Sálmos 82
82
Asaf uté ipesudé Sálmo udaque.
1Dupade chague iji dapesudé gague uaté iquei ome dajiritigade ome padode ajirisórone ore, uje ore chácariji dayaridode gu Dupade uté, ga Dupade cho dupárigo iji ore ome ore úringane peduguéjna.
2Enga chósi tome ore:
–¿Ga cho rique ujetiga ayáyo uacajiritíga tágode udore, ga ayáyo oyo uacameserane iji sijnángone udore ore?
3Beyoi ga ũré uágome uacajiritigade ome udore uje que ore tayápo rĩ, jé aja disijádode ore; ga apéso pajiritíga uréone quigode ome pijosipiedie gajnesórone udore ore, jé aja ayoré jmatágode udore ore.
4Aquetáyo ayoré serẽrachugode jé aja ayoré jmatágode udore ore, ga ajnicho udore ore iji ore isasórone jnani sijnaque udore ore jmainie.–
5Pirajatigai chona padode ajirisórone udore ore, ga que ore nunaji cuchárique quigode gotique to. Ore chaca ñane iji ijnangununie ajéode. Ga cuchade erodie jnese iji erámi chécãre dajogadode iji udore ore ajiritíga tágode jmainie.
6Uje yojninga:
–E yo dupárigo iji uaque uje yutocaidode u uaque ome uacáringane peduguéjna. Ga Dupade Gatajnoquei Achamisõre abode jnese u uaque.
7Mu ũré uje a oyo ayoré ponáyone jnese jne, uje ore jnese chise dáringáringo tocho; a jé oyo peduguéjnane uñane ore jnese to uje ore cṍra jnese.–
8Urénga, ãriji, Dupade á, be ga ajire padode iji erámi ome bajiritigade udore, uje punirone jnese ore gajnesṍri tu ua gu.
Currently Selected:
Sálmos 82: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
