Sálmos 52
52
Piradé udaque gajnesṍri u piradedie irajasṍripísi. David ipesudé Sálmo udaque jeta po quique ore ome. U gu uje Doeg, edomítagosi uté, chicáji Peduguéjna Cuchábi Saúl, ga chatata David isocai ome Saúl uté, uje chojninga: –David e chise sacerdote Ahimelec uté iguíjnai.–
1Jnani etotinguerãi chá, ¿cuchárique u gu a uje bacota ua ome bajosipié noñánguenie udire? Uje Dupade ijnoraquédatéi érãtique eruénique cuse.
2Barei uté cho quesé asícojnarique ome dáringai chigóca unéraque, ga jecucha barei uté etingarane u paringaquéode udore quigode.
3Bajegaidode u cucha gajnaréngone ome cucha arégode, ga bacuegode u cucha tágode, uje que ese puru uréone unétique.
4Urénga, barasigode u puru dosógode udore ore jnese, pareque aringácachoquí á.
5Mu Dupade uté a doi basocai jne ga chajnangarasipise ua aja dejode ga a jé jogate báringai pejnaque jne iji deréjna pitade. Uje uté a chisa ua aja gaté jne enga tṍra ua aja quedéjnai iji baguíjnai, ga chijnime ua iji uecade udore ore charidi udé erãpe.
6Ate arégode udore ore a ore pañaji cuchade udojo, enga a ore todo jne. Enga a ore chujñieta jnani uté jne.
7Enga a ore chojninga jne: –¡Cajicho jnani uté uje que pota cho dãrésõri iji Dupade uté. Mu uté changureta dagúcha dipeséode ga chajnerame detotiguei iji dasijnaringuéone udore!–
8Mu uyu ga yajnua tu pore ijõre uje eteque surujnai ga uaté i tu olívo, uje uaté jecucha déji Dupade iguíjnai. Ga yanguretapise Dupade uté ijnoraquédatéi ome yu iji deréjna pitade gatuaque.
9A jecucha yacãre babai gatuaque jne ome bacaniratiguéode. Ga Yangureni a u bei ueradi uté ome yu ome cuchade udore jne iji yiquéode, uje ueradipise bei uté ome yu gu. Ga a yicota ua jne iji yujode banguresõre udore ore edominone.
Currently Selected:
Sálmos 52: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
