Sálmos 70
70
Piradé udaque gajnesṍri u piradedie irajasṍripísi. David ipesudé Sálmo udaque, jeta pujnusinamane.
1Urénga, Dupade á, be ga jĩraque aqueta yu. Aquejname gadoi ome báringai Yátajasṍre, Pangarádejná.
2Omitigai turásu ome udore ore jnese uje ore chucué yúringárique chuque, ga dipoi yore udore ore gai, ga jé ca ore chiraja dasocáringome re gotique. Ga udore ore jnese uje ore ipotigádi tu yúringai pajnangarañaque, ga omitigai turásu ujetiga pijócãráque ore, ga ore chayo ome dáringane ajegátacho.
3Udore ore uje ore cho damitiguéome yu ome dáringane ijoyatácho ga jé tiógararása ujetiga ore chajnésaru daquigade ome dáringane dipócho.
4Mu udore ore uje ore ucuei tu ua, ga omitigai turásu ujetiga ore chachietáji re ome ua, ga pininaquei irágupúsu ore ajéode. Udore ore jnese uje ore chijnóra báringárique ore iquetangore ga udore ore chojningárasa gatuaque:
–¡Jé tiógarapísa Dupade uté úringai pijosiguíji gaté!–
5Mu poti yu, ga que urénga yimo cucháringome yu. ¡Jĩraque ese yu, Dupade á! Ua u Yátajasṍri, jé aja Yiramesṍri uté.
¡Urénga, Pangarádejná, jé ca ãra ua iji cuchárique jeta átaja yu!
Currently Selected:
Sálmos 70: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
