Àpɔ́sò 25
25
Pɔ́ɔ̀ ɖá ɔ mu ɔ zaaɔ̀ Síízɛ̀ gbo kpaùn
1Ti Fɛ́sàɖà ɖúà kũ̀àɔ̀ dyíɛɛ, ɔ zĩ̀ìn ma wé tã, hwɛ̀ ké ɔ sɔ̀ ma ɖé Sɛ̀sɛ̀wíɖíà-hwɔ̀ɖɔ̀ɔ̀ mú, ké ɔ mu ma ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú. 2Ké sáa-zà-nyɔ̀ kpa ɖɛ ɓěɔ̀ kè Júù-nyɔ̀ ɓěɔ̀ nyɔ vɛ̀nɛ̀ ɓěɔ̀ cɛ̃ ma zaa ɓá Pɔ́ɔ̀ jè dyiɛɛ ɔ gbo. Ké wa ɓaà ma ɔ, 3ɓɛ́ ɔ ké Pɔ́ɔ̀ ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú tò ɓó wa bìì. Wa nìɛ̀ ma gbɔ poɛń, ɓɛ́ wa ké ma ɔ hwìè fò, ɓɛ́ wa ké ma ɔ ɖáɓá. 4Ké Fɛ́sàɖà zà ma ɖé wuɖu, ké ɔ ɖá, “Wa nì Pɔ́ɔ̀ dyí gmɔ̀ǔn ɖé Sɛ̀sɛ̀wíɖíà-hwɔ̀ɖɔ̀ɔ̀ mú, ké ḿ mìɔùn mu ɖé muùn kàǔn. 5Ɔ jèɛɛ, ɓě mɛ tò nyɔ vɛ̀nɛ̀ ɓě nì ɓě hwìɛ̀ kɛ, ɓɛ́ ḿ kè wa ké mu. Ké ɔ jǔ ké wa dyi gàaɔ̀ ɖɛ gbà ɖò mú dyéín, nìí, ɖɛ kɔ̃̀ jè wa kpɔ̃à ɔ kɛɛ, wa kéɛ cɛ̃.”
6Ti ɔ mu ma ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ múɛɛ, ɔ se ma wé ɓaɖa-bùè kɔ̃ zi, hwɛ̀ ké ɔ mu ma ɖé Sɛ̀sɛ̀wíɖíà-hwɔ̀ɖɔ̀ɔ̀ mú ɖe. Ké wéɔ̀ nyɔ kɔ ma ɓó dyíɛɛ, ɔ kò ma ɖé gɔ̌mànà-gbòɔ̀ múin, ké ɔ cuò ma Pɔ́ɔ̀ jè. 7Ti Pɔ́ɔ̀ ɖǎ ma dyiɛɛ, Júù-nyɔ̀ ɓě ɓɛ́ wa sɔ̀ìn ma Jùɖúsɛ̀ɖɛ̀ìn-hwɔ̀ɖɔ̀ɔ̀ múɛɛ nyanaìn ma ɔ ɖei. Ké ɖɛ ɓě ɓɛ́ wa nì ma ɔ dúún poɛń nyɛɛ, wa se ma ɖɛ dyùwè, kɛɛ wa seɛ ma kɔ̃in zaìn ɓɛ́ìn. 8Ké Pɔ́ɔ̀ zaìn ma ɔ mìɔùn jè kɔ̃in, ké ɔ ɖá, “Ḿ séè Júù-nyɔ̀ ɓěɔ̀ gma ɓěɔ̀ ɖò wáɖá, ké ḿ séè Gèɖèpɔ́ɔ̀ gbǒɔ̀ kè Síízɛ̀ mɔ̀à Wóɖóùn-kã̀ǎɔ̀ kɛɛ ɖɛ gbà ɖò bũ̌ nyu ɖò.”
9Kɛɛ Fɛ́sàɖà mɔ́ ɓɛ́ ɔ ké ma Júù-nyɔ̀ ɓěɔ̀ hwòɖǒ dyi dè. Ɔ jèɛɛ, ɔ diè ma Pɔ́ɔ̀ dyi, ké ɔ ɖá, “M̀ mɔ́ ɓɛ́ m̀ ké ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú mu, ɓɛ́ ḿ ké ɖé ɖɛ ɓěɛ̀ wɔ̃ pòìnǹ?”
10Kɛɛ Pɔ́ɔ̀ ɖá, “Ḿ nyànà dà ɓó Síízɛ̀ɛ̀ gɔ̌mànàɔ̀ dyúa dyi, ké ɓó ní zaaɔ̀ ɓéɖé ɓɛ́ ɔ ké cɛ̃̀ìn. M̀ mìɔùn dyuòɛ̀ jɛ́ɛ́ cá kà ḿ se Júù-nyɔ̀ ɓěɔ̀ ɖɛ gbà ɖò bũ̌ nyuɛ. 11Ɔ jǔ ké ḿ dyi ɖɛ gbà ɖò nyu, ké ɔ dyi ɖɛ kɔ̃̀ jè ḿ ɓéɖé ɓɛ́ ḿ ké mɛ́ɛ jǔǐn, nìí, ḿ se ní mɛ́ jè gbo nɔ́ɔ̀. Kɛɛ ɔ jǔ ké ɖɛ kɔ̃̀ jè wa kpɔ̃à ḿ wɛ̃ɛ ɖɛ ɖò seɛ mú nìǐn, nìí, nyɔ ɖò se ḿ wa xwa nyíɛ ɓɛ́ìn, ɓɛ́ ḿ ké wa hwòɖǒɛ̀-dyi-dèìn-ɖɛ̀ jǔ. Ní mu ní zaaɔ̀ Síízɛ̀ gbo kpaùn.”
12Ké Fɛ́sàɖà kè ɔ náún-po-nyɔ̀ ɓěɔ̀ wùɖù ma. Ké Fɛ́sàɖà ɖá, “M̀ ɖǎa cɛ̃ kà nì mu nì zaaɔ̀ Síízɛ̀ gbo kpaùn wɛ̃, nìí, m̀ mɛ kpaa Síízɛ̀ gbo nɔ̀ɔ̀.”
Wa dyà Pɔ́ɔ̀ ɖé Àgéɖépà kè Bàníì dyúa
13Ti wé gbɛ̀ǐ-gbɛ̀ǐ ɖǎ ma ziɛɛ, Àgéɖépà ɓɛ́ ɔ mɔ̀ ma ɓóɖóɔ̀ kã́á kɛ kè Bàníì dyi ma ɖé Sɛ̀sɛ̀wíɖíà-hwɔ̀ɖɔ̀ɔ̀ mú, ɓɛ́ wa ké ma Fɛ́sàɖà nyíɔún zà. 14Wa nyu ma ɖé wé goun wè. Ké Fɛ́sàɖà cɛ̃ ma Pɔ́ɔ̀ zaaɔ̀ jè Àgéɖépà gbo, ké ɔ ɖá, “Gàa ɖò ɓɛ́ Fíɖè sè ma kpɔɖɔ ɖeín nyɛɛ nì nɔ̄. 15Ti ḿ nì ma ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ múɛɛ, sáa-zà-nyɔ̀ kpa ɖɛ ɓěɔ̀ kè Júù-nyɔ̀ ɓěɔ̀ nyɔ vɛ̀nɛ̀ ɓěɔ̀ cɛ̃ ma ɔ jè ḿ gbo, ké wa mɔ́ ɓɛ́ ḿ ké ma ɔ zaa kpɔ̃̀ìn. 16Kɛɛ ḿ cɛ̃ɛ ma wa gbo kà ɔ se Wóɖóùn-nyɔ̀ ɓěɔ̀ nììn kpeɖe, ɓɛ́ wa ké nyɔ wa ɖǎ kpɔ̃ɛɛ, nyɔ kà kò ɖò xwaún po, hwɛ̀ ɓɛ́ ɔ kè nyɔ ɓě kpɔ̃à ɔ kɛɛ ké dyéìn nyɛ. À nyuɛ náa, sepóɛɖé à mɔ́ ɓɛ́ à ké ɔ ti nyí, ɓɛ́ ɔ ké ɔ nììn kɔ̃in zaìn. 17Ɔ jèɛɛ, ti ɓɛ́ ḿ kè wa ɖǎ ma nɔ̄ dyiɛɛ, ḿ se ma ti ɖò zĩ̀ìn. Wéɔ̀ nyɔ kɔ ma ɓó dyíɛɛ, ḿ kò ma ɖé gɔ̌mànà-gbòɔ̀ múin, ké ḿ cɛ̃ɛ ma, ɓɛ́ wa ké gàaɔ̀ ɖé gbǒɔ̀ mú dyà. 18Ké nyɔ ɓě kpɔ̃ ma kà ɔ kɛɛ sɔ̀ ma dyí, ɓɛ́ wa ké ma wùɖù. Kɛɛ wa se ma ɖɛ gbà ɓě ɓɛ́ mɔ́ún ɖáìn wa muɔ́ má ɔ nyu jè kpɔ̃ùn wɛ̃ɛ jè cɛ̃. 19Kɛɛ wa kè ɔ se wuɖuún dyi wɔ̃́ìn ɓó ɖɛ ɓá waà ɓiè-ɖɛ̀ɔ̀ kè gàa ɓɛ́ wa ɖáìn Jízɛ̀ kɛɛ jè dyíɛ. Jízɛ̀ nìà kɛ ɖǎ ma mɛ́, kɛɛ Pɔ́ɔ̀ nìɛ̀ ma cɛ̃iń kóɖó-kóɖó kà ɔ nì cĩ́ɛń ɖeɛ. 20Ḿ se zaa nì kà kɛɛ wɔ̃ poɛ dyuò. Ɔ jèɛɛ, ḿ diè ma Pɔ́ɔ̀ dyi kɛbì ɔ mu wɔ̃́ùn ɓɛ́ ɔ ké ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú mu, ɓɛ́ wa ké ɖé ɖɛ ɓě nìà kɛ cɛ̃̀ìn ní. 21Kɛɛ Pɔ́ɔ̀ cɛ̃ɛ ma, ɓɛ́ à ké ma ɔ dyí gmɔ̀ ɖé kpɔɖɔɔ̀ ɖeín, hwɛ̀ ɓɛ́ Wóɖóùn-kã̀ǎɔ̀ ké ɔ zaaɔ̀ cɛ̃. Ɔ jèɛɛ, ḿ cɛ̃ɛ ma, ɓɛ́ wa ké ma ɔ dyí gmɔ̀ tee, ɓɛ́ ḿ ké ti dyé ɓɛ́ ḿ ké ɔ Síízɛ̀ gbo tò hwɛ̀.”
22Ké Àgéɖépà cɛ̃ɛ ma Fɛ́sàɖà gbo, ké ɔ ɖá, “Ḿ mɔ́ ɓɛ́ ḿ ké ɔ wuɖu wɔ̃́ ɖekè.”
Ké ɔ ɖá, “Nì muɛ wɔ̃́ùn ɓó gàɖàà.”
23Ɔ jèɛɛ, wéɔ̀ nyɔ kɔ ma ɓó dyíɛɛ, Àgéɖépà kè Bàníì dyi ma ɖé. Wa bɛ̃̀ìn ma teé-teé. Ké wa kè sójà-ɓǎ ɓěɔ̀ ɔ kè hwɔɖɔɔ̀ nyɔ vɛ̀nɛ̀ ɓěɔ̀ dyá ma ɖé dɔ́ɔ́-dèìn-naínɔ̀. Ké Fɛ́sàɖà ɖoɓo ma Pɔ́ɔ̀ jè, ké wa dyà ma ɔ. 24Ké Fɛ́sàɖà ɖá, “Ɓǎ Àgéɖépà, m̀ kè nyɔ séín ɓě poìn kà dà ɓó à gbo dyíɛɛ, ɓě dyé gàa nìà kɛ. Júù-nyɔ̀ séín ɓěɔ̀ mu ma ḿ gbo ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú, ké wa dyi ma nɔ̄ ḿ gbo ɖe ɓó gàa nìà kɛ jè. Wa nì ma mú pánáuń, ké wa ɖá, ‘Ɔ mɛ ɓɔ́ cĩ́ɛ ɖe fɔɔ.’ 25Kɛɛ ḿ dyéɛ ma kà ɔ se ma ɖɛ kɔ̃̀ jè ɔ ké mɛ́ɛ ɖò nyuɛ. Ké ti ɔ mìɔùn cɛ̃ɛ ma kà ɔ muɛ ma ɖé Wóɖóùn-kã̀ǎɔ̀ gbo kpaùn wɛ̃ɛ, ḿ poɛ ma gbɔ, ɓɛ́ ḿ ké ma ɔ ɖé tò. 26Kɛɛ ḿ se ɖɛ jɛ́ɛ́ kɔ̃̀ jè ḿ ké ní wuɖuí-kɔ̃̀-nyɔ̀ɔ̀ gbo céè ɓá gàa nìà kɛ jè dyíɛɛ ɓéɖé. Ɔ jèɛɛ, Kã́á Àgéɖépà, ḿ dyàà ɔ dà ɓó m̀ kè nyɔ tɔ̀ɔ̀ séín ɓěɔ̀ dyúa kɛ̀, ɓɛ́ ɔ jǔ ké à ɖǎ ɔ dyi dièɛ̀ hwɔ ní, ḿ ké ɖɛ kɔ̃̀ jè ḿ ké céèɛɛ ɓéɖé. 27Sepóɛɖé ḿ poɛ̀n hwìɖǐi kà ɓɛ́ ɔ mɔ̀ ɖɛ cá-cá, ɓɛ́ ḿ ké kpɔɖɔ-ɖeín-nì-nyɔ̀ ɖò ɓɛ́ ḿ se ɖɛ kɔ̃̀ jè wa kéà ɔ kpɔ̃ɛɛ cɛ̃ɛ ɓɛ́ìn cáa ɖé tò.”
Currently Selected:
Àpɔ́sò 25: ƁB02
Highlight
Share
Copy

Want to have your highlights saved across all your devices? Sign up or sign in
Bassa Bible © Bible Society Liberia, 2002.
Àpɔ́sò 25
25
Pɔ́ɔ̀ ɖá ɔ mu ɔ zaaɔ̀ Síízɛ̀ gbo kpaùn
1Ti Fɛ́sàɖà ɖúà kũ̀àɔ̀ dyíɛɛ, ɔ zĩ̀ìn ma wé tã, hwɛ̀ ké ɔ sɔ̀ ma ɖé Sɛ̀sɛ̀wíɖíà-hwɔ̀ɖɔ̀ɔ̀ mú, ké ɔ mu ma ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú. 2Ké sáa-zà-nyɔ̀ kpa ɖɛ ɓěɔ̀ kè Júù-nyɔ̀ ɓěɔ̀ nyɔ vɛ̀nɛ̀ ɓěɔ̀ cɛ̃ ma zaa ɓá Pɔ́ɔ̀ jè dyiɛɛ ɔ gbo. Ké wa ɓaà ma ɔ, 3ɓɛ́ ɔ ké Pɔ́ɔ̀ ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú tò ɓó wa bìì. Wa nìɛ̀ ma gbɔ poɛń, ɓɛ́ wa ké ma ɔ hwìè fò, ɓɛ́ wa ké ma ɔ ɖáɓá. 4Ké Fɛ́sàɖà zà ma ɖé wuɖu, ké ɔ ɖá, “Wa nì Pɔ́ɔ̀ dyí gmɔ̀ǔn ɖé Sɛ̀sɛ̀wíɖíà-hwɔ̀ɖɔ̀ɔ̀ mú, ké ḿ mìɔùn mu ɖé muùn kàǔn. 5Ɔ jèɛɛ, ɓě mɛ tò nyɔ vɛ̀nɛ̀ ɓě nì ɓě hwìɛ̀ kɛ, ɓɛ́ ḿ kè wa ké mu. Ké ɔ jǔ ké wa dyi gàaɔ̀ ɖɛ gbà ɖò mú dyéín, nìí, ɖɛ kɔ̃̀ jè wa kpɔ̃à ɔ kɛɛ, wa kéɛ cɛ̃.”
6Ti ɔ mu ma ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ múɛɛ, ɔ se ma wé ɓaɖa-bùè kɔ̃ zi, hwɛ̀ ké ɔ mu ma ɖé Sɛ̀sɛ̀wíɖíà-hwɔ̀ɖɔ̀ɔ̀ mú ɖe. Ké wéɔ̀ nyɔ kɔ ma ɓó dyíɛɛ, ɔ kò ma ɖé gɔ̌mànà-gbòɔ̀ múin, ké ɔ cuò ma Pɔ́ɔ̀ jè. 7Ti Pɔ́ɔ̀ ɖǎ ma dyiɛɛ, Júù-nyɔ̀ ɓě ɓɛ́ wa sɔ̀ìn ma Jùɖúsɛ̀ɖɛ̀ìn-hwɔ̀ɖɔ̀ɔ̀ múɛɛ nyanaìn ma ɔ ɖei. Ké ɖɛ ɓě ɓɛ́ wa nì ma ɔ dúún poɛń nyɛɛ, wa se ma ɖɛ dyùwè, kɛɛ wa seɛ ma kɔ̃in zaìn ɓɛ́ìn. 8Ké Pɔ́ɔ̀ zaìn ma ɔ mìɔùn jè kɔ̃in, ké ɔ ɖá, “Ḿ séè Júù-nyɔ̀ ɓěɔ̀ gma ɓěɔ̀ ɖò wáɖá, ké ḿ séè Gèɖèpɔ́ɔ̀ gbǒɔ̀ kè Síízɛ̀ mɔ̀à Wóɖóùn-kã̀ǎɔ̀ kɛɛ ɖɛ gbà ɖò bũ̌ nyu ɖò.”
9Kɛɛ Fɛ́sàɖà mɔ́ ɓɛ́ ɔ ké ma Júù-nyɔ̀ ɓěɔ̀ hwòɖǒ dyi dè. Ɔ jèɛɛ, ɔ diè ma Pɔ́ɔ̀ dyi, ké ɔ ɖá, “M̀ mɔ́ ɓɛ́ m̀ ké ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú mu, ɓɛ́ ḿ ké ɖé ɖɛ ɓěɛ̀ wɔ̃ pòìnǹ?”
10Kɛɛ Pɔ́ɔ̀ ɖá, “Ḿ nyànà dà ɓó Síízɛ̀ɛ̀ gɔ̌mànàɔ̀ dyúa dyi, ké ɓó ní zaaɔ̀ ɓéɖé ɓɛ́ ɔ ké cɛ̃̀ìn. M̀ mìɔùn dyuòɛ̀ jɛ́ɛ́ cá kà ḿ se Júù-nyɔ̀ ɓěɔ̀ ɖɛ gbà ɖò bũ̌ nyuɛ. 11Ɔ jǔ ké ḿ dyi ɖɛ gbà ɖò nyu, ké ɔ dyi ɖɛ kɔ̃̀ jè ḿ ɓéɖé ɓɛ́ ḿ ké mɛ́ɛ jǔǐn, nìí, ḿ se ní mɛ́ jè gbo nɔ́ɔ̀. Kɛɛ ɔ jǔ ké ɖɛ kɔ̃̀ jè wa kpɔ̃à ḿ wɛ̃ɛ ɖɛ ɖò seɛ mú nìǐn, nìí, nyɔ ɖò se ḿ wa xwa nyíɛ ɓɛ́ìn, ɓɛ́ ḿ ké wa hwòɖǒɛ̀-dyi-dèìn-ɖɛ̀ jǔ. Ní mu ní zaaɔ̀ Síízɛ̀ gbo kpaùn.”
12Ké Fɛ́sàɖà kè ɔ náún-po-nyɔ̀ ɓěɔ̀ wùɖù ma. Ké Fɛ́sàɖà ɖá, “M̀ ɖǎa cɛ̃ kà nì mu nì zaaɔ̀ Síízɛ̀ gbo kpaùn wɛ̃, nìí, m̀ mɛ kpaa Síízɛ̀ gbo nɔ̀ɔ̀.”
Wa dyà Pɔ́ɔ̀ ɖé Àgéɖépà kè Bàníì dyúa
13Ti wé gbɛ̀ǐ-gbɛ̀ǐ ɖǎ ma ziɛɛ, Àgéɖépà ɓɛ́ ɔ mɔ̀ ma ɓóɖóɔ̀ kã́á kɛ kè Bàníì dyi ma ɖé Sɛ̀sɛ̀wíɖíà-hwɔ̀ɖɔ̀ɔ̀ mú, ɓɛ́ wa ké ma Fɛ́sàɖà nyíɔún zà. 14Wa nyu ma ɖé wé goun wè. Ké Fɛ́sàɖà cɛ̃ ma Pɔ́ɔ̀ zaaɔ̀ jè Àgéɖépà gbo, ké ɔ ɖá, “Gàa ɖò ɓɛ́ Fíɖè sè ma kpɔɖɔ ɖeín nyɛɛ nì nɔ̄. 15Ti ḿ nì ma ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ múɛɛ, sáa-zà-nyɔ̀ kpa ɖɛ ɓěɔ̀ kè Júù-nyɔ̀ ɓěɔ̀ nyɔ vɛ̀nɛ̀ ɓěɔ̀ cɛ̃ ma ɔ jè ḿ gbo, ké wa mɔ́ ɓɛ́ ḿ ké ma ɔ zaa kpɔ̃̀ìn. 16Kɛɛ ḿ cɛ̃ɛ ma wa gbo kà ɔ se Wóɖóùn-nyɔ̀ ɓěɔ̀ nììn kpeɖe, ɓɛ́ wa ké nyɔ wa ɖǎ kpɔ̃ɛɛ, nyɔ kà kò ɖò xwaún po, hwɛ̀ ɓɛ́ ɔ kè nyɔ ɓě kpɔ̃à ɔ kɛɛ ké dyéìn nyɛ. À nyuɛ náa, sepóɛɖé à mɔ́ ɓɛ́ à ké ɔ ti nyí, ɓɛ́ ɔ ké ɔ nììn kɔ̃in zaìn. 17Ɔ jèɛɛ, ti ɓɛ́ ḿ kè wa ɖǎ ma nɔ̄ dyiɛɛ, ḿ se ma ti ɖò zĩ̀ìn. Wéɔ̀ nyɔ kɔ ma ɓó dyíɛɛ, ḿ kò ma ɖé gɔ̌mànà-gbòɔ̀ múin, ké ḿ cɛ̃ɛ ma, ɓɛ́ wa ké gàaɔ̀ ɖé gbǒɔ̀ mú dyà. 18Ké nyɔ ɓě kpɔ̃ ma kà ɔ kɛɛ sɔ̀ ma dyí, ɓɛ́ wa ké ma wùɖù. Kɛɛ wa se ma ɖɛ gbà ɓě ɓɛ́ mɔ́ún ɖáìn wa muɔ́ má ɔ nyu jè kpɔ̃ùn wɛ̃ɛ jè cɛ̃. 19Kɛɛ wa kè ɔ se wuɖuún dyi wɔ̃́ìn ɓó ɖɛ ɓá waà ɓiè-ɖɛ̀ɔ̀ kè gàa ɓɛ́ wa ɖáìn Jízɛ̀ kɛɛ jè dyíɛ. Jízɛ̀ nìà kɛ ɖǎ ma mɛ́, kɛɛ Pɔ́ɔ̀ nìɛ̀ ma cɛ̃iń kóɖó-kóɖó kà ɔ nì cĩ́ɛń ɖeɛ. 20Ḿ se zaa nì kà kɛɛ wɔ̃ poɛ dyuò. Ɔ jèɛɛ, ḿ diè ma Pɔ́ɔ̀ dyi kɛbì ɔ mu wɔ̃́ùn ɓɛ́ ɔ ké ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú mu, ɓɛ́ wa ké ɖé ɖɛ ɓě nìà kɛ cɛ̃̀ìn ní. 21Kɛɛ Pɔ́ɔ̀ cɛ̃ɛ ma, ɓɛ́ à ké ma ɔ dyí gmɔ̀ ɖé kpɔɖɔɔ̀ ɖeín, hwɛ̀ ɓɛ́ Wóɖóùn-kã̀ǎɔ̀ ké ɔ zaaɔ̀ cɛ̃. Ɔ jèɛɛ, ḿ cɛ̃ɛ ma, ɓɛ́ wa ké ma ɔ dyí gmɔ̀ tee, ɓɛ́ ḿ ké ti dyé ɓɛ́ ḿ ké ɔ Síízɛ̀ gbo tò hwɛ̀.”
22Ké Àgéɖépà cɛ̃ɛ ma Fɛ́sàɖà gbo, ké ɔ ɖá, “Ḿ mɔ́ ɓɛ́ ḿ ké ɔ wuɖu wɔ̃́ ɖekè.”
Ké ɔ ɖá, “Nì muɛ wɔ̃́ùn ɓó gàɖàà.”
23Ɔ jèɛɛ, wéɔ̀ nyɔ kɔ ma ɓó dyíɛɛ, Àgéɖépà kè Bàníì dyi ma ɖé. Wa bɛ̃̀ìn ma teé-teé. Ké wa kè sójà-ɓǎ ɓěɔ̀ ɔ kè hwɔɖɔɔ̀ nyɔ vɛ̀nɛ̀ ɓěɔ̀ dyá ma ɖé dɔ́ɔ́-dèìn-naínɔ̀. Ké Fɛ́sàɖà ɖoɓo ma Pɔ́ɔ̀ jè, ké wa dyà ma ɔ. 24Ké Fɛ́sàɖà ɖá, “Ɓǎ Àgéɖépà, m̀ kè nyɔ séín ɓě poìn kà dà ɓó à gbo dyíɛɛ, ɓě dyé gàa nìà kɛ. Júù-nyɔ̀ séín ɓěɔ̀ mu ma ḿ gbo ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú, ké wa dyi ma nɔ̄ ḿ gbo ɖe ɓó gàa nìà kɛ jè. Wa nì ma mú pánáuń, ké wa ɖá, ‘Ɔ mɛ ɓɔ́ cĩ́ɛ ɖe fɔɔ.’ 25Kɛɛ ḿ dyéɛ ma kà ɔ se ma ɖɛ kɔ̃̀ jè ɔ ké mɛ́ɛ ɖò nyuɛ. Ké ti ɔ mìɔùn cɛ̃ɛ ma kà ɔ muɛ ma ɖé Wóɖóùn-kã̀ǎɔ̀ gbo kpaùn wɛ̃ɛ, ḿ poɛ ma gbɔ, ɓɛ́ ḿ ké ma ɔ ɖé tò. 26Kɛɛ ḿ se ɖɛ jɛ́ɛ́ kɔ̃̀ jè ḿ ké ní wuɖuí-kɔ̃̀-nyɔ̀ɔ̀ gbo céè ɓá gàa nìà kɛ jè dyíɛɛ ɓéɖé. Ɔ jèɛɛ, Kã́á Àgéɖépà, ḿ dyàà ɔ dà ɓó m̀ kè nyɔ tɔ̀ɔ̀ séín ɓěɔ̀ dyúa kɛ̀, ɓɛ́ ɔ jǔ ké à ɖǎ ɔ dyi dièɛ̀ hwɔ ní, ḿ ké ɖɛ kɔ̃̀ jè ḿ ké céèɛɛ ɓéɖé. 27Sepóɛɖé ḿ poɛ̀n hwìɖǐi kà ɓɛ́ ɔ mɔ̀ ɖɛ cá-cá, ɓɛ́ ḿ ké kpɔɖɔ-ɖeín-nì-nyɔ̀ ɖò ɓɛ́ ḿ se ɖɛ kɔ̃̀ jè wa kéà ɔ kpɔ̃ɛɛ cɛ̃ɛ ɓɛ́ìn cáa ɖé tò.”
Currently Selected:
:
Highlight
Share
Copy

Want to have your highlights saved across all your devices? Sign up or sign in
Bassa Bible © Bible Society Liberia, 2002.