Gàɖézìà 6
6
Ɓě mɛ ɓéɖéìn ɓèɖèìn ɓě mǔè ɖòɛ̀ gbɛ̌
1Ḿ ɖíí ɓě, ɔ jǔ ké ɓě dyi nyɔ ɖò ɖɛ gbà ɖò nyuɛ dyéín, ɓě mɔ̀ nyɔ ɓéɖéà Zùùɔ̀ kɛɛ mɛ sɛ́ɖɛ́ìn ɔ dyí. Kɛɛ ɓě mɛ nyuɛ ɖéɛ hwòɖǒ-dyùà ɓɛ̀ɖɛ̀ɛ̀-ɓɛ̀ɖɛ̀ɛ̀ mú. Ɓě mɛ màìn ɓě mìɔùn jè mú, ɓɛ́ ɓě mɔ̀ùn ní kɔ̃̀ ɖà mú-dɔ̃̌-dɔ̃̌ dyé ɖekè. 2Ɓě ɓéɖéìn ɓèɖèìn ɓě mǔè ɖòɛ̀ gbɛ̌. Kǎà ɓě mu kàa Kɛ́ɖɛ́ì gmaɔ̀ dyi kpɔ̃ɔ nyuùn. 3Ɔ jǔ ké nyɔ ɖò dyiɛ hwìɖǐi poìn kà ɖɛ ɖò nì ɔ múɛɛ, ké ɖɛ ɖò se ɔ mú nìǐn, nìí, ɔ cá ɔ mìɔùn. 4Nyɔ séín mɛ dɔ̃̌ wa mìɔùn nììn nyuu-ɖɛ̀ mú. Nìí, ɖɛ kɔ̃̀ jè ɔ ɓɔ́ɖɔ́à kɛɛ mu ɔ mìɔùn nììn nyuu-ɖɛ̀ jè jǔùn, ké ɔ seɛ ɖɛ ɓɛ́ nyɔ ɖò mɔ̀ùn ɖǎ nyuɛɛ gboi kpaá mu. 5Sepóɛɖé nyɔ séín ɓéɖé ɓɛ́ wa ké wa mìɔùn nììn gbɛ̌ ɓéɖé.
6Nyɔ ɓɛ́ wa nìà Gèɖèpɔ́ɔ̀-wùɖùɔ̀ tɛ̀mɛ̀ìn nyɛ kè ɔ ɖɛ-tɛ̀mɛ̀ìn-nyɔ̀ɔ̀ mɛ peɖeìn ɔ ɖɛ nɔ̀mɔ̀ dyíin séín ɓěɔ̀ mú.
7Ɓěǐn ɖá ɓɛ́ ɓě ké ɓě mìɔùn cá. Nyɔ ɖò ní cá Gèɖèpɔ́ɔ̀. Ɖɛ nyɔ ɓá kɛɛ, ɔ kɔ̃̀ ɓo ɔ ɖi. 8Ɔ nì kà ɔ mìɔùn nììn mɔ́ɔ́-ɖɛ̀ mɔ̀ɔ̌ kà geɖeɛ. Ɔ dyi ɖé ɖɛ ɓá ní, ɖɛ ɔ mu ɔ kɔ̃ún dyéìn nyɛɛ mɔ̀ mú-gbɔɔ̀-gbɔɔ̀. Ké Zùùɔ̀ nì kà geɖe nìà kɛɛ ɖekè. Ɔ dyi ɖé ɖɛ ɓá ní, ɖɛ ɔ mu ɔ kɔ̃ún dyéìn nyɛɛ mɔ̀ sè-ná-sèɛ̀ fɛ̀ɛ̀. 9Ɓěà ní ɖá ɓɛ́ ɓěà ké sa ɓó ɖɛ nɔ̀mɔ̀ dyíin nyu jè. Ɔ jǔ ké kpé se à dyí hwɛ̀ǐn, nìí, ti ɖò mu dyiìn, ɓɛ́ à ké ɖɛ ɓě à ɓáà kɛɛ ɓo ɖi. 10Ɔ jèɛɛ, kà à mu ti dyéìn, ɓɛ́ à ké nɔ̀mɔ̀ dyíin nyuɛɛ, à mɛ nyu nyɔǔn séín bìì nɔ̀mɔ̀ dyíin. Nyɔ ɓě kɔ̃̀ bìì à mɛ nyuɛ jɛ́ɛ́ kɛɛ, ɔ mɔ̀ nyɔ ɓě ɓɛ́ à kè wa kè mɔ̀à nyɔ dyúáɖò ɖé hwìɖǐǐ-taɓa-ɖɛ̀ ɓěɔ̀ múɛ.
Náún-po-wùɖù hwɛ̀ìn-gbɔ kè cuò-wùɖù
11Ɓě dyé kà céè-dyèɖè ɓě ɓɛ́ ḿ mìɔùn nìà ɓě gbo céèɛ̌n kàǔn wɛ̃ɛ ɓúá kɔ̃in nyɛ. 12Nyɔ ɓě ɓɛ́ wa nìà vɔ̃uń ɓɛ́ wa kéà ɓě ganaún kpɔ̃̀ìn, ɓɛ́ wa kéà ɓě sàà ɖáɓáa, ɔ mɔ̀ nyɔ ɓě ɓɛ́ wa nyu ɖɛ ɓě, ɓɛ́ nyɔǔn-dyù ɓě ké wa dyéɛń nìǐn, ɓɛ́ wa ké ku-kɔ̃in-ɖɛ̀ ɓě jè ɓɔ́ɖɔ́ɛ. Ké wa nyuɛ ɓɛ́ nyɔǔn ní kɔ̃̀ ɖà wa Kɛ́ɖɛ́ìɛ̀ kɔ́ɖɔ́sìɔ̀ jè gǎ dyéìn. 13Nyɔ ɓě ɓɛ́ wa mɔ̀ùn zià sàà ɖáɓá jè dyíɛɛ, wa mìɔùn ní kpɔ̃ gmaɔ̀ dyi. Ɖɛ kɔ̃̀ jè wa mɔ́ ɓɛ́ ɓě kéà sàà mɛ́ɛ, ɔ mɔ̀, ɓɛ́ wa ké ɓɔ́ɖɔ́ kà ɓɛ́ ɓě ɖǎ ku-kɔ̃in-ɖɛ̀ɔ̀ xwíɖíi nìɛ. 14Kɛɛ ɔ dyi mɔ́ún jè jǔǐn, ɖɛ kɔ̃̀ jè ɓɛ́ ní mu ɓɔ́ɖɔ́ùn wɛ̃ɛ, ɔ mɔ̀ à Bounɓo Jízɛ̀ɛ̀ kɔ́ɖɔ́sìɔ̀ jè ɖòùn. Sepóɛɖé dyììn ɖé ɔ kɔ́ɖɔ́sìɔ̀ múɛɛ, ɔ nì kà ɓóɖó-kpàà mɛ́ ɖé ḿ gbo, ké mɔ́ún mɛ́ ɖé ɔ gboɛ. 15Sàà-mɛ́-mɛ́ se ɖɛ ɖò kpa, ké se sàà mɛ́ se ɖɛ ɖò kpa. Kɛɛ ɖɛ kpa ɖɛɛ mɔ̀, ɓɛ́ nyɔǔn ké mɛɛ-ɖɛ̀ ɖìè jǔ. 16Gìɖìǐ kè Gèɖèpɔ́ɔ̀ kpeɖeɛ̀-dyíin-nɔ̀mɔ̀-nɔ̀mɔ̀ mɛ nì nyɔ séín ɓě ɓɛ́ wa kpɔ̃ cɛ̃́ɛ́-ɖɛ̀ nìà kɛ dyi ɖé waà fɛ̀ɛ̀-wè séín múɛɛ kɔ̃. Ɔ mɛ nì wa kè Gèɖèpɔ́ɔ̀-nyɔ̀ ɓě mɔ̀à Éézùɖùɛ̀-nyɔ̀ séín ɓěɔ̀ kɛɛ kɔ̃.
17Sɔ̀ìn dà ké dyúa muɛɛ, nyɔ ɖò ní ɖá ɓɛ́ ɔ ké ḿ fũ̀à-fṹá nyùìn, sepóɛɖé ḿ ɓéɖé Jízɛ̀ɛ̀ bɛ̃̌ ɓě ní kpóɖó-dyùàɔ̀ bũ̌in.
18Ḿ ɖíí ɓě, à Bounɓo Jízɛ̀ Kɛ́ɖɛ́ì mana mɛ nì ɓě kɔ̃. Kǎà ɔ mɛ nì.
Currently Selected:
Gàɖézìà 6: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Gàɖézìà 6
6
Ɓě mɛ ɓéɖéìn ɓèɖèìn ɓě mǔè ɖòɛ̀ gbɛ̌
1Ḿ ɖíí ɓě, ɔ jǔ ké ɓě dyi nyɔ ɖò ɖɛ gbà ɖò nyuɛ dyéín, ɓě mɔ̀ nyɔ ɓéɖéà Zùùɔ̀ kɛɛ mɛ sɛ́ɖɛ́ìn ɔ dyí. Kɛɛ ɓě mɛ nyuɛ ɖéɛ hwòɖǒ-dyùà ɓɛ̀ɖɛ̀ɛ̀-ɓɛ̀ɖɛ̀ɛ̀ mú. Ɓě mɛ màìn ɓě mìɔùn jè mú, ɓɛ́ ɓě mɔ̀ùn ní kɔ̃̀ ɖà mú-dɔ̃̌-dɔ̃̌ dyé ɖekè. 2Ɓě ɓéɖéìn ɓèɖèìn ɓě mǔè ɖòɛ̀ gbɛ̌. Kǎà ɓě mu kàa Kɛ́ɖɛ́ì gmaɔ̀ dyi kpɔ̃ɔ nyuùn. 3Ɔ jǔ ké nyɔ ɖò dyiɛ hwìɖǐi poìn kà ɖɛ ɖò nì ɔ múɛɛ, ké ɖɛ ɖò se ɔ mú nìǐn, nìí, ɔ cá ɔ mìɔùn. 4Nyɔ séín mɛ dɔ̃̌ wa mìɔùn nììn nyuu-ɖɛ̀ mú. Nìí, ɖɛ kɔ̃̀ jè ɔ ɓɔ́ɖɔ́à kɛɛ mu ɔ mìɔùn nììn nyuu-ɖɛ̀ jè jǔùn, ké ɔ seɛ ɖɛ ɓɛ́ nyɔ ɖò mɔ̀ùn ɖǎ nyuɛɛ gboi kpaá mu. 5Sepóɛɖé nyɔ séín ɓéɖé ɓɛ́ wa ké wa mìɔùn nììn gbɛ̌ ɓéɖé.
6Nyɔ ɓɛ́ wa nìà Gèɖèpɔ́ɔ̀-wùɖùɔ̀ tɛ̀mɛ̀ìn nyɛ kè ɔ ɖɛ-tɛ̀mɛ̀ìn-nyɔ̀ɔ̀ mɛ peɖeìn ɔ ɖɛ nɔ̀mɔ̀ dyíin séín ɓěɔ̀ mú.
7Ɓěǐn ɖá ɓɛ́ ɓě ké ɓě mìɔùn cá. Nyɔ ɖò ní cá Gèɖèpɔ́ɔ̀. Ɖɛ nyɔ ɓá kɛɛ, ɔ kɔ̃̀ ɓo ɔ ɖi. 8Ɔ nì kà ɔ mìɔùn nììn mɔ́ɔ́-ɖɛ̀ mɔ̀ɔ̌ kà geɖeɛ. Ɔ dyi ɖé ɖɛ ɓá ní, ɖɛ ɔ mu ɔ kɔ̃ún dyéìn nyɛɛ mɔ̀ mú-gbɔɔ̀-gbɔɔ̀. Ké Zùùɔ̀ nì kà geɖe nìà kɛɛ ɖekè. Ɔ dyi ɖé ɖɛ ɓá ní, ɖɛ ɔ mu ɔ kɔ̃ún dyéìn nyɛɛ mɔ̀ sè-ná-sèɛ̀ fɛ̀ɛ̀. 9Ɓěà ní ɖá ɓɛ́ ɓěà ké sa ɓó ɖɛ nɔ̀mɔ̀ dyíin nyu jè. Ɔ jǔ ké kpé se à dyí hwɛ̀ǐn, nìí, ti ɖò mu dyiìn, ɓɛ́ à ké ɖɛ ɓě à ɓáà kɛɛ ɓo ɖi. 10Ɔ jèɛɛ, kà à mu ti dyéìn, ɓɛ́ à ké nɔ̀mɔ̀ dyíin nyuɛɛ, à mɛ nyu nyɔǔn séín bìì nɔ̀mɔ̀ dyíin. Nyɔ ɓě kɔ̃̀ bìì à mɛ nyuɛ jɛ́ɛ́ kɛɛ, ɔ mɔ̀ nyɔ ɓě ɓɛ́ à kè wa kè mɔ̀à nyɔ dyúáɖò ɖé hwìɖǐǐ-taɓa-ɖɛ̀ ɓěɔ̀ múɛ.
Náún-po-wùɖù hwɛ̀ìn-gbɔ kè cuò-wùɖù
11Ɓě dyé kà céè-dyèɖè ɓě ɓɛ́ ḿ mìɔùn nìà ɓě gbo céèɛ̌n kàǔn wɛ̃ɛ ɓúá kɔ̃in nyɛ. 12Nyɔ ɓě ɓɛ́ wa nìà vɔ̃uń ɓɛ́ wa kéà ɓě ganaún kpɔ̃̀ìn, ɓɛ́ wa kéà ɓě sàà ɖáɓáa, ɔ mɔ̀ nyɔ ɓě ɓɛ́ wa nyu ɖɛ ɓě, ɓɛ́ nyɔǔn-dyù ɓě ké wa dyéɛń nìǐn, ɓɛ́ wa ké ku-kɔ̃in-ɖɛ̀ ɓě jè ɓɔ́ɖɔ́ɛ. Ké wa nyuɛ ɓɛ́ nyɔǔn ní kɔ̃̀ ɖà wa Kɛ́ɖɛ́ìɛ̀ kɔ́ɖɔ́sìɔ̀ jè gǎ dyéìn. 13Nyɔ ɓě ɓɛ́ wa mɔ̀ùn zià sàà ɖáɓá jè dyíɛɛ, wa mìɔùn ní kpɔ̃ gmaɔ̀ dyi. Ɖɛ kɔ̃̀ jè wa mɔ́ ɓɛ́ ɓě kéà sàà mɛ́ɛ, ɔ mɔ̀, ɓɛ́ wa ké ɓɔ́ɖɔ́ kà ɓɛ́ ɓě ɖǎ ku-kɔ̃in-ɖɛ̀ɔ̀ xwíɖíi nìɛ. 14Kɛɛ ɔ dyi mɔ́ún jè jǔǐn, ɖɛ kɔ̃̀ jè ɓɛ́ ní mu ɓɔ́ɖɔ́ùn wɛ̃ɛ, ɔ mɔ̀ à Bounɓo Jízɛ̀ɛ̀ kɔ́ɖɔ́sìɔ̀ jè ɖòùn. Sepóɛɖé dyììn ɖé ɔ kɔ́ɖɔ́sìɔ̀ múɛɛ, ɔ nì kà ɓóɖó-kpàà mɛ́ ɖé ḿ gbo, ké mɔ́ún mɛ́ ɖé ɔ gboɛ. 15Sàà-mɛ́-mɛ́ se ɖɛ ɖò kpa, ké se sàà mɛ́ se ɖɛ ɖò kpa. Kɛɛ ɖɛ kpa ɖɛɛ mɔ̀, ɓɛ́ nyɔǔn ké mɛɛ-ɖɛ̀ ɖìè jǔ. 16Gìɖìǐ kè Gèɖèpɔ́ɔ̀ kpeɖeɛ̀-dyíin-nɔ̀mɔ̀-nɔ̀mɔ̀ mɛ nì nyɔ séín ɓě ɓɛ́ wa kpɔ̃ cɛ̃́ɛ́-ɖɛ̀ nìà kɛ dyi ɖé waà fɛ̀ɛ̀-wè séín múɛɛ kɔ̃. Ɔ mɛ nì wa kè Gèɖèpɔ́ɔ̀-nyɔ̀ ɓě mɔ̀à Éézùɖùɛ̀-nyɔ̀ séín ɓěɔ̀ kɛɛ kɔ̃.
17Sɔ̀ìn dà ké dyúa muɛɛ, nyɔ ɖò ní ɖá ɓɛ́ ɔ ké ḿ fũ̀à-fṹá nyùìn, sepóɛɖé ḿ ɓéɖé Jízɛ̀ɛ̀ bɛ̃̌ ɓě ní kpóɖó-dyùàɔ̀ bũ̌in.
18Ḿ ɖíí ɓě, à Bounɓo Jízɛ̀ Kɛ́ɖɛ́ì mana mɛ nì ɓě kɔ̃. Kǎà ɔ mɛ nì.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.