Josué 21
21
Levita jojodö tjitebo comunidad baibanö 'da̧batö tjujunina jawa
1-2Ja̧danö, jemi ikenama, Levisaso jojodötjö bakwasokwena luwedöbi ichibö atjebinobe. Canaan nijinö ja̧nö, Diostjö jojodötjö tjö'da̧de pjabato̧ Eleazarbi, Josuebi, jelesokwena tjuluwedöbi Silo comunidadnö tjö̧jinobe, ja̧danö tjöba a'o ichibö, Levisaso jojodötjö bakwasokwena luwedöma atjebinobe: —Isabenö Jo̧ma Moisesnötjö̧ weinobe, comunidadbiya 'da̧batö kwujunaduwobö#21:1-2 Num 35 laebobe ja̧ Dios Moisesnö weinama. Ju'wedöbi ja̧ comunidadnö tjö̧jijayonö, Levisaso jojodö tjö̧jemi baibanö 'da̧batö tjiyobö weinobe, ja̧danö ju'wibi, comunidad ö'öbö mejebi tjiyobö weinobe, okobe jwiinö ö'öbö meje kilometro ja'ö jenanö pjeanö ji̧ mejema, Levisaso jojodö tjitea niji baibanö tjiyobö weinobe., ökwödö Levisaso jojodöma jelobekwena ditebo baibanö dö̧jobö, comunidadbi, comunidad ö'öbö mejetjö da̧jwi̧mu otiwanö tjukwoböbi 'da̧batö kwujunaduwobö weinobe. Jo̧kwajabetjö̧ ja̧ weina badekwachinö kwiyaduwobö adebaduwakwö, —jö̧ba̧lö atjebinobe.
3Atjebiawö̧, Isabenö Jo̧ weinadanö tjiyinobe jelesokwena israel jojodöma, bakwasokwena jojodöma idöda tjitebo comunidadtjö 'da̧batö tjiyinobe, levisaso jojodö tjitebo baibanö, comunidadbiyabi, comunidad ö'öbö mejebi. Baikwö laebobe tjiyina jawama:
4Inawiya jabö tjedenama, Diosma i̧sȩbinobe, Levisaso jojodötjö abönö Coat itji̧mu tupadanö jojodönö tjiyobö. Jo̧kwajabetjö̧, Dios i̧sȩbi̧danö, abönö Coat itji̧ tupadanö jojo Aaron ömöledönö tjiyinobe, Diostjö jojodötjö tjö̧'da̧de pjabatadönöma. Judasaso jododöbi, Simeonsaso jojodöbi, Benjaminsaso jojodöbi tjitea niji comunidad a̧li̧nösamutjö wapötakwa comunidadbiyama 'da̧batö tjiyinobe, Levisaso jojodötjö Aaron itji̧mu tupadanö jojodö tjitebo baibanö.
5Ja̧danö ju'wedö Coat itji̧mu tupadanö jojodö Aaron itji̧muböködönöma, Efrainsaso jojodöbi, Dansaso jojodöbi, Manasessaso ja'ö jojodöbi tjitea nijitjö domulataja jawa comunidadbiya tjiyinobe, ju'wedö Coat itji̧mu tupadanö jojodö tjitebo baibanö.
6Ja̧danö, Dios i̧sȩbi̧danö, Levisaso jojodötjö Gerson itji̧mu tupadanö jojodönöbi tjiyinobe. Isacarsaso jojodöbi, Asersaso jojodöbi, Neftalisaso jojodöbi, Manasessaso bakwachödö Basan nijinö ju̧kwadöbi tjitea nijitjö a̧li̧nösamutjö wapötakwa comunidadbiya tjiyinobe Gerson itji̧mu tupadanö jojodö tjitebo baibanö.
7Ja̧danö, Dios i̧sȩbi̧danö, Levisaso jojodötjö Merari itji̧mu tupadanö jojodönöbi tjiyinobe. Rubensaso jojodöbi, Gadsaso jojodöbi, Zabulonsaso jojodöbi tjitea nijitjö a̧linösamutjö dötölataja comunidadbiya tjiyinobe, Merari itji̧mu tupadanö jojodö tjitebo baibanö.
8Jejenö inawiya jabö edajadö, Levisaso jojodönö comunidadbiyabi, comunidad ö'öbö mejebi 'da̧batö tjiyinobe ju'wedö israel jojodöma. Ajayinö Isabenö Jo̧ Moisesnö tjiyobö weinadanö, badekwachinö tjiyinobe, levisaso jojodöbi otiwanö tjujuna̧lobö.
9-10Baikwö laebobe levisaso jojodönö tjiyina wȩyukwöja, tjiyina comunidad imi wȩyukwöjama: Inawiya jabö tjedenama, Coat itji̧mu tupadanö jojodötjö Aaron itji̧mu tupadanö jojodönö abönö tjiyobö badekwachinobe. Ja̧danö, Judasaso jojodöbi, Simeonsaso jojodöbi Aaron ömöledönö tjitea nijitjö tjiyinobe baikwö: 11Juda nijitjö mösa'iju jȩmi comunidad Quiriat Arba, ju'wi imi Hebron comunidadbi, comunidad yöne mejebi tjiyinobe. Jobe ajayinö ji̧nadö Anak jojodö tja'döminema Arba jö̧ba̧lö imikwinobe, jo̧kwajabetjö̧ jo̧ba iminö comunidad tjimidinobe, Quiriat Arba jö̧ba̧lö. 12Jejenö Hebron comunidad jobadönö tjiyinobe, jo̧kwaijayonö ö'öbö mejebi, pjei̧ comunidadbi, Caleb itebo baibanö tjiyinobe.
13Hebron comunidadma tjöeba̧lakwawa comunidad ji̧nobe, ja̧danö ja̧ comunidad tjö̧'da̧de pjabato̧ Aaron itji̧mu tupadanö jojodönö tjiyinobe. Ja̧danö, Libna comunidadbi, 14Jatir comunidadbi, Estemoa comunidadbi, 15Holon comunidadbi, Debir Comunidadbi, 16Ayin comunidadbi, Yuta comunidadbi, Bet Semes comunidadbi jobadönö tjiyinobe. Ja̧ jelemutjö ö'wejemu comunidadbi, ö'öbö ji̧ mejebi Judasaso jojodöbi, Simeonsaso jojodöbi Aaron itji̧mu tupadanö jojodönö tjiyinobe.
17Ja̧danö, Benjaminsaso jojodöma tjitea nijitjöbi tjiyinobe, Gabaon comunidadbi, Gueba comunidadbi, 18Analot comunidadbi, Almon comunidadbi. Ja̧ ö'wejemu jawa comunidadbi, ö'öbö ji̧ mejebi Aaron itji̧mu tupadanö jojodönö tjiyinobe. 19Okobe jwiinö ja̧ a̧li̧nösamutjö wapötakwa comunidadbi, ö'öbö ji̧ mejebi Aaron itji̧mu tupadanö jojodö, Diostjö jojodötjö tjö̧'da̧de pjabatadönö tjiyinobe, tjitebo baibanö.
20Ja̧danö, ju'wedö levisaso jojodötjö Coat itji̧mu tupadanö jojodönö, Aaron itji̧mu tupadanö jojodöböködönöbi tjiyinobe. Efrainsaso jojodöma tjitea nijitjö jobadönö tjiyinobe, 21tjöeba̧lakwawa comunidad mösa'iju jȩmi comunidad Siquenbi, Guezer comunidadbi, 22Quibsayin comunidadbi, Bet Joron comunidadbi. Ja̧ ö'wejemu jawa comunidadbi, ö'öbö ji̧ mejebi Efrainsaso jojodöma Coat itji̧mu tupadanö jojodönö tjiyinobe, tjitebo baibanö.
23Ja̧danö, Dansaso jojodöbi Coat itji̧mu tupadanö jojodönö tjiyinobe, Elteque comunidadbi, Guibeton comunidadbi, 24Ayalon comunidadbi, Gat Rimon comunidadbi. Ja̧ ö'wejemu jawa comunidadbi, ö'öbö ji̧ mejebi Dansaso jojodöma tjitea nijitjö jobadönö tjiyinobe, tjitebo comunidad baibanö. 25Ja̧danö Manasessaso ja'ö jojodöbi Coat itji̧mu tupadanö jojodönö tjiyinobe, Tanac comunidadbi, Gat Rimon comunidadbi. Ja̧ dötölataja comunidadbi, ö'öbö ji̧ mejebi Manasessaso ja'ö jojodöma Coat itji̧mu tupadanö jojodönö tjiyinobe, tjitebo comunidad baibanö. 26Okobe jwiinö Coat itji̧mu tupadanö jojodö, Aaron itji̧mu tupadanö jojodöböködönö tjiyinama, domulataja jawa comunidadbi, ö'öbö ji̧ mejebi tjiyinobe, Coat itji̧mu tupadanö jojodö tjitebo comunidad baibanö.
27Ja̧danö, Levisaso jojodötjö Gerson itji̧mu tupadanö jojodönöbi tjiyinobe ju'wedö israel jojodöma. Bakwachödö ju̧kwadö Manasessaso ja'ö jojodöma tjitea nijitjö tjiyinobe, tjöeba̧lakwawa comunidad Golan en Basan comunidadbi, Bestera comunidadbi. Ja̧ comunidadbi, ö'öbö ji̧ mejebi tjiyinobe, Gerson itji̧mu tupadanö jojodö tjitebo comunidad baibanö. 28Ja̧danö Isacarsaso jojodöbi jobadönö tjiyinobe, Cison comunidadbi, Daberat comunidadbi, 29Jarmut comunidadbi, Enganin comunidadbi. Ja̧ ö'wejemu jawa comunidadbi, ö'öbö ji̧ mejebi Gerson itji̧mu tupadanö jojodönö tjiyinobe, tjitebo comunidad baibanö. 30Ja̧danö Asersaso jojodöbi jobadönö tjiyinobe, Miseal comunidadbi, Abdon comunidadbi, 31Jelcat comunidadbi, Rejob comunidadbi. Ja̧ ö'wejemu jawa comunidadbi, ö'öbö ji̧ mejebi tjiyinobe, Gerson itji̧mu tupadanö jojodö tjitebo comunidad baibanö. 32Ja̧danö Neftalisaso jojodöbi tjitea niji tjiyinobe, tjöeba̧lakwawa comunidad Galilea niji comunidad Cedesbi, Jamot Dor comunidadbi, Cartan comunidadbi. Ja̧ wapötakwa comunidadbi, ö'öbö ji̧ mejebi tjiyinobe, Gerson itji̧mu tupadanö jojodö tjitebo comunidad baibanö. 33Okobe jwiinö Gerson itji̧mu tupadanö jojodönö tjiyinama, a̧li̧nösamutjö wapötakwa comunidadbi, ö'öbö ji̧ mejebi.
34Ja̧danö ju'wedö Levisaso jojodönö, Merari itji̧mu tupadanö jojodönöbi tjiyinobe ju'wedö israel jojodöma. Zabulonsaso jojodöma tjitea nijitjö Jocnean comunidadbi, Carta comunidadbi, 35Dimna comunidadbi, Nalal comunidadbi tjiyinobe. Ja̧ ö'wejemu jawa comunidadbi, ö'öbö ji̧ mejebi tjiyinobe, Merari itji̧mu tupadanö jojodö tjitebo baibanö. 36Ja̧danö, Rubensaso jojodöbi tjitea niji tjiyinobe, Beser comunidadbi, Yahaza comunidadbi, 37Cademot comunidadbi, Mefat comunidadbi. Ja̧ ö'wejemu jawa comunidadbi, ö'öbö ji̧ mejebi tjiyinobe, Merari itji̧mu tupadanö jojodö tjitebo baibanö. 38Ja̧danö Gadsaso jojodöbi tjitea niji tjiyinobe, tjöeba̧lakwawa comunidad Ramot de Galaadbi, Majanayin comunidadbi, 39Hesbon comunidadbi, Jazer comunidadbi. Ja̧ ö'wejemu jawa comunidadbi, ö'öbö ji̧ mejebi tjiyinobe, Merari itji̧mu tupadanö jojodö tjitebo baibanö. 40Jobekwö labebobe Levisaso jojodötjö ina tjitebo comunidad jwibadö Merari itji̧mu tupadanö jojodönö tjiyina jawa. Okobe jwiinö ju'wedö israel jojodö Merari itji̧mu tupadanö jojodönö tjiyinama, a̧li̧nösamutjö dötölata comunidad tjiyinobe, tjitebo comunidad baibanö.
41Okobe jwiinö israel nijitjö, Levisaso jojodöma cuarenta y ocho comunidad tjujuna̧linobe, comunidadbi, ö'öbö ji̧ mejebi. 42Okobe jwiinö comunidad tjujuna̧li̧ma, sule comunidadda tjitebo baibanöma tjujuna̧linokobe, comunidadbi tjujuna̧linobe, jobe otiwanö tjö̧jobö, ja̧danö ö'öbö ji̧ mejebi tjujuna̧linobe, tja̧jwimunöbi otiwanö tjiteada̧lobö.
43Jobekwö laebobe Isabenö Jo̧ israel jojodönö tjitebo baibanö iyina jawama. Damötjö Isabenö Jo̧ma tja'dödönö yöbawö ujuninobe, —Isabenö kwiteboduwi baibanö chiyakwo̧sa̧, —jö̧ba̧lö, ja̧danö yöbawö ujunina badekwachinö, isabenö jobadönö iyinobe. Ja̧danö, jejenö iyawö̧, tjitebo baibanö tjeminobe, ja̧danö tjitebokwena otiwanö tjö̧jinobe. 44Ja̧danö, damötjö tja'dödönö yöbawö ujuninadanö, Isabenö Jo̧ma jobadönö otiwanö pjaatinobe, tjöpöjojodökwö ölakwabikwawökönö, wene jwiinö tjö̧jobö. Jau, Isabenö Jo̧ Diosda jobadönö otiwanö pjaatinobetjö̧, tjöpöjojodötjö bakwo̧bi tjöba a'o ö̧jobö jwiinobe, isabenö okobe deinö tjöpöjojodönö tjujuluwobö Dios pjaatinobetjö̧.
45Isabenö okobe jwiinö Isabenö Jo̧ israel jojodönö yöbawö ujunina jawama, yöawinadanö badekwachinö pjaatinobe. Yöbawö ujunina jawatjö bakwöta jawabi waekwinokobe, okobe jwiinö yöawinadanö badekwachinobe, ja'yubebi waekwökönö.
Currently Selected:
Josué 21: WPC
Highlight
Share
Compare
Copy
Want to have your highlights saved across all your devices? Sign up or sign in
©2021, All Rights Reserved
