IINDUMISO 13
13
Ukucela uncedo
Umhobe kaDavide; kumbhexeshi-kwayara.
1Koda kube nini na, *Ndikhoyo, undilibele kwaphela?
Koda kube nini na ndingakuboni?
2Koda kube nini na ndinomva-ndedwa,
ndinesingqala, ibuhlung' imini yonke intliziyo yam?
Koda kube nini zindivuyelel' iintshaba zam?
3Bek' iindlebe, Ndikhoyo, undive, Thixo wam.
Ndihlaziye, hleze ndilal' ubuthongo bokufa,
4hleze luthi lundoyisil' utshaba lwam,
bachwayit' ababandezeli, kuba ndoyisiwe.
5Kodwa ndithembe uthando lwakho olungajikiyo;
ndochulumacha kuba uyandihlangula.
6Ndombonga uNdikhoyo, kuba endiphethe ngobubele.
Currently Selected:
IINDUMISO 13: XHO96
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1996. Used with permission. All rights reserved.
