Ɖìvéɖékɔ̀ 1
1
Sáa-zàìn-ɖɛ̀ɔ̀ nyɔ ɓɛ́ wa ké fɔ̃ séín nyɛ
1Bounɓoɔ̀ nì ma ɖé jàɖàìn-gbò kɔ̃̀ mú ɓɛ́ ɔ kè ɔ nyɔ ɓěɔ̀ dyéàìn nyɛ. Ɔ ɖá ma Mózè, ké ɔ wùɖù ma Mózè gbo, ké ɔ ɖá, 2“Cɛ̃ɛ Éézùɖùɛ̀-dyù ɓěɔ̀ gbo kà ḿ ɖá ɔ jǔ ké nyɔ ɖò dyi ḿ gbo nyúà-ɖɛ̀ ɖò sáa zàìn mɔ́ ní, nìí, ɔ mɛ dyà ɓìɖǐ mɔɔ ɓáɖáá mɔɔ wiɖi kɛ. 3Ɔ jǔ ké ɔ nyíí-ɖɛ̀ɔ̀ dyi fɔ̃ɔ-sàǎ-zàìn-ɖɛ̀ jǔ ní, nìí, ɔ mɛ mɔ̀ ɓìɖǐ ɓíɔ́ ɓɛ́ ɔ se kɛɛ ɖò ɓéɖéɛ. Dɛ̀ ɔ mɛ tòɛ̀n nyɛɛ mɛ mɔ̀ ɓó jàɖàìn-gbò kɔ̃̀ mú ɓɛ́ ḿ kè ní nyɔ ɓěɔ̀ dyéàìn nyɛɛ wĩín, hwɛ̀ ké ḿ kpɔ̃ɔ dyi. 4Ɔ ɖǎa náa nyuín, nìí, nyɔɔ̀ mɛ dè ɓìɖǐ ɓíɔ́ mɔ̀à ɔ fɔ̃ɔ-sàǎ-zàìn-ɖɛ̀ɔ̀ kɛɛ sɔ̃ dúún. Ɔ dyiɛ náa nyuín, nìí, ní muɛ dyi kpɔ̃ùn ɓó ɔ bìì, ɓɛ́ ɔ ké ɔ nàmàǔn ɓěɔ̀ kɔ̃in-ɓáìn-ɖɛ̀ jǔ. 5Ɔ ɖǎ ná nìǐn, nìí, nyɔɔ̀ mɛ ɖáɓáìn ɓìɖǐ ɓíɔ́ɔ̀ ɓó ḿ dyúa,#1:5 Ɔ xwíníín mɔ̀ ɓó jàɖàìn-gbòɔ̀ wĩín. ɓɛ́ Eɖóúnɛ̀ dyú-gàà ɓě mɔ̀à sáa-zà-nyɔ̀ ɓěɔ̀ kɛɛ kéɛ nyɔmɔɔ̀ dyà, ɓɛ́ wa kéɛ sáa-kɔ̃-zàìn-gbàà ɓɛ́ ɔ nìà ɓó jàɖàìn-gbò kɔ̃̀ mú ɓɛ́ ḿ kè ní nyɔ ɓěɔ̀ dyéàìn nyɛɛ dyúa kɛɛ wáká hĩinyɛɔ̀ bũ̌in mɛ́nɛ́ìn. 6Sáa-zà-nyɔ̀ ɓěɔ̀ ɖǎa náa nyuɛ hwɔ ní, nyɔ dyàà sáa-zàìn-ɖɛ̀ɔ̀ kɛɛ mɛ zà sáa-zàìn-ɖɛ̀ ɓɛ́ wa kéà fɔ̃ɛɛ kúɖúù, ɓɛ́ ɔ kéɛ dyi cɛ̃ìn. 7Ɔ ɖǎ ná nìǐn, nìí, sáa-zà-nyɔ̀ ɓěɔ̀ mɛ po nyɛ dyí ɓó sáa-kɔ̃-zàìn-gbààɔ̀ kɔ̃. 8Sɔ̀ìn ɓóɛ gboɛɛ, nìí, sáa-zà-nyɔ̀ ɓěɔ̀ mɛ pɛ̃́ìn suaɖɛ̀-kpò ɓěɔ̀ kèɛ̀ dúɔ̀ kèɛ̀ cánáɔ̀ ɓó nyɛ nìà wãuń ɓó sáa-kɔ̃-zàìn-gbààɔ̀ kɔ̃ɛɛ kɔ̃ dyi nɔ̀mɔ̀ dyíin. 9Kɛɛ kĩ́ín-kĩ́ín nyɛɛ, nyɔ dyàà sáa-zàìn-ɖɛ̀ɔ̀ kɛɛ mɛ wɔɔ̀ nyúà-ɖɛ̀ɔ̀ mɛ́ séín ɓěɔ̀ kèɛ̀ pɔ̃́ sɔ̃́ɔ̀. Ɔ ɖǎ ná nìǐn, nìí, sáa-zà-nyɔ̀ ɓěɔ̀ mɛ fɔ̃̀ìn séín ɓó sáa-kɔ̃-zàìn-gbààɔ̀ kɔ̃, ɓɛ́ ɔ ké fɔ̃ɔ-sàǎ-zàìn-ɖɛ̀ jǔ. Ɖɛ nìà kɛ mu fɔ̃ɔ-sàǎ-zàìn-ɖɛ̀ kɔ̃̀ nyɔ́ dè ḿ hwìɖǐiɛɛ jǔùn.
10“Ɔ jǔ ké fɔ̃ɔ-sàǎ-zàìn-ɖɛ̀ɔ̀ dyi ɓáɖáá mɔɔ wiɖi jǔ ní, nìí, ɔ mɛ mɔ̀ɔ̀ ɓíɔ́ ɓɛ́ ɔ se kɛɛ ɖò ɓéɖéɛ. 11Ké nyɔ dyàà sáa-zàìn-ɖɛ̀ɔ̀ kɛɛ mɛ ɖáɓáìn ɖéɛ sáa-kɔ̃-zàìn-gbààɔ̀ wáká hwɔà ɖé xwía dyíɛɛ kɔ̃ ɓó ḿ dyúa, ɓɛ́ sáa-zà-nyɔ̀ ɓěɔ̀ kéɛ nyɔmɔɔ̀ dyí ɖú, ɓɛ́ wa kéɛ sáa-kɔ̃-zàìn-gbààɔ̀ wáká hĩinyɛɔ̀ bũ̌in mɛ́nɛ́ìn. 12Sɔ̀ìn ɓóɛ gboɛɛ, nìí, nyɔɔ̀ mɛ cɛ̃ìn nyúà-ɖɛ̀ɔ̀ dyi, ɓɛ́ sáa-zà-nyɔ̀ ɓěɔ̀ ké suaɖɛ̀-kpò ɓěɔ̀ kèɛ̀ dúɔ̀ kèɛ̀ cánáɔ̀ ɓó nyɛ nìà wãuń ɓó sáa-kɔ̃-zàìn-gbààɔ̀ kɔ̃ɛɛ kɔ̃ dyi pɛ̃́ìn nɔ̀mɔ̀ dyíin. 13Kɛɛ kĩ́ín-kĩ́ín nyɛɛ, nyɔ dyàà sáa-zàìn-ɖɛ̀ɔ̀ kɛɛ mɛ wɔɔ̀ nyúà-ɖɛ̀ɔ̀ mɛ́ séín ɓěɔ̀ kèɛ̀ pɔ̃́ sɔ̃́ɔ̀. Ɔ ɖǎ ná nìǐn, nìí, sáa-zà-nyɔ̀ ɓěɔ̀ mɛ fɔ̃̀ìn séínɔ̀ ɓó sáa-kɔ̃-zàìn-gbààɔ̀ kɔ̃, ɓɛ́ ɔ ké fɔ̃ɔ-sàǎ-zàìn-ɖɛ̀ jǔ. Ɖɛ nìà kɛ mu fɔ̃ɔ-sàǎ-zàìn-ɖɛ̀ kɔ̃̀ nyɔ́ dè ḿ hwìɖǐiɛɛ jǔùn.
14“Ɔ jǔ ké fɔ̃ɔ-sàǎ-zàìn-ɖɛ̀ɔ̀ dyi naà jǔ ní, nìí, ɔ mɛ mɔ̀ gbúɛ́ mɔɔ póo-póo. 15Ké sáa-zà-nyɔ̀ ɓěɔ̀ mɛ dyàà ɓóɛ sáa-kɔ̃-zàìn-gbààɔ̀ gbo, ɓɛ́ wa kéɛ bùnùɔ̀ mú táɖáìn, ɓɛ́ ɔ dúɔ̀ ké ɓó cɛ̃̀, ɓɛ́ wa ké naàɔ̀ dúɔ̀ ɓó nyɛ nìà ɓó sáa-kɔ̃-zàìn-gbààɔ̀ kɔ̃ɛɛ mú po. Ɔ ɖǎa náa nyuín, nìí, wa mɛ púèɛ̀ nyɔmɔɔ̀ ɓíɖíi dyi ɓó sáa-kɔ̃-zàìn-gbààɔ̀ wáún. 16Nìí, nyɔ dyàà sáa-zàìn-ɖɛ̀ɔ̀ kɛɛ mɛ zàà ɓóɛ zɔɔ̀ kè ɖɛ séín nì ɖé ɔ zɔɔ̀ múɛ, ɓɛ́ ɔ kéɛ sáa-kɔ̃-zàìn-gbààɔ̀ wáká hwɔà ɖé dyóɖó-xwáɖáún-wóɖóìn-naínɔ̀ dyíɛɛ kɔ̃ gbǒìn. Ɔ mɔ̀ dɛ̀ ɓɛ́ wa gbǒàìn tĩ́ɔ-pɛ̀ɛ̀ɔ̀ kɛ. 17Sɔ̀ìn ɓóɛ gboɛɛ, ɔ mɛ kpɔ̃ naàɔ̀ pìɔ̌-kpà sɔ̃́ɔ̀ dyi, ɓɛ́ ɔ ké naàɔ̀ mú cɛ́ɛ̀, ɓɛ́ ɔ kéɛ mú fá. Kɛɛ ɔ mɛ ɓɔ́ɔ pĩ́á sɔ̃́ɔ̀ dyí zaìn. Ɔ ɖǎ ná nìǐn, nìí, sáa-zà-nyɔ̀ ɓěɔ̀ mɛ pɛ̃́ìn ɓóɛ nyɛ nìà wãuń ɓó sáa-kɔ̃-zàìn-gbààɔ̀ kɔ̃ɛɛ kɔ̃, ɓɛ́ ɔ ké sĩɛ hwɛ̀, ɓɛ́ ɔ ké fɔ̃ɔ-sàǎ-zàìn-ɖɛ̀ jǔ. Ɖɛ nìà kɛ mu fɔ̃ɔ-sàǎ-zàìn-ɖɛ̀ kɔ̃̀ nyɔ́ dè ḿ hwìɖǐiɛɛ jǔùn.
Currently Selected:
Ɖìvéɖékɔ̀ 1: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Ɖìvéɖékɔ̀ 1
1
Sáa-zàìn-ɖɛ̀ɔ̀ nyɔ ɓɛ́ wa ké fɔ̃ séín nyɛ
1Bounɓoɔ̀ nì ma ɖé jàɖàìn-gbò kɔ̃̀ mú ɓɛ́ ɔ kè ɔ nyɔ ɓěɔ̀ dyéàìn nyɛ. Ɔ ɖá ma Mózè, ké ɔ wùɖù ma Mózè gbo, ké ɔ ɖá, 2“Cɛ̃ɛ Éézùɖùɛ̀-dyù ɓěɔ̀ gbo kà ḿ ɖá ɔ jǔ ké nyɔ ɖò dyi ḿ gbo nyúà-ɖɛ̀ ɖò sáa zàìn mɔ́ ní, nìí, ɔ mɛ dyà ɓìɖǐ mɔɔ ɓáɖáá mɔɔ wiɖi kɛ. 3Ɔ jǔ ké ɔ nyíí-ɖɛ̀ɔ̀ dyi fɔ̃ɔ-sàǎ-zàìn-ɖɛ̀ jǔ ní, nìí, ɔ mɛ mɔ̀ ɓìɖǐ ɓíɔ́ ɓɛ́ ɔ se kɛɛ ɖò ɓéɖéɛ. Dɛ̀ ɔ mɛ tòɛ̀n nyɛɛ mɛ mɔ̀ ɓó jàɖàìn-gbò kɔ̃̀ mú ɓɛ́ ḿ kè ní nyɔ ɓěɔ̀ dyéàìn nyɛɛ wĩín, hwɛ̀ ké ḿ kpɔ̃ɔ dyi. 4Ɔ ɖǎa náa nyuín, nìí, nyɔɔ̀ mɛ dè ɓìɖǐ ɓíɔ́ mɔ̀à ɔ fɔ̃ɔ-sàǎ-zàìn-ɖɛ̀ɔ̀ kɛɛ sɔ̃ dúún. Ɔ dyiɛ náa nyuín, nìí, ní muɛ dyi kpɔ̃ùn ɓó ɔ bìì, ɓɛ́ ɔ ké ɔ nàmàǔn ɓěɔ̀ kɔ̃in-ɓáìn-ɖɛ̀ jǔ. 5Ɔ ɖǎ ná nìǐn, nìí, nyɔɔ̀ mɛ ɖáɓáìn ɓìɖǐ ɓíɔ́ɔ̀ ɓó ḿ dyúa,#1:5 Ɔ xwíníín mɔ̀ ɓó jàɖàìn-gbòɔ̀ wĩín. ɓɛ́ Eɖóúnɛ̀ dyú-gàà ɓě mɔ̀à sáa-zà-nyɔ̀ ɓěɔ̀ kɛɛ kéɛ nyɔmɔɔ̀ dyà, ɓɛ́ wa kéɛ sáa-kɔ̃-zàìn-gbàà ɓɛ́ ɔ nìà ɓó jàɖàìn-gbò kɔ̃̀ mú ɓɛ́ ḿ kè ní nyɔ ɓěɔ̀ dyéàìn nyɛɛ dyúa kɛɛ wáká hĩinyɛɔ̀ bũ̌in mɛ́nɛ́ìn. 6Sáa-zà-nyɔ̀ ɓěɔ̀ ɖǎa náa nyuɛ hwɔ ní, nyɔ dyàà sáa-zàìn-ɖɛ̀ɔ̀ kɛɛ mɛ zà sáa-zàìn-ɖɛ̀ ɓɛ́ wa kéà fɔ̃ɛɛ kúɖúù, ɓɛ́ ɔ kéɛ dyi cɛ̃ìn. 7Ɔ ɖǎ ná nìǐn, nìí, sáa-zà-nyɔ̀ ɓěɔ̀ mɛ po nyɛ dyí ɓó sáa-kɔ̃-zàìn-gbààɔ̀ kɔ̃. 8Sɔ̀ìn ɓóɛ gboɛɛ, nìí, sáa-zà-nyɔ̀ ɓěɔ̀ mɛ pɛ̃́ìn suaɖɛ̀-kpò ɓěɔ̀ kèɛ̀ dúɔ̀ kèɛ̀ cánáɔ̀ ɓó nyɛ nìà wãuń ɓó sáa-kɔ̃-zàìn-gbààɔ̀ kɔ̃ɛɛ kɔ̃ dyi nɔ̀mɔ̀ dyíin. 9Kɛɛ kĩ́ín-kĩ́ín nyɛɛ, nyɔ dyàà sáa-zàìn-ɖɛ̀ɔ̀ kɛɛ mɛ wɔɔ̀ nyúà-ɖɛ̀ɔ̀ mɛ́ séín ɓěɔ̀ kèɛ̀ pɔ̃́ sɔ̃́ɔ̀. Ɔ ɖǎ ná nìǐn, nìí, sáa-zà-nyɔ̀ ɓěɔ̀ mɛ fɔ̃̀ìn séín ɓó sáa-kɔ̃-zàìn-gbààɔ̀ kɔ̃, ɓɛ́ ɔ ké fɔ̃ɔ-sàǎ-zàìn-ɖɛ̀ jǔ. Ɖɛ nìà kɛ mu fɔ̃ɔ-sàǎ-zàìn-ɖɛ̀ kɔ̃̀ nyɔ́ dè ḿ hwìɖǐiɛɛ jǔùn.
10“Ɔ jǔ ké fɔ̃ɔ-sàǎ-zàìn-ɖɛ̀ɔ̀ dyi ɓáɖáá mɔɔ wiɖi jǔ ní, nìí, ɔ mɛ mɔ̀ɔ̀ ɓíɔ́ ɓɛ́ ɔ se kɛɛ ɖò ɓéɖéɛ. 11Ké nyɔ dyàà sáa-zàìn-ɖɛ̀ɔ̀ kɛɛ mɛ ɖáɓáìn ɖéɛ sáa-kɔ̃-zàìn-gbààɔ̀ wáká hwɔà ɖé xwía dyíɛɛ kɔ̃ ɓó ḿ dyúa, ɓɛ́ sáa-zà-nyɔ̀ ɓěɔ̀ kéɛ nyɔmɔɔ̀ dyí ɖú, ɓɛ́ wa kéɛ sáa-kɔ̃-zàìn-gbààɔ̀ wáká hĩinyɛɔ̀ bũ̌in mɛ́nɛ́ìn. 12Sɔ̀ìn ɓóɛ gboɛɛ, nìí, nyɔɔ̀ mɛ cɛ̃ìn nyúà-ɖɛ̀ɔ̀ dyi, ɓɛ́ sáa-zà-nyɔ̀ ɓěɔ̀ ké suaɖɛ̀-kpò ɓěɔ̀ kèɛ̀ dúɔ̀ kèɛ̀ cánáɔ̀ ɓó nyɛ nìà wãuń ɓó sáa-kɔ̃-zàìn-gbààɔ̀ kɔ̃ɛɛ kɔ̃ dyi pɛ̃́ìn nɔ̀mɔ̀ dyíin. 13Kɛɛ kĩ́ín-kĩ́ín nyɛɛ, nyɔ dyàà sáa-zàìn-ɖɛ̀ɔ̀ kɛɛ mɛ wɔɔ̀ nyúà-ɖɛ̀ɔ̀ mɛ́ séín ɓěɔ̀ kèɛ̀ pɔ̃́ sɔ̃́ɔ̀. Ɔ ɖǎ ná nìǐn, nìí, sáa-zà-nyɔ̀ ɓěɔ̀ mɛ fɔ̃̀ìn séínɔ̀ ɓó sáa-kɔ̃-zàìn-gbààɔ̀ kɔ̃, ɓɛ́ ɔ ké fɔ̃ɔ-sàǎ-zàìn-ɖɛ̀ jǔ. Ɖɛ nìà kɛ mu fɔ̃ɔ-sàǎ-zàìn-ɖɛ̀ kɔ̃̀ nyɔ́ dè ḿ hwìɖǐiɛɛ jǔùn.
14“Ɔ jǔ ké fɔ̃ɔ-sàǎ-zàìn-ɖɛ̀ɔ̀ dyi naà jǔ ní, nìí, ɔ mɛ mɔ̀ gbúɛ́ mɔɔ póo-póo. 15Ké sáa-zà-nyɔ̀ ɓěɔ̀ mɛ dyàà ɓóɛ sáa-kɔ̃-zàìn-gbààɔ̀ gbo, ɓɛ́ wa kéɛ bùnùɔ̀ mú táɖáìn, ɓɛ́ ɔ dúɔ̀ ké ɓó cɛ̃̀, ɓɛ́ wa ké naàɔ̀ dúɔ̀ ɓó nyɛ nìà ɓó sáa-kɔ̃-zàìn-gbààɔ̀ kɔ̃ɛɛ mú po. Ɔ ɖǎa náa nyuín, nìí, wa mɛ púèɛ̀ nyɔmɔɔ̀ ɓíɖíi dyi ɓó sáa-kɔ̃-zàìn-gbààɔ̀ wáún. 16Nìí, nyɔ dyàà sáa-zàìn-ɖɛ̀ɔ̀ kɛɛ mɛ zàà ɓóɛ zɔɔ̀ kè ɖɛ séín nì ɖé ɔ zɔɔ̀ múɛ, ɓɛ́ ɔ kéɛ sáa-kɔ̃-zàìn-gbààɔ̀ wáká hwɔà ɖé dyóɖó-xwáɖáún-wóɖóìn-naínɔ̀ dyíɛɛ kɔ̃ gbǒìn. Ɔ mɔ̀ dɛ̀ ɓɛ́ wa gbǒàìn tĩ́ɔ-pɛ̀ɛ̀ɔ̀ kɛ. 17Sɔ̀ìn ɓóɛ gboɛɛ, ɔ mɛ kpɔ̃ naàɔ̀ pìɔ̌-kpà sɔ̃́ɔ̀ dyi, ɓɛ́ ɔ ké naàɔ̀ mú cɛ́ɛ̀, ɓɛ́ ɔ kéɛ mú fá. Kɛɛ ɔ mɛ ɓɔ́ɔ pĩ́á sɔ̃́ɔ̀ dyí zaìn. Ɔ ɖǎ ná nìǐn, nìí, sáa-zà-nyɔ̀ ɓěɔ̀ mɛ pɛ̃́ìn ɓóɛ nyɛ nìà wãuń ɓó sáa-kɔ̃-zàìn-gbààɔ̀ kɔ̃ɛɛ kɔ̃, ɓɛ́ ɔ ké sĩɛ hwɛ̀, ɓɛ́ ɔ ké fɔ̃ɔ-sàǎ-zàìn-ɖɛ̀ jǔ. Ɖɛ nìà kɛ mu fɔ̃ɔ-sàǎ-zàìn-ɖɛ̀ kɔ̃̀ nyɔ́ dè ḿ hwìɖǐiɛɛ jǔùn.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.