Isaías 50
50
Isaías chatata Crísto uté úringai pujñiete ome yusórone jne
6Pangarádejnai uruode u udojo:
"Ga yorei yidoboi iji yisórone yui ujetiga ore chaquesu yidoboi údode.
Ga ore doi yabuayé ga ore chayo údi ga ore chijnime yabuayé.
Ga ore gaidi tu gu ujeta ore pésu yujuredie, mu que yarángome ore.
Ga ore dojnóngaja yu ga ore chutĩ́raja yibai, mu yo paráguiji ore josipiedie jmainie.
7Ga yátajasṍri tupúsu Pangarádejnai Dupapísi, jecute ore josipiedie que chijna yu aja jnutique.
Ga ore gajnui tu emi ome yu ujeta ore tṍra yu aja quedéjnane.
Mu yajnua tu cucarané timingue uje que enique tṍraja quedéjnarique.
Enga yiraja uje ore chujñieta yu iji diri tudé, mu a ca pujñienápo yu dirome rĩ iji dire uñeque.
8Uje yatapiésõri cuchadaté déji yari ga uté u uje narare yibai.
¿Mu agúsoi rique uje uacaguhétayo cuchade yibai diríca?
Beyoi ga yingongoma yógaja yocadode ajirisṍri tuté jne.
Ujetiga uaque gosi chiraja yiyoguérigo ga be ga angoma yu jne.
¡Be ga atata baguhétajade cucha yibai ga yangári baru quitígo!
9Yatapiésõri tuté u Yangarádejnai Dupade enga a ca toque jeta gosi chise yiyoguérique cucha iji iquei.
Uje uté chiraja yúringai ũrepise gu, ga narare yibai. Jecute yijmongarájasórone ore gajnua tu piguidéraque uje gunorone tagu ga pésu edomini, ga úringai ducarané jé jogadi tu.
Currently Selected:
Isaías 50: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
