Sálmos 87
87
Piradé udaque pipesudé ome Coré abode. Sálmo u.
1Dupade uté edójnari pidai iríbidi jogadi u cucarãte puyai uté.
2Pangarádejnai uté cutejmai ijnoraqué ome Sión uaté ujuyaquéode udore piagode sué uté ijnoraquei gai ome Jacob urasade ore charidode jnese.
3Urénga, uerate ore icotaquéode ome ua, Dupade edójnari pidai á.
4A yĩ́care Rahab uje íode uñai u Egípto, jé aja Babilónia jne, ga yatata uje ore déji yirajasórone udore ore ujade. Adójnanga uje filistéogosode u to, jé aja tírogosode, ga jé chopo etiopíagosode udore ore rĩ. Ga a jé patatacho punire ucode chojmara, chojmarane jnese ujnomei jne ujetiga chósi te:
–Udé iríguidi jé u Sión to.–
5Jé ũrepise uje a ore chicha Sión uaté aja daruode jne, jeta ore chojninga:
–Jnani udé iríguidi u Sión, jé aja uti to. Enga a Dupade Gatajnoquei Achamisõre upúsu jne ujetiga pésu Sión uaté úringai jogate pãreque.–
6Pangarádejnai uté a chisecãru ore ujetiga purusãracho pidáyode idaisórone ore íode iji darujna aode jne, ga chósi tome darusarane:
–Udé batigai u Sión uaté.–
7Ijñiecacade, jé aja udore ore uje ore chẽráchu ome aja dajesúode, ga a ore chojninga jnese jne:
–Yininaquéode garanone sibíjna jnese déji ua, Sión á.–
Currently Selected:
Sálmos 87: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
