2 سالونیكی 2
2
یاخیبوونا جیهانێ دژی خودێ و هاتنا دوویێ یا مەسیحی
1ئەڤجا دەربارەی هاتنا خودانێ مە عیسایێ مەسیح و خڕڤەبوونا مە ل نك وی، ئەم هیڤی ژ هەوە دكەین، گەلی خویشك و برایان، 2كو د هزرێن خۆ دا زوی نەلقیێن و نەڤەجنقن، ب رێكا گیانەكی#2:2 1 یوحەننا 4:1؛ 1 كورنتۆس 14:26-33، یان گۆتنەكێ، یان ژی نامەیەكێ هەروەكو ژ نك مە هاتبیت و بێژیت كو رۆژا خودانی یا هاتی.#2:2 1 سالونیكی 4:15-17 3بلا ب چ رێكان كەس هەوە نەخاپینیت، چنكو ئەو رۆژ ناهێت، ئەگەر بەری وێ یاخیبوون#2:3 مەبەست ژ یاخیبوونێ ئەوە كو مللەتێن جیهانێ دێ دژی خودێ راوەستن. چێنەبیت و مرۆڤێ یاسانەنیاس، كو كوڕێ ژناڤچوونێیە#2:3 ئانكو ئەوێ چارەنڤیسێ وی ئاگرێ دۆزەخێ، دیار نەبیت. 4ئەو دێ دژایەتیا هەر تشتەكی كەت كو دبێژنێ خوداوەند یان ژی دهێتە پەرستن و دێ خۆ ژ وان بلندتر دانیت، تاكو ئەو دێ د پەرستگەها خودێ ژی ڤە روینیت و دێ خۆ وەكو خودێ دەتە نیاسین#2:4 حزقیێل 28:2؛ دانیێل 11:36.
5ما ل بیرا هەوە نینە دەمێ ئەز ل نك هەوە، من ئەڤ تشتە بۆ هەوە دگۆتن؟ 6هوین دزانن ژی نوكە چ تشت ئاستەنگە كو ئەو كەس دیار نەبیت، تاكو دەمێ وی نەهێت. 7چنكو نهێنیا یاسانەنیاسیێ یا كار دكەت، لێ ئەوێ نوكە دبیتە ئاستەنگ دێ یێ بەردەوام بیت تاكو ژ رێكێ دهێتە راكرن. 8هنگی دێ یێ یاسانەنیاس دیار بیت، ئەوێ دێ خودان عیسا ب پفا دەڤێ خۆ وی كوژیت و دێ ب شەوقا هاتنا خۆ وی ب دویماهی ئینیت.#2:8 ئیشایا 11:4 9هاتنا یێ یاسانەنیاس دێ ل دویڤ چالاكیا ئبلیسی، ل گەل هەمی حنێر#2:9 حنێر: ب عەرەبی ‹معجزة›، نیشان و مەندەهۆشیێن درەوین بیت#2:9 مەتتا 24:24، 10هەروەسا ل گەل هەر جۆرەكێ خرابیێ بۆ خاپاندنا یێن ژ ناڤ دچن، چنكو وان حەزژێكرنا راستیێ رەتكر، ئەوا دا وان قورتال كەت. 11لەوما خودێ دێ دسەرداچوونەكا بهێز ب سەر وان دا هنێریت، داكو ئەو باوەر ژ وێ درەوێ بكەن، 12داكو ئەو هەمیێن باوەری ب راستیێ نەئینای، لێ كەیفا وان ب خرابیێ هاتی، بهێنە دادكرن.
خودێ ژ بۆ قورتالبوونێ گازی مە كریە
13لێ پێدڤیە ئەم هەردەم ژ پێخەمەت هەوە، گەلی خویشك و برایێن خۆشتڤی ژ لایێ خودانی ڤە، سوپاسیا خودێ بكەین، چنكو هەر ژ دەستپێكێ خودێ هوین ژ بۆ قورتالبوونێ ب رێكا پیرۆزكرنێ ژ لایێ گیانێ پیرۆز ڤە و باوەری ئینان ب راستیێ، هەلبژارتن. 14وی بۆ وێ مەبەستێ هوین ب رێكا مزگینیا مە گازی كرن، دا هوین مەزناهیا خودانێ مە عیسایێ مەسیح ب دەست خۆ ڤە بینن. 15ئەڤجا گەلی خویشك و برایان، خۆ راگرن و پێگیریێ ب وان فێركرنان بكەن یێن هوین ب گۆتن یان ژی ب نامە ژ مە فێربووین.
16بلا خودانێ مە عیسایێ مەسیح ب خۆ و بابێ مە خودێ، ئەوێ حەز ژ مە كری و هاندانا هەروهەر و هیڤیا باش ب كەرەمێ داینە مە، 17دلێن هەوە هان بدەت و د هەمی ئاخفتن و كارێن باش دا موكم بكەت.
Currently Selected:
2 سالونیكی 2: BHD
Highlight
Share
Copy
Want to have your highlights saved across all your devices? Sign up or sign in
All rights reserved.