Sálmos 96
96
1Urénga, aracho uacaradé icha ome Pangarádejnai uté. Ajñiecacho ome Pangarádejnai uté, jnumi achamisórone uaque jnese.
2Ajñiecacho ome Pangarádejnai uté ga acotáyo uté i ueradi uté. Ajuyo uté úringai piquetasõre ujnomei iji dirode jnese.
3Atatayo uté ingoningájnai iji punirone udore ujade, ga ajuyo uté ipesute pitijabádode udore ore iji erámi unirisórone ore ujade jnese iji erámone.
4Uje Pangarádejnai uté cuchadaté, ga jé tiógarapísa úringai pisígai. Uté u uje iquiñiringuetaque ome dupa quedéjnaringo ore jnese.
5Chamáñaje purása quedéjnane ore angurenone dupa jnese ga cachi ayoré gajnúo, ga cucha bisidécho. Mu Pangarádejnai uté u uje ipesudi cucha u gaté.
6Cutejmane picotaqué, nanganataringuei ore déji uté iquei gatuaque. Ga petotiguei, pingoningájnai ore déji uté iguíjna puyai ajei.
7Urénga, jogasurane uaque iji punirone á, asíñome picotaquéode ome Pangarádejnai. Asíñome picotaquéode ome Pangarádejnai uté ome úringai ijningueñataque, jé aja ome úringai ujopíerãque cuchape.
8Asíñome picotaquéode ome Pangarádejnai uté ome i ueradéjnai uje jé tiógara dáringai pisígai gu. Aríño uaquẽratígo cucha údi ome uté, ga acáyoja uté iguíjna cuchábi ujuyaquéode ajei.
9Urénga, abéroyo uágaja jnumi iji Pangarádejnai uté iquei ome uacáyipie ujñapeté ueratigai. Atãraráñoji uté iquei, erámi unirisórone uaque jnese á.
10Ojnicho iji punirone ore ujade jnese:
–¡Pangarádejnai e déji dáringai Peduguéjna Cuchape!–
Uté imanique jnumi aja dayaridi ujetiga jé jogate, ga que toc ujetiga pungurañaque. A uté chajire pidáyode idaisórone ore adode aja quigode ome dajiritigade úringane ũréo jne.
11¡Gaté a jé dorási ga nínarásu re; ga jnumi a jé irasiguirase re to! ¡Yote quedéjnai a jé dorási to jeta chejna cutejmai dajocarãque, jé aja jogosórone cucha jnese uje chĩreta uté!
12¡Garáyode, jé aja jogosórone cucha ponáyo jnese uje déji udore ga a ore dorási ga ore nínarásu re to! Enga a jé u jne ujetiga poridie jnese iji jórone ore chijñiecare ome dachietaquéode.
13A ore chijñiecare iji Pangarádejnai iquei jne, uje uté a di jne. Di gu jeta chicha dáringai Padode Ajirisõre aja jnumi udé gai. Ga a uté doi ga pésu pajiritíga uréone aja quigode ome erámi jne, jé aja pidáyode idaisórone ore ome uté isocade úringane ũréo.
Currently Selected:
Sálmos 96: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
