Sálmos 136
136
1Beyoi to enga acãcho Pangarádejnai uté gai. Pajnotaque uté gu. Chamáñaje que ijnoraquédatéi eruénique cuse gu.
2Acãcho gai to uje úringai Dupa sué pangurenone gáyode jnese. Enga que ijnoraquédatéi eruénique cuse gotique to.
3Acãcho gai to uje úringai Pangarádejna sué pangaránone gáyode jnese iji erámone. Enga que ijnoraquédatéi eruénique cuse gotique to.
4Gusu uté uje pésu cucha pitijabátedatéode to. Enga que ijnoraquédatéi eruénique cuse gotique to.
5Pésu gaté nanique ome cutejmai dáyuquetotiguédatéi. Chamáñaje que ijnoraquédatéi eruénique cuse gu.
6Ga uté u uje chicha jnumi aja yodi gai. Chamáñaje que ijnoraquédatéi eruénique cuse gu.
7Uté u uje pésu guedé, guedoside to nanique. Enga que ijnoraquédatéi eruénique cuse gotique to.
8Pésu guedé gu ujetiga chijñate jnumi gai iji diri. Enga que ijnoraquédatéi eruénique cuse gotique to.
9Enga chicha guedoside, guédodie ore aja gaté gu ujetiga ore chijñate jnumi gai iji dejai. Chamáñaje que ijnoraquédatéi eruénique cuse gu.
10Uté u uje chujé ore ape bajai nanique iji egíptogosode ore jnese. Enga que ijnoraquédatéi eruénique cuse gotique to.
11Uté u uje chijnime israélgosode ore iji egíptogosode ore ujade nanique. Enga que ijnoraquédatéi eruénique cuse gotique to.
12Chãrai dajmanecade iji gaté ome cutejmai detotiguejna. Chamáñaje que ijnoraquédatéi eruénique cuse gu.
13Ga uté chajuque Yote Quedéjna Caratai iji ñane ga péode gare. Chamáñaje que ijnoraquédatéi eruénique cuse gu.
14Ga jé u uje israélgosode ore chajna cajnóningai iji Yote Quedéjnai jochai uté nanique. Chamáñaje que ijnoraquédatéi eruénique cuse gu.
15Mu uté tṍra Faraón, isoldate dipeséode ore aja Yote Quedéjna Caratai uté ajei ga chaco ore gai. Chamáñaje que ijnoraquédatéi eruénique cusipise gu.
16Iji udojo quigade ga nóna darasade ore aja quedéjnane uje ore chaquesu erãpetarei uté. Chamáñaje que ijnoraquédatéi eruénique cuse gu.
17Uté u uje chujé eduguéjna cuchábode ore nanique ga ore topísi. Enga que ijnoraquédatéi eruénique cuse gotique to.
18Peduguéjna cuchape ujnomerã́cho jóroguio udore ore nanique, mu jé chijnime ore ucuecaringuei iji ore. Enga que ijnoraquédatéi eruénique cuse gotique to.
19Chujé peduguéjna cuchábode uña Sihón, uje amorréogosode ore asuté cuchabe uaté. Chamáñaje que ijnoraquédatéi eruénique cuse gu.
20Chuque Og uté to, uje basángosode ore asuté cuchabe uaté. Chamáñaje que ijnoraquédatéi eruénique cusipise gu.
21Chisíome eduguéjnane udore ore gajnéone jnupe ome darasade ore jeta jecucha ore ape disi ejode cho dajnéngu. Chamáñaje que ijnoraquédatéi eruénique cuse gu.
22Chisíome puniri uté ome darógode israélgose ore jeta jecucha jogate ore gari. Chamáñaje que ijnoraquédatéi eruénique cusipise gu.
23Uté u uje érãtique chicadígui yoque uje yejnárejo yoque. Chamáñaje que ijnoraquédatéi eruénique cuse gu.
24Uté u uje chejñu yocumajosórone udore ore isapídode iji yocúdode. Chamáñaje que ijnoraquédatéi eruénique cusipise gu.
25Uté chisíome cucha pibosode ome damaningone cucha ueca udore jnese. Chamáñaje que ijnoraquédatéi eruénique cuse gu.
26Jecute beyoi ga acãcho Dupa pimaminóri uté gai iji gatajnoquei. ¡Chamáñaje que ijnoraquédatéi eruénique cusipise gu!
Currently Selected:
Sálmos 136: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
