Josué 12
12
Israel jojodö tjujuluwina jawa
1Baikwö laebobe israel jojodö tjujuluwinawö̧ la'aka luwedö tjimibiya wȩyukwa'ye:
Jordan ojwe tjöbaledakwa̧ abönö, Jordan mikwödötjö jawo̧ laebobekwö ju̧kwadö la'aka luwedö Sijon mikwo̧nöbi, Og mikwo̧nöbi tjujuluwinobe, ja̧danö jobadö la'aka luwedö tjiteboinemi tjeminobe, idöda tjitebo niji̧ baibanö. Ja̧ nijima jalobe tjeminobe, Jordan mikwödötjö jawo̧ laebobekwö Araba ötjabobe tupakwönönö baibanö, ja̧danö jakwölakwö Arnon wabekotjö, u'dakwö ja̧'o Hermon mikwa'o baibanö. 2Jobadö la'aka luwedö tjujuluwinawö̧tjö bakwo̧ma Sijon mikwo̧. Jo̧ba Sijonma, amorreo jojodötjö la'aka luwo̧ ö̧jinobe, ja̧danö itebo la'aka comunidadma Hesbonnö ö̧jinobe, ja̧danö ju'wi itebo comunidadma Arnon wabekö ö'öbö jȩmi comunidad Aroer mikwobe. Okobe jwiinö jo̧ba Sijon yöbawö weinemima, baikwö laebobe: Arnon wabeko ja'ötjö, u'dakwö Jaboc ojwe baibanö weinobe, ja̧danö jawo̧ laebobekwö amonitas jojodö tjitebo ö'öbö ichibanö. Ja̧danö Galaad nijitjö ja'ö, a̧li̧kwö jawa niji weinobe Sijonma. 3Ja̧danö ju'wibi, okobe jwiinö Jordan mikwödötjö jawo̧ laebobekwö Araba ötjabobe niji̧ weinobe, Galilea o̧pesobutjö jamatö, jawo̧ laebobekwö bajalenö weinobe, ja̧danö a̧likwö jwaibalawa Mar Muerto ötjabawa ö'öbö comunidad Bet Yesimotbe ichibanö, ja̧danö jemi tupakwö mösa'o Pisga mikwa'o ö'öböbe ichibanö. Okobe jwiinö ja̧ nijima la'aka luwo̧ Sijon mikwo̧ma weinobe, ja̧danö israel jojodöma jo̧banö tjujuluwinobe, ja̧danö juluwajadö, iteböinemi 'dötjebinobe.
4Ja̧danö jelo̧ la'aka luwo̧nöbi tjujuluwinobe, Basan niji̧ la'aka luwo̧ Og mikwo̧nö. Ogma inesö ödöbaedö refaitas ötjabawö̧tjö bajaleapo ji̧na. Jo̧ba itebo la'aka comunidadma, ju'wikwena Astarot comunidadnö ja̧nö weinobe, ja̧danö ju'wikwenama Edrey comunidadnö ja̧nö weinobe. 5Jo̧ba weinemi nijima baikwö laebobe: U'dakwö ja̧'o Hermon mösa'otjö Salcabe ichibanö weinobe, ja̧danö okobe jwiinö Basan niji, Guesur jojodö tjitebo baibanö, ja̧danö Maca jojodö tjitebo baibanö weinobe, ja̧danö a̧likwö Sijon itebo ichibanö weinobe. Jejenö Galaad nijitjö, Ogma ja'ö u'dakwö jawa niji̧ weinobe, ja̧danö Sijonma Galaad nijitjö a̧likwö jawa niji weinobe.
6Isabenö Jo̧ ömöayo̧bina Moisesma, ju'wedö israel jojodökwö jobadönö tjölakwabikwawinobe, ja̧danö jobadönö tjujuluwinobe. Ikenama, jobadönö juluwajo̧, jobadö tjiteboinemi Moisesma#12:6 Tjiwenenö yemidanö Isabenö Jo̧ ömöayo̧bina Moises jö̧ba̧lö laebobe. , Rubensaso jojodönöbi, Gadsaso jojodönöbi, Manasessaso ja'ö jojodönöbi 'da̧batö iyinobe, tjitebo baibanö. Jobekwö laebobe Jordan ojwe jawo̧ laebobekwö ji̧nadö inesö la'aka luwedönö tjujuluwina jawa.
7Ja̧danö, bakwachödö Jordan ojwetjö jawo̧ meajobekwö ju̧kwadö inesö la'aka luwedöbinadö Josuebi, ju'wedö israel jojodöbi tjujuluwina jawama baikwö laebobe. Jordantjö jawo̧ meajobekwö ju̧kwadönö tjölakwabikwawinobe, ja̧danö ölakwabikwawö tjujuluwinobe. Ikenama, juluwajo̧, Josuema jobe ajayinö ji̧nadö tjiteboinemi, 'da̧batö iyinobe, bakwasokwena jojodö tjitebokwena baibanö. Ja̧ tjujuluwinemi nijima baikwö laebobe: Lebano wabeko jȩmi comunidad Baal Gad comunidadtjö, a̧likwö ja̧'o Seir mösa'o badeibösa'o Jalac mikwa'obe ichibanö tjujuluwinobe. 8Ja̧ nijima mösa'iju jȩmi nijibi, ba̧ba̧lawobebi, Araba ötjabobebi, mösa'iju ö'öbö nijibi, judea nijitjö jojodö deobebi, a̧li̧kwöchobe Neguev ötjabobebi. Ja̧ nijima, ajayinö hitita jojodöbi, amorreo jojodöbi, cananeos jojodöbi, heveos jojodöbi, jebuseos jojodöbi tjitebo ji̧nemima, jo̧kwaijayonö Josuebi ju'wedö israel jojodöbi jobadönö tjujuluwinobe.
9Jobadö Josue ujuluwinawö̧ la'aka luwedöma, bidö:
Jerico comunidad la'aka luwo̧nöbi
# 12:9 Tjiwenenö Betel ö'öbö comunidad Hai jö̧ba̧lö laebobe. Hai comunidad la'aka luwo̧nöbi,
10Jerusalén comunidad la'aka luwo̧nöbi,
Hebrón comunidad la'aka luwo̧nöbi,
11Jarmut comunidad la'aka luwo̧nöbi,
Laquis comunidad la'aka luwo̧nöbi,
12Eglón comunidad la'aka luwo̧nöbi,
Guézer comunidad la'aka luwo̧nöbi,
13Debir comunidad la'aka luwo̧nöbi,
Guéder comunidad la'aka luwo̧nöbi,
14Jormá comunidad la'aka luwo̧nöbi,
Arad comunidad la'aka luwo̧nöbi,
15Libná comunidad la'aka luwo̧nöbi,
Adulán comunidad la'aka luwo̧nöbi,
16Maquedá comunidad la'aka luwo̧nöbi,
Betel comunidad la'aka luwo̧nöbi,
17Tapúaj comunidad la'aka luwo̧nöbi,
Héfer comunidad la'aka luwo̧nöbi,
18Afec comunidad la'aka luwo̧nöbi,
Sarón comunidad la'aka luwo̧nöbi,
19Madón comunidad la'aka luwo̧bi,
Jazor comunidad la'aka luwo̧nöbi,
20Simrón Merón comunidad la'aka luwo̧nöbi,
Acsaf comunidad la'aka luwo̧nöbi,
21Tanac comunidad la'aka luwo̧nöbi,
Meguido comunidad la'aka luwo̧nöbi,
22Cedes comunidad la'aka luwo̧nöbi,
Carmelo niji comunidad Jocneán la'aka luwo̧nöbi,
23Nafot Dor niji comunidad Dor la'aka luwo̧nöbi,
Goyim de Guilgal la'aka luwo̧nöbi
24Tirsá comunidad la'aka luwo̧nöbi.
Okobe deinö jobadö inesö la'aka luwedönö, treinta y unobedönö tjujuluwinobe, Josuebi, ju'wedö israel jojodöbi. #12:24 Damötjö̧, Diosnö ösödöködöma, ba̧jȩkwadö tjomukwatinobe jobadötjö inesö la'aka luwo̧nö, diosbo̧, jö̧ba̧lö. Jo̧kwajabetjö̧, okobe deinö comunidadkwena luwedö inesö la'aka tjuluwo̧nö tjujuluwina yöbawö, Diosma i̧sebinena, okobe deinö diosbedö tjomukwatawö̧nöbi juluwo̧, jö̧ba̧lö.
Currently Selected:
Josué 12: WPC
Highlight
Share
Compare
Copy
Want to have your highlights saved across all your devices? Sign up or sign in
©2021, All Rights Reserved
