Àpɔ́sò 20
20
Pɔ́ɔ̀ mu ɖé Màsèdónìà-ɓòɖòɔ̀ kè Gíɖíì-ɓòɖòɔ̀ kɔ̃
1Ti zàǔn-zàǔnɔ̀ ɖǎ ma dyi ziɛɛ, Pɔ́ɔ̀ ɖá ma ɖeín-nà-nyɔ̀ ɓěɔ̀, ké ɔ po ma wa kpéí. Ké ɔ po ma wa hwuɖu ɖǎ hwɔ, ké ɔ sɔ̀ ma dyí, ɓɛ́ ɔ ké ma ɖé Màsèdónìà-ɓòɖòɔ̀ kɔ̃ mu. 2Ké ɔ zĩ̀ìn ma Màsèdónìà-ɓòɖòɔ̀ wáká ɓěɔ̀ kɔ̃, ké ɔ po ma cɔ́cì-nyɔ̀ ɓěɔ̀ kpéí mìɔ. Hwɛ̀ ké ɔ mu ma ɖé Gíɖíì-ɓòɖòɔ̀ kɔ̃. 3Ɔ nyu ma ɖé dɛ̀nɛ̀ tã. Ɓó tia ɓaɖaa, ɔ mɔ́ ɓɛ́ ɔ ké ma dyóóɔ̀ kɔ̃ mùìn, ɓɛ́ ɔ ké ma ɖé Síwíɖíà-ɓòɖòɔ̀ kɔ̃ mu, kɛɛ Júù-nyɔ̀ ɓěɔ̀ sɔ́ ma ɔ ní. Ɔ jèɛɛ, ɔ poɛ ma gbɔ, ɓɛ́ ɔ ké ma Màsèdónìà-ɓòɖòɔ̀ kɔ̃ mùìn. 4Nyɔ ɓě ɓɛ́ ɔ kè wa mu ma kɛɛ, wa nyɛ́nɛ́ ɓěɔ̀ kɛà kɛ̀: Sópàtà ɓɛ́ ɔ mɔ̀ ma Píwàɖàà dyú-gàà, ɓɛ́ ɔ sɔ̀ ɖé Bèwíɖíà-hwɔ̀ɖɔ̀ɔ̀ múɛ kè Àwèɖèsákà kè Sìkánà ɓɛ́ wa mɔ̀ ma Tɛ̀sàɖònákà-nyɔ̀ ɓěɛ kè Gédyà ɓɛ́ ɔ mɔ̀ ma Dɔ́ɓè-nyɔ̀ kɛ kè Tímétè ɔ kè Tíkíkà kè Tɔ́ɖɔ́fímà ɓɛ́ wa mɔ̀ ma Ésìà-nyɔ̀ ɓěɛ. 5Nyɔ ɓě nìà kɛ mu ma dyúa, ké wa nì ma à fòèɛ̌n ɖé Tóɖóà-hwɔ̀ɖɔ̀ɔ̀ mú. 6Ti Bɛɖɛɛ̀-Se-Dyáìn-Ɖɛ̀-Gbo-Nì-hwɔ̀ɔ̀ ɖǎ ma dyi ziɛɛ, à sɔ̀ ma ɖé Féɖópà-hwɔ̀ɖɔ̀ɔ̀ múín, ké à mùìn ma ɖé dyóóɔ̀ kɔ̃. À nyu ma wé hm̀m̌ níɔ̀ kɔ̃, ké à nyini ma ɖé wa gbo ɖé Tóɖóà-hwɔ̀ɖɔ̀ɔ̀ mú. Ké à nyu ma ɖé wé mɛ̀nɛ̌ìn-sɔ̃́.
Pɔ́ɔ̀ɛ̀ Tóɖóà-hwɔ̀ɖɔ̀ɔ̀ múin-té-té hwɛ̀ìn-gbɔ
7Ɓó wíkìɔ̀ wé kĩ́ín-kĩ́ínɔ̀ xwíníín nyɛɛ, ti à poìn ma dyí, ɓɛ́ à ké Gèɖèpɔ́ɔ̀-bɛ̀ɖɛ̀ɛ̀ɔ̀ ɖiɛɛ, Pɔ́ɔ̀ wùɖù ma cɔ́cì-nyɔ̀ ɓěɔ̀ gbo. Ɔ mɔ́ ɓɛ́ ɔ ké ma hwɔɖɔɔ̀ mú dyí sɔ̀ ɓó wéɔ̀ nyɔ kɔ ma ɓó dyíɛɛ xwíníín. Ɔ jèɛɛ, ɔ gã̀ ma wùɖùɛ̌n dyi tee, ké ɔ nyu ma máaún hwuɖu hwìɛ̀ǐn. 8À poìn ma dyí ɖé ɓí-dyù ɖò nì ma ɖé gbǒɔ̀ dyaa mú, ké ce ɓáún-ɓáún nì ma ɖé. 9Ké gàa-dyù hwà ɖò kɔ̃̀ nyɛ́nɛ́ mɔ̀ ma Dyútíkà kɛɛ kò ma ɓó gbǒɔ̀ wúɖɛ̀-wɔ̃̀ ɓěɔ̀ ɖò gbo dyi. Ti Pɔ́ɔ̀ nì ma wùɖùɛ̌n keɛɛ, nyíɔ dyíɖí ma gàa-dyùɔ̀, ké ɔ ɖú ma dyí ɖeè kpàǐ, ké ɔ keè ma ɖé gbǒɔ̀ deìn kɔ̃in tã nììnɔ̀ wúɖɛ̀-wɔ̃̀ɔ̀ gbo, ké ɔ kpá dyi. Ké wa ɖú ma ɔ xwɛ́ɔ̀ dyí. 10Ké Pɔ́ɔ̀ sí ma ɓíɖíi, ké ɔ ɓùɖùìn ma xwɛ́ɔ̀ kɔ̃, ké ɔ gbèɖèɛ̀n ma, ké ɔ ɖá, “Ɓě ɓɔ́ kuɖu-kuɖu nyuɛ, sepóɛɖé ɔ fɛ̀ɛ̀ɔ̀ nì ɔ mú ke.” 11Ké Pɔ́ɔ̀ mu ma ɖé gbǒɔ̀ dya ɖe, ké ɔ kè wa ɖi ma Gèɖèpɔ́ɔ̀-bɛ̀ɖɛ̀ɛ̀ɔ̀. Ké ɔ kè wa wùɖù ma goun, hwɛ̀ ké zɔ̃ zɔ̃ ma. Ké ɔ sɔ̀ ma dyí, ké ɔ mu. 12Wa hwòɖǒ dè ma dyi mìɔ, sepóɛɖé dyúɔ̀ nì ma cĩ́ɛń jè, ké wa kpa ma ɔ.
Wa sɔ̀ Tóɖóà-hwɔ̀ɖɔ̀ɔ̀ mú ké wa mu ɖé Màɖítà-hwɔ̀ɖɔ̀ɔ̀ mú
13Ti ɓɛ́ Pɔ́ɔ̀ ɖǎ ma Tóɖóà-hwɔ̀ɖɔ̀ɔ̀ mú sɔ̀ɛɛ, à mɔ̀ùn mu ma dyúa, ké à kpá ma méè ɖò mú, ɓɛ́ à ké ɖé Ásà-hwɔ̀ɖɔ̀ɔ̀ mú mu, dɛ̀ ɓɛ́ à ɓéɖé ɓɛ́ à kéà Pɔ́ɔ̀ mɔ̀ùn dyí ɖúɛ. Ɔ cɛ̃ɛ ma náa à gbo kĩ́ín, sepóɛɖé ɔ mɔ́ ɓɛ́ ɔ ké ma ɖé ɓo kpa. 14Ké ti ɓɛ́ à kèɔ̀ kè dyéìn ma ɖé Ásà-hwɔ̀ɖɔ̀ɔ̀ múɛɛ, à ɖú ma ɖé ɔ dyí, ké à kèɔ̀ kè mu ma ɖé Mìtìɖínì-hwɔ̀ɖɔ̀ɔ̀ mú. 15Wéɔ̀ nyɔ kɔ ma ɓó dyíɛɛ, à sɔ̀ ma ɓó dyí, ké à wóɖóìn ma Kádyà-tòò-kpòɔ̀ dyí. Ké à nyini ma Sémà-tòò-kpòɔ̀ kɔ̃ ɓó wéɔ̀ nyɔ kɔ ma ɓó dyíɛɛ xwíníín. Ké zɔ̃ɔ̀ nyɔ zɔ̃ ma ɓó ɖeɛɛ, à nyini ma ɖé Màɖítà-hwɔ̀ɖɔ̀ɔ̀ mú. 16Pɔ́ɔ̀ poɛ ma gbɔ, ɓɛ́ ɔ ké ma Ɛ́fɛ́sà-hwɔ̀ɖɔ̀ɔ̀ ɓàɖàìn, sepóɛɖé ɔ se mɔ́ ɓɛ́ ɔ ké ma ɖé Ésìà-ɓòɖòɔ̀ kɔ̃ hwèɖèìn jè. Ɔ nì ma fṹàǔn, ɔ jǔ ké ɔ dyiɛ ma nyuɛ ɓɛ́ìn ní, ɔ ké ma ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú nì ɓó Pɛ́nɛ́kɔ̀-wèɔ̀ xwíníín.
Pɔ́ɔ̀ po cɔ́cì-nyɔ̀ vɛ̀nɛ̀ ɓě sɔ̀ ɖé Ɛ́fɛ́sà-hwɔ̀ɖɔ̀ɔ̀ mú kɛɛ hwuɖu ɖǎ hwɔ
17Ti Pɔ́ɔ̀ nì ma ɖé Màɖítà-hwɔ̀ɖɔ̀ɔ̀ múɛɛ, ɔ cuò ma nyɔ, ɓɛ́ wa ké ɔ bìì cɔ́cì-nyɔ̀ vɛ̀nɛ̀ ɓě ɓɛ́ wa nì ma ɖé Ɛ́fɛ́sà-hwɔ̀ɖɔ̀ɔ̀ múɛɛ ɖá. 18Ké ti wa dyi ma ɔ gboɛɛ, ɔ cɛ̃ɛ ma wa gbo, ké ɔ ɖá, “Ɓě dyuò kà ní kpeɖe nyu ma nìɛ̀, ti ɓɛ́ ḿ nyini ma ɖé Ésìà-ɓòɖòɔ̀ kɔ̃ nyɛ̀nɛ̀ɛ̀ cáa, ɔ kè ti jĩ̀ kà ɓɛ́ ḿ nyu ma ɖé ɓě gboɛ. 19Ḿ nì ma Bounɓoɔ̀ bìì kũ̀à nyuɛń, ké ḿ dyà ma ḿ mìɔùn ɓíɖíi ɖé wìì-ɖɛ̀ ɓě kè mú-dɔ̃̌-dɔ̃̌ ɓě ɓɛ́ ḿ dyé ma dyíɛɛ mú. Ɖɛ ɓěa kpá ma ḿ gbo, sepóɛɖé kà Júù-nyɔ̀ ɓěɔ̀ nyuɛ ma dyí sɔ́ɔ. 20Ɓě dyuò kà ḿ se ma wuɖu ɓě ké ɓě gbo kpáa ɓě dyí gàìn nyɛ. Ḿ cɛ̃ ma ɓě bɔ̃̌ nɔ̀mɔ̀ dyíinɔ̀ gbo, ké ḿ tɛ̀mɛ̀ìn ma ɓě ɖɛ ɖé nyɔǔn séín dyúa, ɔ kè ɖé ɓě ɓíɖí-taà ɓěɔ̀ mú ɖekè. 21Ḿ nìɛ̀ ma Júù-nyɔ̀ ɓěɔ̀ kè ɓóɖó-dù kà kò ɖò ɓěɛ̀ nyɔ ɓěɔ̀ gbo cɛ̃iń kà ɓɛ́ wa ɓéɖé ɓɛ́ wa ké waà kpeɖe gbà ɓěɔ̀ dyi táà ɓó Gèɖèpɔ́ɔ̀ gbo, ké wa ɓéɖé wa ké à Bounɓo Jízɛ̀ɔ̀ hwìɖǐǐ taɓaa. 22Ké kàǔn wɛ̃ɛ, ɓě dyéɛ kà Zùùɔ̀ nɛ́ ḿ kɔ̃, ké ḿ nìǎ hwìè kɔ̃, ɓɛ́ ḿ ké ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú muɛ. Ké ḿ se ɖɛ mu ɖé ḿ gbo kpáùn wɛ̃ɛ dyí dyuò, 23ɔ sèìn ɖɛ ɓɛ́ Zùù Hwɛ̀ǐn-hwɛ̀ǐnɔ̀ cɛ̃à ḿ gbo ɖé hwɔɖɔ ɖò-ɖò séín múɛ. Ɔ ɖá, wa nì ḿ fòèɛ̌n, ɓɛ́ wa ké ḿ kpɔɖɔ ɖeín po, ɔ kè ɓɛ́ wa ké ḿ gǎ dyéìn. 24Kɛɛ ḿ se ní fɛ̀ɛ̀ɔ̀ jè kàmà, ké ḿ seɛ ɖɛ ɖá. Hwìè ɓɛ́ Gèɖèpɔ́ɔ̀ mɔ́ ɓɛ́ ḿ kéà kpaa, ḿ mɔ́ ɓɛ́ ḿ kéɛ dúí jaɖa wɛ̃́ɛ́ pū. Ḿ mɔ́ ɓɛ́ ḿ ké kũ̀à ɓɛ́ Bounɓo Jízɛ̀ nyíà ḿ wɛ̃ɛ nyuɛ hwɔ. Kũ̀à ɓɛ́ ɔ nyíà ḿ wɛ̃ɛ mɔ̀ ɓɛ́ ḿ ké bɔ̃̌ nɔ̀mɔ̀ dyíinɔ̀ cɛ̃. Bɔ̃̌ nɔ̀mɔ̀ dyíinɔ̀ ɓá kpeɖe nɔ̀mɔ̀ dyíin ɓɛ́ Gèɖèpɔ́ɔ̀ nyu ma nyɔ bììɛɛ jè dyí.
25“Ḿ ɖǎ ma ɖé ɓě hwìɛ̀ mu, ké ḿ ɖǎ ma ɖé Gèɖèpɔ́ɔ̀ kã́á-ɓòɖòɔ̀ jè zio mú pòìn. Kɛɛ kàǔn wɛ̃ɛ, ḿ dyuò kà ɓɛ́ ɓě ɖò se ḿ dyéɖé kɔ̃ poɛ́ mu ɖe fɔɔ kɛ. 26Ɔ jèɛɛ, ḿ nìɛ̀ ɓě gbo cɛ̃iń kà ɓɛ́ ɖɛ mu nyɔ ɖò gbo kpáùn wɛ̃ɛ se ní kpé jǔɛ muɛ. 27Sepóɛɖé ḿ se ma ɓě wuɖu ɖò dyí gàìn. Ḿ cɛ̃ ma ɖɛ séín ɓě ɓɛ́ Gèɖèpɔ́ɔ̀ ɖǎ ma dyí sɔ́ɛɛ ɓě gbo. 28Ɓě mɛ màìn ɓě mìɔùn mú, ké ɓě mɛ màìn ɓáɖáá kúɖúú ɓě mɔ̀à Gèɖèpɔ́ɔ̀ nyɔ ɓě ɓɛ́ Zùù Hwɛ̀ǐn-hwɛ̀ǐnɔ̀ ɖǎà nyu ké ɓě mɔ̀à waà kɔ̃in-gmɔìn-nyɔ̀ kɛɛ mú. Ɔ nyuɛ ma náa, ɓɛ́ ɓě ké Bounɓoɔ̀ nììn nyɔ ɓě ɓɛ́ ɔ dyéìn ma ɖé ɔ mìɔùn nììn nyɔmɔɔ̀ múɛɛ dyí gmɔ̀. 29Ḿ dyuò kà ɔ jǔ ké ḿ dyi ɓě hwìɛ̀ sɔ̀ ní, nìí, ji kɔ̃̀ dyoɖo ɓě mu ɓě hwìɛ̀ dyiìn, ké wa se ɓáɖáá ɓěɔ̀ wìǐn dyéɛ mu kɛ. 30Ké nyɔ ɖíɛ́ ɓě mu ɖé ɓě mìɔùn hwìɛ̀ sɔ̀ùn ɖekè, ké wa mu jǎàɔ̀ dyí zàìn, ɓɛ́ wa kéɛ nyu ɓɛ́ ɖeín-nà-nyɔ̀ ɓěɔ̀ ké wa kíɖíí sí. 31Ɔ jèɛɛ, ɓě mɛ nì ɓɛ́ɖɛ́ kɔ̃. Ké ɔ mɛ nì ɓě hwìɖǐi kà ḿ vĩ̌ ma, ké ḿ po ma ɓě séín náún tee ɓó zɔ̃ tã xwíníín, ɓó gànà-kṹún kè ɔ ɖíí hwìo kɛ.
32“Ɓó kàǔn wɛ̃ɛ, ḿ zàìn ɓě Gèɖèpɔ́ɔ̀ kè bɔ̃̌ nɔ̀mɔ̀ dyíin ɓɛ́ ɔ ɓá ɔ kpeɖe nɔ̀mɔ̀ dyíin ɓě ɓɛ́ ɔ nyu nyɔ bììɛ dyíɛɛ xwáɖáún. Bɔ̃̌ nɔ̀mɔ̀ dyíinɔ̀ ɓéɖé kpé ɓɛ́ ɔ ké ɓě dyi kùìn, ɔ kè ɓɛ́ ɔ ké ɓě kɔ̃̀ɔ̀-ɖɛ̀ ɖò nyí ɓó nyɔ séín ɓě ɓɛ́ wa ɖǎ wa mìɔùn Gèɖèpɔ́ɔ̀ xwáɖáún zàìn nyɛɛ hwìɛ̀. 33Nyɔ ɖòɛ̀ wíɖí kè ɔ ɖɔ jè ní po ma ḿ hwɛ̀nɛ̌ǐn. 34Ɓě mìɔùn dyuòɛ̀ kà ní sɔ̃ ɓě nìà kɛ wa nyuɛ, ké ḿ dyé ma ɖɛ ɓě ɓɛ́ ḿ kè nyɔ ɓě nì ma ɓó ḿ gboɛɛ mɔ́ ma kɛ. 35Ḿ ɖǎa ɓě dyí tɛ̀mɛ̀ìn ɖé ɖɛ séín mú kà ɓɛ́ ɓěà ɓéɖé ɓɛ́ ɓěà ké kpéɛ̀-dyí-hwɛ̀-nyɔ̀ ɓěɔ̀ gbo kpá ɖé kũ̀à-nyu-nyu nì kà kɛɛ múɛ. Ɖɛ Bounɓo Jízɛ̀ cɛ̃ ma kɛɛ mɛ nì ɓě hwìɖǐi. Ɔ cɛ̃ɛ ma, ké ɔ ɖá, ‘Nyɔ-ɖɛ-nyí-nyí dyà múà, ké ɔ zi ɖɛ-dyé-dyé dyí.’ ”
36Ti Pɔ́ɔ̀ ɖǎ ma ɖɛ ɓěa cɛ̃ɛ hwɔɛɛ, ɔ kè nyɔ séín ɓěɔ̀ taɓa ma kɔ́-dù hwuɖu, ké ɔ ɓaà ma. 37Ké wa séín vĩ̌ ma mìɔ, ké wa gbèɖèìn ma ɔ, ké wa nyá ma ɔ wɔ̃. 38Ɖɛ nyùìn ma wa wìì mìɔ kɛɛ, ɔ mɔ̀ wuɖu ɔ cɛ̃ ma kà, ɓɛ́ ɔ dyi níiń, wa se ma kà ɔ dyéɖé kɔ̃ poɛ́ mu ɖe fɔɔ kɛ. Ké wa kpa ma ɔ hwìǐ, ɓɛ́ ɔ ké méè mú kpá.
Currently Selected:
Àpɔ́sò 20: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Àpɔ́sò 20
20
Pɔ́ɔ̀ mu ɖé Màsèdónìà-ɓòɖòɔ̀ kè Gíɖíì-ɓòɖòɔ̀ kɔ̃
1Ti zàǔn-zàǔnɔ̀ ɖǎ ma dyi ziɛɛ, Pɔ́ɔ̀ ɖá ma ɖeín-nà-nyɔ̀ ɓěɔ̀, ké ɔ po ma wa kpéí. Ké ɔ po ma wa hwuɖu ɖǎ hwɔ, ké ɔ sɔ̀ ma dyí, ɓɛ́ ɔ ké ma ɖé Màsèdónìà-ɓòɖòɔ̀ kɔ̃ mu. 2Ké ɔ zĩ̀ìn ma Màsèdónìà-ɓòɖòɔ̀ wáká ɓěɔ̀ kɔ̃, ké ɔ po ma cɔ́cì-nyɔ̀ ɓěɔ̀ kpéí mìɔ. Hwɛ̀ ké ɔ mu ma ɖé Gíɖíì-ɓòɖòɔ̀ kɔ̃. 3Ɔ nyu ma ɖé dɛ̀nɛ̀ tã. Ɓó tia ɓaɖaa, ɔ mɔ́ ɓɛ́ ɔ ké ma dyóóɔ̀ kɔ̃ mùìn, ɓɛ́ ɔ ké ma ɖé Síwíɖíà-ɓòɖòɔ̀ kɔ̃ mu, kɛɛ Júù-nyɔ̀ ɓěɔ̀ sɔ́ ma ɔ ní. Ɔ jèɛɛ, ɔ poɛ ma gbɔ, ɓɛ́ ɔ ké ma Màsèdónìà-ɓòɖòɔ̀ kɔ̃ mùìn. 4Nyɔ ɓě ɓɛ́ ɔ kè wa mu ma kɛɛ, wa nyɛ́nɛ́ ɓěɔ̀ kɛà kɛ̀: Sópàtà ɓɛ́ ɔ mɔ̀ ma Píwàɖàà dyú-gàà, ɓɛ́ ɔ sɔ̀ ɖé Bèwíɖíà-hwɔ̀ɖɔ̀ɔ̀ múɛ kè Àwèɖèsákà kè Sìkánà ɓɛ́ wa mɔ̀ ma Tɛ̀sàɖònákà-nyɔ̀ ɓěɛ kè Gédyà ɓɛ́ ɔ mɔ̀ ma Dɔ́ɓè-nyɔ̀ kɛ kè Tímétè ɔ kè Tíkíkà kè Tɔ́ɖɔ́fímà ɓɛ́ wa mɔ̀ ma Ésìà-nyɔ̀ ɓěɛ. 5Nyɔ ɓě nìà kɛ mu ma dyúa, ké wa nì ma à fòèɛ̌n ɖé Tóɖóà-hwɔ̀ɖɔ̀ɔ̀ mú. 6Ti Bɛɖɛɛ̀-Se-Dyáìn-Ɖɛ̀-Gbo-Nì-hwɔ̀ɔ̀ ɖǎ ma dyi ziɛɛ, à sɔ̀ ma ɖé Féɖópà-hwɔ̀ɖɔ̀ɔ̀ múín, ké à mùìn ma ɖé dyóóɔ̀ kɔ̃. À nyu ma wé hm̀m̌ níɔ̀ kɔ̃, ké à nyini ma ɖé wa gbo ɖé Tóɖóà-hwɔ̀ɖɔ̀ɔ̀ mú. Ké à nyu ma ɖé wé mɛ̀nɛ̌ìn-sɔ̃́.
Pɔ́ɔ̀ɛ̀ Tóɖóà-hwɔ̀ɖɔ̀ɔ̀ múin-té-té hwɛ̀ìn-gbɔ
7Ɓó wíkìɔ̀ wé kĩ́ín-kĩ́ínɔ̀ xwíníín nyɛɛ, ti à poìn ma dyí, ɓɛ́ à ké Gèɖèpɔ́ɔ̀-bɛ̀ɖɛ̀ɛ̀ɔ̀ ɖiɛɛ, Pɔ́ɔ̀ wùɖù ma cɔ́cì-nyɔ̀ ɓěɔ̀ gbo. Ɔ mɔ́ ɓɛ́ ɔ ké ma hwɔɖɔɔ̀ mú dyí sɔ̀ ɓó wéɔ̀ nyɔ kɔ ma ɓó dyíɛɛ xwíníín. Ɔ jèɛɛ, ɔ gã̀ ma wùɖùɛ̌n dyi tee, ké ɔ nyu ma máaún hwuɖu hwìɛ̀ǐn. 8À poìn ma dyí ɖé ɓí-dyù ɖò nì ma ɖé gbǒɔ̀ dyaa mú, ké ce ɓáún-ɓáún nì ma ɖé. 9Ké gàa-dyù hwà ɖò kɔ̃̀ nyɛ́nɛ́ mɔ̀ ma Dyútíkà kɛɛ kò ma ɓó gbǒɔ̀ wúɖɛ̀-wɔ̃̀ ɓěɔ̀ ɖò gbo dyi. Ti Pɔ́ɔ̀ nì ma wùɖùɛ̌n keɛɛ, nyíɔ dyíɖí ma gàa-dyùɔ̀, ké ɔ ɖú ma dyí ɖeè kpàǐ, ké ɔ keè ma ɖé gbǒɔ̀ deìn kɔ̃in tã nììnɔ̀ wúɖɛ̀-wɔ̃̀ɔ̀ gbo, ké ɔ kpá dyi. Ké wa ɖú ma ɔ xwɛ́ɔ̀ dyí. 10Ké Pɔ́ɔ̀ sí ma ɓíɖíi, ké ɔ ɓùɖùìn ma xwɛ́ɔ̀ kɔ̃, ké ɔ gbèɖèɛ̀n ma, ké ɔ ɖá, “Ɓě ɓɔ́ kuɖu-kuɖu nyuɛ, sepóɛɖé ɔ fɛ̀ɛ̀ɔ̀ nì ɔ mú ke.” 11Ké Pɔ́ɔ̀ mu ma ɖé gbǒɔ̀ dya ɖe, ké ɔ kè wa ɖi ma Gèɖèpɔ́ɔ̀-bɛ̀ɖɛ̀ɛ̀ɔ̀. Ké ɔ kè wa wùɖù ma goun, hwɛ̀ ké zɔ̃ zɔ̃ ma. Ké ɔ sɔ̀ ma dyí, ké ɔ mu. 12Wa hwòɖǒ dè ma dyi mìɔ, sepóɛɖé dyúɔ̀ nì ma cĩ́ɛń jè, ké wa kpa ma ɔ.
Wa sɔ̀ Tóɖóà-hwɔ̀ɖɔ̀ɔ̀ mú ké wa mu ɖé Màɖítà-hwɔ̀ɖɔ̀ɔ̀ mú
13Ti ɓɛ́ Pɔ́ɔ̀ ɖǎ ma Tóɖóà-hwɔ̀ɖɔ̀ɔ̀ mú sɔ̀ɛɛ, à mɔ̀ùn mu ma dyúa, ké à kpá ma méè ɖò mú, ɓɛ́ à ké ɖé Ásà-hwɔ̀ɖɔ̀ɔ̀ mú mu, dɛ̀ ɓɛ́ à ɓéɖé ɓɛ́ à kéà Pɔ́ɔ̀ mɔ̀ùn dyí ɖúɛ. Ɔ cɛ̃ɛ ma náa à gbo kĩ́ín, sepóɛɖé ɔ mɔ́ ɓɛ́ ɔ ké ma ɖé ɓo kpa. 14Ké ti ɓɛ́ à kèɔ̀ kè dyéìn ma ɖé Ásà-hwɔ̀ɖɔ̀ɔ̀ múɛɛ, à ɖú ma ɖé ɔ dyí, ké à kèɔ̀ kè mu ma ɖé Mìtìɖínì-hwɔ̀ɖɔ̀ɔ̀ mú. 15Wéɔ̀ nyɔ kɔ ma ɓó dyíɛɛ, à sɔ̀ ma ɓó dyí, ké à wóɖóìn ma Kádyà-tòò-kpòɔ̀ dyí. Ké à nyini ma Sémà-tòò-kpòɔ̀ kɔ̃ ɓó wéɔ̀ nyɔ kɔ ma ɓó dyíɛɛ xwíníín. Ké zɔ̃ɔ̀ nyɔ zɔ̃ ma ɓó ɖeɛɛ, à nyini ma ɖé Màɖítà-hwɔ̀ɖɔ̀ɔ̀ mú. 16Pɔ́ɔ̀ poɛ ma gbɔ, ɓɛ́ ɔ ké ma Ɛ́fɛ́sà-hwɔ̀ɖɔ̀ɔ̀ ɓàɖàìn, sepóɛɖé ɔ se mɔ́ ɓɛ́ ɔ ké ma ɖé Ésìà-ɓòɖòɔ̀ kɔ̃ hwèɖèìn jè. Ɔ nì ma fṹàǔn, ɔ jǔ ké ɔ dyiɛ ma nyuɛ ɓɛ́ìn ní, ɔ ké ma ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú nì ɓó Pɛ́nɛ́kɔ̀-wèɔ̀ xwíníín.
Pɔ́ɔ̀ po cɔ́cì-nyɔ̀ vɛ̀nɛ̀ ɓě sɔ̀ ɖé Ɛ́fɛ́sà-hwɔ̀ɖɔ̀ɔ̀ mú kɛɛ hwuɖu ɖǎ hwɔ
17Ti Pɔ́ɔ̀ nì ma ɖé Màɖítà-hwɔ̀ɖɔ̀ɔ̀ múɛɛ, ɔ cuò ma nyɔ, ɓɛ́ wa ké ɔ bìì cɔ́cì-nyɔ̀ vɛ̀nɛ̀ ɓě ɓɛ́ wa nì ma ɖé Ɛ́fɛ́sà-hwɔ̀ɖɔ̀ɔ̀ múɛɛ ɖá. 18Ké ti wa dyi ma ɔ gboɛɛ, ɔ cɛ̃ɛ ma wa gbo, ké ɔ ɖá, “Ɓě dyuò kà ní kpeɖe nyu ma nìɛ̀, ti ɓɛ́ ḿ nyini ma ɖé Ésìà-ɓòɖòɔ̀ kɔ̃ nyɛ̀nɛ̀ɛ̀ cáa, ɔ kè ti jĩ̀ kà ɓɛ́ ḿ nyu ma ɖé ɓě gboɛ. 19Ḿ nì ma Bounɓoɔ̀ bìì kũ̀à nyuɛń, ké ḿ dyà ma ḿ mìɔùn ɓíɖíi ɖé wìì-ɖɛ̀ ɓě kè mú-dɔ̃̌-dɔ̃̌ ɓě ɓɛ́ ḿ dyé ma dyíɛɛ mú. Ɖɛ ɓěa kpá ma ḿ gbo, sepóɛɖé kà Júù-nyɔ̀ ɓěɔ̀ nyuɛ ma dyí sɔ́ɔ. 20Ɓě dyuò kà ḿ se ma wuɖu ɓě ké ɓě gbo kpáa ɓě dyí gàìn nyɛ. Ḿ cɛ̃ ma ɓě bɔ̃̌ nɔ̀mɔ̀ dyíinɔ̀ gbo, ké ḿ tɛ̀mɛ̀ìn ma ɓě ɖɛ ɖé nyɔǔn séín dyúa, ɔ kè ɖé ɓě ɓíɖí-taà ɓěɔ̀ mú ɖekè. 21Ḿ nìɛ̀ ma Júù-nyɔ̀ ɓěɔ̀ kè ɓóɖó-dù kà kò ɖò ɓěɛ̀ nyɔ ɓěɔ̀ gbo cɛ̃iń kà ɓɛ́ wa ɓéɖé ɓɛ́ wa ké waà kpeɖe gbà ɓěɔ̀ dyi táà ɓó Gèɖèpɔ́ɔ̀ gbo, ké wa ɓéɖé wa ké à Bounɓo Jízɛ̀ɔ̀ hwìɖǐǐ taɓaa. 22Ké kàǔn wɛ̃ɛ, ɓě dyéɛ kà Zùùɔ̀ nɛ́ ḿ kɔ̃, ké ḿ nìǎ hwìè kɔ̃, ɓɛ́ ḿ ké ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú muɛ. Ké ḿ se ɖɛ mu ɖé ḿ gbo kpáùn wɛ̃ɛ dyí dyuò, 23ɔ sèìn ɖɛ ɓɛ́ Zùù Hwɛ̀ǐn-hwɛ̀ǐnɔ̀ cɛ̃à ḿ gbo ɖé hwɔɖɔ ɖò-ɖò séín múɛ. Ɔ ɖá, wa nì ḿ fòèɛ̌n, ɓɛ́ wa ké ḿ kpɔɖɔ ɖeín po, ɔ kè ɓɛ́ wa ké ḿ gǎ dyéìn. 24Kɛɛ ḿ se ní fɛ̀ɛ̀ɔ̀ jè kàmà, ké ḿ seɛ ɖɛ ɖá. Hwìè ɓɛ́ Gèɖèpɔ́ɔ̀ mɔ́ ɓɛ́ ḿ kéà kpaa, ḿ mɔ́ ɓɛ́ ḿ kéɛ dúí jaɖa wɛ̃́ɛ́ pū. Ḿ mɔ́ ɓɛ́ ḿ ké kũ̀à ɓɛ́ Bounɓo Jízɛ̀ nyíà ḿ wɛ̃ɛ nyuɛ hwɔ. Kũ̀à ɓɛ́ ɔ nyíà ḿ wɛ̃ɛ mɔ̀ ɓɛ́ ḿ ké bɔ̃̌ nɔ̀mɔ̀ dyíinɔ̀ cɛ̃. Bɔ̃̌ nɔ̀mɔ̀ dyíinɔ̀ ɓá kpeɖe nɔ̀mɔ̀ dyíin ɓɛ́ Gèɖèpɔ́ɔ̀ nyu ma nyɔ bììɛɛ jè dyí.
25“Ḿ ɖǎ ma ɖé ɓě hwìɛ̀ mu, ké ḿ ɖǎ ma ɖé Gèɖèpɔ́ɔ̀ kã́á-ɓòɖòɔ̀ jè zio mú pòìn. Kɛɛ kàǔn wɛ̃ɛ, ḿ dyuò kà ɓɛ́ ɓě ɖò se ḿ dyéɖé kɔ̃ poɛ́ mu ɖe fɔɔ kɛ. 26Ɔ jèɛɛ, ḿ nìɛ̀ ɓě gbo cɛ̃iń kà ɓɛ́ ɖɛ mu nyɔ ɖò gbo kpáùn wɛ̃ɛ se ní kpé jǔɛ muɛ. 27Sepóɛɖé ḿ se ma ɓě wuɖu ɖò dyí gàìn. Ḿ cɛ̃ ma ɖɛ séín ɓě ɓɛ́ Gèɖèpɔ́ɔ̀ ɖǎ ma dyí sɔ́ɛɛ ɓě gbo. 28Ɓě mɛ màìn ɓě mìɔùn mú, ké ɓě mɛ màìn ɓáɖáá kúɖúú ɓě mɔ̀à Gèɖèpɔ́ɔ̀ nyɔ ɓě ɓɛ́ Zùù Hwɛ̀ǐn-hwɛ̀ǐnɔ̀ ɖǎà nyu ké ɓě mɔ̀à waà kɔ̃in-gmɔìn-nyɔ̀ kɛɛ mú. Ɔ nyuɛ ma náa, ɓɛ́ ɓě ké Bounɓoɔ̀ nììn nyɔ ɓě ɓɛ́ ɔ dyéìn ma ɖé ɔ mìɔùn nììn nyɔmɔɔ̀ múɛɛ dyí gmɔ̀. 29Ḿ dyuò kà ɔ jǔ ké ḿ dyi ɓě hwìɛ̀ sɔ̀ ní, nìí, ji kɔ̃̀ dyoɖo ɓě mu ɓě hwìɛ̀ dyiìn, ké wa se ɓáɖáá ɓěɔ̀ wìǐn dyéɛ mu kɛ. 30Ké nyɔ ɖíɛ́ ɓě mu ɖé ɓě mìɔùn hwìɛ̀ sɔ̀ùn ɖekè, ké wa mu jǎàɔ̀ dyí zàìn, ɓɛ́ wa kéɛ nyu ɓɛ́ ɖeín-nà-nyɔ̀ ɓěɔ̀ ké wa kíɖíí sí. 31Ɔ jèɛɛ, ɓě mɛ nì ɓɛ́ɖɛ́ kɔ̃. Ké ɔ mɛ nì ɓě hwìɖǐi kà ḿ vĩ̌ ma, ké ḿ po ma ɓě séín náún tee ɓó zɔ̃ tã xwíníín, ɓó gànà-kṹún kè ɔ ɖíí hwìo kɛ.
32“Ɓó kàǔn wɛ̃ɛ, ḿ zàìn ɓě Gèɖèpɔ́ɔ̀ kè bɔ̃̌ nɔ̀mɔ̀ dyíin ɓɛ́ ɔ ɓá ɔ kpeɖe nɔ̀mɔ̀ dyíin ɓě ɓɛ́ ɔ nyu nyɔ bììɛ dyíɛɛ xwáɖáún. Bɔ̃̌ nɔ̀mɔ̀ dyíinɔ̀ ɓéɖé kpé ɓɛ́ ɔ ké ɓě dyi kùìn, ɔ kè ɓɛ́ ɔ ké ɓě kɔ̃̀ɔ̀-ɖɛ̀ ɖò nyí ɓó nyɔ séín ɓě ɓɛ́ wa ɖǎ wa mìɔùn Gèɖèpɔ́ɔ̀ xwáɖáún zàìn nyɛɛ hwìɛ̀. 33Nyɔ ɖòɛ̀ wíɖí kè ɔ ɖɔ jè ní po ma ḿ hwɛ̀nɛ̌ǐn. 34Ɓě mìɔùn dyuòɛ̀ kà ní sɔ̃ ɓě nìà kɛ wa nyuɛ, ké ḿ dyé ma ɖɛ ɓě ɓɛ́ ḿ kè nyɔ ɓě nì ma ɓó ḿ gboɛɛ mɔ́ ma kɛ. 35Ḿ ɖǎa ɓě dyí tɛ̀mɛ̀ìn ɖé ɖɛ séín mú kà ɓɛ́ ɓěà ɓéɖé ɓɛ́ ɓěà ké kpéɛ̀-dyí-hwɛ̀-nyɔ̀ ɓěɔ̀ gbo kpá ɖé kũ̀à-nyu-nyu nì kà kɛɛ múɛ. Ɖɛ Bounɓo Jízɛ̀ cɛ̃ ma kɛɛ mɛ nì ɓě hwìɖǐi. Ɔ cɛ̃ɛ ma, ké ɔ ɖá, ‘Nyɔ-ɖɛ-nyí-nyí dyà múà, ké ɔ zi ɖɛ-dyé-dyé dyí.’ ”
36Ti Pɔ́ɔ̀ ɖǎ ma ɖɛ ɓěa cɛ̃ɛ hwɔɛɛ, ɔ kè nyɔ séín ɓěɔ̀ taɓa ma kɔ́-dù hwuɖu, ké ɔ ɓaà ma. 37Ké wa séín vĩ̌ ma mìɔ, ké wa gbèɖèìn ma ɔ, ké wa nyá ma ɔ wɔ̃. 38Ɖɛ nyùìn ma wa wìì mìɔ kɛɛ, ɔ mɔ̀ wuɖu ɔ cɛ̃ ma kà, ɓɛ́ ɔ dyi níiń, wa se ma kà ɔ dyéɖé kɔ̃ poɛ́ mu ɖe fɔɔ kɛ. Ké wa kpa ma ɔ hwìǐ, ɓɛ́ ɔ ké méè mú kpá.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.