Àpɔ́sò 21
21
Pɔ́ɔ̀ mu ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú
1Ti à ɖǎ ma ɖé Ɛ́fɛ́sà-hwɔ̀ɖɔ̀ɔ̀ cɔ́cì-nyɔ̀ vɛ̀nɛ̀ ɓěɔ̀ gbo sɔ̀ɛɛ, à mùìn ma dyóóɔ̀ kɔ̃, ké à kpa ma hwìè cɛ̃̀ìn xwíníín ɖò, ké à nyini ma Kóò-tòò-kpòɔ̀ kɔ̃. Wéɔ̀ nyɔ kɔ ma ɓó dyíɛɛ, à mu ma ɖé Wóɖóò-tòò-kpòɔ̀ kɔ̃. Ké ti à sɔ̀ìn ma ɓó ɖeɛɛ, à mu ma ɖé Pɛ̀táɖà-hwɔ̀ɖɔ̀ɔ̀ mú. 2Ké à dyé ma ɖé méè ɖò. Ɔ nì ma Fònísìà-ɓòɖòɔ̀ kɔ̃ muɛń. Ɔ jèɛɛ, à kpáa ma mú, ké à mu ma. 3Ké à po ma Kítììn-tòò-kpòɔ̀ dyéɖé kɔ̃. Ɔ nì ma ɖé à kunuaún, ké à ziɛ ma dyíin. Ké à mu ma ɖé Síwíɖíà-ɓòɖòɔ̀ kɔ̃, ké à kpá ma ɖé Táà-hwɔ̀ɖɔ̀ɔ̀ múin, sepóɛɖé ɖéɛ̀ méèɔ̀ ɓéɖé ɓɛ́ ɔ ké ma gbɛ̌ ɓěɔ̀ dyi wáɖá. 4Ké à kpa ma ɖeín-nà-nyɔ̀ ɓěɔ̀ jè dyi gmɔìn ɖé Táà-hwɔ̀ɖɔ̀ɔ̀ mú, ké à nyu ma ɖé wa gbo wé mɛ̀nɛ̌ìn-sɔ̃́. Zùùɔ̀ wùɖù ma wa gbo, ké wa cɛ̃ɛ ma Pɔ́ɔ̀ gbo, ɓɛ́ ɔ ní kɔ̃̀ ɖà ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú mu. 5Ti wé ɓɛ́ à kpa ma ɖéɛɛ nìǎ ma ɖé hwɛ̀ǐn nyɛɛ, à sɔ̀ ma ɖé dyí, ké à kpá ma hwìè xwíníín. Ɖeín-nà-nyɔ̀ séín ɓěɔ̀ kè waà gmàà ɓěɔ̀ ɔ kè waà dyú ɓěɔ̀ dyà ma à hwìǐ, ké à séín sɔ̀ ma hwɔɖɔɔ̀ mú. Ké à taɓa ma kɔ́-dù hwuɖu ɖé pĩ́ɔɔ̀ kɔ̃, ké à ɓaà ma. Ké à poìn ma hwuɖu ɖǎ hwɔ, 6ké à kpá ma méèɔ̀ mú, ké wa mɔ̀ùn mu ma wa ɖɛ ɖe.
7Ti à sɔ̀ ma ɖé Táà-hwɔ̀ɖɔ̀ɔ̀ múɛɛ, à mu ma ɖé Tɔ̀ɖèmédyà-hwɔ̀ɖɔ̀ɔ̀ mú, ké à zà ma à ɖíí cɔ́cì-nyɔ̀ ɓěɔ̀ nyíɔún, ké à nyu ma ɖé wé dyúáɖò ɖé wa gbo. 8Ké wéɔ̀ nyɔ kɔ ma ɓó dyíɛɛ, à sɔ̀ ma dyí, ké à mu ma ɖé Sɛ̀sɛ̀wíɖíà-hwɔ̀ɖɔ̀ɔ̀ mú. Ké à dyá ma Féɖò ɓɛ́ ɔ mɔ̀ ma bɔ̃̌ nɔ̀mɔ̀ dyíin kpa-nyɔ̀ kɛɛ ɓíɖí-gbǒǔn, ké à tã́ìn ma ɖé ɔ gbo. Féɖò mɔ̀ ma nyɔ mɛ̀nɛ̌ìn-sɔ̃́ ɓě ɓɛ́ wa gã ma kà ɓó àpɔ́sò ɓěɔ̀ gbo kpá jèɛɛ ɖò. 9Ɔ ɓéɖé ma màa-dyù hĩinyɛ, ké wa se ma dyú-ɓǎ ɖò ɓéɖé. Wa mɔ̀ ma kpáá-ɖɛ̀-cɛ̃-nyɔ̀ ɓě. 10Ti ɓɛ́ à ɖǎ ma ɖé wé gbɛ̀ǐ-gbɛ̀ǐ nyuɛɛ, kpáá-ɖɛ̀-cɛ̃-nyɔ̀ ɖò kɔ̃̀ nyɛ́nɛ́ mɔ̀ ma Ákábà kɛɛ sɔ̀ ma ɖé Júɖìà-ɓòɖòɔ̀ kɔ̃, ké ɔ dyi ma ɖé. 11Ɔ dyi ma à gbo, ké ɔ ɖú ma Pɔ́ɔ̀ɛ̀ gbo-jìnììn-ɖɛ̀ɔ̀ dyí, ké ɔ sã̀ìn ma ɔ mìɔùn nììn ɓoɔ̀ kè ɔ sɔ̃ ɓěɔ̀ dyi, ké ɔ ɖá, “Ɖɛ Zùù Hwɛ̀ǐn-hwɛ̀ǐnɔ̀ cɛ̃ɛ kɛ̀. Ɔ ɖá, ‘Kǎà Júù-nyɔ̀ ɓě nì ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ múɛɛ mu nyɔ kɔ̃̀ gbo-jìnììn-ɖɛ̀ nìà kɛɛ sãùn nyɛ̀nɛ̀ɛ̀, ké wa mu ɔ ɓóɖó-dù kà kò ɖò ɓěɛ̀ nyɔ ɓěɔ̀ xwa nyíìn.’ ”
12Ti ɓɛ́ à wɔ̃́ ma ɖɛ nìà kɛɛ, à kè nyɔ ɓě nì ma ɖéɛɛ ɓaà ma Pɔ́ɔ̀, ɓɛ́ ɔ ní kɔ̃̀ ɖà ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú mu. 13Ké Pɔ́ɔ̀ zà ma ɖé wuɖu, ké ɔ ɖá, “Ɖɛ́ kɔ̃̀ jè ɓě nìà vĩ̌ɛń nyɛ́? Ɖɛ́ kɔ̃̀ jè ɓě nìà ḿ kpéí hwɔuń wɛ̃́? Sepóɛɖé ḿ dyé ti ɓɛ́ wa ké ḿ kpɔɖɔ ɖeín po. Ɔ seɛ ɖòùn, kɛɛ ḿ dyé ti ɓɛ́ ḿ ké mɛ́ ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú ɓó Bounɓo Jízɛ̀ɛ̀ nyɛ́nɛ́ɔ̀ jè ɖekè.”
14Ti à dyéɛ ma kà ɓɛ́ ɔ se ma à wuɖuɔ̀ gbo wɔ̃́ìn ɓɛ́ìn nyɛɛ, à ɓɔ́ ma ní, ké à ɖá, “Bounɓoɔ̀ kɔ̃̀ mɔ́ɔ́-ɖɛ̀ mɛ nì.”
15Ti ɓɛ́ à ɖǎ ma ɖé wé gbɛ̀ǐ-gbɛ̀ǐ nyuɛɛ, à ɖú ma à kɔ̃̀ɔ̀-ɖɛ̀ ɓěɔ̀ dyí, ké à kpá ma hwìè kɔ̃, ɓɛ́ à ké ma ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú mu. 16À kè ɖeín-nà-nyɔ̀ ɖíɛ́ ɓě ɓɛ́ wa sɔ̀ìn ɖé Sɛ̀sɛ̀wíɖíà-hwɔ̀ɖɔ̀ɔ̀ múɛɛ mu ma, ké wa dyà ma à ɖé gàa ɖò kɔ̃̀ nyɛ́nɛ́ mɔ̀ ma Nésì kɛɛ ɓíɖí-taún, ké à tã́ìn ma ɖé. Nésì sɔ̀ìn ma ɖé Kítììn-tòò-kpòɔ̀ kɔ̃, ké ɔ mɔ̀ ma Jízɛ̀ɛ̀ ɖeín-nà-nyɔ̀ sùà ɖò.
Pɔ́ɔ̀ té Jĩ́ìn gboi
17Ti à nyini ma ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ múɛɛ, à ɖíí cɔ́cì-nyɔ̀ ɓěɔ̀ hwòɖǒ kpá ma múàǔn mìɔ, ké wa kpɔ̃ ma à jè dyi. 18Wéɔ̀ nyɔ kɔ ma ɓó dyíɛɛ, Pɔ́ɔ̀ kpa ma ɖé Jĩ́ìn gboi téɛ. À kèɔ̀ kè mu ma, ké cɔ́cì-nyɔ̀ vɛ̀nɛ̀ séín ɓěɔ̀ nì ma ɓó ɖekè. 19Ɔ zà ma wa nyíɔún. Ké ɔ zaìn ma ɖɛ ɓě ɓɛ́ Gèɖèpɔ́ɔ̀ ɖǎ ma ɔ mú nyùìn ɖé ɓóɖó-dù kà kò ɖò ɓěɛ̀ nyɔ ɓěɔ̀ hwìɛ̀ kɛɛ wa gbo kɔ̃in ɖò-ɖò. 20Ti wa wɔ̃́ɔ ma kɛɛ, wa ɓàìn ma Gèɖèpɔ́ɔ̀. Ké wa cɛ̃ɛ ma Pɔ́ɔ̀ gbo, ké wa ɖá, “À ɖíí-gàà, m̀ dyé Júù-nyɔ̀ ɓěɔ̀ nyɔ táázĩ̀ìn jĩ̀ kà ɓɛ́ wa ɖǎà Gèɖèpɔ́ɔ̀ hwìɖǐǐ taɓa kɛ, ké wa séín kpɔ̃ Mózèɛ̀ gma ɓěɔ̀ dyi kóɖó-kóɖó. 21Wa ɖǎa wɔ̃́ kà ɓɛ́ m̀ ɖǎa Júù-nyɔ̀ séín ɓě nì ɖé ɓóɖó-dù kà kò ɖò ɓěɛ̀ nyɔ ɓěɔ̀ hwìɛ̀ kɛɛ gbo cɛ̃ kà ɓɛ́ wa ɓéɖé ɓɛ́ wa ké Mózèɛ̀ gma ɓěɔ̀ dyi táà kɛ. Wa ɖǎa wɔ̃́ kà ɓɛ́ m̀ cɛ̃ɛ ma wa gbo, ɓɛ́ wa ké waà dyú ɓěɔ̀ sàà ɖáɓáa ɓɔ́, ɔ kè ɓɛ́ wa ké à kpeɖe ɓěɔ̀ dyi táà kɛ. 22Ɖɛ́ à mɛ nyuɛ́? Wa muɛ dyí dyuòùn cá kà ɓɛ́ m̀ ɖǎ dyiɛ. 23Ɔ jèɛɛ, m̀ mɛ nyu ɖɛ à muà m̀ gbo cɛ̃ìn nyɛ. À ɓéɖé dà nyɔ hĩinyɛ, ké wa ɖǎ wuɖu ɖi ɓó Gèɖèpɔ́ɔ̀ gbo. 24M̀ kè gàa ɓě nìà kɛ mɛ mu. Ké ɖɛ ɓě ɓɛ́ wa mɔ̀ùn mu nyuùn, ɓɛ́ wa ké mú hwɛ̀ kɛɛ, m̀ kè wa mɛ nyuɛ. Ɖɛ ɓě ɓɛ́ wa ɓéɖé ɓɛ́ wa ké pɛ́ɛ̀ kɛɛ, m̀ mɛ pɛ́ɛ̀ wa bìì. Nìí, wa mɛ kpana waà míɔ̀. M̀ dyiɛ náa nyuín, nìí, nyɔ séín muɛ dyí dyuòùn kà ɓɛ́ ɖɛ ɓě ɓɛ́ wa ɖǎ wɔ̃́ ɓá m̀ jè dyíɛɛ, jǎà ɖò se wa mú nìɛ. Wa muɛ dyí dyuòùn kà ɓɛ́ m̀ mìɔùn kpɔ̃ gmaɔ̀ dyi ɖé nì fɛ̀ɛ̀-wè séín múɛ. 25Kɛɛ ɓó ɓóɖó-dù kà kò ɖò ɓěɛ̀ nyɔ ɓě ɖǎà Gèɖèpɔ́ɔ̀ hwìɖǐǐ taɓaa bììɛɛ, ɖɛ ɓě ɓɛ́ à ɖǎ ma gbɔ poɛɛ, à céè ma wa, ké à tòɛ̀ ma wa gbo. Ɖɛ ɓěɔ̀ mɔ̀, ɓɛ́ wa ké se ɖɛ ɓě ɓɛ́ nyɔ ɓě ɖǎ kũùn-kpò gbo sáa zàìn nyɛɛ ɖi, ɓɛ́ wa ké suaɖɛ̀-nyɔ̀mɔ̀ɔ̀ ɖi-ɖi dyi táà, ɓɛ́ wa ké suaɖɛ̀ kɔ̃̀ bùnù ɓɛ́ wa paɖa dyi, ké ɔ mɛ́ kɛɛ ɖiɛ ɓɔ́, ɔ kè ɓɛ́ wa ké gbàɖàùn-po-po dyi táà.”
26Ké Pɔ́ɔ̀ ɖú ma gàa ɓěɔ̀ dyí, ké wéɔ̀ nyɔ kɔ ma ɓó dyíɛɛ, ɔ kè wa nyu ma ɖɛ ɓě ɓɛ́ wa ké ma nyu ɓɛ́ wa ké ma kà mú hwɛ̀ kɛ. Ké ɔ mu ma ɖé Gèɖèpɔ́ɔ̀ gbǒɔ̀ mú, ké ɔ cɛ̃ ma ti ɓɛ́ ɖɛ ɓě ɓɛ́ wa nìà nyuɛń nyɛɛ mu dyi ziìn nyɛ, ɔ kè ti ɓɛ́ ɔ kè gàa ɓěɔ̀ mu waà sáa-zàìn-ɖɛ̀ ɓěɔ̀ tòùn wɛ̃ɛ nyɔ ɓěɔ̀ gbo.
Wa kpɔ̃ Pɔ́ɔ̀ ɖé Gèɖèpɔ́ɔ̀ gbǒɔ̀ mú
27Ti wé mɛ̀nɛ̌ìn-sɔ̃́ mɔ̀à Pɔ́ɔ̀ mú-hwɔ-wèɔ̀ kɛɛ nìǎ ma ɖé hwɛ̀ǐn nyɛɛ, Júù-nyɔ̀ ɓě ɓɛ́ wa sɔ̀ìn ma ɖé Ésìà-ɓòɖòɔ̀ kɔ̃ɛɛ dyé ma Pɔ́ɔ̀ ɖé Gèɖèpɔ́ɔ̀ gbǒɔ̀ mú. Ké wa po ma nyɔ kúɖúú ɓě vã kɔ̃, ɓɛ́ wa ké ma Pɔ́ɔ̀ gǎ dyéìn, ké wa kpɔ̃ ma ɔ. 28Ké wa páná ma mú, ké wa ɖá, “À mǔè Éézùɖùɛ̀-gàà ɓě, ɓě kpá à gbo. Gàa nìà nyɔǔn ɖɛ tɛ̀mɛ̀ǐn ɖé dà séín nyɛɛ kɛà kɛ̀. Ɔ nì à nyɔ ɓěɔ̀ kè à gma ɓěɔ̀ ɔ kè dɛ̀ à nìà kɛɛ wuɖuún ɖaɓauń. Ké ɓó kɔ̃in ɖeɛɛ, ɔ ɖǎ ɓóɖó-dù kà kò ɖò ɓěɛ̀ nyɔ ɓě nɔ̄ Gèɖèpɔ́ɔ̀ gbǒɛ̀ mú dyà, ké ɔ ɖǎ Gèɖèpɔ́ɔ̀ páɔ̀ se-mú-hwɛ̀-pà mú nyu.” 29Wa ɖǎ ma Pɔ́ɔ̀ kè Tɔ́ɖɔ́fímà ɓɛ́ ɔ sɔ̀ìn ma ɖé Ɛ́fɛ́sà-hwɔ̀ɖɔ̀ɔ̀ múɛɛ ɖé hwɔɖɔɔ̀ mú dyé kĩ́ín, ké wa poɛ̀n ma hwìɖǐi kà ɓɛ́ Pɔ́ɔ̀ ɖǎ ma ɔ ɖé Gèɖèpɔ́ɔ̀ gbǒɔ̀ mú kpa kĩ́ín nyɛ.
30Ké kuɖu-kuɖu ɓáún-ɓáún dyi ma ɖé hwɔɖɔɔ̀ mú, ké nyɔ ɓěɔ̀ sɔ̀ìn ma dà séín, ké wa dyà ma peɖeɛ. Wa kpɔ̃ ma Pɔ́ɔ̀, ké wa jiɖi ma ɔ sɔ̀ìn ɖé Gèɖèpɔ́ɔ̀ gbǒɔ̀ mú, ké wa kã ma gbǒɔ̀ wàɖà. 31Ti wa nì ma vɔ̃uń ɓɛ́ wa ké ma ɔ ɖáɓáa, sójà-ɓǎɔ̀ wɔ̃́ɔ ma kà kuɖu-kuɖu ɓáún-ɓáún nì ma ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú kɛ. 32Ké sójà-ɓǎɔ̀ ɖú ma sójà hɔ̃dɛ̀ɖɛ̀ ɖòɛ̀ ɓǎ ɓě kè waà sójà ɓěɔ̀ dyí wàɖà cá, ké wa kpa ma peɖeɛ ɖé wa gbo. Ké ti nyɔ ɓěɔ̀ dyé ma sójà-ɓǎɔ̀ kè ɔ sójà ɓěɔ̀ kɛɛ, wa ɓɔ́ ma Pɔ́ɔ̀ ɓaɖaa. 33Ké sójà-ɓǎɔ̀ mu ma nyɔ ɓěɔ̀ hwìɛ̀, ké ɔ kpɔ̃ ma Pɔ́ɔ̀. Ké ɔ cɛ̃ɛ ma sójà ɓěɔ̀ gbo, ɓɛ́ wa ké ma ɔ dyɔ̀ɔ̌-dù sɔ̃́ sã̀ìn. Ké ɔ diè ma nyɔ ɓěɔ̀ dyi, ké ɔ ɖá, “Gàa nìà kɛ mɔ̀ nyɛ́ɛ̀? Ké ɖɛ́ ɔ nyuɛ́?” 34Ké nyɔ kúɖúú ɓěɔ̀ páná ma mú, ké wa kpa ma ɖɛ kò-kò ɓě cɛ̃ɛ. Ké sójà-ɓǎɔ̀ se ma ɖɛ ɓěɔ̀ múin wɔ̃́ɔ ɓɛ́ìn ɓó kuɖu-kuɖu ɓěɔ̀ jè. Ɔ jèɛɛ, ɔ cɛ̃ɛ ma sójà ɓěɔ̀ gbo, ɓɛ́ wa ké Pɔ́ɔ̀ ɖé waà gbǒɔ̀ zɔ̃̌ kpa. 35Ti ɓɛ́ Pɔ́ɔ̀ nyini ma ɓó gbǒɔ̀ wĩín nyɛɛ, sójà ɓěɔ̀ ɓéɖé ɓɛ́ wa ké ma ɔ dyií ɖú, ɓɛ́ wa ké ma ɔ gbǒɔ̀ mú dyáìn, sepóɛɖé nyɔ kúɖúú ɓěɔ̀ nì ma ɔ gbo vɔ̃ɔ kpauń jè. 36Nyɔ séín ɓěɔ̀ páná ma mú, ké wa ɖá, “Ɓě ɖáɓá ɔ.”
Pɔ́ɔ̀ zaìn ɔ mìɔùn jè kɔ̃in
37Ti sójà ɓěɔ̀ ké ma kà ɖé Pɔ́ɔ̀ gbǒɔ̀ mú dyáìn nyɛɛ, ɔ diè ma sójà-ɓǎɔ̀ dyi, ké ɔ ɖá, “Tò ḿ ké wɛ́ɛ m̀ ɖɛ ɖò gbo cɛ̃e.”
Ké sójà-ɓǎɔ̀ ɖá, “Nì po Gíɖíì-wùɖùù? 38Nìí, m̀ se dyɛ Íjè-gàà mɔ̀ nyɔ nyuɛ zɔ̃̌ɔ̀ kà, ké nyɔ ɓěɔ̀ vɔ̃ ma kà gɔ̌mànàɔ̀ gbo, ké ɔ kpa ma kà kú-ɖáɓá-nyɔ̀ táázĩ̀ìn hĩinyɛɔ̀ ɖé gbǎùn-fúɖúáɔ̀ kɔ̃ kɛ.”
39Ké Pɔ́ɔ̀ ɖá, “Ḿ mɔ̀ Júù-nyɔ̀, ké ḿ sɔ̀ìn ɖé Tásɔ̀-hwɔ̀ɖɔ̀ nìà ɖé Sàɖésìà-ɓòɖòɔ̀ kɔ̃ɛɛ mú. Ḿ mɔ̀ hwɔɖɔ kpa ɖɛ ɖòɛ̀ nyɔ. Ní ɓaà m̀ ní, tò ɓɛ́ ḿ ké nyɔ ɓěɔ̀ gbo wùɖù.”
40Ti sójà-ɓǎɔ̀ ɖǎ ma wɔ̃́ɛɛ, Pɔ́ɔ̀ nyànà ma ɓó gbǒɔ̀ wĩín dyi, ké ɔ pòìn ma nyɔ ɓěɔ̀ sɔ̃ ɓɔ́í. Ké ti wa nì ma gìɖìǐɛɛ, ɔ wùɖù ma wa gbo ɖé Híìbúɖúù-wùɖù mú, ké ɔ ɖá,
Currently Selected:
Àpɔ́sò 21: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Àpɔ́sò 21
21
Pɔ́ɔ̀ mu ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú
1Ti à ɖǎ ma ɖé Ɛ́fɛ́sà-hwɔ̀ɖɔ̀ɔ̀ cɔ́cì-nyɔ̀ vɛ̀nɛ̀ ɓěɔ̀ gbo sɔ̀ɛɛ, à mùìn ma dyóóɔ̀ kɔ̃, ké à kpa ma hwìè cɛ̃̀ìn xwíníín ɖò, ké à nyini ma Kóò-tòò-kpòɔ̀ kɔ̃. Wéɔ̀ nyɔ kɔ ma ɓó dyíɛɛ, à mu ma ɖé Wóɖóò-tòò-kpòɔ̀ kɔ̃. Ké ti à sɔ̀ìn ma ɓó ɖeɛɛ, à mu ma ɖé Pɛ̀táɖà-hwɔ̀ɖɔ̀ɔ̀ mú. 2Ké à dyé ma ɖé méè ɖò. Ɔ nì ma Fònísìà-ɓòɖòɔ̀ kɔ̃ muɛń. Ɔ jèɛɛ, à kpáa ma mú, ké à mu ma. 3Ké à po ma Kítììn-tòò-kpòɔ̀ dyéɖé kɔ̃. Ɔ nì ma ɖé à kunuaún, ké à ziɛ ma dyíin. Ké à mu ma ɖé Síwíɖíà-ɓòɖòɔ̀ kɔ̃, ké à kpá ma ɖé Táà-hwɔ̀ɖɔ̀ɔ̀ múin, sepóɛɖé ɖéɛ̀ méèɔ̀ ɓéɖé ɓɛ́ ɔ ké ma gbɛ̌ ɓěɔ̀ dyi wáɖá. 4Ké à kpa ma ɖeín-nà-nyɔ̀ ɓěɔ̀ jè dyi gmɔìn ɖé Táà-hwɔ̀ɖɔ̀ɔ̀ mú, ké à nyu ma ɖé wa gbo wé mɛ̀nɛ̌ìn-sɔ̃́. Zùùɔ̀ wùɖù ma wa gbo, ké wa cɛ̃ɛ ma Pɔ́ɔ̀ gbo, ɓɛ́ ɔ ní kɔ̃̀ ɖà ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú mu. 5Ti wé ɓɛ́ à kpa ma ɖéɛɛ nìǎ ma ɖé hwɛ̀ǐn nyɛɛ, à sɔ̀ ma ɖé dyí, ké à kpá ma hwìè xwíníín. Ɖeín-nà-nyɔ̀ séín ɓěɔ̀ kè waà gmàà ɓěɔ̀ ɔ kè waà dyú ɓěɔ̀ dyà ma à hwìǐ, ké à séín sɔ̀ ma hwɔɖɔɔ̀ mú. Ké à taɓa ma kɔ́-dù hwuɖu ɖé pĩ́ɔɔ̀ kɔ̃, ké à ɓaà ma. Ké à poìn ma hwuɖu ɖǎ hwɔ, 6ké à kpá ma méèɔ̀ mú, ké wa mɔ̀ùn mu ma wa ɖɛ ɖe.
7Ti à sɔ̀ ma ɖé Táà-hwɔ̀ɖɔ̀ɔ̀ múɛɛ, à mu ma ɖé Tɔ̀ɖèmédyà-hwɔ̀ɖɔ̀ɔ̀ mú, ké à zà ma à ɖíí cɔ́cì-nyɔ̀ ɓěɔ̀ nyíɔún, ké à nyu ma ɖé wé dyúáɖò ɖé wa gbo. 8Ké wéɔ̀ nyɔ kɔ ma ɓó dyíɛɛ, à sɔ̀ ma dyí, ké à mu ma ɖé Sɛ̀sɛ̀wíɖíà-hwɔ̀ɖɔ̀ɔ̀ mú. Ké à dyá ma Féɖò ɓɛ́ ɔ mɔ̀ ma bɔ̃̌ nɔ̀mɔ̀ dyíin kpa-nyɔ̀ kɛɛ ɓíɖí-gbǒǔn, ké à tã́ìn ma ɖé ɔ gbo. Féɖò mɔ̀ ma nyɔ mɛ̀nɛ̌ìn-sɔ̃́ ɓě ɓɛ́ wa gã ma kà ɓó àpɔ́sò ɓěɔ̀ gbo kpá jèɛɛ ɖò. 9Ɔ ɓéɖé ma màa-dyù hĩinyɛ, ké wa se ma dyú-ɓǎ ɖò ɓéɖé. Wa mɔ̀ ma kpáá-ɖɛ̀-cɛ̃-nyɔ̀ ɓě. 10Ti ɓɛ́ à ɖǎ ma ɖé wé gbɛ̀ǐ-gbɛ̀ǐ nyuɛɛ, kpáá-ɖɛ̀-cɛ̃-nyɔ̀ ɖò kɔ̃̀ nyɛ́nɛ́ mɔ̀ ma Ákábà kɛɛ sɔ̀ ma ɖé Júɖìà-ɓòɖòɔ̀ kɔ̃, ké ɔ dyi ma ɖé. 11Ɔ dyi ma à gbo, ké ɔ ɖú ma Pɔ́ɔ̀ɛ̀ gbo-jìnììn-ɖɛ̀ɔ̀ dyí, ké ɔ sã̀ìn ma ɔ mìɔùn nììn ɓoɔ̀ kè ɔ sɔ̃ ɓěɔ̀ dyi, ké ɔ ɖá, “Ɖɛ Zùù Hwɛ̀ǐn-hwɛ̀ǐnɔ̀ cɛ̃ɛ kɛ̀. Ɔ ɖá, ‘Kǎà Júù-nyɔ̀ ɓě nì ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ múɛɛ mu nyɔ kɔ̃̀ gbo-jìnììn-ɖɛ̀ nìà kɛɛ sãùn nyɛ̀nɛ̀ɛ̀, ké wa mu ɔ ɓóɖó-dù kà kò ɖò ɓěɛ̀ nyɔ ɓěɔ̀ xwa nyíìn.’ ”
12Ti ɓɛ́ à wɔ̃́ ma ɖɛ nìà kɛɛ, à kè nyɔ ɓě nì ma ɖéɛɛ ɓaà ma Pɔ́ɔ̀, ɓɛ́ ɔ ní kɔ̃̀ ɖà ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú mu. 13Ké Pɔ́ɔ̀ zà ma ɖé wuɖu, ké ɔ ɖá, “Ɖɛ́ kɔ̃̀ jè ɓě nìà vĩ̌ɛń nyɛ́? Ɖɛ́ kɔ̃̀ jè ɓě nìà ḿ kpéí hwɔuń wɛ̃́? Sepóɛɖé ḿ dyé ti ɓɛ́ wa ké ḿ kpɔɖɔ ɖeín po. Ɔ seɛ ɖòùn, kɛɛ ḿ dyé ti ɓɛ́ ḿ ké mɛ́ ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú ɓó Bounɓo Jízɛ̀ɛ̀ nyɛ́nɛ́ɔ̀ jè ɖekè.”
14Ti à dyéɛ ma kà ɓɛ́ ɔ se ma à wuɖuɔ̀ gbo wɔ̃́ìn ɓɛ́ìn nyɛɛ, à ɓɔ́ ma ní, ké à ɖá, “Bounɓoɔ̀ kɔ̃̀ mɔ́ɔ́-ɖɛ̀ mɛ nì.”
15Ti ɓɛ́ à ɖǎ ma ɖé wé gbɛ̀ǐ-gbɛ̀ǐ nyuɛɛ, à ɖú ma à kɔ̃̀ɔ̀-ɖɛ̀ ɓěɔ̀ dyí, ké à kpá ma hwìè kɔ̃, ɓɛ́ à ké ma ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú mu. 16À kè ɖeín-nà-nyɔ̀ ɖíɛ́ ɓě ɓɛ́ wa sɔ̀ìn ɖé Sɛ̀sɛ̀wíɖíà-hwɔ̀ɖɔ̀ɔ̀ múɛɛ mu ma, ké wa dyà ma à ɖé gàa ɖò kɔ̃̀ nyɛ́nɛ́ mɔ̀ ma Nésì kɛɛ ɓíɖí-taún, ké à tã́ìn ma ɖé. Nésì sɔ̀ìn ma ɖé Kítììn-tòò-kpòɔ̀ kɔ̃, ké ɔ mɔ̀ ma Jízɛ̀ɛ̀ ɖeín-nà-nyɔ̀ sùà ɖò.
Pɔ́ɔ̀ té Jĩ́ìn gboi
17Ti à nyini ma ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ múɛɛ, à ɖíí cɔ́cì-nyɔ̀ ɓěɔ̀ hwòɖǒ kpá ma múàǔn mìɔ, ké wa kpɔ̃ ma à jè dyi. 18Wéɔ̀ nyɔ kɔ ma ɓó dyíɛɛ, Pɔ́ɔ̀ kpa ma ɖé Jĩ́ìn gboi téɛ. À kèɔ̀ kè mu ma, ké cɔ́cì-nyɔ̀ vɛ̀nɛ̀ séín ɓěɔ̀ nì ma ɓó ɖekè. 19Ɔ zà ma wa nyíɔún. Ké ɔ zaìn ma ɖɛ ɓě ɓɛ́ Gèɖèpɔ́ɔ̀ ɖǎ ma ɔ mú nyùìn ɖé ɓóɖó-dù kà kò ɖò ɓěɛ̀ nyɔ ɓěɔ̀ hwìɛ̀ kɛɛ wa gbo kɔ̃in ɖò-ɖò. 20Ti wa wɔ̃́ɔ ma kɛɛ, wa ɓàìn ma Gèɖèpɔ́ɔ̀. Ké wa cɛ̃ɛ ma Pɔ́ɔ̀ gbo, ké wa ɖá, “À ɖíí-gàà, m̀ dyé Júù-nyɔ̀ ɓěɔ̀ nyɔ táázĩ̀ìn jĩ̀ kà ɓɛ́ wa ɖǎà Gèɖèpɔ́ɔ̀ hwìɖǐǐ taɓa kɛ, ké wa séín kpɔ̃ Mózèɛ̀ gma ɓěɔ̀ dyi kóɖó-kóɖó. 21Wa ɖǎa wɔ̃́ kà ɓɛ́ m̀ ɖǎa Júù-nyɔ̀ séín ɓě nì ɖé ɓóɖó-dù kà kò ɖò ɓěɛ̀ nyɔ ɓěɔ̀ hwìɛ̀ kɛɛ gbo cɛ̃ kà ɓɛ́ wa ɓéɖé ɓɛ́ wa ké Mózèɛ̀ gma ɓěɔ̀ dyi táà kɛ. Wa ɖǎa wɔ̃́ kà ɓɛ́ m̀ cɛ̃ɛ ma wa gbo, ɓɛ́ wa ké waà dyú ɓěɔ̀ sàà ɖáɓáa ɓɔ́, ɔ kè ɓɛ́ wa ké à kpeɖe ɓěɔ̀ dyi táà kɛ. 22Ɖɛ́ à mɛ nyuɛ́? Wa muɛ dyí dyuòùn cá kà ɓɛ́ m̀ ɖǎ dyiɛ. 23Ɔ jèɛɛ, m̀ mɛ nyu ɖɛ à muà m̀ gbo cɛ̃ìn nyɛ. À ɓéɖé dà nyɔ hĩinyɛ, ké wa ɖǎ wuɖu ɖi ɓó Gèɖèpɔ́ɔ̀ gbo. 24M̀ kè gàa ɓě nìà kɛ mɛ mu. Ké ɖɛ ɓě ɓɛ́ wa mɔ̀ùn mu nyuùn, ɓɛ́ wa ké mú hwɛ̀ kɛɛ, m̀ kè wa mɛ nyuɛ. Ɖɛ ɓě ɓɛ́ wa ɓéɖé ɓɛ́ wa ké pɛ́ɛ̀ kɛɛ, m̀ mɛ pɛ́ɛ̀ wa bìì. Nìí, wa mɛ kpana waà míɔ̀. M̀ dyiɛ náa nyuín, nìí, nyɔ séín muɛ dyí dyuòùn kà ɓɛ́ ɖɛ ɓě ɓɛ́ wa ɖǎ wɔ̃́ ɓá m̀ jè dyíɛɛ, jǎà ɖò se wa mú nìɛ. Wa muɛ dyí dyuòùn kà ɓɛ́ m̀ mìɔùn kpɔ̃ gmaɔ̀ dyi ɖé nì fɛ̀ɛ̀-wè séín múɛ. 25Kɛɛ ɓó ɓóɖó-dù kà kò ɖò ɓěɛ̀ nyɔ ɓě ɖǎà Gèɖèpɔ́ɔ̀ hwìɖǐǐ taɓaa bììɛɛ, ɖɛ ɓě ɓɛ́ à ɖǎ ma gbɔ poɛɛ, à céè ma wa, ké à tòɛ̀ ma wa gbo. Ɖɛ ɓěɔ̀ mɔ̀, ɓɛ́ wa ké se ɖɛ ɓě ɓɛ́ nyɔ ɓě ɖǎ kũùn-kpò gbo sáa zàìn nyɛɛ ɖi, ɓɛ́ wa ké suaɖɛ̀-nyɔ̀mɔ̀ɔ̀ ɖi-ɖi dyi táà, ɓɛ́ wa ké suaɖɛ̀ kɔ̃̀ bùnù ɓɛ́ wa paɖa dyi, ké ɔ mɛ́ kɛɛ ɖiɛ ɓɔ́, ɔ kè ɓɛ́ wa ké gbàɖàùn-po-po dyi táà.”
26Ké Pɔ́ɔ̀ ɖú ma gàa ɓěɔ̀ dyí, ké wéɔ̀ nyɔ kɔ ma ɓó dyíɛɛ, ɔ kè wa nyu ma ɖɛ ɓě ɓɛ́ wa ké ma nyu ɓɛ́ wa ké ma kà mú hwɛ̀ kɛ. Ké ɔ mu ma ɖé Gèɖèpɔ́ɔ̀ gbǒɔ̀ mú, ké ɔ cɛ̃ ma ti ɓɛ́ ɖɛ ɓě ɓɛ́ wa nìà nyuɛń nyɛɛ mu dyi ziìn nyɛ, ɔ kè ti ɓɛ́ ɔ kè gàa ɓěɔ̀ mu waà sáa-zàìn-ɖɛ̀ ɓěɔ̀ tòùn wɛ̃ɛ nyɔ ɓěɔ̀ gbo.
Wa kpɔ̃ Pɔ́ɔ̀ ɖé Gèɖèpɔ́ɔ̀ gbǒɔ̀ mú
27Ti wé mɛ̀nɛ̌ìn-sɔ̃́ mɔ̀à Pɔ́ɔ̀ mú-hwɔ-wèɔ̀ kɛɛ nìǎ ma ɖé hwɛ̀ǐn nyɛɛ, Júù-nyɔ̀ ɓě ɓɛ́ wa sɔ̀ìn ma ɖé Ésìà-ɓòɖòɔ̀ kɔ̃ɛɛ dyé ma Pɔ́ɔ̀ ɖé Gèɖèpɔ́ɔ̀ gbǒɔ̀ mú. Ké wa po ma nyɔ kúɖúú ɓě vã kɔ̃, ɓɛ́ wa ké ma Pɔ́ɔ̀ gǎ dyéìn, ké wa kpɔ̃ ma ɔ. 28Ké wa páná ma mú, ké wa ɖá, “À mǔè Éézùɖùɛ̀-gàà ɓě, ɓě kpá à gbo. Gàa nìà nyɔǔn ɖɛ tɛ̀mɛ̀ǐn ɖé dà séín nyɛɛ kɛà kɛ̀. Ɔ nì à nyɔ ɓěɔ̀ kè à gma ɓěɔ̀ ɔ kè dɛ̀ à nìà kɛɛ wuɖuún ɖaɓauń. Ké ɓó kɔ̃in ɖeɛɛ, ɔ ɖǎ ɓóɖó-dù kà kò ɖò ɓěɛ̀ nyɔ ɓě nɔ̄ Gèɖèpɔ́ɔ̀ gbǒɛ̀ mú dyà, ké ɔ ɖǎ Gèɖèpɔ́ɔ̀ páɔ̀ se-mú-hwɛ̀-pà mú nyu.” 29Wa ɖǎ ma Pɔ́ɔ̀ kè Tɔ́ɖɔ́fímà ɓɛ́ ɔ sɔ̀ìn ma ɖé Ɛ́fɛ́sà-hwɔ̀ɖɔ̀ɔ̀ múɛɛ ɖé hwɔɖɔɔ̀ mú dyé kĩ́ín, ké wa poɛ̀n ma hwìɖǐi kà ɓɛ́ Pɔ́ɔ̀ ɖǎ ma ɔ ɖé Gèɖèpɔ́ɔ̀ gbǒɔ̀ mú kpa kĩ́ín nyɛ.
30Ké kuɖu-kuɖu ɓáún-ɓáún dyi ma ɖé hwɔɖɔɔ̀ mú, ké nyɔ ɓěɔ̀ sɔ̀ìn ma dà séín, ké wa dyà ma peɖeɛ. Wa kpɔ̃ ma Pɔ́ɔ̀, ké wa jiɖi ma ɔ sɔ̀ìn ɖé Gèɖèpɔ́ɔ̀ gbǒɔ̀ mú, ké wa kã ma gbǒɔ̀ wàɖà. 31Ti wa nì ma vɔ̃uń ɓɛ́ wa ké ma ɔ ɖáɓáa, sójà-ɓǎɔ̀ wɔ̃́ɔ ma kà kuɖu-kuɖu ɓáún-ɓáún nì ma ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú kɛ. 32Ké sójà-ɓǎɔ̀ ɖú ma sójà hɔ̃dɛ̀ɖɛ̀ ɖòɛ̀ ɓǎ ɓě kè waà sójà ɓěɔ̀ dyí wàɖà cá, ké wa kpa ma peɖeɛ ɖé wa gbo. Ké ti nyɔ ɓěɔ̀ dyé ma sójà-ɓǎɔ̀ kè ɔ sójà ɓěɔ̀ kɛɛ, wa ɓɔ́ ma Pɔ́ɔ̀ ɓaɖaa. 33Ké sójà-ɓǎɔ̀ mu ma nyɔ ɓěɔ̀ hwìɛ̀, ké ɔ kpɔ̃ ma Pɔ́ɔ̀. Ké ɔ cɛ̃ɛ ma sójà ɓěɔ̀ gbo, ɓɛ́ wa ké ma ɔ dyɔ̀ɔ̌-dù sɔ̃́ sã̀ìn. Ké ɔ diè ma nyɔ ɓěɔ̀ dyi, ké ɔ ɖá, “Gàa nìà kɛ mɔ̀ nyɛ́ɛ̀? Ké ɖɛ́ ɔ nyuɛ́?” 34Ké nyɔ kúɖúú ɓěɔ̀ páná ma mú, ké wa kpa ma ɖɛ kò-kò ɓě cɛ̃ɛ. Ké sójà-ɓǎɔ̀ se ma ɖɛ ɓěɔ̀ múin wɔ̃́ɔ ɓɛ́ìn ɓó kuɖu-kuɖu ɓěɔ̀ jè. Ɔ jèɛɛ, ɔ cɛ̃ɛ ma sójà ɓěɔ̀ gbo, ɓɛ́ wa ké Pɔ́ɔ̀ ɖé waà gbǒɔ̀ zɔ̃̌ kpa. 35Ti ɓɛ́ Pɔ́ɔ̀ nyini ma ɓó gbǒɔ̀ wĩín nyɛɛ, sójà ɓěɔ̀ ɓéɖé ɓɛ́ wa ké ma ɔ dyií ɖú, ɓɛ́ wa ké ma ɔ gbǒɔ̀ mú dyáìn, sepóɛɖé nyɔ kúɖúú ɓěɔ̀ nì ma ɔ gbo vɔ̃ɔ kpauń jè. 36Nyɔ séín ɓěɔ̀ páná ma mú, ké wa ɖá, “Ɓě ɖáɓá ɔ.”
Pɔ́ɔ̀ zaìn ɔ mìɔùn jè kɔ̃in
37Ti sójà ɓěɔ̀ ké ma kà ɖé Pɔ́ɔ̀ gbǒɔ̀ mú dyáìn nyɛɛ, ɔ diè ma sójà-ɓǎɔ̀ dyi, ké ɔ ɖá, “Tò ḿ ké wɛ́ɛ m̀ ɖɛ ɖò gbo cɛ̃e.”
Ké sójà-ɓǎɔ̀ ɖá, “Nì po Gíɖíì-wùɖùù? 38Nìí, m̀ se dyɛ Íjè-gàà mɔ̀ nyɔ nyuɛ zɔ̃̌ɔ̀ kà, ké nyɔ ɓěɔ̀ vɔ̃ ma kà gɔ̌mànàɔ̀ gbo, ké ɔ kpa ma kà kú-ɖáɓá-nyɔ̀ táázĩ̀ìn hĩinyɛɔ̀ ɖé gbǎùn-fúɖúáɔ̀ kɔ̃ kɛ.”
39Ké Pɔ́ɔ̀ ɖá, “Ḿ mɔ̀ Júù-nyɔ̀, ké ḿ sɔ̀ìn ɖé Tásɔ̀-hwɔ̀ɖɔ̀ nìà ɖé Sàɖésìà-ɓòɖòɔ̀ kɔ̃ɛɛ mú. Ḿ mɔ̀ hwɔɖɔ kpa ɖɛ ɖòɛ̀ nyɔ. Ní ɓaà m̀ ní, tò ɓɛ́ ḿ ké nyɔ ɓěɔ̀ gbo wùɖù.”
40Ti sójà-ɓǎɔ̀ ɖǎ ma wɔ̃́ɛɛ, Pɔ́ɔ̀ nyànà ma ɓó gbǒɔ̀ wĩín dyi, ké ɔ pòìn ma nyɔ ɓěɔ̀ sɔ̃ ɓɔ́í. Ké ti wa nì ma gìɖìǐɛɛ, ɔ wùɖù ma wa gbo ɖé Híìbúɖúù-wùɖù mú, ké ɔ ɖá,
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.