Gàɖézìà 5
5
Ɓěǐn ɖá ɓě ké gǐì jǔ ɖe
1Ɖɛ kɔ̃̀ jè Kɛ́ɖɛ́ì gbǎà kà à kɛɛ, ɔ mɔ̀ ɓɛ́ à ké se gǐì jǔ ɖe. Ɔ jèɛɛ, ɓě mɛ nyànà dyi gãun-gãun. Ti ɓɛ́ ɓě mɔ̀ ma gǐì ɓěɛɛ, dyɔ̀ɔ̌ ɓě nì ma múɛɛ, ɓěǐn wɔ̃́ ké ɓě ní kpáa mú ɖe.
2Ɓě tò ɖùǔ. Mɔ̄ Pɔ́ɔ̀, ḿ nì ɓě ɖɛ nìà kɛ gbo cɛ̃iń. Ɔ mɔ̀, ɔ jǔ ké ɓě mìɔùn dyi wɔ̃́ ɓɛ́ wa ké ɓě sàà ɖáɓáín, nìí, Kɛ́ɖɛ́ì se ɓě bìì ɖɛ ɖò nyuɛ ɓɛ́ìn fɔɔ. 3Ɖɛ ḿ nìà nyɔ séín ɓě ɓɛ́ wa wɔ̃́à ɓɛ́ wa kéà wa sàà ɖáɓáa gbo cɛ̃iń ɖeɛɛ, ɔ kɛ̀. Ɔ mɔ̀, wa ɓéɖé ɓɛ́ wa ké gma gànáɔ̀ dyi kpɔ̃. 4Ɓě mɔ̀ nyɔ vɔ̃à ɓɛ́ gmaɔ̀ dyi-kpɔ̃-kpɔ̃ kéà ɓě dyí sɛ́ɖɛ́ìn ɖé Gèɖèpɔ́ɔ̀ dyéɖéín nyɛɛ, ɓě ɖǎ ɓě mìɔùn Kɛ́ɖɛ́ì gbo zà, ké ɓě ɖǎ Gèɖèpɔ́ɔ̀ kpeɖeɛ̀-dyíin-nɔ̀mɔ̀-nɔ̀mɔ̀ɔ̀ gbo sɔ̀. 5Ɖɛ à mɔ̀ùn dèà hwòɖǒ kɔ̃ɛɛ, ɔ mɔ̀, Gèɖèpɔ́ɔ̀ muɛ nyuùn ɓɛ́ à ké dyí sɛ́ɖɛ́ìn ɖé ɔ gbo, ké à nìɛ̀ fòèɛ̌n dyììn ɖé Zùùɔ̀ kè hwìɖǐǐ-taɓa-taɓaɔ̀ mú. 6À kè Kɛ́ɖɛ́ì Jízɛ̀ dyi nyɔ dyúáɖò jǔǐn, nìí, sàà-mɛ́-mɛ́ kè se sàà mɛ́ se ɖɛ ɖò kpa. Ɖɛ kpa ɖɛ kɛɛ mɔ̀ hwìɖǐǐ-taɓa-taɓa ɓɛ́ ɔ nyuà kũ̀à dyììn ɖé ɖɛ̀ɓɛ̀ǐn-ɖɛ̀ɓɛ̀ǐn múɛ.
7Ɔ nì kà ɓě nì ma kà kpɛɖɛ kpauń nɔ̀mɔ̀ dyíin nyɛ. Kɛɛ nyɛ́ kpɔ̃ ɓě dyí, ɓɛ́ ɓě ké se jǎàɔ̀ dyi kpɔ̃ɛ́? 8Ɖɛ ɔ pòìn kà ɓě pɛ́í kɛɛ se ɖé Gèɖèpɔ́ɔ̀ mɔ̀ nyɔ ɖáà ɓěɛɛ gbo sɔ̀. 9Bɛɖɛɛ̀-dyáìn-ɖɛ̀ tííwè dyáìn bɛɖɛɛ̀-kpò gànáɔ̀. 10Kà ḿ kè ɓě kè mɔ̀à nyɔ dyúáɖò ɖé Bounɓoɔ̀ múɛɛ, ḿ dèɛ̀ hwòɖǒ kɔ̃ kà ɓɛ́ ɓě se ɖɛ kà kò ɖò hwìɖǐi poɛ̌n muɛ. Ké nyɔ nìà ɓě fũ̀à-fṹá nyùɛ̌n nyɛɛ, nyɔ kã̀ìn séín ɔ mu jǔùn wɛ̃ɛ, Gèɖèpɔ́ɔ̀ mu ɔ gǎ kɔ̃ tòùn.
11Kɛɛ ḿ ɖíí ɓě, ḿ dyi kà ɓɛ́ nyɔ ɓě ɓéɖé ɓɛ́ wa ké sàà mɛ́ɛ jè cɛ̃ ke ní, nìí, ɖɛ́ kɔ̃̀ jè wa dyéàìn ḿ gǎ keɛ́? Ɔ dyi ná nìǐn, ní Kɛ́ɖɛ́ìɛ̀ kɔ́ɖɔ́sìɔ̀ jè cɛ̃-cɛ̃ɔ̀, ɔ se ɖɛ kéɛ nyu ɓɛ́ nyɔ ɖò ké gbǒ kɛɛ ɖe. 12Nyɛ́ ɖá nyɔ ɓě nìà ɓě fũ̀à-fṹá nyùɛ̌n nyɛɛ hwɔɔ́ má ɓó wa mìɔùn dyi gàná kɛ́?
13Kɛɛ ḿ ɖíí ɓě, Gèɖèpɔ́ɔ̀ ɖá ɓě mɔ̀ùn, ɓɛ́ ɓě ké se gǐì jǔ, kɛɛ ɔ ní ɖá ɓɛ́ ɔ ké ɖɛ jǔ, ɓɛ́ ɔ kéɛ nyu ɓɛ́ ɓě mìɔùn nììn mɔ́ɔ́-ɖɛ̀ ké ɓě wuɖuí kɔ̃̀. Kɛɛ ɖɛ̀ɓɛ̀ǐn-ɖɛ̀ɓɛ̀ǐn mɛ nyu ɓɛ́ ɓě ké kũ̀à dyí nyuìn nyùìn. 14Sepóɛɖé gma gànáɔ̀ sṹ wuɖu dyúáɖò mú. Ɔ ɖá, “M̀ mɛ ɖɛ̀ɓɛ̀ m̀ mǔè ɖò mú kà m̀ ɖɛ̀ɓɛ̀à m̀ mìɔùn múɛ.” 15Kɛɛ ɔ jǔ ké ɓě dyi numuìn nùmùìn, ké ɓě dyi puàìn pùàìn kà nimii ɓě nyuà kɛɛ ní, nìí, ɓě mɛ ma mú, ɓɛ́ ɓě ní kɔ̃̀ ɖà ɖáɓáìn ɖàɓàìn.
Zùùɔ̀ kè nyɔǔn-dyùɛ̀ mɔ́ɔ́-ɖɛ̀
16Ḿ ɖáo, kà ɓě mu cĩ́ìn nyɛɛ, Zùùɔ̀ mɛ nàìn ɓě, ké ɓě ní ɖá ɓɛ́ ɓě ké ɖɛ ɓě mìɔùn nììn mɔ́ɔ́-ɖɛ̀ mɔ́ɛɛ nyu. 17Sepóɛɖé nyɔǔn-dyùɛ̀ mɔ́ɔ́-ɖɛ̀ vɔ̃ ɖɛ ɓɛ́ Zùùɔ̀ mɔ́ kɛɛ gbo. Ké ɖɛ ɓɛ́ Zùùɔ̀ mɔ́ɛɛ vɔ̃ ɖɛ ɓɛ́ nyɔǔn-dyù mɔ́ kɛɛ gbo. Ɖɛ sɔ̃́ ɓě nìà kɛ vɔ̃ìn vɔ̃̀ìn gbo. Ké ɔ nyuɛ ké ɓě ní nyu ɖɛ ɓě mɔ́ ɓě kéɔ́ nyuɛ. 18Kɛɛ ɔ jǔ ké Zùùɔ̀ dyi ɓě nàìn ní, nìí, ɓě se gmaɔ̀ xwíɖíi nì.
19Ɖɛ ɓɛ́ nyɔǔn-dyù nyu, sepóɛɖé ɔ mɔ̀ wa mìɔùn nììn mɔ́ɔ́-ɖɛ̀ kɛɛ, ɔ nì wáɖáá. Wa po gbàɖàùn, ké wa nyu nàmàǔn-kpèɖè gbà, ké wa zi jií. 20Ké wa ɓiè kũùn-kpò, ké wa nyu hwĩɔ̀. Ɔ nyuɛ ké nyɔ ɓéɖé nyɛ́ín-nyɛ́ín, ké wa vɔ̃. Wa ɓéɖé hwɛ̀nɛ̌ kè dyoɖo, ké wa vɔ̃ wa mìɔùn bìì. Wa ge mú, ké wa zi nyɔǔn gbo kpoɖo-kà. 21Wa mǔè ɓěɛ̀ ɖɛ ɓě jè po wa hwɛ̀nɛ̌ǐn. Wa ná, ké wa pa hwɔ. Ké wa nyu ɖɛ kò-kò nì kà ɓěa. Ḿ po ɓě náún kà ḿ po ma kà ɓě náún kĩ́ín nyɛ, kà nyɔ ɓě ɓɛ́ wa nyu ɖɛ ɓě nì kà kɛɛ se ɖé Gèɖèpɔ́ɔ̀ kã́á-ɓòɖòɔ̀ mú pá ɖò kɔ̃̀ɔ̌ muɛ.
22Kɛɛ ɓo Zùùɔ̀ tòɖò kɛɛ mɔ̀ ɖɛ̀ɓɛ̀ǐn-ɖɛ̀ɓɛ̀ǐn kè múà kè gìɖìǐ kè hwòɖǒ-ku-ku kè hwòɖǒ-kɔ̃in-nɔ̀mɔ̀-nɔ̀mɔ̀ kè kpeɖeín-nɔ̀mɔ̀-nɔ̀mɔ̀ kè hwòɖǒ-kɔ̃-dè-dè 23kè nyɔ-mìɔùn-ɓíɖíi-dyà-dyà ɔ kè nyɔ-mìɔùn-dyí-kpɔ̃-kpɔ̃. Gma ɓɛ́ ɔ ké ɖɛ ɓě nì kàà gbo vɔ̃ɛɛ ɖò se nì. 24Ké nyɔ ɓě ɓɛ́ Kɛ́ɖɛ́ì Jízɛ̀ kɔ̃̀à kɛɛ, wa ɖǎ wa mìɔùn nììn mɔ́ɔ́-ɖɛ̀ kè ɔ tó ɓě nyuà wa kɛɛ ɖáɓá. 25Zùùɔ̀ ɖǎ à fɛ̀ɛ̀ nyí. Ɔ dyi ná nìǐn, ɔ mɛ kɔ̃̀ à cĩ́-cĩ́ɔ̀ wuɖuí. 26Ɓěà ní ɓɔ́ɖɔ́ìn ɓěà mìɔùn dyí. Ɓěà ní po à mǔè ɖò vã kɔ̃, ɓɛ́ ɔ ké ɖɛ gbà nyu. Ɓěà ní ɓéɖé hwɛ̀nɛ̌.
Currently Selected:
Gàɖézìà 5: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Gàɖézìà 5
5
Ɓěǐn ɖá ɓě ké gǐì jǔ ɖe
1Ɖɛ kɔ̃̀ jè Kɛ́ɖɛ́ì gbǎà kà à kɛɛ, ɔ mɔ̀ ɓɛ́ à ké se gǐì jǔ ɖe. Ɔ jèɛɛ, ɓě mɛ nyànà dyi gãun-gãun. Ti ɓɛ́ ɓě mɔ̀ ma gǐì ɓěɛɛ, dyɔ̀ɔ̌ ɓě nì ma múɛɛ, ɓěǐn wɔ̃́ ké ɓě ní kpáa mú ɖe.
2Ɓě tò ɖùǔ. Mɔ̄ Pɔ́ɔ̀, ḿ nì ɓě ɖɛ nìà kɛ gbo cɛ̃iń. Ɔ mɔ̀, ɔ jǔ ké ɓě mìɔùn dyi wɔ̃́ ɓɛ́ wa ké ɓě sàà ɖáɓáín, nìí, Kɛ́ɖɛ́ì se ɓě bìì ɖɛ ɖò nyuɛ ɓɛ́ìn fɔɔ. 3Ɖɛ ḿ nìà nyɔ séín ɓě ɓɛ́ wa wɔ̃́à ɓɛ́ wa kéà wa sàà ɖáɓáa gbo cɛ̃iń ɖeɛɛ, ɔ kɛ̀. Ɔ mɔ̀, wa ɓéɖé ɓɛ́ wa ké gma gànáɔ̀ dyi kpɔ̃. 4Ɓě mɔ̀ nyɔ vɔ̃à ɓɛ́ gmaɔ̀ dyi-kpɔ̃-kpɔ̃ kéà ɓě dyí sɛ́ɖɛ́ìn ɖé Gèɖèpɔ́ɔ̀ dyéɖéín nyɛɛ, ɓě ɖǎ ɓě mìɔùn Kɛ́ɖɛ́ì gbo zà, ké ɓě ɖǎ Gèɖèpɔ́ɔ̀ kpeɖeɛ̀-dyíin-nɔ̀mɔ̀-nɔ̀mɔ̀ɔ̀ gbo sɔ̀. 5Ɖɛ à mɔ̀ùn dèà hwòɖǒ kɔ̃ɛɛ, ɔ mɔ̀, Gèɖèpɔ́ɔ̀ muɛ nyuùn ɓɛ́ à ké dyí sɛ́ɖɛ́ìn ɖé ɔ gbo, ké à nìɛ̀ fòèɛ̌n dyììn ɖé Zùùɔ̀ kè hwìɖǐǐ-taɓa-taɓaɔ̀ mú. 6À kè Kɛ́ɖɛ́ì Jízɛ̀ dyi nyɔ dyúáɖò jǔǐn, nìí, sàà-mɛ́-mɛ́ kè se sàà mɛ́ se ɖɛ ɖò kpa. Ɖɛ kpa ɖɛ kɛɛ mɔ̀ hwìɖǐǐ-taɓa-taɓa ɓɛ́ ɔ nyuà kũ̀à dyììn ɖé ɖɛ̀ɓɛ̀ǐn-ɖɛ̀ɓɛ̀ǐn múɛ.
7Ɔ nì kà ɓě nì ma kà kpɛɖɛ kpauń nɔ̀mɔ̀ dyíin nyɛ. Kɛɛ nyɛ́ kpɔ̃ ɓě dyí, ɓɛ́ ɓě ké se jǎàɔ̀ dyi kpɔ̃ɛ́? 8Ɖɛ ɔ pòìn kà ɓě pɛ́í kɛɛ se ɖé Gèɖèpɔ́ɔ̀ mɔ̀ nyɔ ɖáà ɓěɛɛ gbo sɔ̀. 9Bɛɖɛɛ̀-dyáìn-ɖɛ̀ tííwè dyáìn bɛɖɛɛ̀-kpò gànáɔ̀. 10Kà ḿ kè ɓě kè mɔ̀à nyɔ dyúáɖò ɖé Bounɓoɔ̀ múɛɛ, ḿ dèɛ̀ hwòɖǒ kɔ̃ kà ɓɛ́ ɓě se ɖɛ kà kò ɖò hwìɖǐi poɛ̌n muɛ. Ké nyɔ nìà ɓě fũ̀à-fṹá nyùɛ̌n nyɛɛ, nyɔ kã̀ìn séín ɔ mu jǔùn wɛ̃ɛ, Gèɖèpɔ́ɔ̀ mu ɔ gǎ kɔ̃ tòùn.
11Kɛɛ ḿ ɖíí ɓě, ḿ dyi kà ɓɛ́ nyɔ ɓě ɓéɖé ɓɛ́ wa ké sàà mɛ́ɛ jè cɛ̃ ke ní, nìí, ɖɛ́ kɔ̃̀ jè wa dyéàìn ḿ gǎ keɛ́? Ɔ dyi ná nìǐn, ní Kɛ́ɖɛ́ìɛ̀ kɔ́ɖɔ́sìɔ̀ jè cɛ̃-cɛ̃ɔ̀, ɔ se ɖɛ kéɛ nyu ɓɛ́ nyɔ ɖò ké gbǒ kɛɛ ɖe. 12Nyɛ́ ɖá nyɔ ɓě nìà ɓě fũ̀à-fṹá nyùɛ̌n nyɛɛ hwɔɔ́ má ɓó wa mìɔùn dyi gàná kɛ́?
13Kɛɛ ḿ ɖíí ɓě, Gèɖèpɔ́ɔ̀ ɖá ɓě mɔ̀ùn, ɓɛ́ ɓě ké se gǐì jǔ, kɛɛ ɔ ní ɖá ɓɛ́ ɔ ké ɖɛ jǔ, ɓɛ́ ɔ kéɛ nyu ɓɛ́ ɓě mìɔùn nììn mɔ́ɔ́-ɖɛ̀ ké ɓě wuɖuí kɔ̃̀. Kɛɛ ɖɛ̀ɓɛ̀ǐn-ɖɛ̀ɓɛ̀ǐn mɛ nyu ɓɛ́ ɓě ké kũ̀à dyí nyuìn nyùìn. 14Sepóɛɖé gma gànáɔ̀ sṹ wuɖu dyúáɖò mú. Ɔ ɖá, “M̀ mɛ ɖɛ̀ɓɛ̀ m̀ mǔè ɖò mú kà m̀ ɖɛ̀ɓɛ̀à m̀ mìɔùn múɛ.” 15Kɛɛ ɔ jǔ ké ɓě dyi numuìn nùmùìn, ké ɓě dyi puàìn pùàìn kà nimii ɓě nyuà kɛɛ ní, nìí, ɓě mɛ ma mú, ɓɛ́ ɓě ní kɔ̃̀ ɖà ɖáɓáìn ɖàɓàìn.
Zùùɔ̀ kè nyɔǔn-dyùɛ̀ mɔ́ɔ́-ɖɛ̀
16Ḿ ɖáo, kà ɓě mu cĩ́ìn nyɛɛ, Zùùɔ̀ mɛ nàìn ɓě, ké ɓě ní ɖá ɓɛ́ ɓě ké ɖɛ ɓě mìɔùn nììn mɔ́ɔ́-ɖɛ̀ mɔ́ɛɛ nyu. 17Sepóɛɖé nyɔǔn-dyùɛ̀ mɔ́ɔ́-ɖɛ̀ vɔ̃ ɖɛ ɓɛ́ Zùùɔ̀ mɔ́ kɛɛ gbo. Ké ɖɛ ɓɛ́ Zùùɔ̀ mɔ́ɛɛ vɔ̃ ɖɛ ɓɛ́ nyɔǔn-dyù mɔ́ kɛɛ gbo. Ɖɛ sɔ̃́ ɓě nìà kɛ vɔ̃ìn vɔ̃̀ìn gbo. Ké ɔ nyuɛ ké ɓě ní nyu ɖɛ ɓě mɔ́ ɓě kéɔ́ nyuɛ. 18Kɛɛ ɔ jǔ ké Zùùɔ̀ dyi ɓě nàìn ní, nìí, ɓě se gmaɔ̀ xwíɖíi nì.
19Ɖɛ ɓɛ́ nyɔǔn-dyù nyu, sepóɛɖé ɔ mɔ̀ wa mìɔùn nììn mɔ́ɔ́-ɖɛ̀ kɛɛ, ɔ nì wáɖáá. Wa po gbàɖàùn, ké wa nyu nàmàǔn-kpèɖè gbà, ké wa zi jií. 20Ké wa ɓiè kũùn-kpò, ké wa nyu hwĩɔ̀. Ɔ nyuɛ ké nyɔ ɓéɖé nyɛ́ín-nyɛ́ín, ké wa vɔ̃. Wa ɓéɖé hwɛ̀nɛ̌ kè dyoɖo, ké wa vɔ̃ wa mìɔùn bìì. Wa ge mú, ké wa zi nyɔǔn gbo kpoɖo-kà. 21Wa mǔè ɓěɛ̀ ɖɛ ɓě jè po wa hwɛ̀nɛ̌ǐn. Wa ná, ké wa pa hwɔ. Ké wa nyu ɖɛ kò-kò nì kà ɓěa. Ḿ po ɓě náún kà ḿ po ma kà ɓě náún kĩ́ín nyɛ, kà nyɔ ɓě ɓɛ́ wa nyu ɖɛ ɓě nì kà kɛɛ se ɖé Gèɖèpɔ́ɔ̀ kã́á-ɓòɖòɔ̀ mú pá ɖò kɔ̃̀ɔ̌ muɛ.
22Kɛɛ ɓo Zùùɔ̀ tòɖò kɛɛ mɔ̀ ɖɛ̀ɓɛ̀ǐn-ɖɛ̀ɓɛ̀ǐn kè múà kè gìɖìǐ kè hwòɖǒ-ku-ku kè hwòɖǒ-kɔ̃in-nɔ̀mɔ̀-nɔ̀mɔ̀ kè kpeɖeín-nɔ̀mɔ̀-nɔ̀mɔ̀ kè hwòɖǒ-kɔ̃-dè-dè 23kè nyɔ-mìɔùn-ɓíɖíi-dyà-dyà ɔ kè nyɔ-mìɔùn-dyí-kpɔ̃-kpɔ̃. Gma ɓɛ́ ɔ ké ɖɛ ɓě nì kàà gbo vɔ̃ɛɛ ɖò se nì. 24Ké nyɔ ɓě ɓɛ́ Kɛ́ɖɛ́ì Jízɛ̀ kɔ̃̀à kɛɛ, wa ɖǎ wa mìɔùn nììn mɔ́ɔ́-ɖɛ̀ kè ɔ tó ɓě nyuà wa kɛɛ ɖáɓá. 25Zùùɔ̀ ɖǎ à fɛ̀ɛ̀ nyí. Ɔ dyi ná nìǐn, ɔ mɛ kɔ̃̀ à cĩ́-cĩ́ɔ̀ wuɖuí. 26Ɓěà ní ɓɔ́ɖɔ́ìn ɓěà mìɔùn dyí. Ɓěà ní po à mǔè ɖò vã kɔ̃, ɓɛ́ ɔ ké ɖɛ gbà nyu. Ɓěà ní ɓéɖé hwɛ̀nɛ̌.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.