1 Crónicas 2
2
Israel itji̧mu
1Israel mikwo̧ itji̧mu ömadöma bidö: Ruben mikwo̧bi, Simeon mikwo̧bi, Levi mikwo̧bi, Juda mikwo̧bi, Isacar mikwo̧bi, Zabulon mikwo̧bi, 2Dan mikwo̧bi, Jose mikwo̧bi, Benjamin mikwo̧bi, Neftali mikwo̧bi, Gad mikwo̧bi, Aser mikwo̧bi.
Juda itji̧mu tupadanö jojodö
3Ja̧danö, Israel itji̧ Juda itji̧muma bidö: Ilekwo cananeo jojosuju Bet-sua mikwuju jitji̧muma, Er mikwo̧bi, Onan mikwo̧bi, Sela mikwo̧bi. Jo̧kwaijayonö, Juda itji̧ abönö pöe Erma Isabenö Jo̧ öba a'otjö sulabenö ja̧inobe, ja̧danö sulabenö ja̧iökwe, Ernö kwabö loinobe Isabenö Jo̧ma. 4Ja̧danö, ju'wedö itji̧munöbi i̧tji̧kwinobe Judama, o̧jo̧liju Tamar mikwujunötjö, Farez mikwo̧nöbi, Zera mikwo̧nöbi. Okobe deinö Juda itji̧mu ömadöma, bakwamubedönö itji̧kwinobe.
5Ja̧danö, Juda itji̧ Fares itji̧muma, bidö: Hezron mikwo̧bi, Hamul mikwo̧bi.
6Ja̧danö Juda itji̧ Zerama itji̧mu ömadö bakwamubedönö itji̧kwinobe, bidö: Zimri mikwo̧bi, Etan mikwo̧bi, Heman mikwo̧bi, Calcol mikwo̧bi, Darda mikwo̧bi. 7Ja̧danö Zimri itji̧mu tupadanö jojodötjö, Carmi itji̧ Acan mikwo̧ma, wene jwöebinobe israel jojodönö, Diosda itea baibanö 'da̧batö tjujunina jawa iteda ujuna̧lotö jö̧ba̧lö emibinobetjö̧.#2:7 Jos 7laebobe ja̧ baledina jawa. 8Ja̧danö Etan itji̧ma, Azarias mikwo̧.
David a'dödö tjimibiya wȩyukwa'ye
9Fares itji̧ Hezron itji̧muma bidö: Jerameel mikwo̧bi, Ram mikwo̧bi, Caleb mikwo̧bi. 10Ja̧danö Hezron itji̧ Ramma, Aminadab mikwo̧ abe'doinobe#2:10 Ajayi tjiwenenö, bakwo̧ itiji̧nöbi, itji̧ tupadanö jojonöbi, bakwainö itji̧ jö̧ba̧lö ötjabinobe. Ja̧danö bakwo̧ abe'donöbi, a'dönöbi, baikwainö abe'do jöba̧lö ötjabinobe. Jo̧kwajabetjö̧, bi̧ya wȩyukwa'yetjö bakwo̧ jelo̧ abe'do jö̧ba̧lö laebenama, a'dödötjö bakwo̧ jö̧ba̧lö wanekwachena. Juda ö̧jelö, David ö̧jena baibanö ocho cientos o̧biya baledinajayonö, bi'yenö Davidtjö ajayinö ji̧nadö tjimibiya sule domulatajabedö laebobe.. Ja̧danö Aminadabma Juda jojodötjö luwo̧ Naason mikwo̧ abe'doinobe. 11Ja̧danö Naasonma Salmon mikwo̧ abe'doinobe. Ja̧danö Salmonma Booz mikwo̧ abe'doinobe. 12Ja̧danö Boozma Obed mikwo̧ abe'doinobe. Ja̧danö Obedma Isai mikwo̧ abe'doinobe.
13Ja̧danö Isai itji̧mu ömadöma bidö: Abönö pöema, Eliab mikwo̧, ikena jojo Abinadab mikwo̧, ikena jojo Simea mikwo̧, 14ikena jojo Natanael mikwo̧, ikena jojo Radai mikwo̧, 15ikena jojo Ozem mikwo̧, ikena jojo David mikwo̧.#2:15 Jele'yenö laebobe, Isai itji̧mu ömadöma jelemutjö wamedukwa jö̧ba̧lö, jo̧kwaijayonö bi'yenö sule jelemutjö du̧ju̧taja tjimibiya laebobe. Öwawökö jelo̧ imi tajawedö laebokojobö jö̧ba̧lö. 16Ja̧danö Isai itji̧mu ya̧döma, bidö: Sarvia mikwujubi, Abigail mikwujubi. Ja̧danö Sarviama jitji̧mu ömadö wamedukwanö jeminobe, Abisai mikwo̧nöbi, Joab mikwo̧nöbi, Asael mikwo̧nöbi. 17Ja̧danö Abigailma jitji̧ Amasa mikwo̧nö jeminobe, ja̧danö Amasa abe'doma, Ismael itji̧mu tupadanö jojodötjö bakwo̧ Jeter mikwo̧.
Ju'wedö Hezron itji̧mu tupdadanö jojodö tjimibiya wȩyukwa'ye
18Hezron itji̧ Caleb mikwo̧ma, ilekwo Azuba, ju'wi jimi Jeriot mikwujunö eminobe, ja̧danö Azubama Caleb itji̧munö jeminobe, bidö: Jeser mikwo̧nöbi, Sobab mikwo̧nöbi, Ardon mikwo̧nöbi. 19Jemi ikenama Azubama ö'wö bajibinobe, ja̧danö ö'wö bajibaja̧ ikena, jelujunö eminobe Calebma, Efrata mikwujunö, ja̧danö Efratama Caleb itji̧ Hur mikwo̧nö jeminobe. 20Ja̧danö Hurma Uri mikwo̧ abe'doinobe, ja̧danö Urima Bezalel mikwo̧ abe'doinobe.
21Ja̧danö, Hezron ida̧ökö sesenta o̧biya ujuna̧lenama, Galaad abe'do Makir itjijunö eminobe, ja̧danö jobuju ilekwokwö ö̧jinobe, metu'wo bajibanö. Ja̧danö, metu'wo babibaju, Hezron itji̧ Segub mikwo̧nö jeminobe. 22Ja̧danö, Segubma Jair mikwo̧ abe'doinobe#2:22 Chedemi abe'do laebi̧ma, ajayinö ji̧na jö̧ba̧lö wanekwachena, lekwe o̧biya baledibaja̧ ikena Galaad nijibe tjichibinobetjö̧., ja̧danö Jairma Galaad niji comunidadbiya veintitres comunidadbiya la'aka luwo̧ ö̧jinobe. 23Jobe Jair itebo comunidadbiyanöbi, Kenat comunidadnöbi, ju'wi jobe ji̧ sesenta comunidadbiyanöbi, Galaad abe'do Makir itji̧mu tupadanö jojodö tjö̧jinemi comunidadbiya, jo̧kwaijayonö ja'yubenö lekwajabetjö Gesur niji jojodöbi, Siria niji jojodöbi jobadönö tjujuluwinobe, ja̧danö ja̧ comunidadbiya israel jojodötjö 'dötjebinobe.
24Itji̧ jelo̧nöbi itji̧kwinobe Hezronma. Caleb-Efrata mikwobe comunidadnö ja̧nö ö'wö baibinobe Hezronma, ja̧danö ö'wö baibaja̧ ikenama, ilekwo Abias mikwujuma itji̧ Asur mikwo̧nö jeminobe. Ja̧danö Asurma Tecoa mikwo̧ abe'doinobe.
Hezron itji̧ Jerameel itji̧mu tupadanö jojodö
25Hezron itji̧ abönö pöe Jerameel mikwo̧ itji̧mu ömadöma bidö: Abönö pöe Ram mikwo̧bi, Buna mikwo̧bi, Oren mikwo̧bi, Ozem mikwo̧bi, Ahias mikwo̧bi. 26Ja̧danö Jerameelma jeluju ilekwonöbi ujuna̧linobe Atara mikwujunö, ja̧danö Atarama Jerameel itji̧ Onam mikwo̧nö jeminobe.
27Ja̧danö Jerameel itji̧ abönö pöe Ram mikwo̧ itji̧muma bidö: Maaz mikwo̧bi, Jamin mikwo̧bi, Equer mikwo̧bi.
28Ja̧danö Jerameel itji̧ Onam mikwo̧ i̧tji̧muma bidö: Samai mikwo̧bi, Jada mikwo̧bi. Ja̧danö Samai itji̧muma bidö: Nadab mikwo̧bi, Abisur mikwo̧bi. 29Ja̧danö Abisur ilekwoma, Abihail mikwuju, ja̧danö Abihailma Abisur itji̧mu Ahban mikwo̧nöbi, Molid mikwo̧nöbi jeminobe.
30Ja̧danö Samai itji̧ Nadab mikwo̧ itji̧muma bidö: Seled mikwo̧bi, Apaim mikwo̧bi. Ja̧danö, Seledma itji̧mu ina deayi ö'wö baibinobe. 31Apaim itji̧ma Isi mikwo̧. Ja̧danö Isi itji̧ma Sesan mikwo̧. Ja̧danö Sesan itjijuma Ahlai mikwuju.#2:31 öwawökö Ahlaima tinö wanekwachojobö jö̧ba̧lö. Ju'wedö tjedemi, Ahlaima Sesan itjiju, ja̧danö ju'wedö tjedemi, Ahlaima Sesan itji̧ tupadanö jojo.
32Ja̧danö Samai öjawo̧ Jada mikwo̧ itji̧muma bidö: Jeter mikwo̧bi, Jonatan mikwo̧bi. Ja̧danö, Jeterma itji̧mu ina deayi ö'wö baibinobe. 33Ja̧danö Jonatan itji̧muma bidö: Pelet mikwo̧bi, Zaza mikwo̧bi. Jobekwö laebobe Jerameel mikwo̧ itji̧mu tupadanö jojodö tjimibiya wȩyukwa'yema.
34Sesan mikwo̧ itji̧mu ömadöma deinobe, itji̧mu ya̧dönöda itji̧kwinobe Sesanma. Ja̧danö, Sesanma iteda ömöayo̧ Egipto jojonö ujuna̧linobe, Jarha mikwo̧nö, 35ja̧danö Sesanma itjijunö weinobe, ömöayo̧ Jarha ilekwo bajibanö, ja̧danö Sesan itjijuma Atai mikwo̧nö jeminobe. 36Ja̧danö Ataima Natan mikwo̧ abe'doinobe. Ja̧danö Natanma Zabad mikwo̧ abe'doinobe. 37Ja̧danö Zabadma Eflal mikwo̧ abe'doinobe. Ja̧danö Eflalma Obed mikwo̧ abe'doinobe. 38Ja̧danö Obedma Jehu mikwo̧ abe'doinobe. Ja̧danö Jehuma Azarias mikwo̧ abe'doinobe. 39Ja̧danö Azariasma Heles mikwo̧ abe'doinobe. Ja̧danö Helesma Elasa mikwo̧ abe'doinobe. 40Ja̧danö Elasama Sismay mikwo̧ abe'doinobe. Ja̧danö Sismayma Salun mikwo̧ abe'doinobe. 41Ja̧danö Salunma Jecamias mikwo̧ abe'doinobe. Ja̧danö Jecamiasma Elisama mikwo̧ abe'doinobe.
Caleb itji̧mu tupadanö jojodö
42Jerameel öjawo̧ Caleb itji̧muma bidö: Caleb itji̧ abönö pöe Mesama, Zif mikwo̧ abe'doinobe, ja̧danö Caleb itji̧ ikena jojo Maresama Hebron mikwo̧ abe'doinobe. 43Ja̧danö Hebron itji̧muma, bidö: Core mikwo̧bi, Tapuaj mikwo̧bi, Requen mikwo̧bi, Sema mikwo̧bi. 44Ja̧danö Semama Raham mikwo̧ abe'doinobe. Ja̧danö Rahamma Jorcan mikwo̧ abe'doinobe.
Ja̧danö Hebron itji̧ Requenma Samay mikwo̧ abe'doinobe. 45Ja̧danö Samayma Maon mikwo̧ abe'doinobe. Ja̧danö Maonma Betsur mikwo̧ abe'doinobe.
46Calebma jeluju ömöayujudanö ilekwonö ujuna̧linobe, Efa mikuwujunö, ja̧danö Efama Caleb itji̧mu Jaran mikwo̧nöbi, Mosa mikwo̧nöbi, Gazez mikwo̧nöbi jeminobe. Ja̧danö Jaranma Gazez mikwo̧ abe'doinobe.
47Ja̧danö Jahdai#2:47 öwawökö Jahdaima tijö jö̧ba̧lö. mikwo̧ itji̧muma bidö: Regem mikwo̧bi, Jotan mikwo̧bi, Guesan mikwo̧bi, Pelet mikwo̧bi, Efa mikwo̧bi, Sagaf mikwo̧bi.
48-49Calebma jeluju ömöayujudanö ilekwonöbi ujuna̧linobe, Maca mikwujunö, ja̧danö Macama Caleb itji̧mu Seber mikwo̧nöbi, Tirjana mikwo̧nöbi, Sagaf mikwo̧nöbi, Seva mikwo̧nöbi jeminobe. Sagafma Madmana abe'doinobe, ja̧danö Sevama Macbena mikwo̧bi, Guibea mikwo̧bi tjabe'doinobe. Ju'wibi Calebma itjijunö ujuna̧linobe, Acsa mikwujunö.
50Ju'wedöbi Caleb itji̧mu tupadanö jojodö tjö̧jinobe, bidö: Caleb ilekwo Efrata mikwuju jitji̧ abönö pöe Hur mikwo̧ itji̧muma bidö: Quiriat Yearin comunidad otidina Sobal mikwo̧bi, 51Belen comunidad otidina Salma mikwo̧bi, Bet Gader comunidad otidina Jaref mikwo̧bi.
52Ja̧danö Quiriat Yearin comunidad otidina Sobal itji̧mu tupadanö jojodöma bidö: Haroe jojodöbi, manajetitas jojodötjö ja'öbi, 53Quiriat Yearin comunidadnö ju̧kwadö sasokwena jojodöbi. Quiriat Yearin sasokwena jojodöma bidö: Itritas jojodöbi, futitas jojodöbi, sumatitas jojodöbi, misraitas jojodöbi. Ja̧danö jobadötjö ju'wedö tupadanö sasobedö tjö̧jinobe, zoratitas jojodöbi, estaolitas jojodöbi.
54Ja̧danö Belen jojodötjö ajayinö ji̧na Salma itji̧mu tupadanö jojodöma bidö: Netofatitas jojodöbi, Atrot Bet Joab jojodöbi, manajetitas jojodötjö ja'öbi, zoreitas jojodöbi.
55Ju'wibi Jabes comunidadnö wȩyukwawa otidadö sasokwena jojodö tjö̧jinobe, bidö: Tirateos jojodöbi, simeatoeos jojodöbi, sucateos jojodöbi. Jobadöma Recab jojodötjö ajayinö ji̧na Jamat itji̧mu tupadanö jojodö, ja̧danö quenitas jö̧ba̧lö ötjabawö̧.
Currently Selected:
1 Crónicas 2: WPC
Highlight
Share
Copy
Want to have your highlights saved across all your devices? Sign up or sign in
©2021, All Rights Reserved
