1 Kɔ̀ɖéíntĩ̀ɔ̀ 8
8
Ɖɛ ɓá ɖii-ɖɛ̀ ɓɛ́ wa zàìn kũùn-kpò gbo sáa kɛɛ jè dyíɛ
1Ɖɛ ḿ mɛ cɛ̃ ɓá ɖii-ɖɛ̀ wa ɖǎ kũùn-kpò gbo sáa zàìn nyɛɛ jè dyíɛɛ, ɔ kɛ̀. À dyuòɛ̀ kà à séín ɓéɖé fɔ̀nɔ̀-hwòɖǒɛ. Hwòɖǒ-fɔ̀nɔ̀-fɔ̀nɔ̀ ɓúáìn nyɔ dyí, kɛɛ ɖɛ̀ɓɛ̀ǐn-ɖɛ̀ɓɛ̀ǐn kùìn nyɔ dyi. 2Nyɔ ɖò dyiɛ hwìɖǐi poìn kà ɔ dyuò ɖɛ kɛɛ ní, ɔ séèɛ̀ dyí dyuò ke kà ɔ ɓéɖé ɓɛ́ ɔ kéɛ dyí dyuòɛ̀ nyuɛ. 3Kɛɛ ɔ jǔ ké nyɔ ɖò dyi Gèɖèpɔ́ɔ̀ mú ɖɛ̀ɓɛ̀ǐn, nìí, Gèɖèpɔ́ɔ̀ dyuò ɔ mɔ̀ùn dyí.
4Ɔ jèɛɛ, ɓá ɖii-ɖɛ̀ ɓɛ́ wa ɖǎ kũùn-kpò gbo sáa zàìn nyɛɛ jè dyíɛɛ, à dyuòɛ̀ dyí kà kũùn-kpò se ɖɛ ɖò nɔ̄ ɓóɖó-kpàà kɔ̃ɛ. Ké à dyuòɛ̀ dyí kà Gèɖèpɔ́ɔ̀ nì dyúáɖò, ké gèɖèpɔ́ɔ̀ kà kò ɖò seó ɔ wáún nì ɖeɛ. 5Ɖɛ ɓě ɓɛ́ nyɔǔn ɖáìn gèɖèpɔ́ɔ̀ ɓěɛɛ, ɖíɛ́ ɓě ɓɛ́ìn ɖé dyɔún nìɛ̀, ké ɖíɛ́ ɓě ɓɛ́ìn nɔ̄ ɓóɖó-kpàà kɔ̃ nìɛ̀, kà ɓɛ́ gèɖèpɔ́ɔ̀ pàɖǎ kè nyɔ-wuɖuí-kɔ̃̀-nyɔ̀ pàɖǎ nìà jǎà kɛ. 6Kɛɛ Gèɖèpɔ́ɔ̀ nì dyúáɖò ɓó à mɔ̀ùn bìì. Ɔ mɔ̀ à Ɓǎ, nyɔ kɔ̃̀ mú ɓɛ́ à dyéà ɖɛ séín nyɛ, ké nyɔ kɔ̃̀ bìì ɓɛ́ à nìà kɛ. Ké Bounɓo dyúáɖò nyɛ̀nɛ̀ɛ̀ nì. Ɔ mɔ̀ Jízɛ̀ Kɛ́ɖɛ́ì. Ɖɛ séín dyììn ɖé ɔ mú. Ké à mɔ̀ùn cĩ́ dyììn ɖé ɔ mú.
7Kɛɛ nyɔ séín se ɖɛ nìà kɛ dyí dyuò. Kũùn-kpò ɖǎ nyɔ ɖíɛ́ ɓě hwòɖǒǔn dyi dyuòìn. Ɔ jèɛɛ, wa dyi ɖii-ɖɛ̀ɔ̀ ɖiín, ɔ nì kà ɖɛ wa ɖǎà kũùn-kpò gbo sáa zàìn jɛ́ɛ́ kɛɛ nìà kɛɛ ɖé wa gbo. Ké wa hwòɖǒ gbà, sepóɛɖé waà hwòɖǒɔ̀ se dyi ku jè. 8Ɖii-ɖɛ̀ se à Gèɖèpɔ́ɔ̀ gbo dyàà ɓɛ́ìn. Kɛbì à mɛ se ɖɛ ɖiɛɛ, ɔ seɛ nyuɛ́ mu ɓɛ́ à ké se ɖɛ ɖò dyé, mɔɔ kɛbì à mɛ ɖiɛ kɛɛ, ɔ se à bìì ɖɛ ɖò nyuɛ ɓɛ́ìn.
9Kɛɛ ɓě mɛ ma mú, ɓɛ́ kpé ɓɛ́ ɓě ɓéɖéà kɛɛ ní kɔ̃̀ɔ̀ ɖà nyu ɓɛ́ nyɔ ɓě seà dyi kuɛɛ ké ɓuɖu. 10Sepóɛɖé nyɔ ɖò se dyi ku, ké ɔ dyi mɔ̀ mɔ̀ nyɔ ɓéɖéà hwòɖǒ-fɔ̀nɔ̀-fɔ̀nɔ̀ kɛɛ ɖɛ ɖiɛ dyé ɖé kũùn-gbò ɖò múín, nìí, ɖɛ nìà kɛ se ɔ kpéí poɛ́ mu, ɓɛ́ ɔ ké ɖii-ɖɛ̀ ɓɛ́ wa ɖǎ kũùn-kpò gbo sáa zàìn nyɛɛ ɖiì? 11Ɔ jèɛɛ, nì hwòɖǒ-fɔ̀nɔ̀-fɔ̀nɔ̀ɔ̀ mɔ̀ nyɔ nyuɛ ké gàa se dyi kuɔ̀ gbɔɔ̀ mú. Ɔ mɔ̀ nì ɖíí kɔ̃̀ bìì ɓɛ́ Kɛ́ɖɛ́ì mɛ́à kɛ. 12Ɓě dyi ɓěɛ̀ ɖííɔ̀ nàmàǔn nì kà kɛɛ bũ̌ nyu, ké ɔ dyiɛ nyu ké ɔ hwòɖǒ se dyi kuɔ̀ dyi síà ní, nìí, ɓě nyu Kɛ́ɖɛ́ì nàmàǔn bũ̌. 13Ɔ jèɛɛ, ɖɛ ḿ ɖiɛɛ jè dyiɛ nyu ké ḿ ɖííɔ̀ dyi ɓuɖuín, ḿ se dyɛ suaɖɛ̀ ɖò ɖiɛ́ mu ɖe, mɔ́ún kɔ̃̀ɔ̀ ɖà nyuín, ḿ ɖííɔ̀ ní kɔ̃̀ ɖà ɓuɖu.
Currently Selected:
1 Kɔ̀ɖéíntĩ̀ɔ̀ 8: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
1 Kɔ̀ɖéíntĩ̀ɔ̀ 8
8
Ɖɛ ɓá ɖii-ɖɛ̀ ɓɛ́ wa zàìn kũùn-kpò gbo sáa kɛɛ jè dyíɛ
1Ɖɛ ḿ mɛ cɛ̃ ɓá ɖii-ɖɛ̀ wa ɖǎ kũùn-kpò gbo sáa zàìn nyɛɛ jè dyíɛɛ, ɔ kɛ̀. À dyuòɛ̀ kà à séín ɓéɖé fɔ̀nɔ̀-hwòɖǒɛ. Hwòɖǒ-fɔ̀nɔ̀-fɔ̀nɔ̀ ɓúáìn nyɔ dyí, kɛɛ ɖɛ̀ɓɛ̀ǐn-ɖɛ̀ɓɛ̀ǐn kùìn nyɔ dyi. 2Nyɔ ɖò dyiɛ hwìɖǐi poìn kà ɔ dyuò ɖɛ kɛɛ ní, ɔ séèɛ̀ dyí dyuò ke kà ɔ ɓéɖé ɓɛ́ ɔ kéɛ dyí dyuòɛ̀ nyuɛ. 3Kɛɛ ɔ jǔ ké nyɔ ɖò dyi Gèɖèpɔ́ɔ̀ mú ɖɛ̀ɓɛ̀ǐn, nìí, Gèɖèpɔ́ɔ̀ dyuò ɔ mɔ̀ùn dyí.
4Ɔ jèɛɛ, ɓá ɖii-ɖɛ̀ ɓɛ́ wa ɖǎ kũùn-kpò gbo sáa zàìn nyɛɛ jè dyíɛɛ, à dyuòɛ̀ dyí kà kũùn-kpò se ɖɛ ɖò nɔ̄ ɓóɖó-kpàà kɔ̃ɛ. Ké à dyuòɛ̀ dyí kà Gèɖèpɔ́ɔ̀ nì dyúáɖò, ké gèɖèpɔ́ɔ̀ kà kò ɖò seó ɔ wáún nì ɖeɛ. 5Ɖɛ ɓě ɓɛ́ nyɔǔn ɖáìn gèɖèpɔ́ɔ̀ ɓěɛɛ, ɖíɛ́ ɓě ɓɛ́ìn ɖé dyɔún nìɛ̀, ké ɖíɛ́ ɓě ɓɛ́ìn nɔ̄ ɓóɖó-kpàà kɔ̃ nìɛ̀, kà ɓɛ́ gèɖèpɔ́ɔ̀ pàɖǎ kè nyɔ-wuɖuí-kɔ̃̀-nyɔ̀ pàɖǎ nìà jǎà kɛ. 6Kɛɛ Gèɖèpɔ́ɔ̀ nì dyúáɖò ɓó à mɔ̀ùn bìì. Ɔ mɔ̀ à Ɓǎ, nyɔ kɔ̃̀ mú ɓɛ́ à dyéà ɖɛ séín nyɛ, ké nyɔ kɔ̃̀ bìì ɓɛ́ à nìà kɛ. Ké Bounɓo dyúáɖò nyɛ̀nɛ̀ɛ̀ nì. Ɔ mɔ̀ Jízɛ̀ Kɛ́ɖɛ́ì. Ɖɛ séín dyììn ɖé ɔ mú. Ké à mɔ̀ùn cĩ́ dyììn ɖé ɔ mú.
7Kɛɛ nyɔ séín se ɖɛ nìà kɛ dyí dyuò. Kũùn-kpò ɖǎ nyɔ ɖíɛ́ ɓě hwòɖǒǔn dyi dyuòìn. Ɔ jèɛɛ, wa dyi ɖii-ɖɛ̀ɔ̀ ɖiín, ɔ nì kà ɖɛ wa ɖǎà kũùn-kpò gbo sáa zàìn jɛ́ɛ́ kɛɛ nìà kɛɛ ɖé wa gbo. Ké wa hwòɖǒ gbà, sepóɛɖé waà hwòɖǒɔ̀ se dyi ku jè. 8Ɖii-ɖɛ̀ se à Gèɖèpɔ́ɔ̀ gbo dyàà ɓɛ́ìn. Kɛbì à mɛ se ɖɛ ɖiɛɛ, ɔ seɛ nyuɛ́ mu ɓɛ́ à ké se ɖɛ ɖò dyé, mɔɔ kɛbì à mɛ ɖiɛ kɛɛ, ɔ se à bìì ɖɛ ɖò nyuɛ ɓɛ́ìn.
9Kɛɛ ɓě mɛ ma mú, ɓɛ́ kpé ɓɛ́ ɓě ɓéɖéà kɛɛ ní kɔ̃̀ɔ̀ ɖà nyu ɓɛ́ nyɔ ɓě seà dyi kuɛɛ ké ɓuɖu. 10Sepóɛɖé nyɔ ɖò se dyi ku, ké ɔ dyi mɔ̀ mɔ̀ nyɔ ɓéɖéà hwòɖǒ-fɔ̀nɔ̀-fɔ̀nɔ̀ kɛɛ ɖɛ ɖiɛ dyé ɖé kũùn-gbò ɖò múín, nìí, ɖɛ nìà kɛ se ɔ kpéí poɛ́ mu, ɓɛ́ ɔ ké ɖii-ɖɛ̀ ɓɛ́ wa ɖǎ kũùn-kpò gbo sáa zàìn nyɛɛ ɖiì? 11Ɔ jèɛɛ, nì hwòɖǒ-fɔ̀nɔ̀-fɔ̀nɔ̀ɔ̀ mɔ̀ nyɔ nyuɛ ké gàa se dyi kuɔ̀ gbɔɔ̀ mú. Ɔ mɔ̀ nì ɖíí kɔ̃̀ bìì ɓɛ́ Kɛ́ɖɛ́ì mɛ́à kɛ. 12Ɓě dyi ɓěɛ̀ ɖííɔ̀ nàmàǔn nì kà kɛɛ bũ̌ nyu, ké ɔ dyiɛ nyu ké ɔ hwòɖǒ se dyi kuɔ̀ dyi síà ní, nìí, ɓě nyu Kɛ́ɖɛ́ì nàmàǔn bũ̌. 13Ɔ jèɛɛ, ɖɛ ḿ ɖiɛɛ jè dyiɛ nyu ké ḿ ɖííɔ̀ dyi ɓuɖuín, ḿ se dyɛ suaɖɛ̀ ɖò ɖiɛ́ mu ɖe, mɔ́ún kɔ̃̀ɔ̀ ɖà nyuín, ḿ ɖííɔ̀ ní kɔ̃̀ ɖà ɓuɖu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.