Sálmos 141
141
Peduguéjnai David iradedie uña u.
1Yibidi ua, Pangarádejná. Aguitóji gadoi. ¡Angári yibijnane jeta yutṍri ua!
2Ajuéga, ga yicatecãraitigade ome ua cho cucha ai papose unénique iji baquei, ga o cucha pẽrapaite pipotame yijmanecade udore to uje yãráji gaté, uje pisocabeque uté iji guedéjnoringáne gatuaque.
3¡Ajo yibijnani aja ñane, jeta o bañeraque cucha iji, Pangarádejná, ga ajuse yibijnani uté guio jeta jé ca cucha gajnaréngone tṍraji uté!
4Jé ca ajuéga jeta yáyipie dépisi cucha gajnaréngone udore, ga jé ca yo yisaque cucha pisaguíji to udore ore isagode cucha gajnarécho, jeta yirate ore aja udore; ca ajuéga jeta yagu ore ajmaránone udore to.
5Ajuéga jeta jnani ujñapetátique chiqueta yedodie ga chinguíra dasatique cucha aja yu, uje chijnóra yu gu, ga que yejnáreque; uje cho aseque puyai uje panire aja yójo to, uté isocai ome yu. Mu érãtique yimesẽre cucha gajnaréngone ipesusórone udore ore jmapié noñánguenie, ga yicatecãraitigade quigode a jecucha u udore ore jne, uje yetaguipise udore ore isocade udore.
6A parãte sijnángone ore adode ajirisõre tágode udore ore aja cucarãte oroné uaté jne, ga a quene ore chiraja uje ũréo Pangarádejnai uru quigode udore.
7Ga a ore cho oróneraque jne ujeta piráña uaté aja quedéjnane ga pépitamujná ejode. Ga adi jé u uje pisidique yocajnoquéode aja quedéjnane iji ducode uaté pijnani.
8Mu yedodie jogadípise ua, Pangarádejná Dupade á. Ua u uje yucué báringárique Pãrésõre ome yu; ca ajuéga jeta íjnoque yátajasónique.
9Ãraque yu ome udore ore ipesudedie dajuyai ome yu. Ajnime yu iji cucha gajnaréngone ipesusórone udore ujuya gajnéone cucha jmainie.
10Ajuéga jeta sijnángone udore ore basája dajuyadie udire, jé basa ga yapídome.
Currently Selected:
Sálmos 141: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
