یەهودا 1
1
سڵاڤ
1ژ من، یەهودا، بەنیێ عیسایێ مەسیح و برایێ یەعقوبی،
بۆ گازیكریێن خۆشتڤی ژ لایێ خودایێ باب ڤە و پاراستی ژ لایێ عیسایێ مەسیح ڤە:
2دلۆڤانی، ئاشتی و حەزژێكرن ب زێدەیی ل سەر هەوە بن.
دادكرنا مامۆستایێن درەوین
3گەلی خۆشتڤیان، هەر چەندە من ب مەرەق دڤیا دەربارەی قورتالبوونا مە یا هەڤپشك بۆ هەوە بنڤیسم، لێ من ب فەر دیت كو ئەز بۆ هەوە نامەیەكێ بنڤیسم، تێدا هیڤی ژ هەوە بكەم كو هوین ژ پێخەمەت وێ باوەریێ خەباتێ بكەن، ئەوا ب جارەكێ و بۆ هەروهەر بۆ پیرۆزكریان هاتیە دان. 4چنكو هندەك كەس ب دزی ڤە هاتینە د ناڤ هەوە دا، ئەوێن ژ كەڤن دا سزایێ وان ل سەر هاتیە نڤیسین، كەسێن بەدكارن، كەرەما خودایێ مە دكەنە بەهانە بۆ بێدەلنگیێ، هەروەسا عیسایێ مەسیح، كو سەروەر و خودانێ مە یێ ئێكانەیە، ماندەل#1:4 ماندەل: ئینكار دكەن.
5ئەڤجا من دڤێت بیرا هەوە بینم، هەر چەندە هوین ڤان هەمی تشتان دزانن، كو پشتی خودانی گەلێ خۆ ژ ئەردێ مسرێ رزگار كری، ئەوێن باوەری نەئینای ژ ناڤ برن.#1:5 دەركەفتن 12:51؛ سەرژمێری 14:27-30 6هەروەسا وی، ئەو فریشتەیێن پێگەهێ خۆ نەپاراستی و جهێ خۆ هێلای، ل بن تاریاتیێ ب قەیدێن هەروهەری بۆ دادكرنا رۆژا مەزن هێلان. 7ب هەمان شێوەی سەدۆم و عەمۆرا#1:7 سەدۆم و عەمۆرا: ل فەرهەنگۆكێ بنێڕە. و باژێڕێن ل دەوروبەرێن وان ژی وەكو وان دەهمەنپیسی كر و ب دویڤ گوهنێلیا نە سرۆشتی#1:7 دەق و دەق: ‹ب دویڤ جۆرەكێ دی یێ لەشی كەفتن›. دبیت مەبەست پێ هەڤڕەگەزبازی بیت یان مرۆڤ ل گەل فریشتەیان. كەفتن. ئەو ب كێشانا سزایێ ئاگرینی یێ هەروهەر بوونە نموونە.#1:7 دەستپێكرن 19:38
8هەروەسا ئەڤە ژی، ئەوێن ب دویڤ خەونێن خۆ دكەڤن، لەشی دهەڕمینن و سڤكاتیێ ب سەروەریێ دكەن و ب خرابی بەحسێ خودانێن مەزناهیێ#1:8 خودانێن مەزناهیێ: مەبەست پێ هەبوویێن روحانینە وەكو فریشتە و ئەجنە و… هتد. دكەن. 9لێ خۆ میكائیلێ سەرۆكێ فریشتەیان ژی، دەمێ ل گەل ئبلیسی ب هەڤڕكی هاتی و دەربارەی تەرمێ مووسای گەنگەشە ل گەل كری، بستە‍‌ھ نەكر ب ئاخفتنەكا كرێت وی گونەهبار بكەت، لێ گۆتێ: «بلا خودان تە پاشڤە ببەت!» 10لێ ئەڤ كەسە، دەربارەی تشتێن ئەو تێنەگەهن كوفریان دكەن، ئەو تشتێن ئەو تێدگەهن ژی وان ژ ناڤ دبەن، چنكو ئەو وەكو گیانەوەرێن بێئاقل ب تنێ ل دویڤ سرۆشتێ خۆ دچن. 11نەخوزیكێن وان! چنكو ئەوان رێكا قایینی#1:11 قایین: هندەك دبێژنێ ‹قابیل›. ل فەرهەنگۆكێ بنێڕە گرتیە و وەكو بەلعامی#1:11 بەلعام: سەرژمێری 22:1 تاكو 24:25 ژ پێخەمەت قازانجی د سەر دا چوون و یاخیبوونا وان وەكو یاخیبوونا قۆرەحیە#1:11 قۆرەح: سەرژمێری 16:1-50 و ئەو دێ وەكو وی ژ ناڤ چن. 12ئەو د ئاهەنگێن هەوە یێن برایینیێ دا خالەكا رەشن، بێ ترس خوارنێ ل گەل هەوە دخۆن، ب تنێ خۆ دچەرینن. ئەو عەورێن بێ بارانن یێن با ل گەل خۆ دبەت. دارێن پاییزی یێن بێ بەرهەمن، دووجاركی د مرینە، ژ رەهان د هەلكێشاینە. 13ئەو وەكو پێلێن هار یێن دەریایێنە، شەرمزاریا خۆ بەڵاڤ دكەن كا چەوا پێل كەفێ دهاڤێژن. ئەو ستێرن یێن رێكا خۆ بەرزە كری ئەوێن هەتا هەتایێ بۆ وان كویرترین تاریستان هاتیە تەرخان كرن.
14حەنۆخی#1:14 حەنۆخ: بابێ باپیرێ نوح پێغەمبەریە، هندەك دبێژنێ ‹ئدریس›. ژی، كو پشتی ئادەمی بابكێ حەفتێ بوو، پەیاما خودێ دەربارەی ڤان كەسان راگەهاندیە و گۆتیە: «ئەڤە خودان د ناڤ هزارەهان پیرۆزكریێن خۆ دا یێ دهێت،#1:14 دەستپێكرن 5:18-24 15دا حوكمی ل سەر هەمیان بدەت و هەمی بەدكاران ل سەر هەمی كریارێن بەدكاریێ یێن وان كرین و ل سەر هەمی پەیڤێن دژوار یێن گونەهكارێن بەدكار د دەرهەقا وی دا گۆتین، گونەهبار بكەت.» 16ئەو كەس د پتپتی و دەڤ ب گازندەنە، ل گۆر ئارەزوویێن خۆ دژین و مەزن دئاخڤن، ژ پێخەمەت بەرژەوەندیێن خۆ سالویسیێ#1:16 سالویسی: ب عەرەبی ‹مەلاقی› بۆ كەسان دكەن.
هشیاركرن و شیرەت بۆ باوەرداران
17لێ هوین، گەلی خۆشتڤیان، بیرا خۆ بیننە وان ئاخفتنان یێن پێشوەخت هنارتیێن خودانێ مە عیسایێ مەسیح گۆتین. 18ئەوان دگۆتە هەوە: «د دەمێ دویماهیێ دا، دێ هندەك تڕانەكەر پەیدا بن، ل دویڤ ئارەزوویێن خۆ یێن بەدكاریێ بڕێڤە دچن.»#1:18 2 پەترۆس 3:3 19ئەڤە ئەو كەسن یێن دووبەرەكیێ چێدكەن، ب تنێ ل دویڤ خۆرسكێن لەشكانی دچن، ژ گیانێ پیرۆز د بێ بەهرن. 20لێ هوین، گەلی خۆشتڤیان، خۆ ل سەر باوەریا خۆ یا هەری پیرۆز ئاڤا بكەن، ب گیانێ پیرۆز نڤێژێ بكەن، 21هۆسا خۆ د حەزژێكرنا خودێ دا راگرن، دەمێ هوین ژ بۆ ژیانا هەروهەری چاڤەڕێیا دلۆڤانیا خودانێ مە عیسایێ مەسیح دكەن. 22دلۆڤانیێ ب یێن دوودل ببەن، 23هندەكێن دی ژ ئاگری بڕەڤینن و قورتال بكەن، دلۆڤانیێ ب یێن ماین ببەن، لێ ب هشیاری و بلا كەربێن هەوە خۆ ژ وان جلكان#1:23 جلك: هێمایە بۆ كریارێن خراب یێن ڤان كەسان. ژی ڤەببن یێن ب لەشێ ڤان هەڕمین.
پەسن بۆ خودێ
24بۆ وی یێ شیان هەین هەوە ژ هەلنگفتنێ بپارێزیت و هەوە بێ كێماسی ل پێشیا مەزناهیا خۆ ب دلخۆشیەكا مەزن راوەستینیت، 25بۆ خودایێ ئێكانە، قورتالكەرێ مە، ب رێكا عیسایێ مەسیحێ خودانێ مە، قەدرگرانی و مەزناهی و سەروەری و دەستهەلات بۆ وی بن، ژ بەری هەمی سەردەمان و نوكە و هەتا هەتایێ. ئامین.
Currently Selected:
یەهودا 1: BHD
Highlight
Share
Copy
Want to have your highlights saved across all your devices? Sign up or sign in
All rights reserved.