Sálmos 28
28
Peduguéjnai David iradedie uña u.
1A yutṍri ua ome yu jne, Pangarádejná, ome bãrétigai uje cho cucarané poguégueraque ome yu. Jé ca ajuru bangoninguinone yui ome gadoi. Jeoga jé basoca ujetiga ca o cheme, enga a jé yo udore ore jne uje ore basája togode ore gajnei eruque.
2Angarami yibijnacaraidie ome yajei jochaqué gajnéone cucha, uje yibidi ua ujetiga átaja yu, ga yãrai yijmanecade iji gaté aja baguíjnai uté ajé pirosobádejnai yui.
3Jé ca amere yu iji jnani sijnángone, pate gajnaréngone ipesusórone udore ore ujetiga bo ore údi jne. Uje ore chĩ́care pajesereringai ujeta ore catecã́ri dejominónique ayoré, mu ore pógu dáyipie noñánguenie iji dajéode.
4Amate ore ome ore ipesudode cucha oredie, ga beranone jé chirate ore ate gajnaréngone uje ore pésu; o ore oré jne ome cuchade uje ore pésu ome dajmainie, ga ore ipesute gajnaréngone udore chajni ore gai jne, uje jé ore tiógara gu.
5Uje que déji udore ore áyipieraque gotique Pangarádejnai uté isagode cucha, jé aja uté ipesudode cucha udore uje uté pésu ome dajmainie, jecute a uté chajnangarase udore ore aja jnumi jne, mu érãtique pésapo udore ore aja gatérique jne rĩ.
6¡Pisígai Opejã Pangarádejnai uté, uje tangári yu uje yijócha ajei údi ome yu!
7Pangarádejnai u yetotiguei gãrapi, ga uté chicha raja gadoi ome cuchade yúode. Yanguretapise uté yui ome yu iji yáyipie, enga jé u uje pátapi yu. Yáyipie ininaquei que chajire re ga a yacãre uté gai ome yiradé achachagúgode ome uté jne.
8Pangarádejnai u darasade ore etotiguei guẽrasõre. Ga uté u dajegaidi peduguéjna uté Iquetasṍri Ujopíerãque.
9Pangarádejná, be ga aqueta barasade udore ore, enga acacãre udore ore uje bo bajnenguíji udore ore. Ga ajuse ore guio ga bajnui tu áyasadie irodisónique uje chirote dachidedie, enga ajna ore iji bajmanecade iji deréjnane jnese gatuaque.
Currently Selected:
Sálmos 28: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
