Sálmos 128
128
Piradé aja dajei iji Jerusalén yui.
1Pininaquei gajnesórone u udore ore uje ore dosóñime Pangarádejnai, ga ore chajna uté isocade quigode ome re.
2Bamaningone cucha ome bajmainie u uje pésu ga bagome udore. A anína ua jne, ga jecucha batijína gatuaque.
3Bacoté a gajnua tu erejna quedéjna úva jne iji baguíjnai uté uje adie jiei, jé basa ga babode udore a ore gajnúone u ore acaque uñai ujnié uaté jne uje i tu olívo, iji bamésa dosadode.
4Cajmita uje Pangarádejnai adi jé u uté ome gosi uje dosóñime Pangarádejnai uté, uje pininaquei gajnesṍri u uté gosi.
5¡Yipésupú ga Pangarádejnai chisíome daru ueradode ome ua iji dayaridi Sión uté jõ! Ga a ajire Jerusalén uaté ome úringa aregue jne jé iji deréjna pitade jnese iji bacuecaringuei uté.
6Urásu to ujetiga qué bacuecaringuei chise ujetiga amo bape disi ejode udore ore.
¡Pajesereringai jogadírase Jerusalén gatuaque!
Currently Selected:
Sálmos 128: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
