Ester 10
10
Ujnomeranguipise judío nanique uje i tu Mardoquéo, ga urasade ore chicota uté jnese
1Ga ore eduguéjnai Asuéro ujnomeranguipise nanique ga chiroque dejnane puníño unirisórone aja nanique ujetiga ore cho doré ome jnese. Que gusu punirone udore uje ore déji jnumipísi, mu jé chuságaja dejnane pidáyo uñane to iji yote quedéjnane ajã́ronie. Ga guejnane udore pidáyo ore cho doré ome jnese uje ore dosóñime uté gu. 2Ga eduguéjna cuchábi uté purusãracho átedatéode to iji darujna aode to uje udore i tu 'Médiagosode, Pérsiagosode Yoqueduguéjnane Adode u Udojo'. Ga purusãracho iji darujna aode udore to uje uté pésu Mardoquéo úringai eduguéjna nanique enga jé chopísirase úringai eduguéjna cuchape nanique. 3Chamáñaje ujnomeranguipise judío uté to uje i tu Mardoquéo. Ga uté urasade chicota uté jnese. Uje jecucha Mardoquéo uté chajire darasade yúode ome ore úringane ayoré atácho ome ñane. Jecute uté jecucha catecã́ri deduguéjnai Asuéro ome darasade ore. Gaidi tu gu jeta eduguéjnai chosõre uruode quigode ga chãraque urasade ore ome cucha dacate gajnaréngone.
Currently Selected:
Ester 10: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
