1 سالونیكی 5
5
1دەربارەی دەم و ژڤانان ژی، گەلی خویشك و برایان، هوین پێدڤی نینن كەس بۆ هەوە بنڤیسیت. 2چنكو هوین ب خۆ باش دزانن، كو رۆژا خودانی وەكو دزێ شەڤێ دهێت.#5:2 مەتتا 24:43؛ لوقا 12:39؛ 2 پەترۆس 3:10 3دەمێ خەلك دبێژن: «ئاشتی و تەناهیە»، هنگی وێران دێ ژ نشكەكێ ڤە ب سەر وان دا هێت، هەروەكو ژان دهێنە دووگیانەكێ، ئەڤجا ئەو نەشێن ژێ بڕەڤن. 4لێ هوین گەلی خویشك و برایان، نە د تاریاتیێ دانە، كو ئەو رۆژ وەكو دزەكی ب سەر هەوە دا بهێت. 5چنكو هوین هەمی زاڕۆكێن رۆناهیێ و زاڕۆكێن رۆژێنە. ئەم نە یێن شەڤێ و نە ژی یێن تاریاتیێینە. 6ئەڤجا ئەم نەنڤین وەكو یێن دی، لێ بلا ئەم د هشیار و ل سەر هشێن خۆ بین. 7چنكو ئەوێن دنڤن، ب شەڤێ دنڤن و ئەوێن سەرخۆش دبن، ب شەڤێ سەرخۆش دبن. 8لێ ژ بەر كو ئەم یێن رۆژێینە، دڤێت ل سەر هشێن خۆ بین و زریێ#5:8 زری: جلكەكێ ئاسنیە، شەڕكەران ژ شیر و تیران دپارێزیت. باوەریێ و حەزژێكرنێ بكەینە بەر خۆ و كومزریێ#5:8 كومزری: كولاڤێ ئاسنیە. هیڤیا قورتالبوونێ بكەینە سەرێ خۆ.#5:8 ئیشایا 59:17؛ ئەفەسۆس 6:13-17 9چنكو خودێ ئەم نە ژ بۆ تۆڕەبوونا خۆ یێن دەستنیشان كرین، لێ دا بگەهینە قورتالبوونێ، ب رێیا خودانێ مە عیسایێ مەسیح، 10ئەوێ ژ پێخەمەت مە مری، داكو ئەگەر ئەم د هشیار بین یان ژی د نڤستی#5:10 د ڤێ ئایەتێ دا مەبەست ژ ‹هشیار یان نڤستی› ئەوە كو: ‹ساخ یان مری›. بنێڕە 4:13، ئەم ل گەل وی بژین. 11لەوما هاندانا ئێكودوو بكەن و ئێكودوو ئاڤا بكەن، هەروەكو هوین نوكە دكەن.
شیرەت و سڵاڤێن دویماهیێ
12ئەڤجا ئەم هیڤی ژ هەوە دكەین، گەلی خویشك و برایان، كو هوین رێزێ ل وان بگرن، یێن د ناڤ هەوە دا خۆ دوەستینن و د باوەریا خودانی دا رێبەریا هەوە دكەن و شیرەتان ل هەوە دكەن. 13ژ بەر كارێ وان، حەز ژ وان بكەن و ل نك هەوە گەلەك د بهاگران بن. ب ئاشتی ل گەل ئێكودوو بژین. 14ئەم هیڤی ژ هەوە دكەین، گەلی خویشك و برایان، ئاگەهداریێ بدەنە تەمبەلان، هاندانا دلساران بكەن، پشتەڤانیا لاوازان بكەن و ل گەل هەمیان د بێهنفرە‍‌ھ بن. 15هشیار بن كەس ژ ئەنجامێ خرابیێ، خرابیێ ل كەسێ نەكەت، لێ هەرگاڤ ل گەل ئێكودوو و ل گەل هەمیان ل دویڤ باشیێ هەڕن.
16هەرگاڤ د دلخۆش بن، 17ل سەر نڤێژان د بەردەوام بن، 18د هەمی رەوشان دا سوپاسیا خودێ بكەن، چنكو ئەڤە حەزا خودێیە بۆ هەوە د ئێكبوونا ل گەل مەسیح عیسای دا. 19گیانێ پیرۆز نەڤەمرینن. 20سڤكاتیێ ب پەیامێن پێغەمبەران#5:20 پێغەمبەر: ئەوێن د ناڤ جڤاكا باوەرداران دا پەیاما خودێ رادگەهینن. ل فەرهەنگۆكێ بنێڕە. نەكەن. 21هەمی تشتان تاقی بكەن و خۆ ب یێ باش ڤە بگرن. 22خۆ ژ هەمی جۆرێن خرابیێ دویر بئێخن.
23بلا خودایێ ئاشتیێ ب خۆ هەوە ب تەمامی پیرۆز بكەت و هەمی گیان و دەروون و لەشێ هەوە بپارێزیت، داكو ل دەمێ هاتنا خودانێ مە عیسایێ مەسیح د بێكێماسی بن. 24ئەوێ گازی هەوە دكەت یێ دلسۆزە#5:24 دلسۆز: ئانكو وەفادار و ئەو دێ وێ چەندێ كەت ژی.
25گەلی خویشك و برایان، بۆ مە نڤێژان بكەن.
26ب ماچەكا پیرۆز سڵاڤان ل هەمی خویشك و برایان بكەن. 27ئەز هەوە ب خودانی ددەمە سویندێ كو ئەڤ نامەیە بۆ هەمی خویشك و برایان بهێتە خواندن.
28كەرەما خودانێ مە عیسایێ مەسیح ل سەر هەوە بیت.
Currently Selected:
1 سالونیكی 5: BHD
Highlight
Share
Copy
Want to have your highlights saved across all your devices? Sign up or sign in
All rights reserved.