Sálmos 29
29
Peduguéjnai David iradedie uña u.
1Gaté jogosórone uaque á, asíñome picotaquéode ome Pangarádejnai. Asíñome picotaquéode ome Pangarádejnai uté ome úringai nanganataque, jé aja ome úringai ujopíerãque cuchape.
2Asíñome picotaquéode ome Pangarádejnai uté ome i ueradéjnai uje jé tiógara dáringai pisígai gu. Abéroyo uágaja jnumi iji Pangarádejnai uté iquei ome uacáyipie ujñapeté ueratigai.
3Pangarádejnai uté úringai dara déji yote quedéjna cuchábode udore gai. Ibisócho Dupa Ingoningarãi uté uruode ga cho guérique urúrique uje narare. Ibisócho Pangarádejnai uté uruode ga cho guéode uruode iji yote quedéjna cuchape dipeséode ore gai.
4Pangarádejnai uté úringai dara que iyieque imenuringuejnai. Pangarádejnai uté úringai dara ingoningarã́quedaté.
5Pangarádejnai uté úringai dara chibéro pore cuchábedie uje ore chojningame udire cédro. Iji uguíjnamui uje déji puniri Líbano uté ga cédrodatédie déji mu Pangarádejnai chusũrurase udire aja jnumi.
6Uté pésu to ujetiga jogadi Líbano uté cho aquirájna abi uje chãrai riji gatéode; cucarani uté uje i tu Hermón, ga cho tóro ucatoque aceite uté uje cho dabai.
7Pangarádejnai úringai dara uté cho ajnorápiedie uje chijñate dejode gai.
8Pangarádejnai uté úringai dara pésu cochóya iji erãpetarei údode. Pangarádejnai pésu ga erãpetareque cuchábi uje i tu Cádes uté tãraráji jnumi.
9Pangarádejnai úringai dara pésu ga erámoronie ore icadie tagúji ore, enga uté uruode chariguese porebúode aja jnumi ga e poti gaté poridie. Enga udore ore jnese uje ore déji uté iguíjna cuchábi ajei, ore chĩ́care uté ingoningájnadatéi.
10Pangarádejnai uté chácariji dayaripi uté iji yote dequejnangóri uté gai; Pangarádejnai uté déji dáringai Peduguéjna Cuchape iji deréjna pitade jnese gatuaque.
11Pangarádejnai uté a chisíome petotiguei ome darasade udore ore jne; Pangarádejnai a chacacãre darasade udore ore ome pajesereringai jne.
Currently Selected:
Sálmos 29: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
