1 Kɔ̀ɖéíntĩ̀ɔ̀ 4
4
Kɛ́ɖɛ́ì nììn àpɔ́sò ɓěɔ̀
1Nyɔǔn mɛ ɖáìn à Kɛ́ɖɛ́ì gbo-nì-nyɔ̀ ɓě kè nyɔ ɓě ɓɛ́ Gèɖèpɔ́ɔ̀ ɖǎ ɖɛ ɓě vǐè ma kà kĩ́ín nyɛɛ gbo sèɛ. 2Ɓá ɖɛa kɛɛ dyí ɖeɛɛ, nyɔ ɓě ɓɛ́ wa sè ɖɛ gboɛɛ, wa ɓéɖé wa kéɛ nyɔǔn dyí tɛ̀mɛ̀ìn kà nyɔǔn ɓɛ́ìn wa hwòɖǒ kɔ̃ dèɛ̀ kɛ. 3Kɛɛ ɔ dyi mɔ́ún jè jǔǐn, ɓě dyi ḿ níǐn zaa wɔ̃ po, mɔɔ tɔ̀ɔ̀-ɓìɔ̀ ɖò dyi ḿ níǐn zaa wɔ̃ po ní, nìí, ɔ se ɖɛ ɖò. Mɔ́ún po ḿ mìɔùn nììn zaa wɔ̃ dyɛ mɔ̀ùn fóɖóún. 4Ní hwòɖǒ se gbà ɓó ɖɛ ɖò jè. Kɛɛ ɔ jè seɛ nyu ɓɛ́ ḿ ké zaaɔ̀ xwaún pó. Bounɓoɔ̀ mɔ̀ ní zaa-wɔ̃-po-nyɔ̀. 5Ɔ jèɛɛ, ɓěǐn ɖá ɓɛ́ ɓě ké zaa ɖò wɔ̃ poɛń fṹà. Ɓě fòìn ɓɛ́ Bounɓoɔ̀ ké dyi, sepóɛɖé ɔ mu ɖɛ ɓě vǐèà ɖé tíe-kpòɔ̀ mú kàǔn wɛ̃ɛ ce dyí dyàùn. Ké ɔ mu ɖɛ ɓě ɓɛ́ nyɔǔn hwòɖǒɔ̀ po gbɔɛɛ píé dyàùn. Nìí, nyɔǔn séín mu wa ɓàìn-ɓàìn ɓɛ́ wa ɓéɖé wa kéɔ́ ɖé Gèɖèpɔ́ɔ̀ gbo dyéɛɛ dyéìn.
6Ní ɖíí ɓě, ɖɛ ɓě ɓɛ́ ḿ ɖǎà cɛ̃ɛ, wa dyi ḿ kè Àpɔ́ɖè gbo ɓó ɓě jè, ɓɛ́ à ké dyí-tɛ̀mɛ̀ìn-ɖɛ̀ jǔ ɓó ɓě gbo, ɓɛ́ ɓě ké wuɖu ɓěa dyi kpɔ̃. Wuɖu ɓěɔ̀ kɛà kɛ̀. Ɓě nyu ɖɛ ɖǎà céèɛɛ ɖòùn pū. Ɔ nì ná, ɓɛ́ ɓě ké se ɓě mìɔùn dyí ɓúáìn ɖé ɓěɛ̀ nyuu-ɖɛ̀ mú, ɓɛ́ ɓě ké se nyɔ ɖò mú ɖɛ̀ɓɛ̀ mìɔ, ɓɛ́ ɔ ké nyɔ ɖò mɔ̀ùn dyí zi. 7Ɖɛ́ nyuɛ ɓɛ́ mɔ̀ùn dyià m̀ mìɔùn dyí ɓúáìn ɖé nyɔ tɔ̀ɔ̀ ɓě mɔ̀ùn hwìɛ̀ kɛ́? Ɖɛ́ m̀ ɓéɖé ɓɛ́ Gèɖèpɔ́ɔ̀ se ma m̀ nyíɛ́? Kɛɛ ɔ jǔ ké m̀ dyiɛ ma dyéín, ɖɛ́ kɔ̃̀ jè m̀ ɓɔ́ɖɔ́à kà ɖɛɔ̀ seɔ́ kà nyíí-ɖɛ̀ kɛ́?
8Ɓě ɖǎ ɖɛ séín ɓě mɔ́ɛɛ dyéɛ hwɔ wà! Ɓě ɖǎ bãa hwɔ. Ɓě ɖǎ nyɔ-wuɖuí-kɔ̃̀-nyɔ̀ ɓě jǔ, ké à mɔ̀ùn se ɖé kpá. Ɖɛ́ kɔ̃̀ jè ɓě seɔ́ wɛ́ɛ nyɔ-wuɖuí-kɔ̃̀-nyɔ̀ ɓě jǔ jɛ́ɛ́ cá, ɓɛ́ à kè ɓě kéɔ́ nyɔ wuɖuí kɔ̃̀ kɛ́? 9Ḿ poɛ̀n hwìɖǐiɛɛ, Gèɖèpɔ́ɔ̀ ɖǎa nyu ké à mɔ̀ àpɔ́sò ɓěɛ̀ kɛɛ se ɖɛ kpa ɖé nyɔǔn séín dyéɖéín. À nì kà nyɔ ɓě ɓɛ́ zaa kpɔ̃à ɓɛ́ wa kéà ɖáɓáa nìà kɛ. Sepóɛɖé à mɔ̀ dyi-dyé-ɖɛ̀ ɓó ɓóɖó-kpà mɔ̀à ínjà ɓěɔ̀ ɔ kè nyɔǔn-dyù ɓěɛɛ bìì. 10À mɔ̀ǎ zuɖuu-nyɔ̀ ɓě ɓó Kɛ́ɖɛ́ì jè, kɛɛ ɓě mɔ̀ùn fɔ̀nɔ̀ hwòɖǒ ɖé Kɛ́ɖɛ́ì mú. Kpé hwɛ̀ à dyí, kɛɛ kpé nì ɓě mɔ̀ùn dyí. Wa dyé ɓě mɔ̀ùn kpéín mìɔ, kɛɛ wa zàìn à mɔ̀ùn zùǔn. 11Mɔ́ kè ní-ná-tò nyu à. À se mú-po-ɖɔ̀ ɖò ɓéɖé. Ké nyɔ ɓě nì à ɓaɖauń. À se kò-naín ɖò ɓéɖé. 12À sàìn à mìɔùn ɖé kũ̀à-nyu-nyu mú. Wa ɖaɓa à wuɖu, kɛɛ à mɔ̀ùn po wa mana kɔ̃. Wa dyéìn à gǎ, kɛɛ à mɔ̀ùn ku hwòɖǒ. 13Wa cɛ̃ à ɖɛ gbà kɔ̃ún, kɛɛ à mɔ̀ùn cɛ̃ wa wuɖu ɓɛ̀ɖɛ̀ɛ̀-ɓɛ̀ɖɛ̀ɛ̀ gbo. Wa nyu à kà wa nyuà ɓóɖó-kpàà sĩ̀ɔ̌ ɓě kɛ. À nì kà kúò ɓɛ́ wa wáɖáà sĩ̀ɔ̌ séín kɔ̃ɛɛ nìà kɛ. Kà ɖɛ ɓěa nì ma kĩ́ín, ké kǎà wa nìǎ ke kàǔn wɛ̃̀.
14Ḿ se ɖɛ ɓěɛ̀ céè, ɓɛ́ ḿ ké ɓě dɛ̃ nyùìn, kɛɛ ɔ mɔ̀ ɓɛ́ ḿ ké ɓě náún po, sepóɛɖé ɓě mɔ̀ ní ɖɛ̀ɓɛ̀-dyù ɓě. 15Ɓě ɓɛ́ìn dyí-gmɔ̀-nyɔ̀ pàɖǎ ɓéɖéɛ ɖé Kɛ́ɖɛ́ì mú, ɓɛ́ wa ké se dyí gbɛ̌ìn ɓɛ́ìn, kɛɛ ɓě ɓéɖé ɓǎ dyúáɖò. Ḿ wóɖóìn ma ɓě ɖé Kɛ́ɖɛ́ì Jízɛ̀ mú, dyììn ɖé bɔ̃̌ nɔ̀mɔ̀ dyíinɔ̀ cɛ̃-cɛ̃ mú. 16Ɔ jèɛɛ, ní ɓaà ɓě ní, ɓě mɛ dyéìn ḿ ɖé ɖɛ séín ɓě ɓɛ́ ḿ ɖǎà nyuɛɛ mú. 17Ɖɛa kɔ̃̀ jè, ḿ nìà Tímétè mɔ̀à ní ɖɛ̀ɓɛ̀-dyù ɖé Bounɓoɔ̀ múɛɛ ɖé ɓě gbo tòɛ̌n nyɛ̀. Ɔ mɔ̀ hwòɖǒ-kɔ̃-dè-nyɔ̀. Ɔ mu ɖɛ ɓě ɓɛ́ ḿ nyu ɖé Kɛ́ɖɛ́ì múɛɛ jè ɓě hwìɖǐi dyàùn. Ɖɛ ɓě nìà kɛɛ, ɖéɛ̀ ní tɛ̀mɛ̀ìn cɔ́cì-nyɔ̀ ɓě nì dà séín ɓěɛ.
18Ɓě ɖíɛ́ ɓě ɓúáìn ɓě mìɔùn dyí, sepóɛɖé ɓě poìn hwìɖǐi kà ḿ se ɖé ɓě gbo dyiɛń nìɛ. 19Kɛɛ Bounɓoɔ̀ dyi wɔ̃́ín, ní mu ɖé ɓě gbo dyiɛń fṹàùn. Ḿ dyié dyiín, nìí, ní mu kpé ɓɛ́ nyɔ ɓě ɓúáìn wa mìɔùn dyíɛɛ ɓéɖéà kɛɛ dyéìn. Ḿ se wa wuɖu dyi mɔ́ɔ mu ɖòùn pū. 20Sepóɛɖé Gèɖèpɔ́ɔ̀ kã́á-ɓòɖòɔ̀ se wĩín-wùɖù, kɛɛ ɔ mɔ̀ kpé. 21Ɖɛ́ ɓě mɔ́ɛ́? Ḿ mɛ dyié kà nyɔ kéà nyɔ ɓaɖa kɛɛ̀, mɔɔ ḿ mɛ dyié pɛ̀ɛ̀-pɛ̀ɛ̀-kà kè ɖé nyɔ-mú-ɖɛ̀ɓɛ̀-ɖɛ̀ɓɛ̀ múù?
Currently Selected:
1 Kɔ̀ɖéíntĩ̀ɔ̀ 4: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
1 Kɔ̀ɖéíntĩ̀ɔ̀ 4
4
Kɛ́ɖɛ́ì nììn àpɔ́sò ɓěɔ̀
1Nyɔǔn mɛ ɖáìn à Kɛ́ɖɛ́ì gbo-nì-nyɔ̀ ɓě kè nyɔ ɓě ɓɛ́ Gèɖèpɔ́ɔ̀ ɖǎ ɖɛ ɓě vǐè ma kà kĩ́ín nyɛɛ gbo sèɛ. 2Ɓá ɖɛa kɛɛ dyí ɖeɛɛ, nyɔ ɓě ɓɛ́ wa sè ɖɛ gboɛɛ, wa ɓéɖé wa kéɛ nyɔǔn dyí tɛ̀mɛ̀ìn kà nyɔǔn ɓɛ́ìn wa hwòɖǒ kɔ̃ dèɛ̀ kɛ. 3Kɛɛ ɔ dyi mɔ́ún jè jǔǐn, ɓě dyi ḿ níǐn zaa wɔ̃ po, mɔɔ tɔ̀ɔ̀-ɓìɔ̀ ɖò dyi ḿ níǐn zaa wɔ̃ po ní, nìí, ɔ se ɖɛ ɖò. Mɔ́ún po ḿ mìɔùn nììn zaa wɔ̃ dyɛ mɔ̀ùn fóɖóún. 4Ní hwòɖǒ se gbà ɓó ɖɛ ɖò jè. Kɛɛ ɔ jè seɛ nyu ɓɛ́ ḿ ké zaaɔ̀ xwaún pó. Bounɓoɔ̀ mɔ̀ ní zaa-wɔ̃-po-nyɔ̀. 5Ɔ jèɛɛ, ɓěǐn ɖá ɓɛ́ ɓě ké zaa ɖò wɔ̃ poɛń fṹà. Ɓě fòìn ɓɛ́ Bounɓoɔ̀ ké dyi, sepóɛɖé ɔ mu ɖɛ ɓě vǐèà ɖé tíe-kpòɔ̀ mú kàǔn wɛ̃ɛ ce dyí dyàùn. Ké ɔ mu ɖɛ ɓě ɓɛ́ nyɔǔn hwòɖǒɔ̀ po gbɔɛɛ píé dyàùn. Nìí, nyɔǔn séín mu wa ɓàìn-ɓàìn ɓɛ́ wa ɓéɖé wa kéɔ́ ɖé Gèɖèpɔ́ɔ̀ gbo dyéɛɛ dyéìn.
6Ní ɖíí ɓě, ɖɛ ɓě ɓɛ́ ḿ ɖǎà cɛ̃ɛ, wa dyi ḿ kè Àpɔ́ɖè gbo ɓó ɓě jè, ɓɛ́ à ké dyí-tɛ̀mɛ̀ìn-ɖɛ̀ jǔ ɓó ɓě gbo, ɓɛ́ ɓě ké wuɖu ɓěa dyi kpɔ̃. Wuɖu ɓěɔ̀ kɛà kɛ̀. Ɓě nyu ɖɛ ɖǎà céèɛɛ ɖòùn pū. Ɔ nì ná, ɓɛ́ ɓě ké se ɓě mìɔùn dyí ɓúáìn ɖé ɓěɛ̀ nyuu-ɖɛ̀ mú, ɓɛ́ ɓě ké se nyɔ ɖò mú ɖɛ̀ɓɛ̀ mìɔ, ɓɛ́ ɔ ké nyɔ ɖò mɔ̀ùn dyí zi. 7Ɖɛ́ nyuɛ ɓɛ́ mɔ̀ùn dyià m̀ mìɔùn dyí ɓúáìn ɖé nyɔ tɔ̀ɔ̀ ɓě mɔ̀ùn hwìɛ̀ kɛ́? Ɖɛ́ m̀ ɓéɖé ɓɛ́ Gèɖèpɔ́ɔ̀ se ma m̀ nyíɛ́? Kɛɛ ɔ jǔ ké m̀ dyiɛ ma dyéín, ɖɛ́ kɔ̃̀ jè m̀ ɓɔ́ɖɔ́à kà ɖɛɔ̀ seɔ́ kà nyíí-ɖɛ̀ kɛ́?
8Ɓě ɖǎ ɖɛ séín ɓě mɔ́ɛɛ dyéɛ hwɔ wà! Ɓě ɖǎ bãa hwɔ. Ɓě ɖǎ nyɔ-wuɖuí-kɔ̃̀-nyɔ̀ ɓě jǔ, ké à mɔ̀ùn se ɖé kpá. Ɖɛ́ kɔ̃̀ jè ɓě seɔ́ wɛ́ɛ nyɔ-wuɖuí-kɔ̃̀-nyɔ̀ ɓě jǔ jɛ́ɛ́ cá, ɓɛ́ à kè ɓě kéɔ́ nyɔ wuɖuí kɔ̃̀ kɛ́? 9Ḿ poɛ̀n hwìɖǐiɛɛ, Gèɖèpɔ́ɔ̀ ɖǎa nyu ké à mɔ̀ àpɔ́sò ɓěɛ̀ kɛɛ se ɖɛ kpa ɖé nyɔǔn séín dyéɖéín. À nì kà nyɔ ɓě ɓɛ́ zaa kpɔ̃à ɓɛ́ wa kéà ɖáɓáa nìà kɛ. Sepóɛɖé à mɔ̀ dyi-dyé-ɖɛ̀ ɓó ɓóɖó-kpà mɔ̀à ínjà ɓěɔ̀ ɔ kè nyɔǔn-dyù ɓěɛɛ bìì. 10À mɔ̀ǎ zuɖuu-nyɔ̀ ɓě ɓó Kɛ́ɖɛ́ì jè, kɛɛ ɓě mɔ̀ùn fɔ̀nɔ̀ hwòɖǒ ɖé Kɛ́ɖɛ́ì mú. Kpé hwɛ̀ à dyí, kɛɛ kpé nì ɓě mɔ̀ùn dyí. Wa dyé ɓě mɔ̀ùn kpéín mìɔ, kɛɛ wa zàìn à mɔ̀ùn zùǔn. 11Mɔ́ kè ní-ná-tò nyu à. À se mú-po-ɖɔ̀ ɖò ɓéɖé. Ké nyɔ ɓě nì à ɓaɖauń. À se kò-naín ɖò ɓéɖé. 12À sàìn à mìɔùn ɖé kũ̀à-nyu-nyu mú. Wa ɖaɓa à wuɖu, kɛɛ à mɔ̀ùn po wa mana kɔ̃. Wa dyéìn à gǎ, kɛɛ à mɔ̀ùn ku hwòɖǒ. 13Wa cɛ̃ à ɖɛ gbà kɔ̃ún, kɛɛ à mɔ̀ùn cɛ̃ wa wuɖu ɓɛ̀ɖɛ̀ɛ̀-ɓɛ̀ɖɛ̀ɛ̀ gbo. Wa nyu à kà wa nyuà ɓóɖó-kpàà sĩ̀ɔ̌ ɓě kɛ. À nì kà kúò ɓɛ́ wa wáɖáà sĩ̀ɔ̌ séín kɔ̃ɛɛ nìà kɛ. Kà ɖɛ ɓěa nì ma kĩ́ín, ké kǎà wa nìǎ ke kàǔn wɛ̃̀.
14Ḿ se ɖɛ ɓěɛ̀ céè, ɓɛ́ ḿ ké ɓě dɛ̃ nyùìn, kɛɛ ɔ mɔ̀ ɓɛ́ ḿ ké ɓě náún po, sepóɛɖé ɓě mɔ̀ ní ɖɛ̀ɓɛ̀-dyù ɓě. 15Ɓě ɓɛ́ìn dyí-gmɔ̀-nyɔ̀ pàɖǎ ɓéɖéɛ ɖé Kɛ́ɖɛ́ì mú, ɓɛ́ wa ké se dyí gbɛ̌ìn ɓɛ́ìn, kɛɛ ɓě ɓéɖé ɓǎ dyúáɖò. Ḿ wóɖóìn ma ɓě ɖé Kɛ́ɖɛ́ì Jízɛ̀ mú, dyììn ɖé bɔ̃̌ nɔ̀mɔ̀ dyíinɔ̀ cɛ̃-cɛ̃ mú. 16Ɔ jèɛɛ, ní ɓaà ɓě ní, ɓě mɛ dyéìn ḿ ɖé ɖɛ séín ɓě ɓɛ́ ḿ ɖǎà nyuɛɛ mú. 17Ɖɛa kɔ̃̀ jè, ḿ nìà Tímétè mɔ̀à ní ɖɛ̀ɓɛ̀-dyù ɖé Bounɓoɔ̀ múɛɛ ɖé ɓě gbo tòɛ̌n nyɛ̀. Ɔ mɔ̀ hwòɖǒ-kɔ̃-dè-nyɔ̀. Ɔ mu ɖɛ ɓě ɓɛ́ ḿ nyu ɖé Kɛ́ɖɛ́ì múɛɛ jè ɓě hwìɖǐi dyàùn. Ɖɛ ɓě nìà kɛɛ, ɖéɛ̀ ní tɛ̀mɛ̀ìn cɔ́cì-nyɔ̀ ɓě nì dà séín ɓěɛ.
18Ɓě ɖíɛ́ ɓě ɓúáìn ɓě mìɔùn dyí, sepóɛɖé ɓě poìn hwìɖǐi kà ḿ se ɖé ɓě gbo dyiɛń nìɛ. 19Kɛɛ Bounɓoɔ̀ dyi wɔ̃́ín, ní mu ɖé ɓě gbo dyiɛń fṹàùn. Ḿ dyié dyiín, nìí, ní mu kpé ɓɛ́ nyɔ ɓě ɓúáìn wa mìɔùn dyíɛɛ ɓéɖéà kɛɛ dyéìn. Ḿ se wa wuɖu dyi mɔ́ɔ mu ɖòùn pū. 20Sepóɛɖé Gèɖèpɔ́ɔ̀ kã́á-ɓòɖòɔ̀ se wĩín-wùɖù, kɛɛ ɔ mɔ̀ kpé. 21Ɖɛ́ ɓě mɔ́ɛ́? Ḿ mɛ dyié kà nyɔ kéà nyɔ ɓaɖa kɛɛ̀, mɔɔ ḿ mɛ dyié pɛ̀ɛ̀-pɛ̀ɛ̀-kà kè ɖé nyɔ-mú-ɖɛ̀ɓɛ̀-ɖɛ̀ɓɛ̀ múù?
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.