1 Kɔ̀ɖéíntĩ̀ɔ̀ 5
5
Gbàɖàùn-po-po nì ɖé cɔ́cìɔ̀ múɛ
1Wa nìɛ̀ cɛ̃iń dà séín kà gbàɖàùn-po-po nì ɖé ɓě hwìɛ̀ kɛ. Ké ɔ nyɔ nìà ɖé ɓě hwìɛ̀ kɛɛ, píé-nyɔ̀ ɓěɔ̀ mɔ̀ùn ní nyuɛ dyɛ mɔ̀ùn. Ɓě ɖò ɓéɖé ɔ ɓǎà gmàà xwa. 2Ké ɓě ɓúáìn ɓě mìɔùn dyí kánáá pū! Ɓě ɓéɖé ɓɛ́ ɓě kéɔ́ vĩ̌! Ɓě ɓéɖé ɓɛ́ ɓě kéɔ́ má nyɔ mɔ̀ nyɔ ɓɛ́ ɔ nyuà ɖɛ nìà kɛɛ ɖé ɓě hwìɛ̀ zà. 3Ḿ ɖǎ níǐn nyu. Ḿ mìɔùn se ɖé ɓě gbo nì dyɛo, kɛɛ ní hwòɖǒ nì ɖé ɓě gbo. Ké ḿ ɖǎ nyɔ nyuà ɖɛ nìà kɛɛ zaa kpɔ̃̀ìn hwɔ nɔ̀ɔ̀ kà ḿ nìɔ̌ kà ɖé ɓě gboɛ. 4Ɓě dyi dyí poìn ɖé Bounɓo Jízɛ̀ nyɛ́nɛ́ɔ̀ mú, ké ní hwòɖǒɔ̀ dyi ɓě gbo nì, ké à Wuɖuí-kɔ̃̀-nyɔ̀ Jízɛ̀ kpéɔ̀ dyi ɓěà gbo nìǐn, 5nìí, ɓě mɛ zàìn gàa nìà kɛ Sétɔ̃̀ xwáɖáún, ɓɛ́ ɔ kpóɖó-dyùàɔ̀ ké mú gbɔɔ̀, ɓɛ́ ɔ zùùɔ̀ ké pó, ti ɓɛ́ Bounɓoɔ̀ wéɔ̀ mu dyiìn nyɛ.
6Ɓěɛ̀ ɓɔ́ɖɔ́-ɓɔ́ɖɔ́ɔ̀ se dyíin nɔ̀mɔ̀. Ɓě seɛ dyí dyuò kà bɛɖɛɛ̀-dyáìn-ɖɛ̀ tííwè dyáìn bɛɖɛɛ̀-kpò gànáɔ̀ kɛɛ̀? 7Ɓě zà bɛɖɛɛ̀-dyáìn-ɖɛ̀ sùà séín nì ɖé ɓě hwìɛ̀ kɛɛ ɖé dyi, ɓɛ́ ɓě ké bɛɖɛɛ̀-kpò ɖìè jǔ, kà ɓɛ́ dyáìn-ɖɛ̀ ɖò seà ɓě mú nì jɛ́ɛ́ kɛ. Sepóɛɖé wa ɖǎ Kɛ́ɖɛ́ì mɔ̀à à kɔ̃in-zĩ̀ìn-ɓàɖàǎɔ̀ kɛɛ ɖáɓá nɔ̀ɔ̀. 8Ɔ jèɛɛ, ɓěà mɛ ɖú bɛɖɛɛ̀-se-dyáìn-ɖɛ̀-gbo-nìɔ̀ dyí, ɓɛ́ ɓěà ké wéɔ̀ dyi kpɔ̃, ɓɛ́ ɓěà ké hwɔɔ̀ pa. Bɛɖɛɛ̀ɔ̀ mɔ̀ hwòɖǒ wáɖáá ɔ kè jǎà. Ɓěà se ɓéɖé ɓɛ́ ɓěà ké bɛɖɛɛ̀-dyáìn-ɖɛ̀ sùà mɔ̀à hwòɖǒ-kɔ̃in-nyìnììn-nyìnììn ɔ kè ɖɛ gbà kɛɛ dyí ɖú.
9Ɖé ní céè-ɖɛ̀ɔ̀ múɛɛ, ḿ cɛ̃ɛ ma ɓě gbo, ɓɛ́ ɓě ké se ma kpeɖe-gbà-nyu-nyɔ̀ ɓěɔ̀ dyí nɛ́. 10Ḿ se níiń, ɓóɖó-kpàà nììn kpeɖe-gbà-nyu-nyɔ̀ ɓěɔ̀ kè ɖɛ-séín-mɔ́-nyɔ̀ ɓě kè nyɔ-ɖɛ-gana-xwa-zàìn-nyɔ̀ ɓě ɔ kè kũùn-kpò-ɓiè-nyɔ̀ ɓě. Ḿ dyiɔ́ ná ɖáín, nìí, ɓě ɓéɖé ɓɛ́ ɓě kéɔ́ ɓóɖó-kpàà kɔ̃ sɔ̀. 11Kɛɛ nyɔ ɓě ɖáìn wa mìɔùn Kɛ́ɖɛ́ì ɖeín-sí-nyɔ̀ ɓě kɛɛ, wa dyi kpeɖe gbà nyu, ké wa dyi ɖɛ séín mɔ́, ké wa dyi kũùn-kpò ɓiè, ké wa dyi nyɔ-wuɖuún-ɖaɓa-nyɔ̀ jǔ, ké wa dyi nɔmɔɔ-ná-nyɔ̀ jǔ, ké wa dyi nyɔ-ɖɛ-gana-xwa-zàìn-nyɔ̀ jǔǐn, nìí, ḿ nì ɓě gbo céèɛ̌n kàǔn, ɓɛ́ ɓě ké se wa dyí nɛ́. Ɓě kè wa ní ɖi ɖɛ dyɛ mɔ̀ùn. 12Ɖɛ́ kpè ɓɛ́ ḿ ɓéɖé ɓɛ́ ḿ ké nyɔ ɓě nì píéɛɛ zaa kpɔ̃̀ìn nyɛ́? Ké ɓě mɔ̀ùn mɔ̀ nyɔ ɓě nì ɖé cɔ́cìɔ̀ múɛɛ zaa-wɔ̃-po-nyɔ̀. Ɔ se ná nìì? 13Gèɖèpɔ́ɔ̀ mɔ̀ nyɔ ɓě nì ɖé píéɛɛ zaa-wɔ̃-po-nyɔ̀. Gèɖèpɔ́ɔ̀-cèè-ɖɛ̀ɔ̀ ɖá, “Ɓě mɛ kúmú ɖɛ-gbà-nyu-nyɔ̀ɔ̀ ɖé ɓě hwìɛ̀.”
Currently Selected:
1 Kɔ̀ɖéíntĩ̀ɔ̀ 5: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
1 Kɔ̀ɖéíntĩ̀ɔ̀ 5
5
Gbàɖàùn-po-po nì ɖé cɔ́cìɔ̀ múɛ
1Wa nìɛ̀ cɛ̃iń dà séín kà gbàɖàùn-po-po nì ɖé ɓě hwìɛ̀ kɛ. Ké ɔ nyɔ nìà ɖé ɓě hwìɛ̀ kɛɛ, píé-nyɔ̀ ɓěɔ̀ mɔ̀ùn ní nyuɛ dyɛ mɔ̀ùn. Ɓě ɖò ɓéɖé ɔ ɓǎà gmàà xwa. 2Ké ɓě ɓúáìn ɓě mìɔùn dyí kánáá pū! Ɓě ɓéɖé ɓɛ́ ɓě kéɔ́ vĩ̌! Ɓě ɓéɖé ɓɛ́ ɓě kéɔ́ má nyɔ mɔ̀ nyɔ ɓɛ́ ɔ nyuà ɖɛ nìà kɛɛ ɖé ɓě hwìɛ̀ zà. 3Ḿ ɖǎ níǐn nyu. Ḿ mìɔùn se ɖé ɓě gbo nì dyɛo, kɛɛ ní hwòɖǒ nì ɖé ɓě gbo. Ké ḿ ɖǎ nyɔ nyuà ɖɛ nìà kɛɛ zaa kpɔ̃̀ìn hwɔ nɔ̀ɔ̀ kà ḿ nìɔ̌ kà ɖé ɓě gboɛ. 4Ɓě dyi dyí poìn ɖé Bounɓo Jízɛ̀ nyɛ́nɛ́ɔ̀ mú, ké ní hwòɖǒɔ̀ dyi ɓě gbo nì, ké à Wuɖuí-kɔ̃̀-nyɔ̀ Jízɛ̀ kpéɔ̀ dyi ɓěà gbo nìǐn, 5nìí, ɓě mɛ zàìn gàa nìà kɛ Sétɔ̃̀ xwáɖáún, ɓɛ́ ɔ kpóɖó-dyùàɔ̀ ké mú gbɔɔ̀, ɓɛ́ ɔ zùùɔ̀ ké pó, ti ɓɛ́ Bounɓoɔ̀ wéɔ̀ mu dyiìn nyɛ.
6Ɓěɛ̀ ɓɔ́ɖɔ́-ɓɔ́ɖɔ́ɔ̀ se dyíin nɔ̀mɔ̀. Ɓě seɛ dyí dyuò kà bɛɖɛɛ̀-dyáìn-ɖɛ̀ tííwè dyáìn bɛɖɛɛ̀-kpò gànáɔ̀ kɛɛ̀? 7Ɓě zà bɛɖɛɛ̀-dyáìn-ɖɛ̀ sùà séín nì ɖé ɓě hwìɛ̀ kɛɛ ɖé dyi, ɓɛ́ ɓě ké bɛɖɛɛ̀-kpò ɖìè jǔ, kà ɓɛ́ dyáìn-ɖɛ̀ ɖò seà ɓě mú nì jɛ́ɛ́ kɛ. Sepóɛɖé wa ɖǎ Kɛ́ɖɛ́ì mɔ̀à à kɔ̃in-zĩ̀ìn-ɓàɖàǎɔ̀ kɛɛ ɖáɓá nɔ̀ɔ̀. 8Ɔ jèɛɛ, ɓěà mɛ ɖú bɛɖɛɛ̀-se-dyáìn-ɖɛ̀-gbo-nìɔ̀ dyí, ɓɛ́ ɓěà ké wéɔ̀ dyi kpɔ̃, ɓɛ́ ɓěà ké hwɔɔ̀ pa. Bɛɖɛɛ̀ɔ̀ mɔ̀ hwòɖǒ wáɖáá ɔ kè jǎà. Ɓěà se ɓéɖé ɓɛ́ ɓěà ké bɛɖɛɛ̀-dyáìn-ɖɛ̀ sùà mɔ̀à hwòɖǒ-kɔ̃in-nyìnììn-nyìnììn ɔ kè ɖɛ gbà kɛɛ dyí ɖú.
9Ɖé ní céè-ɖɛ̀ɔ̀ múɛɛ, ḿ cɛ̃ɛ ma ɓě gbo, ɓɛ́ ɓě ké se ma kpeɖe-gbà-nyu-nyɔ̀ ɓěɔ̀ dyí nɛ́. 10Ḿ se níiń, ɓóɖó-kpàà nììn kpeɖe-gbà-nyu-nyɔ̀ ɓěɔ̀ kè ɖɛ-séín-mɔ́-nyɔ̀ ɓě kè nyɔ-ɖɛ-gana-xwa-zàìn-nyɔ̀ ɓě ɔ kè kũùn-kpò-ɓiè-nyɔ̀ ɓě. Ḿ dyiɔ́ ná ɖáín, nìí, ɓě ɓéɖé ɓɛ́ ɓě kéɔ́ ɓóɖó-kpàà kɔ̃ sɔ̀. 11Kɛɛ nyɔ ɓě ɖáìn wa mìɔùn Kɛ́ɖɛ́ì ɖeín-sí-nyɔ̀ ɓě kɛɛ, wa dyi kpeɖe gbà nyu, ké wa dyi ɖɛ séín mɔ́, ké wa dyi kũùn-kpò ɓiè, ké wa dyi nyɔ-wuɖuún-ɖaɓa-nyɔ̀ jǔ, ké wa dyi nɔmɔɔ-ná-nyɔ̀ jǔ, ké wa dyi nyɔ-ɖɛ-gana-xwa-zàìn-nyɔ̀ jǔǐn, nìí, ḿ nì ɓě gbo céèɛ̌n kàǔn, ɓɛ́ ɓě ké se wa dyí nɛ́. Ɓě kè wa ní ɖi ɖɛ dyɛ mɔ̀ùn. 12Ɖɛ́ kpè ɓɛ́ ḿ ɓéɖé ɓɛ́ ḿ ké nyɔ ɓě nì píéɛɛ zaa kpɔ̃̀ìn nyɛ́? Ké ɓě mɔ̀ùn mɔ̀ nyɔ ɓě nì ɖé cɔ́cìɔ̀ múɛɛ zaa-wɔ̃-po-nyɔ̀. Ɔ se ná nìì? 13Gèɖèpɔ́ɔ̀ mɔ̀ nyɔ ɓě nì ɖé píéɛɛ zaa-wɔ̃-po-nyɔ̀. Gèɖèpɔ́ɔ̀-cèè-ɖɛ̀ɔ̀ ɖá, “Ɓě mɛ kúmú ɖɛ-gbà-nyu-nyɔ̀ɔ̀ ɖé ɓě hwìɛ̀.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.