀ ɓéɖé dyáìn-ɖɛ̀ mɔɔ ɖo-nì kɛɛ ḿ gbo, ɓɛ́ ɔ ké ɖii-ɖɛ̀ kĩ́ín-kĩ́ín sɔ̀ ɖé ɓěɛ̀ geɖe ɓěɔ̀ gboɛɛ#2:12 Wa nyùìn ma bɛɖɛɛ̀ɔ̀ fáɖáɓà kĩ́ín-kĩ́ín sɔ̀ ɖé wa geɖeɔ̀ gboɛ. jǔ. Ɓě se ɓéɖé ɓɛ́ ɓě kéɛ fɔ̃, ɓɛ́ ɔ ké sáa-zàìn-ɖɛ̀ kɔ̃̀ nyɔ́ dè ḿ hwìɖǐiɛɛ jǔ ɓó sáa-kɔ̃-zàìn-gbààɔ̀ kɔ̃. 13Ké ɓě mɛ po ɓěɛ̀ ɖii-ɖɛ̀-sàǎ-zàìn-ɖɛ̀ séín tɔ̃́ gbo, sepóɛɖé tɔ̃́ɔ̀ mɔ̀ sè-ná-sèɛ̀ dèè-wùɖù nìà ɓó ɓě kè mɔ̄ mɔ̀à ɓěɛ̀ Gèɖèpɔ́ɔ̀ kɛɛ pṹa kɛɛ hwɔìn-ɖɛ̀. Ɔ jèɛɛ, ɓě mɛ po ɓěɛ̀ sáa-zàìn-ɖɛ̀ séín ɓěɔ̀ tɔ̃́ gbo wɛ̃́-wɛ̃́.
14“Ɔ jǔ ké nyɔ ɖò dyi ɔ mɔɔ́ɔ̀ kĩ́ín-kĩ́ínɔ̀ ɖii-ɖɛ̀-sàǎ-zàìn-ɖɛ̀ mú nyu, ɓɛ́ ɔ kéɛ ḿ gbo dyà ní, ɔ mɛ mɔ̀ mɔɔ́ɔ̀ nyɔ ɓɛ́ ɔ ɖǎ dyɛ̀ìn, ké ɔ ɖǎa ɓóɖó nìɛ̀-nìɛ̀ mú ɖuɛ. 15Ké ɔ mɛ púèɛ̀ cáná kɔ̃, ɓɛ́ ɔ kéɛ nyɔ́ún-nɔ̀mɔ̀-ɖɛ̀ kɔ̃ po ɖekè, nìí ɓɛ́ ɔ ké ɖii-ɖɛ̀-sàǎ-zàìn-ɖɛ̀ jǔ. 16Ɔ ɖǎ ná nìǐn, sáa-zà-nyɔ̀ɔ̀ mɛ ɖú fáɖáɓà caìn cánáɔ̀ ɖò kè nyɔ́ún-nɔ̀mɔ̀-ɖɛ̀ɔ̀ dyí, ɓɛ́ ɔ kéɛ fɔ̃, ɓɛ́ ɔ ké ɖii-ɖɛ̀-nyìǐ-ɖɛ̀ jǔ ɓó ḿ bìì. Ɖɛ nìà kɛ muɛ nyɔǔn dyí tɛ̀mɛ̀ìn kà nyɔɔ̀ ɖǎa séín mɔ̄ mɔ̀à Bounɓoɔ̀ kɛɛ nyíɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.