1 كورنتۆس 2
2
راگەهاندن دەربارەی مەسیحێ خاچدای
1ئەز ژی، گەلی خویشك و برایان، دەمێ هاتیمە نك هەوە و نهێنیا خودێ بۆ هەوە رادگەهاند، من ب رەهوانیا ئاخفتنێ یان ئاقلمەندیێ نەدكر. 2چنكو من بڕیار دا، دەمێ ئەز د ناڤ هەوە دا، فێركرنێ ل دۆر تشتەكێ دی نەكەم#2:2 دەق و دەق: ‹ئەز تشتەكێ دی نەزانم›.، ژبلی عیسایێ مەسیح، ئەو ژی ب خاچدایی. 3ل نك هەوە، ئەز یێ لاواز و د ترس و لەرزەكا مەزن دا بووم، 4ئاخفتن و مزگینیدانا من نە ب ئاخفتنێن ئاقلمەندیا مرۆڤكانی یێن قاییلكەر بوو، لێ ب نیشانێن هێزا گیانێ پیرۆز بوو، 5دا باوەریا هەوە نە ل سەر ئاقلمەندیا مرۆڤان یا ئاڤاكری بیت، لێ ل سەر هێزا خودێ بیت.
ئاقلمەندیا راستەقینە ژ گیانێ پیرۆزە
6لێ د ناڤ یێن پێگەهشتی دا، ئەم ئاقلمەندیێ دبێژین، هەر چەندە ئەڤ ئاقلمەندیە نە یا ڤێ جیهانێیە، نە ژی یا سەرۆكێن ڤێ جیهانێیە، ئەو سەرۆكێن ژ ناڤ دچن. 7لێ یا خودێیە ئەو ئاقلمەندیا نهێنی و ڤەشارتی یا ئەم دبێژین، ئەوا خودێ بەری دەستپێكا ئافراندنێ ژ بۆ مەزناهیا مە دەستنیشانكری، 8ئەوا چ سەرۆكێن ڤێ جیهانێ تێنەگەهشتین، چنكو ئەگەر ئەو تێگەهشتبان، ئەوان خودانێ مەزناهیێ خاچ نەددا. 9لێ هەروەكو هاتیە نڤیسین:
«ئەو تشتێن چ چاڤان نەدیتین
و چ گوهان نەبهیستین
و نەهاتینە سەر هزرا چ مرۆڤان،
ئەوێن خودێ ژ بۆ حەزژێكەرێن خۆ ئامادە كرین…»#2:9 ئیشایا 64:4
10بۆ مە خودێ ب گیانێ خۆ ئەو دیار كرن. چنكو گیان لێگەڕیانێ و ڤەكۆلینێ بۆ هەمی تشتان دكەت، خۆ كویراتیا ناخێ خودێ ژی. 11ما كی تشتێن مرۆڤی دزانیت، ژبلی گیانێ مرۆڤی، ئەوێ د مرۆڤی دا؟ هۆسا ژی تشتێن خودێ كەس نزانیت، ژبلی گیانێ خودێ. 12ئەڤجا مە نە گیانێ جیهانێ، لێ گیانێ كو ژ خودێ دهێت، یێ وەرگرتی، دا وان تشتان بزانین یێن خودێ ژ كەرەما خۆ داینە مە. 13ئەم وان تشتان ژی دبێژین، نە ب پەیڤێن كو ئەم ژ ئاقلمەندیەكا مرۆڤكانی فێر بووین، لێ ب پەیڤێن كو ئەم ژ گیانێ پیرۆز فێر بووین، هۆسا ئەم تشتێن روحانی بۆ كەسێن روحانی شڕۆڤە دكەین#2:13 هەروەسا ب ڤێ رامانێ ژی دهێتە تێگەهشتن: ‹ئەم پەیڤێن روحانی بۆ شڕۆڤەكرنا تشتێن روحانی ب كار دئینین›..
14لێ مرۆڤێ سرۆشتی#2:14 مرۆڤێ سرۆشتی: مرۆڤێ نەباوەردار یێ بێبەهر ژ گیانێ پیرۆز. ، تشتێن گیانێ خودێ قەبیل ناكەت، چنكو ئەو تشت بۆ وی بێئاقلینە و نەشێت تێبگەهیت، ژ بەر كو ب رێكا روحانی دهێنە هەلسەنگاندن. 15مرۆڤێ روحانی#2:15 مرۆڤێ روحانی: ئەوێ گیانێ پیرۆز وەرگرتی و ل دویڤ وی دژیت. هەمی تشتان دهەلسەنگینیت و ئەو ژ لایێ كەسێ ڤە ناهێتە هەلسەنگاندن. 16هەروەكو هاتیە نڤیسین:
«ما كێ هزرێن خودانی زانینە،
دا ئەو خودانی فێر بكەت؟»#2:16 ئیشایا 40:13
لێ مە هزرێن مەسیحی یێن هەین.
Currently Selected:
1 كورنتۆس 2: BHD
Highlight
Share
Copy
Want to have your highlights saved across all your devices? Sign up or sign in
All rights reserved.